ايييييه يا شبكة الزعيم اخيراً رجعت لك وكتبت الي كنت اتمنى اني اكتبه قبل 30 سنه !!!!
اليوم كنت جالس انا وخويي ابو سعد (صديق قديم) وكنا نسولف عن الهلال وعن الآسيويه الي خذناها قبل 30 سنه ولله الحمد
وكنا نتكلم عن النهائي ونتذكر آخر خمس دقايق يوم كنا متقدمين 2 - 1 وكنا على اعصابنا وكنا نتذكر الي سجل الاهداف حتى هو قال لي ان ياسر سجل الاول وسامي الثاني وانا اقول لا سامي الاول وياسر الثاني
وقلت له تذكر يوم كنا ننتقد الاستعداد للبطوله وان الاداره كانت نايمه قال ايه اذكر بس انا كنت اقول لك لا تستعجل انا متأكد ان الاداره تشتغل بصمت
وطلعنا عن موضوع الآسيويه وتكلمنا في قناتنا المميزه قناة الزعيم الي ولله الحمد خذت المركز الاول عالمياً على مستوى قنواة الانديه
ونتذكر بداياتها يوم كانت قناة شات ومغازل ويوم كان الجمهور يتمنى انها تلغى
قال ابو سعد اييييييه يا ذيك الايام
عاد بعدها جاب ولدي (ياسر) العشاء (كنت مسميه على المدرب الحالي والاعب السابق ياسر القحطاني) وتعشينا وطلع من عندي ابو سعد وراح لبيته وانا رقيت لغرفتي ونمت
هذي السالفه مجرد تخيلات للي بيصير بعد 30 سنه والي اتمنى انه يصير فعلا وناخذ الآسيويه وتتحسن قناة الزعيم وادخل المنتدى واكتب نفس الكلام الي كتبته فوق
مع اني ما اعتقد اني راح اقول الكلام هذا بعد 30 سنه لان الوضع الحالي ( ما يبشر بالخير )
اتمنى اني وصلت لكم الاشياء الي ماخذه تفكيري وشاغلتني طول الايام الي راحت
واتمنى اننا نناقش الموضوع بـ ( جد )
ساميو 722
الوضع العادي
