الفرق بين الشابه النجديه والحجازيه ( بس بدون زعل)
الفرق بين الشابه النجديه والحجازيه بس بدون زعل وخليني اشوف وحده تزعل امصعلها اذنها وشد شعرها واصفقها كف اخليها اسبوع بالمستشغى (على بالها انها ستيف اوستن )
نبدا بسم الله الرحمن الرحيم
===============
1- النجديه يوم يجونها ضيوف تضيفهم بقهوه عربيه وتخليك تشرب 5 فناجين وفوق
اما الحجازيه لما يجونها ضيوف وانا اشك ان يزورها احد لانها اربع وعشرين ساعه بالاسواق المهم لما يجونها الضيوف تجيبلهم عصير وقهوه تركيه وياويلك اذا شربت فنجان لازم تشرب نص الفنجان يكفي
======================================
2- النجديه يوم تجي تاكل لازم يكون على السفره رز ولحم (وايدام)(صنف من اصناف الطماطم اعلمكم هو بقسم الطبخ) وتاكل الي قدامها ماعليها من احد والمشكله انها عصله ( نحيفه ) ماشاء الله عليها
اما الحجازيه اكلها نواشف بس ولما يكون قدامها احد ماتاكل تقول (عامله ريجيم ) وبطنها تصفر جوعانه ومع ذلك اللهم لاحسد ماتدخل مع الباب ( مع احترامي لهم )
======================================
3- النجديه يوم يكون عندها مناسبه ياخطبه يازواج ياطلاق تعزم اهلها كلللهم ماتبقي احد و2 من صاحباتها( ترا اثنين كثير عندها )
اما الحجازيه لازم تكون مناسبتها عيد ميلاد اوعيد الام او عيد الحب وهالخرابيط تعزم صحباتها كلللهم وتنسى اهلها
======================================
4-دايما تشوف الحجازيه جالسه على الكرسي رجل على رجل وتقول للشغاله جيبي وحطي سيبي وسوي ( وشوي وشوي تخليها تلبسها )
اما النجديه خلها تقول كلمه جيبي غير امها تجيها ركض وتمصع اذنها وتقول لها قومي انتي جيبي وهذا الي يخليهم نحافه
======================================
5- يوم يجون يسولفون النجديات محشاات بخلق الله ومايسكتون تقول معاشرات بنقاليه عشرين سنه
اما الحجازيات سولفهم شفتي الشنطه الحمراء ( مايشيين مع الموضه موضه هالسنه اللون الاحمر )هبال تجنن انا بابا جابلي هي قبل اربع سنوات من جزر الواق واق وغالبا مايكون ثلاث ارباع سوالفهم كذب
======================================
6- الحجازيات يفرحون يرقصون لو رما واحد عليهم رقم ياخذونه نو بربلم عندهم عادي
اما النجديات خلك ترمي عليهم رقم تقوم تفسخلك الجزمه (الله يكرمكم)
وعلى راسك ماعندها ذيـــبه ( تعجبني والله )
======================================
7- النجديه عبايه على الراس وبرقع ومسفع ملكي وتحته بنطاون جنز مدري كيف تجي
اما الحجازيه عبايه على الكتف ودائما تجي مخصره ومطرزه (يعني افهم رقمني) وشكل الغطايه تجيك لثمه والجبهه كلها باينه ومليانه حبوب
======================================
8-الحجازيه يوم يجي احد يخطبها لازم يكون وسيم علشان ترفع خشمها قدام صحباتها
اما النجديه اهم شي عندها الطيبه والاخلاق والفلووس (مابقى غير انه يكتب نجد بسمها)
======================================
9- النجديه اجمل من الحجازيه
الحجازيه اشيك من النجديه
======================================
10-النجديه غالبا ماتكون نسره وشريره مع الاطفال وماعندها غير الطق والزعيق والهواش عشان كذا اطفال نجد متبلدين اي واحد يسبهم كنه يمدحهم
اما الحجازيه تكون طيبه ناعمه حنونه مع الاطفال وكلهم يحبوها وتشوفون دائما اطفال الحجاز مؤدبين ومحترمين وخليك تسبهم يتنكدون طول اليوم
======================================
11- الحجازيه يوم تروح السوق يبيلها سنه عشان تشتري العرض الي تبيه ( مايعجبها العجب ولاصيام برجب)
اما النجديه تـقش كل الي قدامها ماتبقي شي وتقول ( الي مو عاجيه ينتف حواجبه )
======================================
وسلامتكم
======