ҳ̸Ҳ̸ҳ مطبـخ المجـلس العآم ҳ̸Ҳ̸ҳ. - صفحة رقم 4 - نادي الهلال السعودي - شبكة الزعيم

~بنت الزعيم~ · #46 31/07/2007, 10:25 PM

هلا وغلا بــ ام السنع كله وخويتها تغريد

..
فكره حلوه حيل بذات لــ امثالي اللي مالها بالطباخ :p
ذكرتيني بموضوعي ( مشروع طباخه فاشله) قلت لازم اثبت لهم نجاحي بالطباخ

..
وبعدين انتي تعرفين اني ماعرف اطبخ يعني حتى لو بنصب عليك بتصيديني

..
عاد اليوم معجزه دخلت المطبخ حتى امي استغربت دخلتي قالت لي خير وش عندك

قالبه المطبخ قلت لها ابدا ابي اجرب قدراتي بالمطبخ

وشوووفي وش صلحت وقوليلي رايك مايهمني الفوز

هذا حلى اسمه ( بسكويت بالشكولا ) << عشانه سهل اخترته :p ..
المهم طريقته يا طويلت العمر كــ التالي ;)
اول شي تجيبين المقادير اللي هي بالصوره

1- بسكوت شاي عادي ..
2- علبه قشطه ..
3- ملعقه شكولا أي نوع ..
4- ملعقتين سكر ناعم ..
المهم بعدين نخلط السكر مع الشكولا مثل ما بالصوره

بعدين نحط على السكر والشكولا القشطه ونخلطهم باليد موب بالخلاط

بعدين نجيب الصينيه نحط طبقه من الشكولا

بعدين نحط فوق الشكولا بسكويت مثل اللي بالصوره

لين اتصير مثل الطبقات

بعدين يصير الشكل النهائي بهالشكل

التزين اللي فوقه خذيته من البسكويت يعني بعد ما سويت الحلى راح
يبقى بسكويت بدل ما نقطه نستخدمه بالتزين وانا رحت وحطيته بالخلاط ..

بعدين زينته على الحلى باسمي

وبالهنا والعافيه

..

وعلى من يتذوقه ويصير له شي مالي دخل

ترى اول مره والطعم مو ذاكـ الزود

..
ومن زود قرادة الحظ كان عندنا اختي اليوم وذاقته وقاعده تطنز علي

عاد انا ما رديت عليها لان الناجح دائماً محارب :p

والله يعطيكم الف عافيه على هالفكره المتميزه .. واتمنى لكم كل التوفيق ..

** عاشق البحر ** · #47 31/07/2007, 10:33 PM

وش بتسووووووووون ؟؟!

هي نااااااااااااااااقصه ؟؟!

اوكي يا ام السنع ويا تغريدووووووووه ..

والله اني احبك ابو ام الشاهي حبك ...

اذا بدكن .. نسوي لكن شااااي ... تفضلوا بس ...

اي نسيت .. واعرف كمان اسووووي .. جبنة و حلاوة وزيتوووون .. ولا يهون الطرشي ...

اش كمااااااااااااان ؟؟!

اعرف اقلب قنوات فالرسيفر ..< < وش دخلها ..

هلاليوووووووووه .. والله ماكو حيل ولا وقت .. اطبخ واغسل .. واكوي .. الله يرزقني الزوجه ( السنعه ) جعلها ذخر لي ولعيالها ياااااااااااااااااااااااارب < < لا تسوي مناحه بس ..

ع العموووووووووووم .. انا انسان جابري .. اقصد مزاجي .. اتمرن متى مابغيت واطبخ متى مااردت ...

انتظرونا قريبا ... يا طبخنا لكم .. يا جردنا بكم ..

** يجي اتفرج ع ( المملكة هذا الصباح ) < < لايكون تغير ذا البرنامج ؟؟!

انتهى ,,

Dr.Sara · #48 31/07/2007, 11:18 PM

السلام عليكمـ ,,

موضوع رائع الصراحة ويحمس كثير .. و يشجع البنات على دخول المطبخ بدل

القعده على النت ..!

واحس البنات تفاعلوا خصوصاً عاشقة الزعيم اللي كل ما دخلت مسن الاقيها

حاطه بالخارج وكاتبه " انا في المطبخ "

وانا بعد حرصت علينا سنعه .. حتى اني قلت مارح ارد الا اكلتي معي ..

مع اني ما ادخل المطبخ الا بالقوه ..!

( حلى باسكن روبنز )

هذا حلى حلو يُقدم مع القهوة .. ان شاءالله يعجبكم ..

وانا اهديه لكل الاعضاء والعضوات خصوصاً صاحبات الموضوع ..,,

المقادير:
علبة بسكويت شاي
6 حبات جبن كيري
2كيس دريم ويب
2قشطه
1 ظرف كريمه
1علبة كبيرة حليب نستله محلى
صوص شوكولاته
كورن فلكس

الطريقه:
تحضر صينيه مقعره وتبطن بالقصدير ثم يكسر البسكوت من دون ترتيب ويوضع في قاع الصينية وتخلط المقادير بالخلاط ماعدا الشكولاته والكورن فلكس وتصب على البسكويت وتوضع في الفريزر لمدة يوم كامل حتى تجمد ثم تقلب ويزال منها القصدير ويزين بالشوكلاته ثم الكورن فلكس .

عاد الحبات الثلاثة اللي مدري وش يبون هدية اقدمها .. لسنعه وتغريد ..

والثالثة للي في بالي وزعلتهم انا قبل كم يوم ..

Dr.Sara

مــــهــــنــــد · #49 31/07/2007, 11:34 PM

معليش انا حاجز في ثاني صفحة عشان الحلا بس ودي ارد كم رد حليو

د.سارا
والله شغل الإضاءات الهالوجينية يطلع منظر الأكل مرررررررررة شهي !! مو اللي قبل على النجفات البيض ههههه <<<<<<< خبييييير اضاءات

المهم شكل التحدي بدأ يحتمي لكن راح ابيض وجيه التماسيح بإذن الله ونشوف مين اللي يربح التماسيح ولا السحالي .

يعجبني حماس الموضوع والشباب لا تقصرون نبغى قرص ومقلوبه وشغل كشتات .

تحياتي ،،،،

جنـــ الزعيم ـــى · #50 01/08/2007, 01:18 AM

السلام عليكم ورحمة الله وبركاته
ابي اقدم لكم حلى سفرة
يسمى بحلى الشاطئ

وهذي عن قرب

**** المقاديـــــــــــر****
1ـ كرتون بسكويت اصابع رنجو
2ـ كيكة جاهزة بالشوكولاته ـ الفانيلا
4ـ حبات سنكرس مذابة في حمام مائي
1ـ جبن كيري (6حبات )
1ـ ظرف دريم ويب
2ـ كريمة كراميل
3ـ قشطة
بسكويت مطحون
***الطـــــــــــــــــــــــــــــــــــــــريقة ***
>>>>> الله يعيني انا عندي استعداد اسوي انواع الحلى ولااكتب طريقة
بس ياله وش نسوي

الطبقة الاولى:
تقطع الكيكـ اللي بالشوكولاته شرائح
وترص في اسفل الصينية
طبعاً الصينية لها خاصية الفتح او ماتسمى صينية متحركة القاعدة

بالخلاط>>> {السنكرس/ 2 قشطة / 2كريمة كراميل / 6حبات جبن كيري}
وتوضع نصف الخلطه على الطبقة السابقة

*****
ترص اصابع بسكويت الرنجو على الطول
إلى جانب إطار الصينية من الداخل

الطبقة الثانية :
تقطع كيكة الفانيلا شرائح وترص فوق الخلطة السابقة
ويسكب باقي الخليط

الطبقة الثالثة :
بالمضرب الكهربائي >>>> {ظرف دريم ويب/نص علبة قشطة/
مقدارفنجال القهوة ماء بارد }
تقسم الخلطة السابقة الى قسمين
قسم يوضع على الطبقة السابقة وتوضع في الفريزر قليلاً
القسم الاخر يوضع عليه قطرات من اللون (الصبغة) الأزرق
وتوضع على جزء من الصينية مثل الشاطئ
يوضع البسكوت المطحون على الجزء الاخرء
نفصل مابين الجزئين باحجار الشوكولاته
ثم تزين باي نوع من أنواع الحلوى على شكل اسماكـ ونجمة البحر
وبالهنا ءوالعافية
آهـ آهـ آهـ والله ياتغريد يأن مسابقتكن سهلة الشكل صعبت المحتوى
انا حدي الردود هذي المشاركة تبيلها راحة اسبوع وعسها تعجبكم
والله يأني تعبت تعب صدق تزيين الحلى اسهل من كتابة الطريقة

رعبوبة الزعيم · #51 01/08/2007, 04:03 AM

يـــــاهلا والله وغـــلااا هلاليه سنعه وتغريد..

والله موضــــــوع روووعه ويستــحق التثبيت بجد بجد ابداع ..
والله كــان نفسي أشارك ولو بالبسيط
بس التصفح عندي زفت بالقــوووه .. مع اني ادخل مطبخ لكن مااطبخ

يعني اشرف على الأكل بس زان ولا مازان ..

بس أحــسن شي انكم حمستـوو الشباب انهم يدخلون المطبخ ويســاعوود اهلهم
مو بس بالموضوع

يعني اذا مافزتزا حاولوا مرتين وثلاااثه ةعشره لين ماتعرفون تطبخون <<علمي نفسك

وأن شـــالله اقدر اشارك بالموضوع عاد ياويلكم ان شاركت كلكم عليكم العوض

لأني انا بكون الفايزه

ويــعطيكم العافيه شباب وصبايا على هـ الأكلات الحلوة ..وبـ نتظار البوفيه ..

بس علموني متى علشان ماأفطر ولا أتعشى ولا أتغدى بذا اليوم ..

إحــتمال يكون لي عوده ..

وعوافي مره ثــانيه

@هلالي شقراوي@ · #52 01/08/2007, 05:35 AM

هلاليه سنعه&تغريد،،موضوع حلووو يستحق التثبيت..

ترا ماوده ياكل ابد

انا ماادخل كثير المطبخ بس اذا دخلت اعرف اني بطبخ>>>تكفى يااسامه السيد

والله انا ما اعرف الا اندومي،وجبن وطحينيه،وشكشوكه بدون بيض

هذا الاكل
المشروبات عاد نسكافه ،شاهي ،عصير تانج ،فيمتو

على العموم بحاول ادخل المطبخ اذا ناموا اهلي عشان مااتشوت

يعطيكم العافيه على الموضوع،،

هلاليه سنعه&تغريد..

راجع لكم..

zooom · #53 01/08/2007, 06:24 AM

المقادير " خبز توست + جبن كرفت سائل+ حمايه الخبز ....= وجبه تفك ازمه !!

الطبخه الثانيه

المقادير : فول او قلابه من اقرب فوال مع تميس وحمضيات !!

مقادير الطبخه الثالثه :

صامولي + جبن كيري + عسل.... بدون حمايه سريع سريع...!!

الوجبه الرابعه من اقرب بقاله محطه ... كيك امريكانا منتهيه صلاحيته ...

الوجبه الخامسه : لايوجد وجبات .... انام خفيف احسن...

هلاليه سنعه وتغريد او تغريد وهلاليه سنعه >>>>> عشان ما اسبب لكم مشاكل مع بعض !! ليش ما قال اسمي انا الاول !!

والله ما في راسي طبخ .... الله يخلي الوالده ويطول عمرها والسامعين ....

ولاحتى شاهي بنعناع !!

يعطيكم العافيه وهذا هي اللي فوق وجباتي ...وان شاء الله افوز واعوض هزيمه المنتخب !!

هلاليه سنعه · #54 01/08/2007, 08:53 AM

ياهلا والله فيــــكم .. الا الان البنات بسم الله علينا فايزين الله يحفظنا ياررررب
5\صفر ... بانتظار السنعين والسنعـــــات ..

........................................................................................

.. المشاغب ..

هلا والله وغلا اخوي المشاغب

إقتباس


	ما دريت بالموضوع إلا بعد طبخة الكبسة في كشتة أبها

وش دعوووه كبسه صلحها بأي محل مهوب شرط بالبر وروونا ابداعتكم
يالله من يقص شريط مشاركات الشباااااااااب .. وووين التحدي ..

ان شاء الله ترجع بطبختك وحياك الله اخووي ..

.. leo messi ..

هلافيك مره ثانيه اخوي ليو

إقتباس


	والله شيء هالوجبة بس متـأكدة انه انتي اللي سويتيها ؟؟ انا ان كان فزت ابي ترسلين لي هالوجبه جائزة بالبريد

متأكده وابصملك بصمه اني انا مسويتها بحذافيرها ..
ابشرررر غالي والطلب رخيص ..

الله يعافييك بس ووين طبختك يالله ننتظرها ..

.. ^ العنود ^ ..

نورتي خيتي انتي وطبختس ..
اووه كبسه جبتيها على الجرح

ماشاء الله روعه العنووود تسلم يدينتس ..
بالتوفيـق لتس ..

.. تغريد ..

هلا غروووده ياحبني لتس

سلااام ..

.. دلـوعـة الزعيـم ..

هلا والله وغلا خيتي دلوووعه ..

إقتباس


	السلام عليكم ورحمة وبركاته ياسلام وربي مشتاقة للمجلس ومواضيعه الحلوة

وعليكم السلام ورحمة الله وبركاته
وحنا مشتاقين لتس الله يحييتس

إقتباس


	مشكله ماعرف اسوي الا اندومي حالي حال غيري الاندومي تدخل ضمن المسابقة ؟

الاندومي والبيض ماشي سووقهن

يدخل خيتوووو مع ان المفروض ماتاخذين رايي بالاندومي
لأني ما بحبهوووش

عوااافي خيتي ..

.. ღ سيموღ ..

هلا والله وغلا اخوي سليمان
وعليكم السلام ورحمة الله وبركاته ..

إقتباس


	وأن شاء الله بنشـاركـ بالمسـابقة ..!!

حياك الله بانتظار طبختك

إقتباس


	ممم أعـرف أسوي .. ساندويتش جبن وبيضـ ..! وأعرف أسوي شكشوكـة ..! بسـ ترى أكثر من صلصلة الطماطمـ ..! بس ــ هيكـ ..!؟

في موضوعنا ان شاء الله بتوودع البيض والجبن وبتطبخ اشياء جديده
الموضوع منكم واليكم ..

إقتباس


	ما أشوفه إلا بـ حفل الجنادرية بس .. امـا غيرهـ صفر على الشمـال ..!

ايه خبره وتاريخ مايحطونه الا فيذاك ..
حياك الله اخوي سليمان ..

................................................

دمتـم بخيـر وعافيـه ..’’

هلاليه سنعه · #55 01/08/2007, 09:32 AM

.. ~بنت الزعيم~ ..

هلا والله وغلا بخيتي منار ..
منار فيذا مش ممكن وووين الناس ياقاطعه مشتاقين لتس

إقتباس


	فكره حلوه حيل بذات لــ امثالي اللي مالها بالطباخ

الله مير يسلمتس ايه اهم شئ الاستفاده وروح المنافسه ..

إقتباس


	ذكرتيني بموضوعي ( مشروع طباخه فاشله) قلت لازم اثبت لهم نجاحي بالطباخ .. وبعدين انتي تعرفين اني ماعرف اطبخ يعني حتى لو بنصب عليك بتصيديني

..
ايه الله يذكره بالخير لا و شدعووووووه منار تعرفين بس مالتس خلق ..
عادي ايزي تجي هالحاله ..

إقتباس


	وشوووفي وش صلحت وقوليلي رايك مايهمني الفوز

يابعدي والله ماشاء الله صراحه شكله رووعه خصوصا اموووت انا بالسهل الممتنع

إقتباس


	عاد انا ما رديت عليها لان الناجح دائماً محارب

فعلا .. اعداء النجاح كثيرووون <<كلها طبخه

بس تسلم يدينتس وان شاء الله بداية خير اليين تاصلين للذبيحه

ومرحبا فيتس مره ثانيه خيتي ..

.. خالد8 ..

هلا والله اخوي خالد

إقتباس


	هلاليوووووووووه .. والله ماكو حيل ولا وقت .. اطبخ واغسل .. واكوي ..

الدعوه كلها طبخ ماقلنا ضف البيت

يانتم عجازين بعد خلو الشيف رمزي واسامه قدوتكم

ياحظ حريمهم

حياك الله اخوي ..

.. Dr.Sara ..

هلا والله وغلا بخيتي سويره ..
وعليكم السلام ورحمة الله وبركاته ..

إقتباس


	يشجع البنات على دخول المطبخ بدل القعده على النت ..! واحس البنات تفاعلوا خصوصاً عاشقة الزعيم اللي كل ما دخلت مسن الاقيها حاطه بالخارج وكاتبه " انا في المطبخ "

هههههههههههههههههه اي والله يختي الصيف خمول ونت وطفش على الاقل
الواحد يسوي اكشن بالمطبخ

ياحبيلها لنوووش سنعه وتعجبتس الله يقويها يارررررب ..

إقتباس


	وانا بعد حرصت علينا سنعه .. حتى اني قلت مارح ارد الا اكلتي معي

تسلمين سويره على المشاركه وتلبية الدعوه ..

إقتباس


	( حلى باسكن روبنز )

ماشاء الله وش خليتي للباقين رووووعه وابداع وطعم شكله جوناااان والتصوير فنتاستك ..
بتسحبين البساط منا

تسلم يدينتس ..
ومشكوره على حبة الحلى طعمها خيال ..

وحياتس مره ثانيه خيتي ..

.. مــــهــــنــــد ..

هلا والله اخوي مهند

إقتباس


	مو اللي قبل على النجفات البيض ههههه <<<<<<< خبييييير اضاءات

ايه يالله من فضلك على الطبيعه

إقتباس


	المهم شكل التحدي بدأ يحتمي

ووووينكم نشوف بيضا ولا نرى أكلاً

بانتظار اكلاتكم .. حياك الله اخوي ..

.. جنـــ الزعيم ـــى ..

هلا والله وغلا اختي جنى
وعليكم السلام ورحمة الله وبركاته

إقتباس


	يسمى بحلى الشاطئ

الله حلاتس ذكرني بالشرقيه ياني مشتاقه لها ..

جنى صراحه مااشا ءالله ابداع وفن وغرابه والوان .. تسلم يدينتس ..
يبيله روحه لسوبر ماركت خاصه عشان طلباته

والله يابنات مدري وش اقوول مااشا ءالله عليكم طبخات من الدرجه الاولى
الله يحفظكم ..

هذي

إقتباس


	المشاركة تبيلها راحة اسبوع وعسها تعجبكم والله يأني تعبت تعب صدق تزيين الحلى اسهل من كتابة الطريقة

عجبتنا وزياده .. الله لايضيع لتس تعب ياررررررب .. خلاص خوذي فترة استجمام عند الشاطئ

حياتس الله خيتي مره ثانيه ..

.. رعبوبة الزعيم ..

هلا والله وغلا بخيتي رعبووبه
واحب اشكر من ثبت الموووضوع الله يعافييه ياررررررب ..

إقتباس


	والله كــان نفسي أشارك ولو بالبسيط بس التصفح عندي زفت بالقــوووه .. مع اني ادخل مطبخ لكن مااطبخ

سيم سيم بس ان شاء الله يزين .. ان شاء الله الموضوع يحمسكم ويحببكم بالطبخ

إقتباس


	يعني اذا مافزتزا حاولوا مرتين وثلاااثه ةعشره لين ماتعرفون تطبخون <<علمي نفسك

الواحد يتعلم من تجاربه والفشل بداية النجاح ياما وياماااا خربطنا بس حلاوتها في حوستها

إقتباس


	بس علموني متى علشان ماأفطر ولا أتعشى ولا أتغدى بذا اليوم .. إحــتمال يكون لي عوده ..

هههههههههههههههه ولا يهمتس بنعزمتس ان شاء الله يارررب ونبي نشوووف اكله من يدينتس

الله يعافيتس ..مرحبا فيتس خيتي مره ثانيه ..

: : : : : : : : : : :

تمت بحمدالله الصفحه الخامسه بنجااااااااااااح عقبال ما تتهاطل الطبخاااااااااااات في الصفحات الثانيه
وان شاء الله ماراح اطووول كان ودي اتابعكم بس يالله ظروف السفر

حكمت وتغريد ان شاء الله
ماراح تقصر معكم والمشرفين ..

دمتـم بخيـر وعافيـه ..’’

هلالي الظهران · #56 01/08/2007, 09:00 PM

مساء الخير جميع.. افحز انت وياه الشيف هلالي الظهران وصل

..

سنعه بالله وخري كلوبك عن طريقي.. وانتي د.ساره يرحم أمك شيلي حلاك << الله والحلا اللي كله حليب نستله

.. اعنبوا ابليسكم ياهالبني لا قلنالكم سنعوا حلا كبيتوا علبة نستله كامله وعلبة دريم ويب وجيتوا تطامرون

.. والبقيه امسكوا الكورنر الله لايهينكم..

قبل لا أسدح طبختي المحترمه أبي اعلمكم بشيئين:-

الاول:

ناظروا هالصوره وارفقوا على خويكم .. هذاني قسم بالله كتفي مخلوع وقطيت الجبيره وشمرت عن سواعدي وسيقاني وكل شي

.. بالله ما أستاهل افوز بعد هالتضحيه؟! يعني لو انخلع كتفي مرتن ثانيه وطلع من مكانه وش كنتم بتفيدوني؟! :sad:

قسما بالله انكم بايخين ومالكم داعي << يابوي ارفق تو ماابدا التصويت

..

يعني حتى لو ماعجبكم طبخي يكفيكم هالفدائيه والروح لرفع شعار الوطن خفاقا

..واوعدكم اذا فزت سوف أقضي على البطاله وسأقوم بسعودة المطاعم ..كما احب ان ازف لكم خبر اني ابفتتح جامعة للطبخ<< هذا اللي بيحوق الدعوه

..

الثاني: يا الربع لازم تقدرون اني ابطبخ لكم بمطبخ ما انطبخ فيه من قبل 3 اشهر .. يعني نص المقادير مهيب متوفره والنص الثاني منتهيه صلاحيته

..

والان ابتركم مع طبق اليوم ..

بيض بالجبن بنكهة التوابل الفرنسية

المقادير:-

1- ربع فنجان زيت عافيه.
2-زيت زيتون.
3- حبة طماطم.
4- حبة بصل وياليت تكون مقطعه.
5-بيضتان وحبذا تكون فقيه.
6- جبنة كيري.
7-توابل فرنسيه.
8- عدد 6 حبات زيتون أسود اسباني منزوع البذر

.
9- شطة كريستال (حسب الرغبه).
10- معجون طماطم (صلصه).

الطريقه:-

اولا: نضع المقلاه على العين ونشعل اللهب.. ونضع زيت عافيه وزيت الزيتون ونخلطهم جيدا

.. ثم نضيف الصلصه بقدر مانضغط على اللعبه وينسكب المعجون

..

بس ياالربع انتبهوا اذا حطيتوا الزيت على النار ورحتوا تجيبون بقية المقادير وخروا المقلاه من على اللهب << ابد ابد ماطشر الزيت بوجهه

ثانيا: نضيف الجبن كيري ونبدأ بتحميسها (<<شف وجه العنز واحلب لبن

)..

ياالربع خلو الجبن تذوب من نفسها حتى تطلع نكهتها(<<بدا يتفلسف

)

ثالثا:بعد ان تذوب الجبنه نضيف لها البيضتين.. والمهم هنا عند فقس البيض يجب ان تبقى دائريه ولا يسيل مابداخلها وبعد ان توضع البيضتين بالشكل الصحيح سيلوها لكي تشعروا بالمتعه

..

يا الربع بغيت ازرفكم في بيضه بس قلت مالها داعي احد يحجر لي

رابعا: نضيف التوابل الفرنسيه .. تلقونها بكارفور وان مالقيتوا الملح والفلفل يمشي الحال

..وتضاف الشطه حسب الرغبه..

خامسا: نقطع الطماطم ونجهز الزيتون.. ونترك الطبخه تستوي لمدة دقيقة لكي تصبح جاهزه للتقديم.. واليكم الطبق

..

صوره ملتقطه من الاقمار الصناعيه

وهذا طبقنا الوقور..

وهذي صوره اخيره:

يا الربع هذا مصير الطبق وصدقوني انكم بتاكلون اصابعكم وراه لكن اذا عوركم بطنكم شوي لا تخافون ولا شي هذي حالة تسمم بسيطه وخذوا حبتين بنادول وادعولي

..

نصائح لكي يصبح الطبق أشهى:-

1- يا الربع لا يهمكم الشكل الخارجي للطبخه .. المهم هو النفس في الطبخ

..

2- اذا ماتوفرت المقادير لازم تتصرفون مهو بتقلون خلاص ماينفع!! شوفوني انا قسما هالطبخه صدقيه وماخذها من اشهر المطاعم الفرنسيه لكن ماتوفرت الزبده واستخدمت بدالها خلطة زيت عافيه بزيت زيتون.. ومالقيت توابل فرنسيه وحطيت ملح وفلفل.. وبدل الجبنه الفرنسيه استخدمت جبنة كيري.. واستبدلت صوص ايسلاند 400 بالصلصه << وش بقي الله ياخذك

..

3- ياعيال لاتنسون تقطعون البصله

..

في الختام أتوجه بشكري الجزيل للاخت تغريد على تضبيطها الصور والاطارات وتحملها بثارتي.. وتروها ماتقول شي اللي يبيها تضبطله مابتقولكم لأ<< بينطق عقب هالتوصيه

وهذي احلى تحية من الشيف هلالي الظهران وبالهناء والشفاء

الـمـشـاغـب · #57 01/08/2007, 09:28 PM

^^^

هلالي الظهراااااااان

الله يجبر كتفك بس

ما شاء الله عليك .. حمستني والله بعد طبختك هذي ... كنت متعيجز بصراحة .. لكن بعد طبختك اللي مثل وجهك

خلاص سوف أشارك رغماً عن أنفك

انتظروا طبختي الموقرة .. ولكن قبل هذا سوف أرسل لهذه التغريد بالصور حتى تضبطها كما ضبطتها لعمر .. والا عمر

له رب وحنا ما لنا رب؟

بـــرب بأرووح المطبخ

تغريد · #58 01/08/2007, 09:48 PM

هلاليه سنعه
هلا وغلا
تروحين وترجعين لنا بالسلامه ان شاء الله

بنشتاقلك

ولاتتاخرين ترى احوس بدونك

~بنت الزعيم~
هلا وغلا فيكي

تسلم ايديكي
حلى سهل مرره وحلووو
انا دايما اسويه لانه ماياخذ وقت >>>شغل عجازين

الشرح والصور واضحين يعطيكي العافيه

Dr.Sara
ماشاء الله
ديكور واضائات وحركات

طبخاتنا بتطلع شهبا على كذا

الي مايعرف يزين اش يسوي

إقتباس


	عاد الحبات الثلاثة اللي مدري وش يبون هدية اقدمها .. لسنعه وتغريد ..

يسلمووو وصلت

@هلالي شقراوي@
اهلين

الله يعافيك

ان شاءالله ترجعلنا بطبخه بدون تشويت

zooom
اهلين

طبخات شي متعوب عليها

عجبتني الاولى + شاهي

إقتباس


	الله يخلي الوالده ويطول عمرها والسامعين ....

امين

إقتباس


	يعطيكم العافيه وهذا هي اللي فوق وجباتي ...

الله يعافيك
بس انت لو تحط صور يمكن تفوز

NA777
اهلين

الله يعافيك
واذا فكرت تسوي شي حياك وبانتضارك

هلاليه سنعه · #59 02/08/2007, 02:14 AM

.. هلالي الظهران ..

هلا والله بهلالي الظهران
واخيرا تحركوو الشباااااب ..

إقتباس


	سنعه بالله وخري كلوبك عن طريقي..

ياجبل مايهزك ريـح

إقتباس


	اعنبوا ابليسكم ياهالبني لا قلنالكم سنعوا حلا كبيتوا علبة نستله كامله وعلبة دريم ويب وجيتوا تطامرون .. والبقيه امسكوا الكورنر الله لايهينكم..

احمدوو ربكم فيه احد يزين لكم اهم شئ الطعم والنفَس بالأكل

إقتباس


	ناظروا هالصوره وارفقوا على خويكم .. هذاني قسم بالله كتفي مخلوع وقطيت الجبيره وشمرت عن سواعدي وسيقاني وكل شي .. بالله ما أستاهل افوز بعد هالتضحيه؟! يعني لو انخلع كتفي مرتن ثانيه وطلع من مكانه وش كنتم بتفيدوني؟! :sad: قسما بالله انكم بايخين ومالكم داعي << يابوي ارفق تو ماابدا التصويت ..

مشاء الله عليك ياعمر عيني عليك بارده شيف وشقردي تحركت وانت مصاب وشلوون لو انت طيب
كان سويت لنا ذبيحه

[

إقتباس


	COLOR="darkred"]نصائح لكي يصبح الطبق أشهى:-[/COLOR] 1- يا الربع لا يهمكم الشكل الخارجي للطبخه .. المهم هو النفس في الطبخ .. 2- اذا ماتوفرت المقادير لازم تتصرفون مهو بتقلون خلاص ماينفع!! شوفوني انا قسما هالطبخه صدقيه وماخذها من اشهر المطاعم الفرنسيه لكن ماتوفرت الزبده واستخدمت بدالها خلطة زيت عافيه بزيت زيتون.. ومالقيت توابل فرنسيه وحطيت ملح وفلفل.. وبدل الجبنه الفرنسيه استخدمت جبنة كيري.. واستبدلت صوص ايسلاند 400 بالصلصه << وش بقي الله ياخذك .. 3- ياعيال لاتنسون تقطعون البصله ..

نصائح من امهر الطباخين بناخذها بعين الاعتبار الا ورا البصله على عدلها وراك ماقطعتها

إقتباس


	في الختام أتوجه بشكري الجزيل للاخت تغريد على تضبيطها الصور والاطارات وتحملها بثارتي

..
الله يجزاها خير وويوفقها سنعت لي صوري وصغرتها يعطيها العافيه ياررررررب

تسلم يدينك اخوي عمر على هالطبخه الفرنسيه

منتب سهل والله .. تمنياتي لك بالتوفيق

اشووووفكم على خير ..

تغريد · #60 02/08/2007, 07:08 AM

8
8
هذي الله يسلمك تلقاها في اخر موضوع للاخت شذى (ع)
دور عليه

----------------------------------------------
هلالي الظهران
حياك الله

تسلم يدينك
شكلك ماشاء الله طباخ من جد

مع اني اكره البيض بالجبن >>> محد طلب رايك

إقتباس


	يا الربع لازم تقدرون اني ابطبخ لكم بمطبخ ما انطبخ فيه من قبل 3 اشهر .. يعني نص المقادير مهيب متوفره والنص الثاني منتهيه صلاحيته ..

باين من البندول

ارجع تأكد من صلاحيته لان هالشكل اتوقع بطلووه:p
ممكن يزيد الطين بله

إقتباس


	يا الربع لا يهمكم الشكل الخارجي للطبخه .. المهم هو النفس في الطبخ ..

نعم نعم

اتفق معاك تماما>>>تمهيد قبل ماتنزل طبختها

إقتباس


	وتروها ماتقول شي اللي يبيها تضبطله مابتقولكم لأ

موصيتهم عليك قبل:p
مااقول الا زي ماقال المشاغب الله يجبر كتفك بس

يعطيك العافيه عالمشاركه

عقبال الشبابا الباقيين يورونا

المشاغب
هلابك

إقتباس


	ما شاء الله عليك .. حمستني والله بعد طبختك هذي ... كنت متعيجز بصراحة .. لكن بعد طبختك اللي مثل وجهك خلاص سوف أشارك رغماً عن أنفك

الله يجزاك خير الي حمستهم مابغو

إقتباس


	ولكن قبل هذا سوف أرسل لهذه التغريد

لهذه التغريد

حسنا ياايها المشاغب

تــيـت