ابو سلطان ترى محد ضربك على يدك وقال لك استمر موسم اخر
 

السلام عليكم ورحمه الله وبركاته

مساء الخيرالي جميع اعضاء المنتدى

ابي ادخل في الموضوع عالطول انا مدري فيه احدى ضربك على يدك يامحمد بن فيصل
وقال لك اجلس الموسم هذا .

ياخي اذا انت ماتحب الهلال قدم استقالتك وريحنا من الهم الي حنا فيه كل يوم نسمع خبر
يضيق الصدر .

فرحتون في صفقه باسكال وفي الأخير طلعت كذبه الصيف لعب عليكم وانتم جالسين تقولون عقد مبدئي وعقد رسمي اذا انتم ماتعرفون القوانين مشكلتكم ترى مدري ليش حاطين محامي في النادي على كذا وفي الأخير جاي تصرح تقول فيه ناس خربت الصفقه
تقصد منصور البلوي لاياحبيبي الرجال صار شماعه لكم كل مانلعب عليكم قالتوا لنا البلوي تدخل ابوسلطان ترى مابعد صرنا هنود لم الحين تجلس تلعب علينا كل يوم .

ياخي خلاص ريحنا ماتبي الرئاسه قدم الأستقاله رقم مليون وخالك في امريكا بس لاتضيع الزعيم وضع الفريق يخوف لآعبين مصابين مدري جديد

لا وفوق هذا كله سعاده نائب الرئيس ماصارت حلوه الأستقاله في عينه الا في الوقت هذا
ياخي ارحمونا وربي جالسين نشوف النادي يضيع والسبب انتم يااعضاء الأداره .

ابوسلطان لاتقول حنا طموحنا الأسيويه ابد لأنها صارت صعبه عليك مرررره
وانا اقولها لك من الحين قدم خطاب الأستقاله وفكنا ياخي نبي نرتاح كل يوم خبر يجيب المرض يرحم والديك فكنا خلاص مانبيك وربي النادي راح فيها والسبب انت
ايه السبب يرحم والديك يابوا سلطان شف لنا حال ياتقدم الأستقاله وتريحنا ياترجع تشوف النادي وتوقف على كل شي بنفسك .
واذا تبي النصيحه قدم استقالتك احسن لأن الفريق السنه هذي ماراح يسوي اي شي
ابد .:cry: :cry: :cry:

وشكرآ
اتمنى من المشرفين مايحذفون الموضوع
والي مو عاجبه الموضوع لايرد

لا ياحبيبي الموضوع موب عاجبني وبرد عليك
اذا انت موب عاجبك محمد بن فيصل لاتشجع الهلال محد ضربك
على يدك وقال شجع الهلال
محمد بن فيصل هو اللي رجع الهلال لسابق عهده وهو اللي رجعه للبطولات بعد زمن
الخمسات ولا نسينا ..؟؟؟!!
واذا عاجبك الدووووب ممنصووروه رح شجع الاتحاد ..
الله يخلي لنا بو سلطان بس ..

وليش طال عمرك عاجبك وضع النادي الحين
عاجبك الي يصير اذا الوحد بيزعل من الوقع
يطق راسه في الجدار .
وماراح اكتب وين الردود لأنو مابعد صارت
اعرف اجامل على حساب النادي الي احبه

عيب والله هالكلام

ههههههههههه


هـد ياحبيبي

..

روق


الله يكتب الي فيه الخيـر


..

يـ ع طيك العافيه

ياخي هذا انتم اذا احدى قال الصدق زعلتوا منه راح شف وضع فريقك الحين .
ثاني شي لاتنسى ترى وراك بطوله اسيويه من
وين بتاخذها وهذا وضع النادي من جرف الي دحديره كل يوم نسمع خبر يضيق
ثالث شي انا ماقالت احب منصور البلوي انا اقول مو كل ماصار شي في الفريق
قال لنا منصور البلوي خرب الصفقه ياخي اذا انت تصدق بسرعه مشكلتك عاد
وثاني شي اذا انت تبي محمد بن فيصل وتقول هو الي رجع الفريق مثل اول
ابي اعرف هو وينه الحين عن النادي وهو يعرف انو عنده اهم بطوله الي هي
الأسيويه .

ابي اعرف وين العيب فيه طال عمرك ليش الي انا جالس اقوله كذب
او صدق علمني طال عمرك .
تبغني اقول وضع الهلال تمام واجلس ارقص فيك مثل التصريحات الي
تطلع في الجرايد وهي كلها كذب في كذب علشان مايصير كلامي عيب.

مساء الخير
أولا يالحبيب أنت بأي حق جالس تتكلم بهذه الطريقه القذره عن رئيس النادي محمد بن فيصل أللي قدم للنادي أشياء ما تقدر تنكرها لا أنت ولا كل مشجع هلالي وتدافع عن منصور البلوي أللي يكره شي أسمه الهلال وفي أدله على كلامي ومافي صفقه دخل فيها الزعيم ألا وظهر منصور البلوي وخرب على النادي كل شي وفي أدله كثير على كلامي وبعدين وضع النادي الحالي حرج ما قلنا شي هذا شي طبيعي يمر فيه كل نادي والدليل على كلامي تذكر نادي الأهلي قبل كم سنه وش نادي الأهلي حاليا من أقوى الفرق بالمملكه والزعيم قادم وبقوه وأنا أتحداك بس السالفه يبيلها صبرشوي عشان كذا يالحبيب نصيحه مني لك أنتبه على كل كلمه تقولها وفكر للمستقبل لأنك أنت قلت كلام كبير ترا موب بس أنت أللي تحب الهلال وتغار على مصلحته بل كلنا نحبه وأنا هلالي متعصب بالدرجه الأولى ودمي أزرق بس كل شي ينحل بالهدوء موب بالعصبيه
وأللي له علي ملاحظه
يرد على كلامي وشكرا

الإدارة متخبطه ولكن لا نؤيد الإستقالة

:)

شكلك معصب ياخي هدي الصفقه فشلت وش صار( وعسا ان تكرهو شيا وهو خير لكم ) باسكال راح بيجي الي احسن منه



ومحمد بن فيصل انا ماقولك هو ما اخطا الا اخطا ولكن هو يحاول يصحح الخطا

[quote=عفيف;5776043] مساء الخير
أولا يالحبيب أنت بأي حق جالس تتكلم بهذه الطريقه القذره عن رئيس النادي محمد بن فيصل أللي قدم للنادي أشياء ما تقدر تنكرها لا أنت ولا كل مشجع هلالي وتدافع عن منصور البلوي أللي يكره شي أسمه الهلال وفي أدله على كلامي ومافي صفقه دخل فيها الزعيم ألا وظهر منصور البلوي وخرب على النادي كل شي وفي أدله كثير على كلامي وبعدين وضع النادي الحالي حرج ما قلنا شي هذا شي طبيعي يمر فيه كل نادي والدليل على كلامي تذكر نادي الأهلي قبل كم سنه وش نادي الأهلي حاليا من أقوى الفرق بالمملكه والزعيم قادم وبقوه وأنا أتحداك بس السالفه يبيلها صبرشوي

حبيبي انا ابي اعرف لم متى بيصير منصور البلوي شماعه
كل مانسوي شي غلط نقول منصور البلوي ليش اقول كلنا
نتذكر صفقه ياسر وكيف رجال الهلال محد قدر يوقف في
طريقهم لاتجلس تقول لي كل يوم خرب ترى طفشت من الكلام
هذا .
بعدين ممكن اعرف وين القذاره في الموضوع طال عمرك

عشان كذا يالحبيب نصيحه مني لك أنتبه على كل كلمه تقولها وفكر للمستقبل لأنك أنت قلت كلام كبير

ماشاء الله الموضوع وصل لم التهديد مدري والله انا وش قالت
وليش طال عمرك يضيع مستقبلي وش قالت انا علمني وين الغلط الله يحيك ياخي مشكله بعد تهديد حلو
حبيبي انا عارف وش قالت ومو انت الي تجي تعلمني كيف اشوف مستقبلي .

ترا موب بس أنت أللي تحب الهلال وتغار على مصلحته بل كلنا نحبه وأنا هلالي متعصب بالدرجه الأولى ودمي أزرق بس كل شي ينحل بالهدوء موب بالعصبيه
وأللي له علي ملاحظه
يرد على كلامي وشكرا

ايه واضح والدليل قدم كل الناس

ترى اذا الواحد يحترق من اجل الزعيم من الداخل مرة فاانا متاكد من ان محمد بن فيصل يحترق مليون مرة من اجل الزعيم الصبرززين وانشاالله مستقبل الزعيم زين شاكر لك اخي غيرتك على النادي

انا معك في كل كلمة قلتها
ياخي مفروض يريحنا ابوسلطان ويستريح
والله ماقصر لكن خلاااااااااااص وضع النادي يخوف وهو ولا داري بس فالح انه اذا جت الطعه يقدم استقالته ويسحبها من ثاني يوم
اعط الفرصه لغيرك يابو سلطان وارتاح

لا تعليق