سلام عليكم
وش اخباركم
اكيد مستانسين
الحمدلله
,’,’,’,’,’,’,’,’,’,’,’,’,’,’,’,’,’
مدخــــــــــــــــــــــل ,,,, 
عزاه ياخلن سعى في عذابـــــــي,,,,,, وانا عن عيون المخاليق اداريه مدري نوى خلي يصفي حســـابي,,,,,, ولا يبي يجرب غلاه وتغليــــــه احترت مابين الخطاء والصوابي,,,,, ,وشلون محبوبي عذابي يسليــــه الحيـــــــن نخوووووووووووووووش بالسالفـــــه
يوم الخميس كان يوم غير عادي كان زواج اخوي ومثل ماتعرفون لازم من الاستعداد والذبايح
وقبل الزواج بيوم كان ناقصنا بعض الخراريف <<<< جمع خروف
ومن سوء حظي وقع اختيار الوالد علي علشان نروح سوق البعارين الصغار وانا اللي اروح مع ابوي ومثل ماتعرفون بما انني كشخه
طوال الوقت فنزلت وانا داق بالكوبرا واول مانزلنا السوق الا والشيبان يتقزقزون فيني 
والله لو اني بنت مشعلاني شوي الا وابوي يناديني ياعبدالله وانا الي اجيك نعم يابوي وش تبي قال اسحب لي
ذاك الخروف ووده للسياره <<< عز الله ورطه
وانا الي انقز بذاك الشاص الخرده ومثل ماقلتلكم اني مكشخ وخايف على الشخصيه تطيح
واقرب شوي شوي الا والخروف ينقز ويعطيني دبل كيك 
لاتدققون واجد تروه ماهو دبل دبل هي رفسه على دميجتي <<<سارقها من هل الرياض وانا اللي اطيح على الارض عاد اسمع انواع الضحك من الناس عاد قمت ولقطت وجهي
وناداني ابوي احسبه بيواسيني ويقول خيرها بغيرها <<< وين يبو مسابقه هي الا ويقولي يالداجه يالرخمه فضحتنا قدام الله وخلقه وتجيني
انواع الشوتات واللكمات <<< حتى تايسون براسه مايقدر يسويها
وانا اللي اهرب للسياره ورح يابوي وخذاله ورع يماني وشال له الخرفان وعطاه خمسين ريال عاد واحنا راجعين للبيت ابوي يكلمني وانا معطيه اشكل <<< مسوي زعلان ياحرآآآآآآآآآآآآآم:sad:
ويوم دخلت البيت كان الامل في ان امي تقولي شيء يواسيني بس لقيت انواع الاستهزاء والضحك وش اسوي مالي الا النوم واروح انام كم من ساعه ويصحيني للصلاة الفجر واقوله خلاص صحيت
وهو صدق وراح يصلي وماصدقت على الله يروح ورجع انام ولاكملت الا وامي بالعجرا 
قوم ياللي ماتستحي على وجهك واروح اصلي في الحوش وارجع وانام وشوي الا وابوي
يشوتني ذيك الشوته حتى عبدالله الجمعان مايسويها عاد قمت وجهزت ورحنا للقصر وكعادته الولد الصغير لازم يصب القهوه
ومن كثر ما صبيت القهوه جاني شد عضلي وشوي الاوجاو اهل العروس وكان معهم ورع اول ماسلمت عليه صكها بضحكه وقاعد يستهزيء فيني علشان خط اسود تحت عيني من اللكمات من عند ابوي ومن عند الخروف اللعين
عاد انا حقدت وقلت لازم اضرب هالورع بس قلت لازم استحمل حتى يخلص اهله من العشاء وانفذ المخطط
وماهي الا ربع ساعه وجاء العشاء واول ماقام الورع قمت واطق بذيك اللثمه واروح عند المغاسل واكفخه
واشوته من سابق تجربه من اللي حفظته من ابوي يوم امس حتى عرف ان الله حق وراح الولد يصيح وينادي ابوه
بعدها هربت لغرفة الحارس علشان مايشوفني ابوه عاد ابوه دورلي مالقيني وراحو اهله
في ذاك الوقت ارتحت
وقلت جاء الوقت وانا الي اشغل سيارتي واروح البيت انام
مع ان اكثر الضيوف ما راحوا وعلى الساعه تقريبا وحد الا وابوي جاي وعاد تعرفون سواليفنا انا وابوي
,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’ ,’,’,
,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,
مايستفاد من القصه:
1_ راح زمان اول اللي كان الرجال فيه يسوى عشرين من اشكالي 2_الي كثير يحضر الزواجات راح يلاحظ ان الطفيليين كثروا وقسم بالله اني شفت واحد لابسله جنز
وبرمودا زياده حتى عيال جماعتنا خقوا معه ماريحوه محل مايروح وراه وشفت واحد ثاني لابس غتره سودا ومسوي حبه ونص 
4_ اتمنى ماثقلت دمي عليكم:sad:
5_ تفاعلوا معي وحمسوني لانه اولموضوع بالمجلس 6_ 7_ مع السلامه
ليلـــــه لاتنســـى تزامنت مع الألفيه 
الوضع الشجري
