الاخ راغب فن الزعيم .. الشكر اخوي لك ايضا على اسلوبك الراقي وحرصك على النادي وبحثك عن مصلحته .. اتمنى من كل قلبي ان تزول هذه الغمه ويعود الهلال كما كان هلال بنجومه الكبار والمخلصين هلال باحترام وجهة النظر الاخرى هلال الديمقراطيه لاهلال الديكتاتوريه والرأي الواحد لاهلال انصاف وارباع اللاعبين لاهلال ان لم تكن معي فأنت ضدي ...!!
مره اخرى مشكور اخوي .
الاخ seef .. تقول ان ابواثنين سب وشتم !!! قضية ابواثنين مع بندر اعتقد تكلمت عنها وقال فيها كلمه واحده تستحق الاعتذار واعتذر عنها الى هنا انتهى موضوع بندر او يفترض ان يكون انتهى ..! اما قضيته مع ابن مصيبيح فهو لم ينضر ولم يسب ولم يشتم ... وانما كل ماقام به انه انتقد وضع مأساوي ومزري يعيشه الهلال وهو وضع لم يستطع احد الحديث عنه الا فيصل لما عرف عنه من اخلاص وحب لهذا الكيان ولما عرف عنه ايضا من انه لايخاف في مصلحة الهلال لوم صاحب مصلحه شخصيه ولا تطفيش مدير كره ... لذلك قال ماقال ولذلك يجب ان نقف معه ونأيده ونتمنى ان يحذوا بقية اللاعبين حذوه ...
على فكره الجائزه اللي اعتبرتها ابرز الايجابيات للرياضه السعوديه
هي جائزه من مجلة الاهرام العربي المصريه وهي من المجلات اللي مالها مصداقيه يعني ممكن تخلي تركي القحطاني شخصية القرن الواحد والعشرين
بجرة قلم وبتحويل بنكي بسيط .. ولاتعتقد انها صحيفة الاهرام المصريه المعروفه ..!
وشكرا على المشاركه .
الاخت السلطانه .. الى متى نظل نفرط في النجوم ونقول الهلال اكبر من كل شي والهلال غير قائم على لاعب اولاعبين ..!؟؟ مافيه شيء من لاشيء الهلال يحتاج لتظافر الكل ليبقى زعيم وللاسف ان الرئيس ماعندك احد والاداره تسرح وتمرح وتفسد بقصد وبغير قصد ولم يبقى للهلال الا جمهوره ونجومه فهل نسمح بتساقط النجوم امامنا ونقف مكتوفي الايدي نتفرج !!!؟؟
وبالنسبه لشعرة معاويه للاسف ابن مصيبيح لو تعطينه ( سلسلة ) معاويه
قطعها والسبه تعنته وعنجهيته وتسلطه المبنى على جهله بفن الاداره ..! ومشكوره اختي على المشاركه .
الاخ نكوووووبي .. والله اعتقد ان امثال ابواثنين في الهلال يعدون على اصابع اليد الواحده .. فالمخلصين في هالوقت قله .. عموما اتمنى يكون لاعبي الهلال في مثل اخلاص هذا اللاعب الرائع والفذ .. واشكرك اخوي على كلامك الجميل ...