السلام عليكم
أمس كنت في بيت واحد من عماني
وقاعدين نقلب في القنوات
ووقفنا عند الرياضية السعودية ( الذهبية )
ومدري إيش لفت إنتباه أقاربي على الديكور
كانت صورة ياسر القحطاني واااااضحه ومعاه حارس ,, لكن مدري مين هوا الحارس , لأن وجهو ماكان واضح
المهم
كلام أقاربي ,, والموضوع إلي قاعدين يتكلمو عنو
ليييييش ياسر القحطاني لحالو في الصوره ؟!! وهوا الواضح بسسسس ؟!! ولا في أحد من اللاعبين وجهو باين ؟!!
والله العظيم , قاعدين يتكلمو بحماس في الموضوع , إلي يشوفهم يقول واحد فيهم مسؤل عن الديكور , أو واحد فيهم مسوي مشكله مع ياسر
واحد من عماني يقول الصوره عاديه ولا تعني شي .. الباقين يقولو ,, إنو الصوره ماهي إيجابية ,, وتأثر في نفوس اللاعبين ,,
لأنو بهذي الطريقه , نبين إنو ياسر القحطاني هوا المنتخب كامل ,, وهوا إلي إن شاء الله راح يجيب الكأس لحالو !!!!!!!! ,, ولا في أي مجهود من اللاعبين الباقين
مثل / وليد عبده ربه , وأسامه هوساوي ,, وكامل الموسى وأحمد الموسى , والقائمة تطول ....
وهما قاعدين يتكلمو في الموضوع هذا ,, والله العظيم جا إتصال من واحد إسمو عبدالعزيز من الرياض ,, كإنو سامع أقاربي وهما قاعدين يتكلمو في هذا الموضوع
قال عندي ملاحظه ,, عن صورة ياسر القحطاني ,, المفروض تكون الصوره جامعه للاعبين المنتخب كلهم ,, مو لاعب واحد بس ,,
قال المذيع لالالا كلامك غير صحيح ,, ولا فكرنا بهذا التفكير ,,
المذيع نفسو متلكلك في كلامو ,, ويقول ,, لالا أنا شايف في هذي الزاويه ( ويأشر بيدو ) اللاعبين الآخرين ,, وقاعد يقول أساميهم ,,
طيب إذا كان كلامك صح ,, ليش المخرج ماغير الكاميرا ,, وإذا كانت الكاميرا وحده ليش مايغير إتجاه الكاميرا؟!! عشان نشوف اللاعبين الباقين إلي يقول عليهم المذيع
والله مو ياسر لحالو إلي وصل المنتخب للنهائي ,, اللاعبين كللللللللللللللهم والله نجوووووووم وماقصرو
مع إني هلالي والله وأحب اللاعبين الهلاليين كلهم ,, بس إذا جا وقت المنتخب خلاص
نترك ألوان الأنديه ونرتدي شعار الوطن
إنتو إيش رأيكم في الموضوع ..
تشوفو عادي ..
ولا مؤثر ..
وأي واحد عندو زياده على الموضوع ,, يزيد الله يعطيكم العافيه
تحيتي لكم
فارس محبكم
استديو الرياضية ,, وكلام أقاربي على الديكور ,, وإتصال عبدالعزيز 
الوضع العادي
