استفزتــــــــني !!! - نادي الهلال السعودي - شبكة الزعيم

سندريلا الهلال · #1 31/07/2007, 04:15 AM

بسم الله الرحمن الرحيم ..

ان شاء الله جميع الأعضــاء بسعــادة ورخــاء مع الاجــاز ة اللي طارت :sad: من جد جـت وبتروح ماحسينا فيها

اللي خلاني اضغط على أيقونة موضوع جديد موقف قهرني واستفزني كثـير

انا راح انقل الحوار بتفاصيله ..

المكان فيه مجموعة من البنات وكلهم متزوجات ومعهم على طفل او طفلين يعني امهات صغار

والمجموعه الثانيه كانت كلها بنات ماتزوجوا .. وقاعدين مع بعض

صايرين أحزاب

فيه وحده من المتزوجات يمكن لها 3 سنوات بس ربي الى الان ما كتب لها اطفال

وفيه وحده منهم عندها طفلين وانواع التصفيق فيهم اللي يشوفها وهي تصفق في وجيهم

يقول كن احد قايلها كل صفقه بمليون

طبعاً هالموقف يشمئز منه اي شخص عاقل ان فيه أم بهالعقليه تصفق طفل عمره مايتجاوز 3 سنوات

لما شافت هالموقف نصحت الام وقالت لها مايجوز والتربيه عمرها ما كانت بالضرب

هنا الموقف اللي ودي انا والله قايمه ومصفقتها >>> خربتها

قالت انتي جيبي عيال بعدين تعالي انصحي

طبعاً انا ما ادري هل نفسيتها لها دور عشان طفلها شقي صارت ترمي الكلام من دون ماتحاسب

يعني حتى لو نفترض كل الاعذار .. مافيه شيء يسمح لها انها تتكلم بهالكمية من قلة الذوق والأدب

انك تعرف نقطة ضعف اي انسان وتضغط عليه من خلالها هذا ضعف يحسب عليك

وقوة تحسب له ..

انا احيانا لما اشوف امهات بهالشكل اتمنى لو الامومة شهادة ما تعطى الا بعد ان تجتاز كل امتحانات العواطف والمشاعر اللي تحملها ..!!

يعـني أم تتصرف بهذي الطريقه كيف ابنائها بيكون عندهم ذوق ولطف في تعاملهم مع الناس

الأم أقرب كائن لأطفالها .. يعني احترامهم وذوقهم وتربيتهم ..من أمهم

لو أن كل أنسان منا قبل ان ينطق كلمة واحدة ألقى على نفسة نفس الكلمة وحسّ بألمها لانتهــت قلة الذوق وانعدمت آثارها ..

يعني بصراحة هالموقف كل ما اتذكرة يألمني ان بطـولتة ( أنثــى )

مشـــاعر الأخرين أمـــانة في أعنـــاق العقــّال

في رعاية الله..

هلاليه@ميلانيه · #2 31/07/2007, 04:16 AM

حجز

_____

بآكـــ....

واللهـ ياسندريلا الهلال أنكـ قلتي الي من زمان في بالي وودي أقولهـ .,.

يعني بعض الآمهات مايقدرون العواقب الي يمكن مايشوفونها من أطفالهم وهم صغار

لكن هالعواقب بتطلع إذا كبروا وبتصير مسؤلية برقبة الآم يوم القيامهـ..

إقتباس


	انا احيانا لما اشوف امهات بهالشكل اتمنى لو الامومة شهادة ما تعطى الا بعد ان تجتاز كل امتحانات العواطف والمشاعر اللي تحملها ..!!

واللهـ جملهـ معبرهـ مرررررهـ ....!!

يعطيكـ العافيهـ يالغلآ ....

ولآتحرميننا جديدكـ

leo messi · #3 31/07/2007, 04:19 AM

^^^
سبقتيني ... هيين

باااك

.............

هلا والله سندريلا

بالنسبة لموضوعك البعض يعتقد ان التربـية
الصحيحه بضرب الاطفــــال مــن الصغـــر
لإعتقادهــم ان الضــرب يهــــذب سـلــوك
الطفــل .. رغم انه في الغالـب تـــــكــون
نتائــج الضـــرب سلبيـــة عـــلى الطــفـل

اما بخصوص ماقالته لمن قامت بنصـحهـا
فهو من وجه نظري ينــم عن قصـور في
عقلية تلك المراءة والا ماذنــب من قامـت
بنصحها سوى انها ان قامت بمـا يملــيـه
عليها ظميرها .. لتلقى مثل هذا الرد التافه

سندريلا عواااااافي على الموضوع الرائع

وان شاء الله احد تستفزك من جديد عشان تكتبين لنا موضوع مره اخرى

leo messi

.

شـــذى · #4 31/07/2007, 04:19 AM

8
8

سبقتوووووووووووني

التربية وما أدرك ما التربية ............

وهذا مكاااااااااااااااااني ودي اتفلسف واجد

عوافي سندريلا الهلال

abu_riman · #5 31/07/2007, 04:25 AM

الحمدلله على السلامة من بعد غيبة !
فعلاً أصبح من المستغرب وجود مثل هذه التصرفات !

f*y*d · #6 31/07/2007, 04:28 AM

مرور لتسجيل إعجاب بهالموضوع رغم اني
لا أملك شي أضيفه الا الدعوة لها بالهداية
ومن متى تربية الأطفال تكون بالضرب ؟؟ّ!!

هذا وإن أثّر ف هالطفل أصابه بعقد نفسية
هو بغنى عنها ف هالدنيا.....................

abo_nasser · #7 31/07/2007, 04:31 AM

نحمدالله على نعمة العقل

وتقبلي مروري اختي

سلااااااااااااااااااااام

عسيريه · #8 31/07/2007, 04:36 AM

هلا سندريلا..
من جد فيه ناس عندهم قلة ذوق يعني شلون تجرحين وحده من الأصل مجروحه ومقهوره
وحزينه في نفس الوقت..! بالأسآس هذا يدل على نقص في شخصيتهم..يعني هذا شي
مقدر ومكتوب مانقدر نعترض عليه لأنه من عند الله والحآصل لازم نرضى فيه
سوري سندريلا احس دمي فاير ما ألومك يوم انقهرتي منها.!!

عوافي اختي والحمد لله انك رجعتي لنا اشتقنا لمواضيعكـ..

مع التحيه

الغدير الازرق · #9 31/07/2007, 04:48 AM

والله وانا اخووك هالسالفه تكدر الخاطر وتثبت لنا انه بااقي في هالزمن

وفي هالبلد ناس عقولهم صفر على الشمال مع احترامي لهم ,,

لايفقهون في التربية الا اسمها وهالمرأة ماراح تحس بالنعمه اللي انعم الله عليها

من اولاد الا بعد ماتفقدهم ,,

ومثل هالمرأة ماتحس بشعور غيرها ودايماً متنرفزه وماتوزن الكلام قبل خروجه

وتتوقع ان كلامها راح يكون تحت تأييد الجميع ..

وانا مااتكلم عن تربية الطفل لوحدها هاذي بحد ذاتها مشكلة ثانيه وماعمر التربية

كانت بالضرب ..

بس اللي ضاق صدري منه المرأة المكسينه اللي ربي مارزقها بأطفال

وكانت محل استهزاء هالمرأة الملسوونه

والله لايديم الجهل في هذا البلد

ومشكووره اختي سندريلا وعوده حميده وانطلاقه رائعه وهاذي اللي يسمونها

الهدوء اللي يسبق العاصفة

اخووك / الغدير الازرق ,, ملجأ لكل عطشان ,,

الكلاسيكي · #10 31/07/2007, 05:03 AM

هـــلا فيكـ اختس سندريلا ..
عــوداً حميـــداً .. الحمد لله ع السلامه ..

بالنسبه للمضوع كثير مانشوف هذي المناظؤر واقصد بذلك ضرب الام لاطفالها ..
معتقدين بان الضرب هو الحل .. !! هناك امور افضل بكثير .. مثل الترغيب ..
اما الضرب لا اعتقد انه حل مناسب ..

ومن ناحية الكلام الذي وجهه للناصحه اعتقد بانه سيكون كالاسهم في
التي تخترق الجسد .. للأسف الكثير يخطئ بالكلام ويجرح ويعتذر بأنه "وقتها معصب"
هذا اختبار .. وابتلاء .. فالانسان اللي حيترم نفسه مهما كان لن يتفوه بكلام جارح ..

اسال الله ان يرزق كل من لم يٌرزق ..
تقبليفائق احترامي ..
دمتي بخير .. ننتظر جديدك ..

Canada's gallant · #11 31/07/2007, 05:26 AM

استفزتني و فزت و زعلت مني علي

و استغاظتني و غاظة ... الى اخره

pause

ذكرتيني يا اختي بموقف شفته في الشرقية

ولد داخل مع أبوه محل كمبيوتر

و الأبو صاحب على ولد اللي كان ميت ( عطش )

فصار الولد يصارخ و يكلم اللي يمشون في الشارع و يقول أبي مويه أبي مويه

و الولد بصراحة مسخها حبتين مع واحد .. قام هالواحد و صفق الولد صفقة .. حمرت خدوده ..

قمت قلت لازم اسوي intervene و أكلم الرجال .. المهم الرجال قال أن المفروض الأب ما يخلي ولده يحوم في الشارع زي كذا و يوم تكلمنا مع الأب إلا و هو يقول مزدن فيه

..

قام الولد يمسك في حديد محل( مصكر ) و يصارخ بقوة بعد من سمع كلام الأب

STOP

هل هذه هي معاملتنا لأطفالنا ؟

كيف سيكون مستقبلهم؟

Notification

عند الصعود إلى الطائرة في رحلة إلى خارج أسوار, نلاحظ أن الأطفال الأجانب هم أهدأ بكثير من أطفالنا .. هل لأن أطفالنا مدللين و لهم الحق في اظهار ما يشاؤون أم أنهم يروحون عن أنفسهم بهذه الطريقة

موضوع رائع و راااااايئ

مشكوره عليه وايد

هلااالي وأفتخر · #12 31/07/2007, 05:32 AM

مشكوووووورة ع الموضوع

وبصراحة دايخ ماع عندي وقت أعلق عليه

_________
توقيييعك عيشني جو ثاني <<<ذكرت أيام المطر وسعة الصدر

سموّ الحرفّ 2006 · #13 31/07/2007, 05:43 AM

آآآآهـ عن جد حسيت بألمــهاا

لهدرجــه تصل قــلة الذوووق والبجاحــه

موضووع يستااهــل انك تنزليــنه وتشكررين عليه

الف شكررر يالغالــيه على موضووع انسانــي رووعـــه ..!

لاعدمنااا ابدااعــك

هــلاليه

~SaKaB · #14 31/07/2007, 06:40 AM

إقتباس


	انا احيانا لما اشوف امهات بهالشكل اتمنى لو الامومة شهادة ما تعطى الا بعد ان تجتاز كل امتحانات العواطف والمشاعر اللي تحملها ..!!

الحمد لله ع السلامة .. ما بغيتي ترجعين :p

سكبكب

20 ياسر الجابر 9 · #15 31/07/2007, 06:45 AM

بصراحه موقف يضيق الصدر !!

ويخشى عليها بتعجيل العقوبه عليها في الدنيا هذا غير الآخره !!

شكرا أختي سندريلا