مجلة قروب [ دفني وادفك ] تطلق عددها الثاني بعد طول انتظار - نادي الهلال السعودي - شبكة الزعيم

هامور البورصه · #1 19/07/2007, 03:33 AM

السلام عليكم ورحمت الله وبركاته

ها نحن نعود لكم بالعدد الثاني من مجلة قروب دفني وأدفك<-شرايكم بالفصحى

نرجع للعامية أحسن..;)

العدد الاول لمجلة قروب دفني وادفك

الحقيقة طولنا بهالعدد لاننا مالقينا أفكار كل واحد يعصر مخ الثااني عشان نطلع فكره وطلعت معنا كم فكره أن شاء الله تعجبكم (غصبن عنكم);)

لاشفتوا فقره سامجه يعني بايخه جاملونا

.. طبعاً فقراتنا منوعه فيه فقرات بالعدد الاول نزلناها بهالعدد الثااني والصراحه رااحه يا حاحا وانتا مابتعرفش <<< دخل جو

لو علي انا والمشااغب والله ماتنزل المجله بس والله يا كلي هلالي قلق

لدرجة انه كل يووم يقولي هاه وش صار ؟ كتبت شي؟ وانا اسكته ايه قااعد اكتب الحين يقول ورني والله كانه يطلبني دين وانا اقوله خير وش

اوريك اقول مابي احرق عليك شفها في الاخير وانا والله ماكتبت شي بس جد كلي هلالي قلق

اعضاء هالقروب هم/

(الشرهان) هامور البورصه

(المندس) كلي هلالي

(الذئب البشري) المشاغب

^
^
شو مهضومين

الراوي/ هامور البورصه [ الشرهان ] :p

القصه الاولى

مره من المرات بالعطله الصيفيه كنا بمنتزه من منتزهات الريااض الخاايسه المهم كان فيه جوائز وسحوبات وكنت انا قااعد بالصف الاول المهم
قالو يالله بنبدا بسحب الكيبونات المهم التفتو يمين يساار لقولهم ورع من الورعاات متعلق بشبك ماعليك الا سروال سبااحه مدري وش عجبهم فيه
قالو له تعال انت يالي كنك قرد انا مالتفت شوي اشووف ولد اختي يرقى قلت وش عندك قال مناديني بسحب كيبونات قلت اجل اسحب اسمي دوره
المهم انهم قالو اسحب كيبوون والله اني ماكذب عليكم قعد سااعه يدور اسمي لين لقااه وطلعه قال هذا المهم شافو الاسم ونادو عليه طلعت بستلم
الجائزه وتوني ماسكها الا هو يقول جبها جبها <<<< سحب على كيبوناتهم قلت ابك اسكت لا تفضحنا قال اقول والله ان تجيبها قلت اقطع واخس
وقام يصيح والله ان تجيبها قلت خلاص بعطيك اياها بس اسكت قال لا جبها الحين ويزااعق قداام العاالم عااد هو اعوذ بالله تقول كنه اسعااف اذا
صااح وكانت الجائزه استريو كبييير مره مره مره يعني هو مايقدر يشيله اساساً انا ودي احط الجاائزه واقول خلاص فكووني من هالي فضحني قدام
العالم المهم العالم تضحك ومستغربه جاء الي يوزع الجوائز قال شسالفتكم انتم قال هذا اخووي وانا الي مطلع اسمه ابي الجاائزه قال لا الحين
الدعووه فيها غش بنسحب الجاائزه والعالم تضحك وهذا يصيح والله ماتاخذوونها والي قهرني ابي افهم وش بيستفيد هو من الاستريوو وشوي
العالم كلها تقوول لالا خلاص الجاائزه لهم وفي الاخير خذيت الجااائزه وتراني ماطقيته ابد ابد..

القصه الثانيه

هذا يا طويلين العمر ولد عمتي انساان عااقل ماله ومال الغزل وفي يوم من الاياام كنت قااعد معه وكان الجو طفشش وهو يقولي شغل اغاني قلت
وشو قال شغل شغل خربنا يا ولد خالي قلت لا اعوذ بالله انا ماسمع اغااني
المهم شوي يقولي معك رقم بنت قلت وشو قال يااخي ابي اكلم بنت ابي اجرب قلت ماعندي المهم انه قال دبر ومدري ايش غثني غثه قلت ابشر انا
ادبر لك رقم بنيه الحين واطلع الجوال و فكرت اعطيه رقم خالته قلت لا مالها دااعي فكرت فكرت لقيت رقم عمي الي هو خاله قلت بس هذي هي
البنت وجيت قلت له هذي بنت اليوم عيد ميلادها لا تدخل فيها علطوول اول شي رسلها رساايل قال شقولها قلت شايفني خبره الله يحيك قلها كل عام
وانتي بخير وسنه حلوه يا جميله وقلت ان اسمها هدى قال خلاص ابرسلها والولد يستلمها رساايل وكل شووي انا واحد معجب فيكِ وانا احبك يا
هدى وعمي يدق عليه يقولي ارد اقوله لا ترد سو نفسك ثقيل وهو الي مايرد المهم ان عمي شب ناار ولع حريقه وهذا ماسك خط مافيه الا قوة
رساايل وانا كاتم الضحكه وادري ان عمي يعرف رقم ولد اخته بس سااكت واقول بنفسي خله يتادب شيبي بسحالي المهم في الاخير دق رقم غريب
قلت لا ترد هذي اكيد هي دااقه عليك من رقم اختها المهم قلت يالله دق عليها الحين واذا صاارت بنت قلها كل عام وانتي بخير وخلك ذووق قال
ابشر ومتحمس لدرجة انه رفع كموومه وقلت له اذا صاار اخوها او ابووها قلد صوت بنت عشان مايشك وتنكب انت وياها قال ولا يهمك المهم
دق رد خاله الولد تلعثم وقال وهو يقلد صوت بنت :اسفه غلطانه وسكر علطوول قال يا ولد رد ابوها مدري اخوها قلت ماعليك دايم يرد علي عايدي
عايدي وشوي يدق عليه قلت الحين رد ويرد ويقول يا فهد يا حماار انا خالك هو في الحظه هذي ضااع وجهه معاد عرف يتكلم المهم من الخمه قال
الي يدق عليك طاارق انا منسدح على جمبي اضحك ويدق علي عمي معصب وحالته حاله قلت والله مهوب انا وقلت له الساالفه كلها عاد عمي الله
يحفظه رااح نشر السالفه عند العاائله الكريمه والكل عرف ان فهد الولد المؤدب الي انحرف يوم يبي يغاازل وضااعت سمعته وصار ينادونه بزير
النساء فهد وهو ليومكم هذا يتوعدني انه يسطرني وانا اتجنبه والله يستر من الاياام الجاايه ..

فكرة واعداد / كلي هلالي

الله يعينه اللي طاح بيدي ادري مالها داعي بس وش نسوي

الفيروسه سابقاً كانت مهتمه بالتهكير والاختراقات لذلك يجب اخذ الحيطه منها

رابط الموضوع

مشرفنا وحبيب أعضاء منتدى الجمهور الهلالي [ الغريب ]

هذا بدايته شرانيهـ مواضيعه تنقل لمكان ثاني ولايدري ويجيك ينزل موضوع ليش تحذفون موضوعي وأبو الشباب مايدري أن موضوعه منقول :D .

رابط الموضوع الاول

رابط الموضوع الثاني

فراشة المجلس العام [ الهنوووف ]

بدايتها كانت بمنتدى الجمهور الهلالي وكانت بدايه حلوه

بس الاخت الهنووف منزله موضوع والموضوع يتكلم عن سلبيات ومن هالسلبيات اللي ينقل المواضيع

بس في آخر الموضوع كاتبه منقول..

رابط الموضوع

أعداد/ هامور البورصه مقطع قلووب العذارى

الان نتركم مع الدختور هامور البورصه دكتور نفساني.

اول شي الفقره هذي ياليت محد يزعل علينا فيها وترى كلها مزح في مزح

وتراني والله متردد منها بس كلي هلالي تبرع لي بهالفقره وقال نزلها انت لاني مثل ماقلت لكم عصرت مخي ولا طلع معي شي عااد الفقره هذي انتو عارفينها

هي تحليل الشخصيات<<< امحق شخصياات

اول شي ببداء بحيب قلبي التسنااري

[التسناري] :: شفت صورته وسمعت صووته وحسيت انه للحين ياكل سريلاك واتوقع اتوقع ان فزحته سندويشة ورضااعه<< التسناري ترى والله امزح

[غلا روحي] :: الانساانه هذي مدري ليه انا احس انها شنب واحس من طول شنبه انه وااصل للكيبورد وياكثر ماتقول حلي بي وهي انساانه عنصريه تكره التمااسيح وتمجد في السحاالي

[فياض] :: الانساان هذا احس انه شاايب ماعااش المرااهقه ويبي يعووض مراهقته في منتدى الزعيم وياكثر مايقول محجوز لدرجة انه يحجز في موضوع اخبار المجلس العام انسان حبوب وخفيف دم بس انه خبيث

[نــــ15ـــمــــر] :: الانساان هذا احسه مسووي حبيب وحق خواااطر وهو من جمبها الظااهر ان خوااطره مجمعها من المنتديات زي بعض النااس<<< ترى مايقصد المشاغب والولد هذا كوول مره مره مره لدرجة انه حااط شعره كشه ويحط فيها ثلاث علب جل <<< مسوي احمد الصويلح الله يهديه

[كلي هلالي] :: الانساان هذا ماتااخذ منه لا حق ولا بااطل ولاحظو ردووده تلاقي رده ماله اي صلة بالموضوع معني ادور ردووده لانه انسان صريح وساامج وهو دلخ مره مره مره .

[ابو مقبل مااجد]:: الانساان هذا ملحووس كل مواضيعه ملحووسه يلقب بالخنفشااري وهو اديب وتبوون الجد انا جلست معه وهو من جمبها.

[مستر دلخ] :: الانساان هذا دلخ ومسوي حلوو وهو من جمبها شيين لدرجة انه في كل رد من ردووده يكتب اطخم واحد بالمنتدى للحين مهوب مصدق انه حلوو

[ليو ميسي] :: الانساان هذا اخذ مقلب بقووه ان منتاز وانه متفووق وتبون الجد هو من جمبها بقووه حتى انهم مافصلووه ابد ابد وانا من كثر ماحب هالانساان كتبت اسمه بالورقه وقلت انه ماخذ 99 في ثالث ثاانوي وعااد الهنووف ماصدقت خبر (ليو ميسي قسم قسمات اني احبك واقدرك واعزك بس لا تزعل ترااني امزح)

[جرح يشكي] :: الانساان هذا مسوي طااره الله يهديه ويحب شي اسمه تفحيط لدرجة انه يوم كنا ببلاك هاوس كان نص كلامه عن التفحيط وترى هو مايطاالب بانديه للتفحيط ابد ابد

[الكلاسيكي] :: الانسان هذا لي اكثر من سنه بمنتدى المجلس العاام وهو ماغير توقيعه توقفت يوزرات وتفعلت يوزرات وهو بااقي على هالتوقيع <= هذا الي انا ملاحظه مدري اذا انت مغير توقيعك قبل فتره

خلصنا منكم يالشنبات والله ودي اجيب كل شباب المنتدى بس والله اني اخترت المجموعه هذي لانهم جو ببالي

[اليزابيث الخاندرو] :: البنت هذي ملحووسه بقووه اجل منزله موضوع تبي تصير طقاقه ومسويه ابلة وهي هبله من جمبها الله يعين الطالبات الي عندها بكره بتعطيهم درووس كيف تطبل على الطااوله

[الهنوووف] :: الانساانه هذي مسويه فرااشه الله يهديها ولاحظ الاقاامه وش كاتبه فيها ومن زين الفرااشه راايحه تسوي تصميم لليو ميسي وحاطه الفرااشه سوداء ابوك يالذووق اقول بلى فرااشة بلى خراابيط مدامك حطيتيها سوداء فانا بنقوول ذباانه

لان عمركم شفتو فرااشه سوداء !!:p

[رعبوبة الزعيم] :: الانساانه هذي بالقووة بالغصب بالطيب بتعلمنا انها مثقفه وتعرف تكتب تلاقي الموضوع فكاهي تجي هي رااده عليك بخااطره تقراء الرد ماتفهم شي بس احسن شي التنسيق حقها فنتااستك بقووه وفي كل مواضيعها قمت انا وقلت كذا وقامت صديقتي نوره وقالت كذا

[هلاليه وافتخر] :: الانساانه هذي ماتعرف تعبر بقووه ومن زين الوجه تقول البنات السعوديات جمالهن رباني ومره نزلت موضوع عن الماء وكاتبه الماء ثروه لا تغسلوون حووشتكم بالموويه يعني وش نغسلها به بالله !! بالبنزين يعني

[الفيروسه الخضراء] :: الانساانه هذي احسها دبه بقووة لانها اربعه وعشرين سااعه عند التلفزيون وحاطه على قناة mbc لان كل مواضيعها عن الافلام والمسلسلات وهي ترى مره مشهوره لانها تشبه لمسميسو لاعب النصر

[ بنت فهد ] الانساانه هذي متعذبه مع الشبكه ومره مره كريمه لدرجة انها موزعه يوزرها على بنات فصل اول ثنوي راابع

كل يووم شايفين بنت جديده دااخله بيوزرها بنت عبدالله بنت فهد بنت احمد بنت ناصر [ حزر فزر من القاادم

]

[ عازفة الناي ] سوسو

الانساانه هذي احس ماعندها ذووق اجل معجبه بالصوويلح :p صح الصوويلح حليو لكن ماتااصل لحد الاعجااب

اجل تقوول ميد فزااع والله لو انك الصويلح عاد والله لو ان الصوويلح هامور على غفله :p

وفي الاخير اسف على الاطالة واتمنى اتمنى ان مافيه احد يزعل

بعدسة / كلي هلالي

هذي طول الله عمركم صورة صورتها يوم كنت بمحافظة رماح

كنت أتمشى على الفجريه وشفت لي لوحه للبلديه وشفت ورقه ملصوقه على اللوحه

فأستغربت قلت فيه أحد يسوي شي حلو ويجازي نفسه ( )

أتركم مع الصوره:

هاللوحه مكتوب فيها [الشجره ثروة فحافظ عليها] واللي كاتب هاللوحه بلدية رماح فكيف يقولون اللوحه مخالفه

بعدسة /المشاغب

من قدك يا أبوراس؟ لقينا لك أحلى عروس.. وتاجرة بعد

فقرت الكاريكاتير

/ المشاغب

أكيد عرفتوا من أقصد؟

الملاهي عند أبوحاتم هي تقفيل المواضيع

اعداد / كلي هلالي

هالمقطع خاص

جايه ولد ومستانس-للجوال

جايه ولد ومستانس-للكمبيوتر
لاعاد تصور-للجوال

فكرة / المشاغب :

بـرنامـج (طلباتك اوامر)

المقطع هذا مايطلبه المستمعون .. حاولت فيه تغيير الأصوات قدر الإمكان.. كنت أعتقد

الأمر سهل.. لكنه طلع صعب كثير..!!

كنت متردد أنزل هالمقطع وأخرت المجلة عشاانه.. لكني أخيراً نزلته

مدة المقطع 9 دقايق .. صيغته amr للجوال .. حجمه 2 ميجا بايت..!!

حجمه كبير .. لأن المقطع قيمته كبيرة .. ما عندنا لعب عيال حنا

تبون نصيحتي؟ لا تحملونه

فكرة / كلي هلالي:

طبعاً هالفقرهـ فيها احصائيات للمواضيع المقفوله لبعض الاعضاء ومنهم مشرفين

كنت بحسب عدد المواضيع المقفله لمشرفين شبكة الزعيم

عامه بس يوم شفت عدد صفحات مواضيع المشرف الصوت الهلالي غسلت يدي فقلت خلنا على المجلس العام أبرك

البارق: صفر

تيماوي: 3

سهل: 15

كايدهم :1

مطيع: صفر ;)

ماجد مقبل: 2

هلاليه سنعه: 1

فكرة/ كلي هلالي <=== ياكثر افكااره :p

صور لأجهزة الكمبيوتر للأعضاء:

زعيموفيتش :

ياعيني ع الرومنسيه

!
ليو ميسي ومنظف الفيروسات: :p

!
يسلم راسك [ حلوه شاشة الجهاز أكبر من شاشة التلفزيون]

!

مكتب الوزير ماجد مقبل

!
بريماكس !! <-جلسة روقااان ;)

!
حظيرة الكناري الازرق على قولته

!
مستر دلخ

!
كلي هلالي

...

أعداد / هامور البورصه

مشاركة /the best

قصة ابطالها اعضاء المجلس العام.!! وبطل القصه

هامور البورصه :p
في ليلة ظلماء , مليئة بالنجوم, خرج العضو هامور البورصة ..
خارج المنزل دون علم احد من اهله وكان بحوزته:
1- جهاز جوال من نوع nokia n73
2- محفظة بداخلها بطاقة الهوية , بطاقة الصراف , رخصة قيادة مركبة..
3- مسدس من عيار ناري كثيف ..
ركب السيارة مسافرا من الرياض الى الدمام دون علم احد من اهله ..
وهو يسير بالطريق اذا من سوء حظه انثقب إحد الاطارات ..
توقف هاموور وهو يندب حظه .. خصوصا وانه بطريق خالي ..
انتظر طويلا فبتلك السيارة القديمة تتجه نحوه ..
قام بإيقافهم وإذا هم ثلاثة اشخاص :
1- قائد السيارة: كلي هلالي .
2- الراكب الايمن : المشاغب
3- الراكب في الخلف : ليو ميسي ..
وكان هامور خائفا جدا منهم خصوصا من المشاغب ..<<< عليه شين حنجرة..
فقالوا له: اي خدمة ؟
هامور: والله السيارة متعطلة ومامعي استبنة ..
المشاغب : ولا يهمك من حسن حظك انك صادفتنا ..
هامور بقلبه: لا يكثر ..
كلي هلالي: اركب نوصلك اقرب محطة ..
كان هاموور مبسووطاَ مع ليو ميسي .. لخفة دمه .. وفصاحة منطقه..
وصلوا المحطة ..
هاموور : انتظروني شوي ..
المشاغب : ابشر..
كلي هلالي : لاتتاخر ..
اشترى هامور الاستبنة , وركب في السيارة ..
هاموور : ياليت تكملون جميلكم وتوقفوني عند البقالة شوي..
ليو ميسي: ياخي انت تامر وحنا نطامر ..
كلي هلالي : لا تتاخر <<<< مايعرف غيرها ..
اشترى هامور حاجياته وركب في السيارة ..
رجعوا به إلى مكان سيارته ..
بينما هم بالطريق اخذهم الحوار لطول المسافة:
المشاغب : ماتعرفنا عليك يااخي ؟
هاموور : تقصدني انا ؟
كلي هلالي : لا انا .. إيه انت ..
هاموور : معكم هاامور البورصة ..
ليو ميسي: ونعم ...
هاموور : ماعليك زوود..
كلي هلالي : وين ساكن ؟
هاموور : بالرياض في حي العليا بجانب المملكة ..
ليو ميسي : ياحظك ..
هاموور : انتفخ شوي ..
المشاغب : كم رقم جوالك ..
هاموور : عطاه الرقم.. واخذ رقمه..
وصلوا سيارة هااموور ..
شكرهم ونزلووه..
وهو يبي يركب الاستبنة .. نسى العفريتة ...
يبي يطلع الجوال علشان يكلم الشباب الذين وصلةه للمحطة..
يفاجئ بان الجوال اختفى ..
هنالك وضع هاموور تفسيرين ..
1- إما ان الاخوان سرقووه..
2- او انه نساه في السيارة وقضى شحنه..
بات هاموور نائما بجانب الطريق حتى مرت سيارة .. اوقفها .
مصادفة اكتشف ان ركاب السيارة هم نفسهم لم يتغيروا ..
هاموور : نسيت جوالي عندكم بالسيارة .. ماشفتوه؟
ليو ميسي : إيه قعد يرن حتى قضي شحنه..
اخذ هاموور الجوال وطلب منهم عفريتة ..
بعد تركيب الاستبنة .. قاد هاموور السيارة متجها الى الدمام ..
بينما هو بالطريق غلبه النعاس .. أوقف اسيارة ونام..
عندما استيقظ وجد سيارة فيها ثلاثة من الوجووه البيضاء وهم:
1- الشايب fyd
2- meeto
3- الكناري الازرق..
وقفوا بجانبه وسلموا عليه ثم قال fyd :
ماخطبك ؟
هاموور : والله نمت شوي بالطريق .
meeto : اتق الله واتركـــ ما.....
الكناري الازرق مقاطعا : ماعليك منه الرجال توه ملتزم...
fyd : اي خدمة ؟؟ شئ ؟
هاموور : لا شكرا ً
واصل هاموور طريقه إلى الدمام بعد هذه المعاناة.. وصل الدمام بحفظ الله ورعايته ..
حاول هامور البحث عن غرفة سكن .. لكنه دار الدمام كلها ولم يجد ..
في تلك الاثناء .. رأ ى هااموور رجلاً اسود .. هو :أبو راس ..
أبو ارس : انت تدور على سكن ؟
هاموور : إيه ..
ابو راس : عندي لك مكان سكن فخم وفاخر وخدمات 5 نجوم..
هاموور: وين مكانه ؟
ابو راس : الحقني بسيارتك ..
وصل هاموور وابو راس إلى حارة مظلمة ..
بعد دقائق سمع هاموور إطلاق ناري كثيف ..
ووجد عصابة مكونة من 5 اشخاص يترأسهم : mr.dl5
رجع هاموور إلى السيارة واخرج المسدس وحاول يدافع عن نفسه ...لكنه قام بقتل شخصين من عصابة مستر . دلخ ..
ms.dl5 وصل الضغط عنده H
التفت هاموور ووجد أبو راس ملطخ بالدماء وملقى على الارض ..
حاول هاموور الهرب .. لكن عصابة MS.DL5 اطلقت عليه النار مع ذراعه اليمنى ..
هربت عصابة MS.DL5 تاركاً هاموور وابو راس مرميان على الأرض .
حاول احد المشاة مساعدتها ولكنه انقذ هاموور ولم يستطع إنقاذ ابو راس .. لتلقيه الرصاصة في رأسه ..
اتصلوا على الاسعاف 997 واخذوا هاموور إلى العناية المركزة .. بات هاموور في العناية لمدة اسبوع على الاقل ..
بعد رجوعه إلى مسقط رأسه الرياض تحمد والده ووالدته على سلامته .. ولم يقولوا له كلمة لماذا هربت من المنزل بدون إذن <<<< شوفوا
الاخلاق ..
فهم هاموور الدرس جيدا .. ونام نوما لم تره عيناه منذ وقت طويل..
انتهى ..

...the bast...
كتبــت هنــا وذهبـــت..

[IMG]

[/IMG]

مشاركة/ اليزابيث هيرلي
السلام .. بالخير ..
أبشرك اجتمعنا أنا وريري وأبدعنا لك وهذا نص إبداعنا :
(( أعرفي نفستس . أعرف نفسك .. أعرفوا نفوساتكم ..
(أ)- في أي شهر ولدت؟
1-سنة السبله .
2- سنة العجه .
3- سنة طباخ التمر .
4- سنة يوم حصتلا تقعد (بشد القا لو العا أو اللي تريدون)
(ب)- كيف كانت طفولتك؟
1- راكبك إبليس .
2- هاجد قاضبن الأرض .
3- وذحه و أسمر .
4- ليس أيا مما سبق .
(ج) كيف تصفيـ(ن) الملابس التي ترتديـ(ن) الآن؟
1- كرته
2- سروال سنه و علاقي >>>> عمااال
3- مقطع
4- زي بيخابخوتيه >>> هيدا لإيلي صعب ..
(د) ما أكثر مايعجبك في شخصيتك؟
1- هشاشة ضحكتك .
2- ثقالة دمك
3- تيرلالي >>> الله بالخير
4- قصر قامتك .
(ه) أي البلدان ترغب في زيارتها ؟
1- الهمجه
2- بو ركب
3- صعينين
4- جزر اللانجرهانز
(و) أنت في عالم تحقيق الأحلام و يمكنك الخروج لتناول العشاء برفقة شخصية شهيره؟
1-ليوز
2-ريري
3- هويمر _ هليل _ شوغيب >>> عز الله ما أحد طلع معكم .
4- جميع ما ذكر سبقهم .
(ي) جيرانك يتشاجرون (يتكاتلوون) في شكل صاخب ويبدو أنهم يمارسون العنف الجسدي . ما أنت بفاعل؟
1- تحطين طاسه وتسمعين .
2- تعوذوا من أبليس واخزوا الشيطان .
3- تكتبين قصيده عن الحادثه .
4- اثنين مما سبق .

التحليل :

# إذا كانت أغلب إجاباتك 1 :
فأنت شخصيه مسبوبه .. أبااااتش
# إذا كانت أغلب إجابتك 2 :
فأنت شخصيه بافلوفيه .. كهروبيتروليه ..
# إذا كانت أغلب إجاباتك 3:
ماعندك ما عند جراندماذر ..
# إذا كانت أغلب إجاباتك 4 :
وطووووه ماعندك ماعند جراندفاذر آند هز سيستر .. ))

وهاذي مشاركتنا أتمنى تحوز على رضاكم وإذا بتعدل وتبدل خذ راحتك .. بس اسمي ابيه الأول >>>> اخس يا ألهام شاهين ..
...

مشاركة / ليو ميسي

(( ذكرياااات اول يوم اسوق ))

في سنة من السنين وشهر من الشهور واسبوع من السبوعات

ويوم من الايام ومكانٍ من الاماكن <<الاماكن كلها مشتااااقه لخشتي

قررت اني اخربها واتعلم السواقه

المهم كان وقت اجازه ..بعد صلاة الفجر اخذت المفتاح
من فوق التلفزيون << ماوده يقول زارفه من جيب ابوه

المهم دقيت على خويي تركي
انا : تركي انزل الحين عند الباب ابيك
ابوي شرالي سيارة << شف النصب ماشراها الاالفجريه

تركي :اسف مقدر انت تعرف ابوي اذا قام ولا لقاني بيعصب

وانت تعرفه اذا عصب تذكر يوم بغا
يدبجك ذاك اليوم

انا تذكرت وبلعت العافية قلت خلاص فكنا

المهم بعد محاولات طلع تركي وانا رحت انا واخوي الصغير
وصلنا عند تركي وانا افقش عليه اقول ابوي شراها لي
شوي الا الدوريه

صفط جنبي انا سويت اني ماشفته
وقاعد ارفع نفسي علبالي ابوي

الا والعسكري يقولي وش عندك هنا
انا بغير شعور نااظرته وقلت : فووووول

<< كنت ابي اصرفه بقوله رحت اجيب فطور لااهلي
المهم قال يالله قدامي على بيتكم ..المهم مشيت قدامه وفيه
في الشارع دحديره وانا طالع معها الا وتطفئ

علي السيارة
والدورية وراي واشغل ابي امشي قعدتبها

..
اخاف ادعس بقوة تفحط

وان مادعست السيارة ترجع وراء على راعي الدورية

الله لايوريكم بس ... اناظر وجهي بالمرايه خشمي داقه سيلان

من الخوف
وركبي تصافق المهم وصلت البيت الا وذا النشبه وراي

وقفت وقال رح ناد ابوك ..
وانا قاعد اترجاه يابن الحلال اخر ه وهو معيي رحت قلت لاخوي الصغير

رح ناد ابوي واذا سالك عني
قله نايم من البارح بالمجلس << تصريفه غبيه

المهم نزل الوالد وتفاهم مع العسكري
ورجع الوالد وكمل نومه <<< ترا ماجاتني لحطتين بالعقال

وحرمت بعدها اسوق وكل مااشوف دورية حتى
وانا على رجلي اشلع ثوبي :p واعض عليه وحطططط رجلك يالسنايدي

انتهى

والآن نصل إلى ختام هذا العدد الثاني من مجلة قروب دفني وأدفك ... الذي نتمنى أن يحوز على جزء من اعجابكم
واقتراحاتكم ... ونأمل منكم ان تبدو آراءكم واقتراحاتكم حتى نطور من مواهبنا في الأعداد المقبله >> أطلق مهاراات

إن أحسنا فمن الله وحده لا شريك له ... وإن أسأنا فمن أنفسنا والشيطان ..
وإلى لقاء آخر في عدد آخر إن شاء الله من مجلتكم مجلة قرووب دفني وأدفك !!...

ولاننسى ان نشكر زعيموفيتش والكناري الازرق على مساعدتهم