هههه
والله أني من أولى مباريات المنتخب و أنا أقول ذا مهب مستوى
باستثناء مباراة البحرين - اللي فاز فيها المنتخب ليس لتمكن منه و إنما لسوء في البحرين -
أقول باستثناء مباراة البحرين .. عطوني مباراة وحدة فرض فيها المنتخب سيطرته على المباراة ، أو قدر يتحكم فيها المنتخب ، أو فرض فيها خطته ..!! ما فيه !!
مباراته مع أندونيسيا .. كان يلعب تسنه يلعب مع فريق كبير .. ما يطلع عن بطولة كأس العام ..
مباراته مع كوريا .. رحمة من الله جت تعادل
مباراته مع اليابان .. والله أني مدري شلون فاز ..!! تبي تقولون لي المنتخب فرض أسلوبه في المباراة ؟! صعبة معليش !!
اليابان فرضت ستايلها السريع .. واللعب المفتوح ..
أما ربعنا .. مع الخيل يا شقرا .. الأسلوب اللي يفرض عليه .. أوكي محنب قايلين لا ..

ربعنا يبي يستانسون على المدرب لأنه وصلهم المباراة النهائية ..
لكن شلون وصلهم ؟
هذي يا جماعة اللي يسمونه ( بالبركة ) دايم نسمع شيباننا يقولونه .. !!

لا أحد يلوم الهجوم يقول والله ما زينوا شي !!
حط ورا ياسر وسط صح .. يبيض وجهك
أما تبي ياسر يرجع ورا وياخذ الكورة .. ثم يرجع يسجل
ياسر يفتقد السرعة !
تبي مالك يرجع ويآخذ الكورة ؟
مالك يفتقد المهارة بشكل كبير !
ياسر معروف .. عطه الكورة في وضع يمكن لياسر يسوي لك حركة حركتين ويطقه بالمرمى ..
أما من نص الملعب .. والدفاع متكتل .. يبي له وااااجد ذي .. مهب شوي

أنا مدري هل المشكلة بالوسط والدفاع
والا المشكلة من المدرب اللي ما عرف شلون يخطط لهم صح ..!
أو البلاء منهم كلهم ..!!
ربعنا يبي يغترون بالمدرب .. يبي يحسبونه عرف يفك شفرة المنتخب
يوم أنه أبعد الكباريه .. اللي بعضهم مصدر ثقة و اطمئنان الفريق !

لم تعجبني كثيراً استلام ياسر للكبتانية ..
والله أني ودي أنه يتفرغ للعبه بس ..
والله حملوه هم .. و خلهم يدفعون ضريبته !

الحارس سلم لي عليه كثير السلام ..
بالله هذي طلعة حارس !!
ثاني مرة يا ولد المسليم تنكبنا نفس النكبة !
يعني ما كفتك حقت مباراة اليابان ..يعني لازم تأكد لنا !!
لا أحد يقولي هو رد ثنتين أو ثلاث هجمات صعبات
يخوي إذا ما رد هالثنتين وش تبيه يرد ..
وشوله يصير حارس أصلا أجل !!
لا عزاء لمرمى المنتخب بعد الدعيع

عموماً ..
هاردلك للمنتخب ..

اقتراح ..
لو وضع للمنتخب مدربين
واحد سعودي يختار اللاعبين
و ثاني أجبني .. يخطط للمباراة !
بدل ما تجيب أجبني ما يبخص باللاعبين

هاردلك ثانية

تبغى الصراحه كلامك فيه من الصح يعني انا ماشفت المنتخب فرض سيطرته على اي مباره كلها واذا كان فيه اي خطوره تكون من ياسر ومالك لا وبعض المرات ياسر يرجع دفاع ويطلع الكوره براسه يعني تقريبا كانو كل الفريق انا اقول الفريق كان ينقصه اركان قويه مثل المنتشري حسين عبدالغني ونور والشلهوب لو على الاقل اثنين منهم
بس في النهايه ماقصرو وصلوا الى النهائي هذا انجاز بس بصراحه لو تلاحظون الفرق بين بطولة الخليج وبطولة اسيا تشفون فرق كبير يعني نسيتوا يوم كان المنتخب السعودي يفرض سيطره كامله على المباره وتذكرون يوم قال ياسر حينها بعد نهايةمبارة قطر سوينا كل شي ماكان ناقص الا نحط الكوره بايدينا في الباب !!!!!!!