نادي الهلال السعودي - شبكة الزعيم - الموقع الرسمي

مرحبــــــــــــــــــــــــــــــــــــــا

الاخ مطنش يسلم عليكم ويعتذر عن التأخير ... وترى ما عطاني التقرير الا امس .... تفضلوا :

(عيدكم مبارك ولو انها متأخره .... تعرفون انا وشلة الاستراحة مرتبين على اساس السفر في اجازة العيد شوفوا وش صار لنا .....
وصلنا مقر الاقامه وبعد ما خلصنا اوراقنا مع المسئولين عن مقر اقامتنا رحبوا فينا ترحيب على كيفكم حتى دخلنا بس ما كنا مبسوطين بعدين تعرفون ليش ، المهم جلسنا بذاك السكن لا نروح ولا نجي بس اكل ونوم نوم واكل لمدة ثلاثة ايام .
ناس تدخل علينا ( لا تسألوني منهم ) وبعد شوي ناس تطلع وحنا زعلانيين لا واللي بيقهركم اكثر ان اي واحد يدخل ويحاول يكلمنا او يحتك فينا الشله كلها ولا كلمه ... تصدقون من القهر إنا مانكلم بعضنا بعض يا الشله .
حتى جاء الفرج بعد خمسة ايام وقررنا نغير مقر السكن ( طبعاً مو بكيفنا ) بس بصراحة طلعنا وحنا مستانسين ..معليش دوختكم شوي .. المهم خلصنا اوراقنا واستلم كل واحد منا عفشه وعلى طول على السياره ولا يردنا يا جماعة الربع الا باب استراحتنا ( يا زينها ) وقتها حسينا ان العيد توه بادي .
طبعاً ودكم تعرفون وش السالفه ... الموضوع وما فيه ان طول ايام العيد انا والشله بالسجن ( والله مظلومين ) بس لا تسألوني ليه .... انا ممكن اقول لكم وش سبب دخلتنا لابو زعبل . بس ودي اشوف انتم وش تتوقعون ؟؟؟؟؟؟ )

والله حاله وش ذا العيد يا مطنش :( :( ان شاء الله تعوضها انت وربعك بعيد الاضحى :p :p

يا الله اعطوني توقعاتكم .....