نهايه مؤلمه وخروج ظالم - نادي الهلال السعودي - شبكة الزعيم

~~~لؤلؤة الزعيم~~~ · #1 30/07/2007, 02:47 AM

السلام عليكم

صباح الورد

اسمحوا لي على بعض الكلمات اللي في الموضوع
لكن من القهر والله

انا ابي اتكلم بصراحه واحلل المباراة من وجهة نظري

نبتدي من البدايه انا بصراحه صحيح كنت اتمنى يفوز المنتخب
لكن قبل المباراة جاني احساس غريب وهو برود سبحان الله نفس شعوري
قبل مباراة نهائي الدوري ماكان لي نفس أشوف المباراة صحيح امس كنت متفائله
لكن اليوم جاني احساس اننا مب فايزيين حتى انا عادةً تنشد اعصابي اليوم ولا تحركت
فيني شعره وبعد الشوط الأول يأست جد وأيقنت ان المنتخب منهزم

لكن في نقاط مهمه بتقولون المنتخب مالعب زين مافي روح أنا معكم في هاذي النقطه
لكن ترى العراق كانوا يلعبون بعنف وش هاذا مابقى الا كل واحد يدخل معه رشاش

وشو معليش أدخل على الكوره بفن بإبداع لكن مب بعنف كم لاعب بغوا ينتهون
والحكم لا أسمع لا أرى لا أتكلم

وكبر دليل على الظلم الخطأ اللي كان للمنتخب أوبعدها رجعت هجمه للعراق
وطاح لاعب العراق في منطقة الجزاء وقالوا ضربت جزاء
وغير ضربة الجزاء حقت خالد عزيز

إلين متى حنا بنجلس كذا ماندافع عن حقوقنا

يعني تخيلوا لو أنطرد اللاعبين اللي المفروض ينطردون من الشوط الأول تتوقعون
كيف بتكون المباراة أكيد بيتغير كل شي
وكأن لاعبين العراق جايين يتشفون باللي يصير في بلدهم في لاعبينا

الشي الثاني

نجس أكرم قصدي نشأت وش هاذا ولا كافر يسوي كذا وجعععع بغى ينهي ياسر
والله اني لما شفت دخلته والله اني بكيت بكي على ياسر لو ماحفظ الله والا كان ياسر انتهى

وغير الممثل الثاني ممثل محمود قصدي يونس محمود بصراحه غطى على السدحان والقصبي

نجي بالنهايه على توزيع الجوائز
الأخ يونس محمود مب عاجبه ان ياسر تاج راسه خذا الهداف جايي ويعترض والله جد مشافيح
يعني إيش هالغباء منتخبك جايب الكأس وانت تدور على مجد شخصي ياليت ياسر
عطاه الكأس وخذا ياسر كأس آسيا

لا ويكملها ثور صبري قصدي نور صبري يقول أن لاعب استهزء فيهم من جد ناس ماتستحي
شين وقوي عين الحين أنت ماخذ الكأس وتقول على كلام قاله لاعب سعودي
طيب ورى ماقلت أسمه لكن ماعندك سالفه مالقى بالزين عيب قال عنه حلو
طبعاً انتوا تعرفون من يقصد بكلامه عاد غبي مايفهم كلام عمامه بالعكس
الاعب اللي على قولته استهزاء بهم هو جالس يمدحهم
والاعبين السعوديين اساسا ماقللوا منهم على الأقل لاعبينا كان همهم الكأس
ماهمهم مجد شخصي

لاوقال ايش قال عرب انتوا تعرفون معنا العروبه

* بعد كذا تدرون من ريحني شوي فيصل بو ثنين ياعيني عليه
الله يخليه للكره السعوديه أكيد سمعتوا كلامه اللي يطيب الجرح
عاد وأحلى شي قاله أن عزائنا إن بفوز العراق فرحنا الخليجين
لأنهم مايقدرون يوصلون لها الشيئ فا خلهم يفرحون;)

والشي الثاني اللي قاله أن السعوديه أكبر من كأس آسيا
السعوديه انتهت من مرحلة أنها تلعب مع إحترامي لمنخبات
شرق آسيا فيتنام وأندونسيا وغيرها اللي ماتعرف الكوره أصلاً

وطبعاً بوسالم قال كلام كثير يبرد القلب ويشفي الغليل

وآخر شي ماراح أقول هارد لك لأن المنتخب طلع بفعل فاعل
وظلم وحسد ناس معروفين
لكن حنا ان شاء الله راح نأخذ الكأس بعد 4 سنوات من أرض التجنيس

اعذروني على الكلام لكن لما تكون مظلوم جد ماتتحمل ولما تشوف
كيف ياسر وكريري بغوا ينتهون اتعب أكثر

لكن الحمد لله على سلامتهم

ومع السلامه