كلام سليم 100%

راح الرابطه قليل مايدخنون هناك قل بعد مااحب الصجه :p

والله اللي يبي يحضر ما عليه من المدخنين

اتكلم عن نفسي

انا اتضايق اذا شفت بينبي مدخن

بس لعيون الزعيم يهون كل شيء

ولله معك حق هم لو ياخذوون البكت ويخلون الولاعه اصرف لهم

هلا أخوي رحال هلالي

أنا صراحة أحبك في الله لك جمايل كثيره وانت يمكن ما تعرفها بس أحب اقول لك

كلامك صحيح وعين العقل

مع تحيات..... الحوووت الأزرق

قيمة التذاكر العالية هي السبب الرئيسي من عزوف الجماهير

اما التدخين فليس له دور

خصوصا انك في ملعب مكشوف وغير مغلق

اما بخصوص التنظيم فهو لا يوجد في ظل وجود العشوائية

والامن عندما منعوا الولاعات بسبب قذفعا داخل الملعب

والله الفقر مؤلم واغلبهم مو لاقي ياكل تبيه يدفع مابين 15 و20 ريال من شان كورة


اتوقع هذا السبب الرئيسي

واذا يبون جمهور يخلونها مجاني وتشوف الملعب فل مليان

ودمتم بزعامة

اقرب مخرج 17

الله يذكر زمان كانوا الناس يروحون من الظهر الملعب والمباراه العصر والشمس على راسهم لاكن وش تقول بس

يا هلال جاك الي ............................

والله المفروض يمنعون دخول الدخان للملعب !!!
انا مره قلت لواحد لو سمحت لاتدخن تراك اشرقتنا يجي يقولي تسان قعدت ببيتكم ليش تجي واجي اقوله ان كان لك حق تدخن فاانا لي حق اشم هواء نقي يااخي
يعني تخيل حررر وقلق ويجي هذا يدخن !!!!!
لو نصير نفس ملعب الامارات حق ارسنال مانعين التدخين بوسط الملعب ,, تبي تدخن اطلع براا الملعب واذا طلعت ماتقدر تدخل مره ثانيه
شف الكفار ازين منا نظام ومحافظه على صحة الناس

كلامك صحيح

الله يعطيكم العافيه على مروركم الرائع والتفاعل الكبير ..

إقتباس الرسالة الأصلية كتبت بواسطة الساهر1984 دور لك غير هالعذر قال مدخنين قال تراك مانت بغرفه مقفله علشان تتعذر بالمدخنين

هلا بك أخوي .. اذا كنت انت مدخن لاتحسب كل الناس مثلك ، بعدين من زين التهويه بملاعبنا عشان تقول فيه تهويه !! ، أما عن اني ادور عذر فأنا - وماودي اقول هالكلام بس انت اظطريتني له - شرط أني حضرت مباريات للهلال أكثر منك ومن غيرك وبدون أتحجج بشيء ، وأنا ما أقول هالكلام من باب المنه ؛ لأن الهلال مب بحاجه لي وعنده جماهيره الوفيه ..

إقتباس الرسالة الأصلية كتبت بواسطة الزعيم سامي الجابر 9 راح الرابطه قليل مايدخنون هناك قل بعد مااحب الصجه :p

وراك معصب طيب ، اذا كان الوضع كذا فالإزعاج أهون من سرطان الرئه ..

إقتباس الرسالة الأصلية كتبت بواسطة الضرغام الازرق والله اللي يبي يحضر ما عليه من المدخنين اتكلم عن نفسي انا اتضايق اذا شفت بينبي مدخن بس لعيون الزعيم يهون كل شيء

نكون صريحين .. هل الهلال يبي يفيدني اذا جان مرض - لاقدر الله - ؟؟

إقتباس الرسالة الأصلية كتبت بواسطة الحووووت الأزرق هلا أخوي رحال هلالي أنا صراحة أحبك في الله لك جمايل كثيره وانت يمكن ما تعرفها بس أحب اقول لك كلامك صحيح وعين العقل مع تحيات..... الحوووت الأزرق

هلا بك اخوي .. احبك الله الذي احببتنا فيه >> {{ وتراي مادري وش الجمايل اللي انت تقول }} ..

إقتباس الرسالة الأصلية كتبت بواسطة الهلالي العطشان قيمة التذاكر العالية هي السبب الرئيسي من عزوف الجماهير اما التدخين فليس له دور خصوصا انك في ملعب مكشوف وغير مغلق اما بخصوص التنظيم فهو لا يوجد في ظل وجود العشوائية والامن عندما منعوا الولاعات بسبب قذفعا داخل الملعب والله الفقر مؤلم واغلبهم مو لاقي ياكل تبيه يدفع مابين 15 و20 ريال من شان كورة اتوقع هذا السبب الرئيسي واذا يبون جمهور يخلونها مجاني وتشوف الملعب فل مليان ودمتم بزعامة

هلا اخوي .. الموضوع ليس عن سبب عزوف الجماهير ، الموضوع عن مشكله يجدها البعض حينما يحضر في الملعب - وانا منهم - ، الله يعافيك على مرورك ..