المنتخب السعودي والحظ - نادي الهلال السعودي - شبكة الزعيم

ابوزيدا لهلالي · #1 26/07/2007, 06:57 PM

السلام عليكم
بعد ان تخلى الحظ عن المنتخب السعودي في كاس الخليج وخروجه من امام المنتخب الاماراتي (كان للمنتخب السعودي 35 هجمة مقابل 3 للامارات).....الان المنتخب السعودي يفوز امام المنتخب الاوزبكي بعد ما سيطر المنتخب الاوزبكي على المبارة وله هدف صحيح ملغي....وبعد مباراة السعودية واليابان والسيطرة الكاملة للمنتخب الياباني حتى ان المباراة كانت على باب واحد .......دائما الحظ يقف امام المنتخب في دورات الخليج ويخدم المنتخب في كاس اسيا..........

ولدكم يالهلال · #2 26/07/2007, 06:59 PM

يارب ياخذون كاس آسيا 2007

آمين..

N ALRASH · #3 26/07/2007, 07:19 PM

المهم الفوز...

هلالي من عنيزة · #4 26/07/2007, 07:34 PM

اقول يازينك ساكت

FreakouT · #5 26/07/2007, 07:42 PM

وش اللي حظ ؟؟؟؟!!!!

الحين بنجيب كاس اسيا وتقولي حظ !

ومافزنا عاليابان الا لاننا لعبنا احسن !

وتقول حظ ...
وش بقيت للقطريين !

ابوزيدا لهلالي · #6 26/07/2007, 08:15 PM

هلالي من عنيزة.........يازينك ويا زين اسلوبك
freakout.........ياليت كنت تسمع المعلقين في كل القنوات وهم يقولون يا رب تنتهي المباراة بسرعة.......ومعلق يقول يا ليت احد يعرف احد يقدم توقيت قرينتش علشان تنتهي الباراة بسرعة......اخي الكريم يمكنك ان تشاهد المباراة الان وانت هادي وتشوف كيف كان المنتخب الياباني ضاغط المنتخب السعودي طوال المبارة والمتخب السعودي طوال المباراة مدافع....والفرص الاكثر كانت لمين؟.......ولو لاحظت ان المنتخب السعودي اخري حمس دقايق انتهت اللياقة وكم لاعب جاه شدعضلي....ولولا ستر الله كانت مباراة المنتخب مع اليابان مثل الهلال والاتحاد على الكاس ......ولكن الحظ

أصيلة · #7 26/07/2007, 08:37 PM

وش حظ أنت بعد

...هالحين هذا اللي طلع منك .

.المنتخب السعودي وقف المنتخب الياباني وفاز عليه وهزمه بعد 16 مباراة فاز فيها اليابان

...منتخبنا لعب وفن

..وألأهداف اللي جابه منتخبنا أهداف ملعوبة

,واليابان منتخب مصنوع ..

.وبعدين منتخبنا تعبوا آخر المباراة تدري ليش ..لأنهم مسافرين 12 ساعة وماارتاحوا إلا يوم من بعد مباراة أوزباكستان ..واليابان مريح أربع أيام وتقولي حظ ...المنتخب لو كان مرتاح مثل اليابان كان فزنا بالراحة ..منتخبنا قهررر كل الظروف وأسقط حامل اللقب وقهر الإرهاق وفاز غصب عن الحاقدين ..وبالأخير هذا اللي طلع منك ..

وياليت تقولي وين الحظ منتخب اليابان بالشوط الثاني ماشكلوا أي خطورة على مرمانا ..ماعدا التسديدة اللي جت بالقائم ...وهذا شئ عادي يصير بكرة القدم وكل المنتخبات تضيع فرص ...ماقالوا المنتخب الثاني فاز بالحظ ..

أنت تسمع كلام الحاقدين علينا وتصدقهم ..

منتخبنا أفضل منتخب آسيوي ..بإختصار وبإذن الله راح يحقق اللقب ..

ابوزيدا لهلالي · #8 26/07/2007, 08:44 PM

السلام عليكم
اصيلة ..........احلفك بالله اخر خمس دقايق كيف كان حالك ؟
ثانيا......لا سمح الله لو انهزم المنتخب من العراق الاضعف كيف راح يكون ردة فعلك؟
ثالثا.....لا نكون عاطفيين نفرح وننجن بالفوز ونسخط ونلعن بعد الهزيمة ..
رابعا...اللى انا اكتبه وجهة نظر والله اني احب المنتخب واتمنى يكون الاحسن في العالم بس انا اذا جيت افرح....... افرح بفوز بكاس العالم ماهو على اليابان وبعد ضغظ طوال المبارة

فهدوش · #9 26/07/2007, 08:55 PM

حظ ولا موب حظ اهم شي الفووز
وبس

ابوزيدا لهلالي · #10 26/07/2007, 09:05 PM

اخي الكريم المستوى قبل النتيجة .......هذي الامارات اخذت كاس الخليج بالحظ وش سوت بكاس اسيا......اول منتخب يطلع من البطولة.........وبالمقابل هذي البرازيل تقدم اجمل المستويات يمكن ما تفوز لكن بمستواها دايم مرشحة للفوز والكل يحبها .....اللى يفوز بدون مستوى يكون مثل اللى ياخذ شي ما يستحقة.....الان العراق اقل مستوى من المنتخب وش يكون شعورك لو الضعيف(العراق )فاز؟؟؟؟؟؟

11غريق في موج الزعيم · #11 26/07/2007, 09:34 PM

يا صاحبي الكوره اهداف
والفريق الذي يستثمر الهجمات ويسجل هو الذي يستحق الفوز
ورغم الكم الهائل من الهجمات الضائعه من المنتخب الا اننا استحقنا الفوز وبعيداا عن كلمة حظ التي استخدمتها ووضعتها
سر تفوق وانتصار الاخضر بهذه البطوله
فوز منتخبنا لم ياتي بحظ اتى بجهود جباره من اللاعبين والجهاز الفني والاداري والطبي
وما يصح الا الصحيح ويااصاحبي خل الهم واستريح

لــــحــــضــــه مـــن فـــضـــــلـــــــــــــــك

ابوزيدا لهلالي · #12 26/07/2007, 09:47 PM

نشوف اذا كان كلامي اوكلامكم صح..........راح تتذكرون كلامي بعد اول هزيمة لا سمح الله

@ 20 سهم 20 @ · #13 26/07/2007, 10:04 PM

إقتباس

الرسالة الأصلية كتبت بواسطة FreakouT


	وش اللي حظ ؟؟؟؟!!!! الحين بنجيب كاس اسيا وتقولي حظ ! ومافزنا عاليابان الا لاننا لعبنا احسن ! وتقول حظ ... وش بقيت للقطريين !

أنـــــــــــــا معك في كلامك لكن ,,,,,,,,,,,,,,,, تقول : اللحين بنجيب كأس

آسيا وتقول بالحظ ؟ <<<< أول شي قل إن شاء الله , وبعدين ليش

الإستهتار بالمنتخب العراقي ؟؟؟ أتفق معك أن المنتخب السعودي قووووي

لكن يجب احترام الخصم مهما كان .. وشكـــرا
,

هلالي(10) · #14 26/07/2007, 10:07 PM

ان شاء الله الكاس سعودي

White Blue · #15 26/07/2007, 11:22 PM

بالتوفيق لمنتخبنا