#1  
قديم 31/12/2001, 05:27 PM
موقوف
تاريخ التسجيل: 30/12/2001
المكان: shagra
مشاركات: 446
Thumbs down رحل ابواثنين .. انبسط يابندر .. وفل حجاجك يابن مصيبيح ..!؟

بسم الله الرحمن الرحيم

رحل النجم الكبير والمخلص فيصل ابواثنين بعد ان واجه حمله منظمة وقحه دوافعها شخصيه لاعلاقة لها بالهلال لامن قريب ولا من بعيد ...

فقد تعرض لكل انواع التطفيش من مسؤول الحضور والانصراف ابن مصيبيح بأيعاز من صاحب المصلحه من كل ذلك بندر بن محمد الذي اراد ان يصفي حساباته الشخصيه على حساب الهلال الكيان , بالرغم من اعتذار ابواثنين له ..

وللاسف الشديد ان هناك من انساق خلف من قال ان ابعاد ابواثنين جاء لعدم انتظامه .. مع ان المعروف ان ابواثنين لاعب مخلص ومحافظ على التمارين وهو على اقل تقدير يعتبر من امثال سامي والشلهوب والدوخي في المواظبه , صحيح انه لم يكن مثل الشريده في مواظبته لكنه على الاقل افضل من البعض من امثال ابناء المصيبيح ونجومه الافذاذ المرضي عنهم النزهان وتركي القحطاني وحسن العتيبي والمسعري وباقي شلة الانس ...

لاادري على من سيكون الدور بعد ابواثنين وخميس والتيماوي .. الثنيان حاول وحاول ابن مصيبح ومعه ابن عمه الغبي احمد المصيبح ابعاده لكنهم لم يستطيعوا لان الثنيان خلفه جماهيريه تنسف ابن مصيبيح ومعه ولد عمه .. ربما يكون الجمعان هو التالي فحملة جريدة الرياض عليه تقول كذا , لكن نأمل ان يوقف ابن مصيبيح ومن معه عند حدهم ...

عموما مااقول الا الله لا يجزا ابن مصيبيح خير يوم انه يدرس فن الاداره في انجلترا ويشتغل اداري في مانشيستر خمس سنوات وليفربول ثلاث سنين ... ثم يجي بدون مقدمات و يطبق اللي تعلمه عندنا بهالسرعه خصوصا وحنا والشكوى لله تونا في المسائل هذي ماحنا قد فيلسوف زمانه ابن مصيبيح اللي فاهم فن الاداره على اصوله واللي من اساسياته طفش تعش تنتعش ****



اوين ,,

اخر تعديل كان بواسطة » مخاوي البطولات في يوم » 02/01/2002 عند الساعة » 02:09 AM
  #2  
قديم 31/12/2001, 07:19 PM
موقوف
تاريخ التسجيل: 01/12/2000
المكان: [email protected]
مشاركات: 114
احترم االرموز من انت يا؟

اخي العزيز يجب ان يكون طرحك حظاري حتى نقبله فلاسماء التي ذكرتها هي من الرموز الرياضيه ويجب ان نحترمها وكذالك الاعب فيصل خدم النادي والمنتخب
سمو الامير بندر من افضل الرؤساء الذين مرو على نادي الهلال
فهد المصبيح لاعب دولي وخلق
  #3  
قديم 31/12/2001, 07:28 PM
زعيــم متواصــل
تاريخ التسجيل: 17/12/2000
المكان: الرياض
مشاركات: 161
هلا اخوي اوين

ياخي بالرغم ان ابن مصيبيح هو سبب مشاكل النادي الا ان مشكله بعض الجمهور الهلالي اكبر من مشكله ابن مصيبيح وذلك بسبب تطبيلهم وتمجيدهم لافعاله السيئه فابن مصيبيح انسان واكيد يتاثر بماحوله من مدح متمثلا بجريده عمه ( الرياض) اظافه الى بعض الجماهير التي تتغنى بماضيه وتغمض عيونها عن ادارته السيئه وبمباركه كامله من رئيس النادي الامير سعودبن تركي وهانحن للاسف نجني ثمار تلك الثقه العمياء بابن مصيبيح
النجوم يتساقطون الواحد تلو الاخر والانديه تتطاول على النادي ونجومه وعش رجب ترى العجب

خميس العويران
فيصل ابو اثنين
خالد التيماوي
وكاد يلحق بهم يوسف الثنيان ولاانسى خاتمه صالح السلومي السيئه بسبب ابن مصيبيح

يافهد المصيبيح الى متى بس ؟؟؟؟

تحياتي لك اخوي اوين على طرح هالموضوع لعل وعسى تنقشع الغيوم عن بعض الجماهير التي انكرت حتى فضل جريده الجزيره والسبب لانها لاتحب اداره المصيبيح السيئه وكان المطلوب منها ان تغمض عيونها ولا تكتب الا ماهو جميل عن الابن الدلل فهد المصيبيح
  #4  
قديم 31/12/2001, 07:34 PM
زعيــم متواصــل
تاريخ التسجيل: 20/11/2001
مشاركات: 163
اعــــــــصــــــــابــــــــــــــــكـــــــــــم
  #5  
قديم 31/12/2001, 09:05 PM
زعيــم مميــز
تاريخ التسجيل: 30/11/2001
المكان: روضـة سـدير
مشاركات: 1,695
ليش مايكون السبب فيصل

يبي يسوي كل شي وخلوني على مزاجي
!!!!!!!!!!!!
  #6  
قديم 31/12/2001, 10:01 PM
زعيــم متواصــل
تاريخ التسجيل: 09/12/2000
المكان: الرياض
مشاركات: 142
Unhappy معليش ما عندك سالفه

بسم الله

هلا أخوي اوين ,, كلامك للأسف ماهو بصحيح و كله كلالالالالام فاضي و لا اسا له من الصحة

من قال بأن المصيبيح هو من خلى خسيس العويران يترك الهلال ,, خسيس بغى فلوس و الإداره ما عطته فراح للإتحاد ,, هذي السالفة بكل بساطة ,, ليه تدخل المصيبيح في النص ,, الا علشان حاجه في نفسك .

و بعدين فيصل لاعب محبوب و انا شخصيا اصنفه من ممنزله ابو يعقوب و سامي و نواف .

بس لو تلاحظ بأن نواف يمدح في المصيبيح و سامي يثني على فهد المصيبيح و لكن ابو ثنين يذم المصيبيح و انا عندي في وجهه نظري بأن نواف يؤخذ برايه على عكس فيصل .

فيصل عيبه انه دائما يقول و يردد بأنه ما يلعب كوره علشان الراتب و الفلوس ,, يلعب علشان الهلال ,, و قصده للأسف هو التحكم في الهلال و هذا اللي ما نقبله لا من فيصل ولا من 10 زيه .

فالهلال الكيان ما بعد جاء اللي يتحكم فيه او يمشيه على كيفه , ليه لأن الله معطيه ولا هو بحاجه الماده .

ما اقول الا ياليت يظل المصيبيح مديراً للكرة مادام الهلال موجود ,, و ليت ابو ثنين يرجع للهلال بس ينضبط و يخلي عنه دور الوكيل و المحامي عن اللاعبين الآخرين

و بالنسبة لبندر بن محمد ,, صدقني انك ظلمت واحد من افضل الرؤساء اللي مروا على الهلال ,, صحيح ان له عيوب لكن افعاله الحلوة طغت على عيوبة

و تقبل خالص تحياتي اخوي و عزيزي أوين

أخوك مشفر ;)
  #7  
قديم 31/12/2001, 11:30 PM
زعيــم نشيــط
تاريخ التسجيل: 19/12/2001
مشاركات: 839
اكيد خل العالم تنبسط وتفرفش بخروج فيصل

بس لاتتحمس بزود وانا اخوك
  #8  
قديم 31/12/2001, 11:41 PM
زعيــم متواصــل
تاريخ التسجيل: 14/12/2001
المكان: حايل
مشاركات: 65
Thumbs down أنت كذا

أين

أحترم نفسك الامير بندر يعتبر ركن من أركان الزعيم
ولا يجب منك تقول مثل هذا الكلام عن هادم لذات النثرواويين

وبعدين الاعب فيصل ابو أثنين هو من أخطا على سمو الامير بندر

وعفا عنه في وقته ونتها الموضوع

سمو الامير بندر هو من جمع أعضاء الشرف وقت رئاسته لنادي

وهو من جاب اسد اسيا
وبشار
والهويدي اللى أخطفه من ابو شنطه جنان
واحمد خليل

وحرام عليك تقحم الامير الغالي

والامير بندر فوق الشبهات
  #9  
قديم 31/12/2001, 11:54 PM
مشرف سابق في شبكة الزعيم
تاريخ التسجيل: 13/08/2000
مشاركات: 1,346
أخي أوين ،،،

ــ فيصل أبو اثنين لاعب كبير نهايته لا تتناسب مع ما قدمه للزعيم وأخطاؤه ــ كلاعب ــ كبيرة لكنها غفر أكبر منها للاعبين آخرين وعظمت أخطاء فيصل لأسباب كثيرة أهمها خطؤه على الأمير بندر بن محمد وتصريحه ضد المصيبيح .

ــ طبيعي جداً أن يكون لمدير الفريق موقف مع الجمعان اللاعب غير المبالي والمتعالي على الكرة ومن يفتقد للذكاء الرياضي داخل الملعب وخارجه .

ــ لا نريد أن نتهم صحف الهلال في كل مرة تشن حملة على هلالي كما حصل مع الرياض والجمعان ، فأخطاء الجمعان من الصعب تناسيها وليس هذا مجال تعدادها ، والرياض ومثلها الجزيرة لا تزال صحفاً زرقاء .

ــ كل الإداريين في جميع الأندية والبارزين منهم على وجه الخصوص لم يدرسوا فن الإدارة في إنجلترا ولم يزدادوا خبرة في ليفربول أو برشلونة !!!

نعم لانتقاد المصيبيح ولكن بأخاطائه الصريحة الواضحة وكذلك بالنقد الهادف البعيد عن السخرية والتشفي .
  #10  
قديم 01/01/2002, 12:57 AM
زعيــم جديــد
تاريخ التسجيل: 16/12/2001
المكان: العريجاءءءء
مشاركات: 14
اقووووووووووول

والله فيصل ابوثنين نجم مخلص بس لسانه طويل حبتين والامير بندر رمز

من رموز الهلال فيصل غلط على الامير ومحب الهلال ((( احمد المصيبيح )))

الي يحب الهلال ويخاف عليه سمع الامير بندر الكلام ويااااااقلب لاتحزن

تحياتي لااااااااااااااحمد المصيبيح الهلالي لووووووول
  #11  
قديم 01/01/2002, 06:56 PM
موقوف
تاريخ التسجيل: 30/12/2001
المكان: shagra
مشاركات: 446
Cool بسم الله الرحمن الرحيم

الاخ فهد المبارك .. يالحبيب ما فيه احد فوق النقد , ولو كل من فسد وفرق وطفش واستفز نبي نقول عنه رمز لايجب ان ينتقد فهذي والله مشكله والله يستر لا يجي بكرا من يقول النزهان رمز والمسعري اسطوره , وبعدين لو الشيخ عبدالرحمن بن سعيد او حتى الامبراطور صالح النعيمه اخطوا راح نتكلم عنهم كل حسب وجهة نظره مع العلم ان من ذكرت من الممكن ان يرتكبوا اخطاء لكن لايمكن ان يتمادوا فيها ويغلبوا مصالحهم وخلافاتهم الشخصيه على مصلحة الهلال كما فعل فيلسوف زمانه ابن مصيبيح او من يدعمه ... وما اقول الا الله يخلف على الهلال اذا كان من رموزه ابن مصيبيح واللي يدعمه

الاخ العزيز خالد .. اشكرك اخوي على مشاركتك وزي ماقلت مشكلة بعض الجمهور انهم يطبلون ويمدحون على الطالعه والنازله ويرددون كلام يسمعونه ولايعونه ويمدحون من يستحق السب ويسبون المخلص اللي يستاهل المدح وهذا اللي وصل الهلال لماهو عليه من اوضاع لاتخفى على احد ... والجزيره طالها ماطال ابواثنين للاسف والحمدالله ان مالهم سلطه عليها مثل ابواثنين والا كان ابن مصيبيح لفق لها كم كذبه عشان يفتك منها !!


الاخ رامي .. مشكور

الاخ الممنوع .. شف اخوي ابوحصه وش انت شايف من ابواثنين , شايفه مطالب بالرئاسه والا انت شايفه ماسك واحد من اللاعبين والا الاداريين ودابغه الين عظ الارض !!؟ ياليتك تسأل نفسك ابواثنين وش سوا وهل اللي سواه يستاهل ان حنا نخسره ؟!! وعلشان ابسطها لك ترا كل اللي سواه انه انتقد اوضاع الهلال اللي تدار بالبركه ونتايجها واضحه قدامك .. وسوا شي ثاني بعد وهو انه انتقد بندر بن محمد شخصيا عن طريق لقاء شخصي وليس صحفي مع الوضيع احمد المصيبيح ولد عم ابن مصيبيح اللي وبكل وقاحه ودنائه كان مسجل كلام ابواثنين ووصله لبندر .. ومن عقبها وبندر متقعد له تقول الرجال ذابح ابوه مع ان فيصل اعتذر له .. لكن !! الحقد ومايسوي !!!

الاخ مشفر .. اجل انت اللي عندك سالفه وانا قاعد ادورها

بغض النظر عن اختلافي معك وهل ابن مصيبيح له دخل في انتقال خميس العويران للاتحاد او لا .. كنت اتمنى انك ماتقول عن لاعب خدم الهلال مده طويله انه ( خسيس ) وهل الواحد اذا ترزق الله ودور مصلحته يكون خسيس !!؟؟؟؟

وبالنسبه لكونك تاخذ بوجهة نظر نواف فهذا شي خاص فيك .. اما انا فاخالفك لاني اخذ برأي فيصل ولا اخذ بوجهة نظر نواف لاني احس ان فيصل من النوع الصريح والمخلص ولايمكن يجامل على حساب الهلال مثل غيره ... وبالنسبه لكلامك على فيصل فياليت ترجع لكلامي على الاخ الممنوع ...

الاخ راوؤل الهلالي ... الله يجيب اليوم ونفتك فيه من ابن مصيبح ويضف عفشه ويرجع الهلال زي ماكان قل امين وابشر يالغالي ماعادنيب متحمس

الاخ بشار .. بندر هادم لذات النصراويين وركن من اركان الهلال بعد !! والله مشكله واحد يقول رمز وواحد يقول ركن .. خلاص انا اقولكم الحل نقول عنه ركز .. لانه مرتكز في الهلال بدون فايده سواء يوم كان رئيس او حتى يوم ترك الرئاسه نظريا مع انه مازال يدير النادي حاليا ...

الاخ العزيز ابوبدر ... قولك ان اخطاء فيصل تظخم اكثر من غيره صدقت فيه .. وخطاءه على بندر اعتذر عنه ويفترض ان تنتهي المشكله لكنها للاسف لم تنتهي .. اما تصريحه على ابن مصيبيح فقد قاله بعد ان بلغ السيل الزبى وبعد ان واجه حملة منظمه خلته يقول اللي قاله مع ان كل اللي قاله صحيح ...

هل كون الجمعان غير مبالي ومتعالي يجعلنا نسعى لتطفيشه ومن ثم تنسيقه !!؟ اليس من الافضل ان نصلح حاله ونحاول نعدل تفكيره بأسلوب احترافي وليس باسلوب عنتري غبي لكي لانخسر موهبه فذه اصبحنا نرى امثالها بالقطاره !!؟

للاسف ان جريدة الرياض تمشي على اسلوب مدير قسمها الرياضي الوضيع .. فهي تدس السم في العسل وليتك تدقق في مايكتب فيها وخصوصا مايكتبه مراسل الغفله اسامه النعيمه ..!

انا ماكتبت اللي كتبته عن ابن مصيبيح الا بعد ان رأيت بعض الجماهير يكتبون عن ابن مصيبح ومواهبه الاداريه الفذه وكأنه فيلسوف زمانه في الاداره .. وهو ما يعرف من الاداره الا اسمها للاسف ... وياليتك اخوي ابوبدر انتقدت من يتكلمون على ابواثنين بأسلوب اقل ما يقال عنه انه اسلوب سوقي مقارنة بما كتبت انا ..!!

عموما اشكرك على مشاركتك اخوي الغالي .

الاخ الزعيم زعيم ... فيصل لسانه طويل حبتين لكن بالحق مهوب بالباطل .. وسلملي على احمد المصيبيح الهلالي


اوين ,,
  #12  
قديم 01/01/2002, 08:20 PM
موقوف
تاريخ التسجيل: 30/12/2001
المكان: shagra
مشاركات: 446
Smile خطاء غير مقصود

.

اخر تعديل كان بواسطة » اوين في يوم » 01/01/2002 عند الساعة » 08:23 PM
  #13  
قديم 01/01/2002, 08:49 PM
مشرف سابق بمنتدى المجلس العام
تاريخ التسجيل: 02/12/2001
المكان: حيث الأمل
مشاركات: 5,600
الحقيقة ان الاخ العزيز اوين متعاطف جدا مع ابوثنين وهو يطالب الجميع بتطبيق مباديء هو نفسه لا يطبقها....

المعلوم لدى الجميع ان فيصل ممن يجمع الناس حوله (الشلليه) وفي وقت من الاوقات اصبح وجوده يؤثر على وحدة الهلال ...

شخصيا اعتقد ان الموضوع لا يستحق كل هذه الاثاره ...

انا اتفق جدا مع المشفر ويجب ان لا نسفه رموز الهلال تحت غطاء و حجة ان لا احد فوق النقد!!!!! هذا يجعلنا مثل نجم مسرحية دبي الرياضية الشهير
  #14  
قديم 01/01/2002, 09:09 PM
الصورة الرمزية الخاصة بـ المملكة
شاعرة الهلال
تاريخ التسجيل: 29/12/2001
المكان: الرياض
مشاركات: 7,889
عيب يالمطفوق ؟!!!!

يا أوين كونك عضواً جديداً وتريد أن تصل بسرعة البرق مطبقاً مبدأ الإيطالي ميكيافيلي " الغاية تبرر الوسيلة " لا يبرر لك التعرض لرموز الهلال المخلصين !! فماذا قدم أبو اثنين مقابل ما قدمه أحد الرؤساء الذهبيين بندر بن محمد ؟!!! وأحد الأعمدة الذهبية للهلال والمنتخب " المصيبيح " وأحد الإعلاميين الموضوعيين الراكدين " أحمد المصيبيح " جيت على طول " خبط لزق " كنك ماعمرك لقيت فرصة ؟!! يا أخي : صدقني فهد المصيبيح هو الإداري المناسب في هذا الوقت بالذات ما عندك إلا ناسٍ تبي فلوس وسهر وطق حنك إلا ما رحم ربك أمثال الرائع والقدوة نواف التمياط .. والشريدة .. والدعيع .. وغيرهم من بعض نجوم الهلال .. وسلم لي على سعود بن تركي اللي فاهم أعدقاء الهلال ومطنشهم ؟!!!!!!!!!!!!!!!!!!! المصيبيح يطبق الإحتراف ويحارب الإنحراف !!! هل فهمت ؟؟؟؟؟؟؟؟؟؟؟؟؟؟؟؟؟؟؟
  #15  
قديم 01/01/2002, 09:56 PM
زعيــم مميــز
تاريخ التسجيل: 21/09/2001
المكان: السعودية احلى بلد
مشاركات: 2,667
اوين؟؟
اقول اخوي كان لساااااانك طويل مثل فيصل ويبي لة تقصير؟؟
انا معاك كل اللي قالة فيصل صح بس اللي يبي يقول شي يقولة باسلوب واللي يببي ينقد ينقد بادب
فيصل غلط والادارة غلطت معاه
والنتيجة الهلال بيروح فيها؟؟
الادارة تغلط من جهة واللاعبين من جهة والجماهير ضايعة والنتيجة ؟؟
تعادل مع النجمة؟؟
الكل يغلط الادارة من صغيرها الى كبيرها ولكن من المفروض انو حنا مانحمل المسؤلية الى المصيبيح ونقول انو يشن حرب على الهلال ولاعبينة من خلال جريدة عمة ما ادري ولد عمة انا ما اعتقد ؟؟
مافي احد يتمنى الى النادي اللي يشتغل عشانة انو يخسر احسن لاعبية مثل التيماوي وفيصل وخميس
التيماوي انا ماعندي ادنى فكرة عن موضوع اعتزالة
اما خميس فاهو اللي اختار طريقة بنفسة والله يكتب لة في كل خطوة خير انشاء الله حنا ودعناة ومها صار اهو يبقى هلالي لكن تبقى مشكلة فيصل انو لا اهو ولا الادارة راضيين يتنازلون؟؟
الله يعين ويعاون وارد واعيد غلطة فيصل او بالاحرى ابتعادة عن اللعب سببها طول لسان فيصل وسوء تعامل مع طولة اللسان من قبل الادارة؟؟

وانشاء الله مايكون الجمعان مثلهم؟؟
وسلام من احلى بنت هلالية الى احلى زعيم؟
redheart
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:38 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube