السلام عليكم ورحمة الله وبركاته

الله لايصبحكم ولايمسيكم الا بكل خير وعافيه

كيف حالكم يامعشر اخواننا المجاهدين في المجلس << (قايلكم لاعبتن بمخه

قناة المستقلة )


:: مدخل ::

والله وانا اخوكم مافي راسي مقدمه عاد انا اصعب مايواجهني في المواضيع المقدمه

ودي لو تعفوني منها ونعلن انفصالنا امام الناس وكل واحدن يروح بحال سبيله



يالربع انا تهورت وترددت وقررت اكتب لكم موقف صارلي قبل يومين وأخوكم في الله

للحين وهو مصدوم ووجهه صايرن تسنه عمود كهرب منعفج وصادمه ددسن غمارتين

يالربع كالعاده اذا قررب رمضان يتحركون الشباب ويستاجرون استراحة

مع اني مادري ليه الأستراحات ماتزين الا برمضان ابليس ملعوون يزين لك كل شي

يبعدك عن طاعة ربك وخصوصاً في هالشهر الفضيل

يالربع قبل يومين بعد المغرب طلعت انا وواحد من الشباب ندور استراحة عشان

نستاجرها في رمضان لزوم الجمعه بعد التراويح وبعد ماجمعنا قطه الشباب

رحنا نفر على الأستراحات اللي يقولنا بـ 4000 واللي يقول بـ 5000 عاااد حنا راس

مالنا 3500 تبونها والا يازين قعده البيت وعلى قناتنا الأولى وفوازير رمضان


مر علينا الوقت وحنا مالقينا استراحات رخيصه اللي يشوفنا يقول ذوولي ناويين

يعتكفون في الأستراحة برمضان


اذن العشاء ورحنا صلينا وقلنا خلنا ناخذ جولة أخيرة اذا مالقينا عاد نستسلم للأمر

الواقع ونزيد فلوسنا .. وبينما كنا نفرفر جات عيني على استراحه مهيب صاحيه

اللي يشوفها من برى يقول هاذي اسطبل حق خيول والا هي من داخل مجنوونه

وكشخه وفيها ملعب تسنه ملعب الرديف بنادي الهلال


عاد قبل لاندخلها قعدنا ندور حارس الأستراحة مالقيناه الا واشووف الباب حق القسم

النسائي مفتوح بس ماحدن يعرف انه مفتوح الا اللي يقرب يمه ويدزه

عاد اخوكم في الله وخويه درعموا مع الباب وبدوون لااحم ولادستور

ويوم دخلنا مالقينا احد في قسم النساء وقلنا خلنا نروح للقسم حق الرجال وبالفعل رحنا

واول مادخلنا طاحت عيوننا على الملعب انواااع الأغراااء حتى اني انا وخويي بغينا

نفرق ونلعب آخر واحد حارس من زود جلاوة الملعب

بس بالصدفه ويوم كنا نتجول في الأستراحة لفت نظرنا بيت الشعر شكله حلوو وكبير

بس سمعنا صووت صياح وضحك وانين وحفيف ونباح وكل شي يجوزلكم حطووه

طالع من بيت الشعر

وللأمانة انا خفت وقلت ياولد لاتكون عايلة ثم نبلش فيهم ويحسبونا حراميه

والا جايين لغرض مهوب زين ثم وش يفكنا منهم .. وخويي راكب راسه

الا يبي يعرف وش هالصوت .. وانا احاول اقنعه ياولد ياثور يابهيمه خلنا نطلع

قبل لايشوفونا والرجال رافض ويقولي تبي تطلع .. اطلع انت يازلابه

والله ويوم سمعت هالحكي وتطقني النخوه انا ولد ابوي افا ياذا العلم تقول عني زلابه

والله لأطخك بالبندق لين اطرحك صريعاً << لاتلومونه تووه شايفن مسلسل غليص


عاد انا وخويي جمعنا كامل قوانا العقلية والذهنية واللياقيه << لزوم النحشه

وقربنا من بيت الشعر وقعدنا نتعازم انت خش لاانت خش وابليس من خلفنا يقول

تخشوون والا اخش انا << والله انه كفوو هالأبليس

وفعلاً قعدنا نصوبر من خلف بيت الشعر وطلعت المفاجئة يال الهووول

انا يوم شفت هالمنظر بديت ابولع ريقي ماعمري شفت مثل هالمنظر الا بالحلم

وخويي داااخ وطاح علي ومادري وش جااه بس اظن انها اعراض الحمل


يالربع شفنا حارس الأستراحة البنقالي مستفرد بـ أمرأتين من بنات جلدته

وفي وضع غير أخلاقي استحي والله اقوله << يارجال انت قلته وخلصت

واشكالهم تلوع التسبد وريحة صنانهم واصله للأستراحة اللي جمبنا

لا عاااد أزيدكم من الشعر بيت طلعوا هالبنقاليه راعين مزاج وحاطين بوسط الجلسة

كاس خمر او شاني كما يحلو لأبوطلال تسميته

وبصراحه انا انصدمت ومن هوول الصدمة مادري وش اسووي انحاش والا اخش عليهم

واقوولهم كفشتكم والا ابلغ عليهم الهيئة واخليها تلعن ابو خيرهم

وخويي باقي مفهي وسعابيله تتقطر مهوب مصدق هالمنظر وده يقول وناسه

بس مستحي

وبصراحه وبيني وبينكم قررت انحاش وابلغ عليهم خفت لايجي البنقالي ويستفرد

فينا مثل مااستفرد ببنات جلدته خصوصاً انه شارب من هالخمر حتى الثماله

وبينما كنت اهم في النحشه تذكرت اني نسيت خويي المفهي عند بيت الشعر

ورجعت وسحبته مع خشته وطلعنا برى الأستراحة بس المشكلة مهيب هنا المشكلة اني

ماني حافظ رقم الهيئة .. والله وتطلع براسي فكرة دقيت على واحد من خويانا ملتزم

ودين ومؤذن في أحد المساجد .. واخذت منه رقم الهيئة حقت الحي اللي احنا ساكنين

فيه لأنها أقرب للأستراحة ودقينا عليهم ووصفت لهم الموقع و10 دقايق الا رجاااال

الحسبة بيض الله وجيهم جايين وبعيونهم شرار ودهم يكفخوون هالبنقالي

عاد رجال الهيئة ماشاء الله عليهم متعافين وجثث وفووق كذا كان معهم عسكري

ودخلوا الأستراحة ودخلنا معهم ودليناهم على المكان .. ودخلوا رجال الهيئة بيت الشعر

والصدمه تعلو محياهم من هالمنظر المشين والغير أخلاقي وامسكوا على البنقالي

واوول شي سواااه العسكري انه سطر البنقالي كف مهووب صاااحي

خرب عليه الفقده اللي هو فيها

وانا وخويي جالسين بالزاوية ونتأمل الموقف الغير اخلاقي

والبنقاليات يضحكوون مدري وشهوله يضحكوون تصدقون من خلال ضحكهم توقعت

انهم بيطلعون براءة

عاااد لبس البنقالي وبنات جلدته ملابسهم وخلاقينهم وركبوا سيارة الهيئة اما البنقالي

فركب سيارة الشرطة اللي جات متأخرة بعد ماطارت الطيور بأرزاقها


واستدعينا انا وخويي للهيئة عشان يسألونا بعض الأسئلة الخفيفه واستقبلنا

بحفاوة من رجال الهيئة بيض الله وجيهم واشكرونا على موقفنا النبيل




:: مايستفاد من الموقف ::

** يالربع ترى الأستراحات برمضان مضيعه وقت وتبعدك عن أعظم وأفضل

الشهور التي تغفر فيها الذنوب ..


** اذا جيت بتستاجر استراحه ولقيت باب الاستراحه مفتوح لاتدرعم المرة هاذي ربك

ستر وطلع حارس الاستراحه بنقالي المرة الجايه بيطلع لك تكروني ثم وش يفكك منه

اذا استفرد فيك




:: خاتمة الموضوع ::

سبحان الله وبحمده .. سبحان الله العظيم





الغدير الأرزق ....

^
^
^
ماجـد ماتوقعتك كذا


---------


[محجوز للـشايب فيّاض]
===========================

إقتباس الرسالة الأصلية كتبت بواسطة بريماكس!! يعطيك العافيه >> يبي يحجز

إقتباس الرسالة الأصلية كتبت بواسطة abo_nasser حجز

إقتباس الرسالة الأصلية كتبت بواسطة الـمـشـاغـب السلام عليكم ... جاري التحميل ___

ياخي فضحتونا .. ياخي ااه بس ,, ياخي فشلوتونا .!!!!!!!!!!!!!!!!!!!
ياخي انت وياه ماسمعتوا بالقوانين الجديدة !!!!!
ياخي ع الأقل مب عيني عينك


سهل جبتلهم لك بالجرم المشهود,,, يللا ورينا شغلك يا معلّم

سهل علمانهم الطرارة سبقونا ع الأبواب ,,, الله الله بالكرت يا باشا



^^^^^^^^^^^^^^^^^^^^^^^^^


نعود إليك طلال الغدير ,,, بقولك شيئين
بالله انت ووجهك ساكن في جبال الألب
وبعدين وين الاسبارتاكوس للي ف التوقيع

خذ الراس مشّي حالك فيه هاليومين الى الله يفتحها عليك



شباب أنزل أخبار االآن ولا لا ؟ أريد آرائكمــ







^^^^^^^^^^^^^^^^
مقدمة

ما اقول الا الله يهدي البنغالي يا زلابة تمشي على كلام الناس

و يهدي جميع الخرفان...عن اذنك ترا عطيت مشاغبوه الرابط لموضوعك
سلامـ

إقتباس الرسالة الأصلية كتبت بواسطة nor alshams وعليكم السلام ورحمة الله وبركاته .. :: :: إقتباس اي والله ،، واعيباه ،، واخزياه ،، وافضيحتاه .. والله ماتوقعت النهاية بتكون كذا !! لا حول ولا قوة الا بالله هالاجانب يعيثون في الارض فسادا حسبنا الله ونعم الوكيل عليهم ماخذين راحتهم لا رقيب ولا حسيب من كفلائهم الا من رحم ربي منهم :: :: هلا وغلا أختي نور الشمس تو مانورت الحته اختي نور الشمس الأجانب فيهم اللي يجي يسترزق ويباري الساس ويحمد ربه اللي انعم عليه من نعمة هالبلد .. وبعضهم مايرتاح الا باشعال الفتنة واشهار الفساد في البلد امثال خوينا البنقالي لابارك الله فيه والكفيل مسكين يهتم بعائلته وعياله والا يراقب هالعامل ويظل بين نارين .. إقتباس حفظ الله لنا رجال الحسبة .. اللهم آمين ويخليهم ذخر للمسلمين أجمعين ::::::: إقتباس الغدير الزرق ماشاء الله عندك اسلوب رائع بسرد القصة .. جزيت خيرا .. ربي يسلمك ويخليك اختي شاكر لك مدحك وثناءك والله يجازينا وياك كل خير . إقتباس ::::::::::: بلغنا الله واياكم شهر رمضان واعاننا على صيامه وقيامه .. :::::::::::::: اللهم آمين والله يجعل هالشهر شهر خير وبركه على المسلمين أجمعين :: ، :: إقتباس عدت مرة مرة اخرى كنت قاعد على الصحف ولقيت كاريكاتير الماضي اليوم وذكرن بموضوعك ،، عاد مادري هو مناسب ولا لا ياهلا فيك مرة أخرى يناسب الموضوع ونص والله لو انه كاركتير السليم ليناسبه إقتباس الله لا يشغلنا الا بطاعته .. ويجيهم رزقهم العاطلين على وجه رمضان يارب .. ـههههههههههههههههههههههـ والله ماكذب هالماضي انه جااب حالنا وحال بعض الشباب ( أكل ومرعى وقلة صنعه ) سهر في هالليوله ونوم في هالنهار لو يسألونهم وش لون الشمس ليقولون ماندري والله يرزق الجميع ومشكور اختي نور الشمس على هالأضافة الحلوة ::::::::::::::::::::::::::::::::::::::::::::::::: إقتباس الله يعطيك العافية الغدير .. ولا انسى بأن اشكركم على غيرتكم وتبليغكم الهيئة فقد ارحتم المسلمين من شر هذا الوقح .. العفوو اختي وفي هالزمن اللي مافيه خير لدينه ولوطنه مافيه خير للمسلمين أجمعين هذا من وجهة نظري البسيطة وشاكر لك اختي مرورك وتشريفك وتنويرك للموضوع ودمتي بوود وعافيه ..

الغدير الأزرق ...

إقتباس الرسالة الأصلية كتبت بواسطة f*y*d ^ ^ ^ ماجـد ماتوقعتك كذا --------- إقتباس [محجوز للـشايب فيّاض] =========================== اهلييين ومرحبتين مسيو فياض كالعاده حجز ونحشه ماجبت شي جديد ياطويل العمر واتمنى من الكلاسيكي وسهل انهم يخصمون من راتبك يالهيس الاربد موقف اشغال الأوادم بهالحجوزات إقتباس ياخي فضحتونا .. ياخي ااه بس ,, ياخي فشلوتونا .!!!!!!!!!!!!!!!!!!! ياخي انت وياه ماسمعتوا بالقوانين الجديدة !!!!! ياخي ع الأقل مب عيني عينك ايوالله فضحتونا وش يقولون الاقسام الثانيه عنا الحين ماقول الا ياحلالاة سهل وهو معصب والله يكون بعونه في رمضان عز الله انه بيفطر من زوود بثارتنا في المجلس واطالب حكومتنا الرشيدة بردع الحجوزات ومن يدعمها << ترااه مايقصد فياض ابد إقتباس ^^^^^^^^^^^^^^^^^^^^^^^^^ نعود إليك طلال الغدير ,,, بقولك شيئين بالله انت ووجهك ساكن في جبال الألب وبعدين وين الاسبارتاكوس للي ف التوقيع خذ الراس مشّي حالك فيه هاليومين الى الله يفتحها عليك لييييه ماني مالي عينك يافياض جبال الألب موطني الأصلي وعايشن في كنف هايدي وجدها ملعوون الجدف ماغير يكرفني ويخليني احلب البقرة بس كل شي يهوون لعيوون هايدي اتحمل الذل لعيونها يانعنبوها من بنيه وبعدين الأسبارتاكوس شكلك تبيه لك يومين تلمح وتتميلح اذا ناوي تزرفه خذه بس احلف بصلاة امك وابوك انك ترجعه ياويلاااااااااااااه ياغليص قسم بالله انه كفو وسنافي مو فؤاد بخش وطقته إقتباس شباب أنزل أخبار االآن ولا لا ؟ أريد آرائكمــ وش اخباره ياأكرم خزااام وبعدين مافي الا انت تنزل الاخبار يااااخي عط الشباب والشابات فرصه خلهم يترزقوون الله يانعنبوها من واسطة إقتباس ^^^^^^^^^^^^^^^^ مقدمة ما اقول الا الله يهدي البنغالي يا زلابة تمشي على كلام الناس و يهدي جميع الخرفان...عن اذنك ترا عطيت مشاغبوه الرابط لموضوعك سلامـ

اللهم آمين ويهديك معه ان شاء الله افا انا زلابه طيييييب الوعد عند القاضي

وابوريمان ان ماخليتهم يتمردغون ببطنك

وخذ رااحتك يابعدهم الموضوع موضوعك ولااوصيك بالدعايه السنعه


مسيو فياض شرفتنا ونورت الحته ياغاالي

استانسنا وسعدنا بالرد على استفساراتك وملاحظاتك المنسمه

ودمت بوود وعافيه ياغالي ..

ليتني معكم خخخخخخخخخ...
طيب غريبه ما قالو وش جابكم لاستراحه؟؟؟؟؟

إقتباس الرسالة الأصلية كتبت بواسطة سوسو الرياض إقتباس ليتني معكم خخخخخخخخخ... طيب غريبه ما قالو وش جابكم لاستراحه؟؟؟؟؟

هلا وغلا بك أختي سوسو الرياض

ويين تكونين معنا احمدي ربك ماطحتي في مثل هالموقف والا كان صارت علووم

هو اصلاً فيه وقت عشان يسألون وش جابكم للأستراحه البنقالي مووب في وعيه

وبعدين خلاص الرجال انمسك ووراااحت عليه وتلقينه الحين في بلده قاعد يسولف

لأهله عني انا وخويي



وشرفتينا واسعدتينا اختي سوسو بمرورك

ولاهنتي ياغالية .. ودمتي بود وعافيه ..

إقتباس الرسالة الأصلية كتبت بواسطة ماجد مقبل إقتباس اما توقيت الموضوع توووووحفه هلا وغلا بشيخي ماجد مقبل خلاص من اليوم ورايح انت شيخي وترى توقيت انزال مواضيعي يعتمد على توقيت قرنتش يعني وش ذنبي اذا زوار الموضوع امثالك يعتمدون على توقيت ام القرى إقتباس لا حول ولا قوة الا بالله ... إقتباس حقيقة وللأسف الاستراحات صارت وكر للفساد لبعض البشر ... ايوالله وانت الصادق صارت دمار شامل بس بيني وبينك مالنا غناة عنها حتى في رمضان بس على حدود المعقول إقتباس وموقفك جميل وكويس انك بلغت عنهم ... إقتباس يعني من جد وقاحه سكر ونكر ومخلين الباب مفتوح !!! بيض الله وجهك ياشيخي انت اول واحد يشيد فيني غيرك انتقدني ويقولي ليه مافليتها وسهرت معهم بس انا الى الحين ماني مستوعب وشلون جاتني الجرأة ودخلت الاستراحه بدون سابق انذار سبحان الله ربني ارسلني على هالبنقالي وخلاه يطيح بيد واااحدن خروف إقتباس على الاقل صكوا الباب الله يقلع شياطينهم ... إقتباس وصدق اللي قال اللي اختشو ماتوا .. بنقالي وش تتوقع منه اكييد مهوب مقفل الباب وزين ماحط ورقة ولزقها عالباب وكتب عليها الحارس مشغول حالياً مع بنات جلدته إقتباس بس بصراحة ماسولك ابليس انك تحجر لهم وتاخذ الاستراحه بـ 1500 ريال إقتباس الا ها الاستراحه وين اخوي الغدير والله وانا اخوك ابليس مافكر في السعر قدر مافكر في المنظر قاعد يقردن فينا ويقوول نعنبوا حيكم خرفان ادخلوا استانسوا وشكشكوا معهم والله وانا اخوك الاستراحه المذكوره اعلاه مهيب بعيده عن استاد الملك فهد << ترااه مايقصد الفحص إقتباس مشكور على الموضوع الله يجزاك خير على عملك الطيب ... إقتباس وصوره من الموضوع الى المشاغب سلطان خلاص هونت ماني استراحه هع هع هع دمتم بخير ,,,

العفوو اخووي ماجد ويجازينا وياك ياغالي

هلا وغلا خوي الغدير الازرق

اولا
يعني وبكل صراحه اهنيك انت وخويك على الحشريه وقوة

الوجه

ثانيا

والله انه ابوهنود والبقالين وازيد عليهم التكانره غاثوا فسادا

في البلد لا من الخمر ولا من .......<<<كلمه قويه


وبالنسبه للشهر الفضيل فالله يبلغنا رمضان

والاستراحات والله يا خوي في نظري انها احسن من اشياء

ثانيه ممكن الشاب يقضي وقته فيها



وتقبل مروري









سلااااااااااااااااااااام

إقتباس الرسالة الأصلية كتبت بواسطة abo_nasser إقتباس هلا وغلا خوي الغدير الازرق هلا وغلا كثيرات واجدات اخووي ابو ناصر حياك وبياك شرفتنا في حارتنا يالذيب إقتباس اولا يعني وبكل صراحه اهنيك انت وخويك على الحشريه وقوة الوجه ـههههههههههههههههههههههههـ ـهههههههههههـ حشريه وبس الا قوول لقافه والله وانا اخوك انا بطبعي استحي بس هالمرة مدري وش جاني درعمت بدون سابق انذار بس لاتلومنا ياخووك حنا غرضنا اننا ندور الحارس وبعدين الاستراحه ماعندها مواتر وهذا اللي بعد الشكوك ولمباتها مطفيه يعني الاستراحه فاضيه بالعربي إقتباس ثانيا والله انه ابوهنود والبقالين وازيد عليهم التكانره غاثوا فسادا في البلد لا من الخمر ولا من .......<<<كلمه قويه ايوالله وانت الصادق الا دمروا البلد ودنا لو وزارة العمل تسفرهم مثل ماسووا اهل الكويت سفروا جميع الجاليات البنقاليه هذا كله بسبب بنقالي قتل كويتي وحنا ياما قتلوا وسرقوا واغتصبوا ومع ذلك نخليهم ونقعدهم على تسبودنا إقتباس وبالنسبه للشهر الفضيل فالله يبلغنا رمضان والاستراحات والله يا خوي في نظري انها احسن من اشياء ثانيه ممكن الشاب يقضي وقته فيها اللهم آمين ويجعلنا وياكم من صوامه وقوامه صدقت الاستراحات زينه بس اذا القصد منها الجمعه الحلووة وسعة الصدر وفي رمضان الأستراحات مالنا غناة عنها بس الاهم ماتشغلنا عن الشهر الفضيل وهذا هو المقصد من كلامي إقتباس وتقبل مروري سلااااااااااااااااااااام

شرفتنا أخووي ابوناصر واسعدتنا بطلتك ياغالي

ودمت بوود وعافيه ..

هلا هلا بالي جاء بالي جاء يا مرحبا بالي جاء بالي جاء <=----- متأثر بجماهير الاتحاد بعد ما مشيت مع ابو طلال والغدير .

وش هالموضوع ياحليلك ياحليلك اجل شفت مناظر مشينه ولا أي مناظر بنقاليه بعد بس الي ابي اعرفه انت صورت ولا لا لجل تنشر بلوتوث اخبرك شيطاني .

لا والمصيبه ثنتين مو وحده ابوك ياهالبنقالي بس ثانيا وش وداك الاستراحات انت من شلة ماجد مقبل وميسي مكلمهم اليوم وهم يدورون استراحات وهذولا العقلاء بالمجلس <<<<<<<<<<< فضحهم.

الله يجزاك خير طلال مدهر هاليومين مواضيع ياحبني لك بس والله يفكنا شر هالبنقاليه لجل نرتاح.

طلال ذاكر زين مثل ما قالك ابو طلال ترا بنجيب بدالك احمد الخير ترا عقده منتهي ويبي يجدد ب2مليون مو خساره في احمد الخير .

وعليكم السلام ورحمة الله وبركاته ،،

ياهلا والله بالغدير ..

الله يعطيك الف الف عافيه على القصه ..

وربي اني طفشان ومسوي ابستانس داخل شات الله لايعوده من
شات كله خرفااان وناس سخيفين


نعود لقصك

إقتباس الرسالة الأصلية كتبت بواسطة الغدير الازرق عاد اخوكم في الله وخويه درعموا مع الباب وبدوون لااحم ولادستور

إقتباس الرسالة الأصلية كتبت بواسطة الغدير الازرق بس بالصدفه ويوم كنا نتجول في الأستراحة لفت نظرنا بيت الشعر شكله حلوو وكبير بس سمعنا صووت صياح وضحك وانين وحفيف ونباح وكل شي يجوزلكم حطووه

إقتباس الرسالة الأصلية كتبت بواسطة الغدير الازرق يالربع شفنا حارس الأستراحة البنقالي مستفرد بـ أمرأتين من بنات جلدته

هههههههههههههههههههههههههه

الله يلعنه هالبنقالي ثنتين عاد ماتكفيه وحده

لكن ماشاء الله عليكم جبتوها صراحه يوم خبرتوا الهيئه

الا مير ابسالك وينه فيه الاستراحه نبي ننصحهم

البنقاليه والله انهم نقص علينا من جد

قبل يومين عندنا في القصيم وبالتحديد بريده بنقالي متقعد لبنتين باحد الاسواق

المهم يوم أطلعن من السوق يبي يروحن لبيتهن

البنقالي كان يراقبهم بعد ان ابتعدوا عن عيون الماره وباحد الحارات

مسك البنقالي احدهن ويريد اغتصابه .. وبعد صراخ سمع من حولهم

ووجدا الفاجعه ان البنقالي يريد ان يغتصب البنت أمسكوه الحمدلله
واتصلوا بالهئيه والبنات مسكن دربهن للبيت ..

تحياتي لك ولاتحرمنا من جديك ياخلفهم ..

سلام ،