بسم الله الرحمن الرحيم

السلام عليكم ورحمة الله وبركاته ..

هذا أول موضوع لي يأخذ الطابع الفكاهي ( المقرف )

<< ترى كلمة فكاهي للتخفيف من كارثة ما سترونه .!

>> تسمع بالتمويه والمعزز بالتشويق

الهدف منه تخفيف الحدة

وزرع البسمة

للإقبال على الحياة بنفس منفتحة << يمديكم على الأسلوب النحوي الممزوج بالسجع

هذا سلمكم الله قبل فترة خنبق كمبيوتري

ورحت أتودد لأخوي واطلب رضاه واخدمه برمش عيني عشان اظفر بالموافقة ..!

بالموافقة على إيش ..؟؟

على استخدام كمبيوتره .

يمكن أحد منكم يقول وليش ما تصلحين الجهاز .؟

بصراحة خلاص مليته وكرهته ..!

تعرفون الشيء إذا كثرت أمراضه وتعددت جلطاته النفس أوتوماتكياً تعافه

طبعاً ما قصر معي يا عسى ربي يقصر عنه كل شر << دعوة جدتها .!

بس كان له شرط وهو إني أطبع له بعضا الأبحاث مرقمه ومرتبة في ملف واحد

واللي راح ألاقيها بملف في القرص D بعنوان طباعة ..

قلت له تم الله يتمك

وأنا في ذيك الساعة اللي أخدمك فيها ويكون لي بصمة واضحة في مسيرتك العلمية ..! << امحق من بصمة

رحت زي ماقال لي يم ملف طباعة

إلا فجأة لفت انتباهي ملف مكتوب عليه ( very Risk ) يعني جداً خطر .!

طبعاً من المسمى ارتعدت فرائصي

إلا صرت كلي فرائص ترتعد من هول الكلمة وش خطره اللهم ياكافي

بس تعرفون اللقافة أحياناً تخلي الإنسان في صراع مع نفسه

ياهو ياهي ( اللي هي نفسك يالإنسان )

وفي الغالب تنتصر اللقافة على الإنسان ونفسه وتسيرهم على كيف ما تشتهي

تردت قلت يمكن هذا الملف فيه فيروسات أخاف افتحه وتفلت عليّ من كل حدب وصوب ثم ابتلش فيها

أجل فيه أحد يحتفظ بالفيروسات في ملف عشان تضره << هنا يتضح جليا التخلف التكنولوجي

عارفه إني ذهينة وهذي ما فيها كلام فلا أحد يذكرني بذهانتي

طبعاً سميت بالله وقعدت اردد اللهم اكفيني شر هذا الملف بما شئت وكيف شئت انك على كل شيء قدير

وختمتها بـ ( اللهم إني استودعك نفسي وكمبيوتر أخي يا من لا تضيع الودائع عنده )

( وبـــــــــــــــــــم ) كذا تهيئ لي إني سمعت هذا الصوت وأنا أفتحه .!

لا أراكم الله مكروه على اللي شفته

ولا تدرون تراكم إن قاله الله بـ تشوفونه الله لا يعوق بشر

ليه أنا بس اللي أتورط بشوفته وانتم لا وين العدل في كذا ..

هذا سلمكم الله ملف يحوي ثقافات الشعوب وعاداتهم في الغذاء

سيتم طرح الصالح واستئصال الفاسد منه إذ أن الملف يحوي أكثر من 40 صورة

وذلك مراعاة للمشاعر << هو أنتِ بتخلين فيها مراعاة .

ملاااااااااااااااااحظة


هذا الموضوع واقعي المضمون خيالي الصياغة .!

الوجبة الأولى ...

الصور تتحدث عن الإعداد والطريقة



بس فيه تعليق في حالة كان عندك فئران حاول انك تتعامل معها بود وحنان ..

كما تفعل هذه الهندية كي تكسب ودها فتجمع اكبر كمية منها لإقامة وليمة
























في حالة انك لا تحبذ القلي فلا بأس من بيتزا بالفئران ...




أو طبق من الفئران مشوية



تصدقون إن المقرود مقرود ..!

حنا ورى ما نصدر الفئران منها نكسب دخل ومنها ضعوف شرق أسيا

يحصلون على فئران كاملة الدسم بدل فئران الحقل والتي لا تسمن ولا تغني من جوع

لاااااااااااااا
حرام عليك اختي شذى
قسم بالله حامت تسبدي
انا ما راح اكل ابدا بعد اليوم قسم بالله طمرت الصور كلها بالجزء الاول
وقلي الصراصير انا شايفه بعيوني
هذي الاكله المفضله لشعب تايلند
اما بالنسبه للضب فهو ما يتحرك بالبطن هذي عاد اكبر فقشه صارت
الضب لو تقطعين راسه وتحطينه بالقدر يتحرك عادي ما عنده مشكله

وعليكم السلام ورحمة الله وبركاته

أول شي أبي أكون أحسن منك وأبي أدعي لك>>> زعلان

وأقول الله يسعد أيامك ويفتح شهيتك والحمد الله اني فطرت :p

ماعندكم برشومي ولا رمان أبرك


الله يسعد أيامك أختي ودمت بود وسلامة

هــلا فيك اختي شذواي ..

اول شي احييك على روح "اللواقه " عندك .. اللي خلتك تقنعين
اخوك بلواقه "انما ايــه" قدعنه << مايقصد جنسيه معينه ترى .. :p
واوخوك ماشاء الله .. اخدمني اخدمك .. مافيه شي بلووشي ..

بس يحق له .. وكمبيوترك زينيه .. اذا كل يوم بتطلعين بلاوي متلته من جهاز اخوك ..
بس الحمد لله .. سبحان الله .. توني اضف باقي الفطور .. وانا اتصفح النت وطبيت ع موضوعك ..
ياني اتقرفت .. واشين شي التمساح الصغير " الضب " :p مدري كيف ياكلونه ..

بس اعجبني دعائك قبل ماتفتحين الملف .. ..
بس بسالك .. وش لون قدرتي تشوفين الصور ثانيه لما جيتي تنزليها ..

اما صورة الدود ذكرتني ببنرامج تحدى الخوف .. قرف * قرف ..

شذى .. اذا ابتلشتي بشي لا تبلشينا وياك ..
<<عساه يقدر يتغدى اليوم .. وانتي السبب ...

.. لا تنبشين ثانيه ..
وارجعي لكمبيوترك احسن .. :p

دمتي بخير

هلا و غلا .. بشذى ..

وش هالمطعم الإيطالي الفله ..

كلنا بتغدا بوه .. نادي البنات اللي بالمسن ..

أموووووت بعصير العنكبوت >>>> تبع الطبقة المخملية !!!

ولا الفيران يميميميمي ... وافرات عندنا تهقينا نبدا التصدير كود نصير تجار من وراهن (( شركة القصمان لتصدير الفيران ))

يالله يالله وين اللصاق و الجبنه ..

أما بيتزا الفيران شييييييييء>>>>ملبقات تقل سيارات

أكثر شئ أعجبني عصير الدوووووووووود>>>>>المقادير والطريقة لا هنتي

بس مافية دود مشوي>>>>>>>أشك انهن يضيعن بالشوي...

ولا يهون الصراصير اللي تخوض بالمرق((وتسبدية اصبري باروح ارجع وأجي ))


اما الضبان والجراد ((حكاية أخرى))


آآآآآآآآآآآآآآآه ليت الزمان يعود يوما..

والله انقرضن صارن مثل الديناصورات نسمع بهن ولا نشوفهن...

ماشفتي الجراد هج لمصر أصلا هو مقبلن على الجزيرة العربية ويوم شاف انة على حدود السعودية وااااااااااااااااااااااااااااااو هجو هجو هجو هذي السعودية حولو على مصر

مشكورة يابعدي على ذا المطعم الطيب بس عسى الاسعار طيبة والله أفكر أعزمكم يالبنات بس سوي لنا دسكاونت..

حامت تسبدي مع السلامة...

إقتباس وذلك مراعاة للمشاعر

سلميلي على المشاعر
عز الله ابي انزل كم كيلو هالاسبوع
شلون ابي اكل
وشلون ابي انسى الصور
وهذ وانا ما شفت والوجبة الثالثة >>>> حتى اسمهن يقرف
بس والله حطيتها براس اختي قلت له اذا عدن صور هالوجبة علميني

اما من جهة الضب وشلون يتحركـ في البطن وهو يتقطع من الطبخ
انا ما ادري كم ساعة يستغرق في الطبخ بس الي اعرفه انه ياخذ وقت طويل
يحليل الضبان عند الي انتي منزلة
ياله عاد نزلي صور تفتح النفس عسى ان ننسى هذه الصور

ههههههههههههههههههههههههههههههههههههههههه


الله يرجك مرجوووووووجه !!


الضب == ما آكله !!

موضوعك حلوووووو

ههههههههه حلو مييييييييييين

الله يوم سبدس<---كبدك

بالله يقالك حذفتي شي ونقيتي الصور الزينه ومن زين الامور مفتخره بالضبان والجراد

انا مدري وشلون هالعالم ياكلونها


يعطيك العافيه على الموضوع اللي يسد النفس