السلام عليكم ورحمة الله وبركاته .. و بعد
اكيد ان كلنا شفنا اللقاء الخاص مع عبد الرحمن بن سعود .
وكلنا سمعنا إلي قاله من انتقاد للفريق الهلالي .. والجماهير الهلاليه .
وحنا ما علينا من هالشي لاننا متعودين عليه .
لكن إلي بصراحه لفت انتباهي هو كلامه عن الفريق الاكثر شعبيه في المملكه .
الامير عبدالرحمن بن سعود ذكر بان الفريق انصراوي اكثر شعبيه في المملكه .
والشي الثاني انه قال بان الفريق الاهلاوي هو الفريق إلي يتبع النصر .
يعني الفريق النصراوي ثم الفريق الاهلاوي .
هل هذا الكلام صحيح والا لا ؟؟؟؟؟؟؟؟؟؟؟؟؟؟؟؟؟؟؟؟
هذا هو السؤال إلي اسالكم اياه وابيكم تجاوبوني عليه تكفون .
وانا اول واحد بجاوب على السؤال .
انا مو علشان اني هلالي بقول ان الهلال هو الاكثر شعبيه جماهيريه في المملكه .
لكن هذي الحقيقه ( والا لا يا اخوان ) .
الهلال صاحب الجماهيريه الكبيره وجماهيره ماليه العالم العربي كله .
وكل ماراح الفريق لمكان لقى له جمهور سواء في خارج المملكه والا بداخلها .
ولو تروح لاي طفل من اطفال المملكه تلقاه يشجع الهلال مع انه ما يعرف وشو الهلال و وشو النصر .
ولو تشوف الجمهور الهلالي بالملعب اذا كانت مباراة بالرياض اكثر من النصر.
واذا كانت بجده .. نشوف ان جماهير الهلال اكثر .
وبصراحه انا استغرب وضع الهلال ثالثا او رابعا في المملكه العربيه السعوديه .
لكن هذا كله ما اقصد فيه ان النصر ماله جماهير او ماله انصار .
بالعكس انا عندي ان الفريق المنافس للهلال جماهيريا هو النصر .
ثم بعد النصر .. وبعدين الاتحاد وبعدين الاهلي .

هذا رايي الشخصي .. واتمنى اتمنى اتمنى من كل واحد انه يرد على الموضوع .
وشكرا على قراءتكم للموضوع .