|
رحم الله والدة تركي واسكنها الله فسيح جناته..! صعب فراق ملح الوجود ابو ريمان نبي المذكرات تخلص قبل الدراسه عشان ما أفكر فيها وقت الدرس [ لازم نبدأ بالدفاره من الحين ولا بنروح فيها ] مع التحيه |
ابو ريمان خلص المذكرات ترى الدراسه جايه وتعرف وش تعني لي الدراسه انت :) |
هلا و الغلا ابو ريمان مشكور على الجهد اللي بذلته في أعداد و ترتيب و كتابة المذكرة و عظم الله أجرك تركي و أنا لله و أنا أليه راجعون و شكراً للجميع |
إقتباس:
|
^ ^ ^ هناك فرق !! تغريد لو فقدها المنتدى - لا قدر الله - ستنضم إلى أي منتدى آخر و تعتبر إضافة له !! أما أنت لو فقدك المنتدى - إن شاء الله - ستنضم إلى أي منتدى آخر و تعتبر ( غثاء ) عليه !! شكراً لكم جميعاً على هذا التواجد و على هذه المشاركات . |
مذكرات روعه منك يابو ريمان اتمنى انك ماتحرمنا من الباقي نبي تكمله اذا ماعليك أمر باسرع وقت لاننا متحمسين نسيت أقو الله يرحم أم تركي والله يرحم أموات المسلميين |
إقتباس:
ابو ريمان والله من زمان ما ضحكت ذا الضحك:d لا ان شاء الله الله يخلي العنا حبيب قلبي لنا :d<-- عنده احساس ان الغثا يقدر يضبط له باقي المذكرات :d |
المرفقات 1 كل الشكر أبا ريمان .. كل الشكر جرح يشكي .. كل الشكر الفيروسة الزرقاء .. على المجهود .. أبشركم قريتها كاااملة أمس ,, واللي يبي يقرا اللي فاته بالجوال مثلي :d هذي بالمرفقات كاااملة بصيغة الجوال .. اكتشفت إني مثل خالد وخالد مثل أبو خالد :wink: مواقف كثيرة حصلت له حصلت لي :) ومثل ما حنا نطالب برجعة أبو عبد الله , نطالب بابتعاد بعض الغثيثين .. سكبكب |
مشكور ننتظر المزيد |
مشكور ابو ريمان على الموضوع ومشاء الله عليك دائما مواضيعك في القمه |
إقتباس:
اخوي ابو ريمان لاتطول علينا بانتظار المزيد تحياتيـ عاشقة الزعيم15 |
ماشاء الله عليك ــ كلام منمق وجميل حتى في طرحك ....... تصدق عيوني طاحت على لوحة المفاتيح ........ وأتمنى منك والله نشرها ......... حتى والله أستفيد شخصيآآآآآ ........ وبـــــــدووووووووووون مجــــامــــــــــــــلات ........... |
المذكرة الثالثة : منعطف في حياة تركي ( الجزء الخامس ) رجعت للدوام و العمل كل شيء رجع لوضعه كل شيء مثل الأول إلا أمي ما رجعت من هناك !! مرت ثلاثة أيام لا خالد و لا ريم ، كنت أجلي فيها كل يوم نصف ساعة مع أمي أو بالأصح عند قبر أمي . رجع خالد و ريم من السفر ، رجع خالد و رجعت الضحكة و الحياة ، اكتشفت وقتها إن خالد مو بس مجرد صديق خالد كنز . في البيت لحالي استقر بي الحال بعد ما رفضت عروض أخواني بالعيش معهم و إن كنت أغلب الأيام أطلع مع خالد نتغدا مع بعض في بيته قبل ما أرجع للبيت . ريم ما كانت راضية عن الوضع تقول يا تجلس عندنا يا عند أحد من أخواني و كل يوم حنة و رنة . بعد صلاة العشاء في بيت خالد . ريم : وضعك مو معجبني يا تركي ! خالد : حتى أنا والله و لو ما تصير مؤدب أقسم بالله أكسر العصا على رأسك !! تركي : ليه ريم وش اللي مو معجبك ؟! ريم : خطأ تجلس بالبيت لحالك ، قلتها لك ألف مرة . خالد : حتى أنا قلتها لك ، مو ألف مرة يمكن أقل شوي . أنا متأكد إن ريم دايم تكلم خالد في موضوعي و يمكن خالد يكذب عليها و يقول لها كلمته لكن هو ما عمره كلمني ، خالد فاهمني و يدري وين راحتي . تركي : خالد ممكن تروقنا ؟! أو تدري قم صلح لنا شاي . خالد : مجنون أنت شاي و أميرة القهوة موجودة هنا ؟! تركي : و لكن أميرة القهوة مشغولة معي أنا ! ثم هل تعتقد أننا ميتون على شاهيك ؟! إنها مجرد تصريفة يا فتى . خالد : حسناً حسناً ، بما أنك يتيم سأرحمك و أجهز لك ما تريد . قلتها قبل ، أسوأ شيء العبارات اللي نسمعها من أقرب الناس يبونها مزحة و نتلقاها سيوف و ننزف جروح ! ريم : والله لو تخرب شيء في المطبخ يا ويلك . خالد : طيب ليه أنت ما في جيب راتب أنا ؟! كم سهر في تأخير أنت ماما ؟! بالله شفت أختك ؟! تكلم الشغالة !! تركي : أختي صادقة لا تخرب شيء في المطبخ ! بعدين أكيد إنها عرفتك مثل ما عرفتك من زمان تروح يسار ينكب شيء يمين من الطفاقة والله . خالد : شف شف من اللي يحكي ؟! أتحداك تدخل مجلس يوم و ما ينكب فيه شيء !! تركي : طيب لا يكثر وقم . ريم بعد ما قام خالد : تركي خلنا من الموضوع هذا ، متى الزواج ؟! زواج !! كأنه شيء أول مرة أسمع عنه . تركي : ريم أنت عارفة المرحومة ما راح عليها وقت و هذا مو وقت مناسب نتكلم فيه عن الموضوع . ريم و خالد داخل : أمي لو كانت موجودة كانت تبي الشيء هذا يصير . خالد : بارجع أسوي لكم العشاء و القهوة و بانظف البيت ! و إذا خلصتوا كلام يضيق الصدر رجعت . ريم : تعال اجلس ما فيه كلام يضيق الصدر أحاكي تركي في موضوع زواجه . خالد : مبرووووووووك من وراي تسويها يا تريك يا خاين . تركي : اركد اركد !! ريم : الله من الطفاقة ؟! خالد : من تقصدين بكلامك يا زوجتي العزيزة ؟! ريم : الجيران ! خالد : آها ! يعني قصدك أبوي ! جاري أبوي ! ريم من جد تنرفزت و أنا ما مسكت نفسي و صرت أضحك . خالد : والله بس عشاني أحبك و عشاني أحب الفلوس و لا كان علمته عليك . ريم : فيك خير اقنع تركي معي و لا تكرم علينا بسكوتك . خالد : تركي لو سمحت ! لو سمحت اقتنع . تركي : خالد لو سمحت ! لو سمحت انثبر . خالد : شفت يا ريم إني حكيم ! أنهيت لك الموضوع في دقيقة ! اتفقنا إنه يقتنع و إني أنثبر . تركي : تدري خالد وش أفكر فيه ؟! في عيالك . خالد : لا ما عليك ، إذا جاني ولد بادعي ربي كل يوم إنه يطلع على أمه و على خاله !! بس مو أنت خاله الكبير . تركي : مو مشكلة أهم شي لا يطلع عليك . ريم : خلونا في الموضوع ، تركي أنت ودك نطلع من الموضوع . تركي : لا والله بس هذا موضوع مصيري و أحتاج وقت أفكر فيه . رجعت للبيت و فعلاً بدأت أفكر في كلام ريم ! خاصة بعد ما تعبت من الوضع لحالي في البيت . مع بداية التفكير كانت صورة نورة في بالي . نورة ما عليها قاصر في شيء . صحيت من النوم و طلعت للدوام كالعادة ، خالد صاير يداوم متأخر شوي و عمي يوصل للمكتب مع الظهر . @@@@@@@@@@@@@@@@@@@@@@@@@@@@@@@@@@@ هذا المقطع غير موجود في مذكرات تركي المسموح بنشرها ، أمون على تركي فقررت أكتب لكم هذه السطور . الشركة صارت تعتمد بعد الله على تركي ، بأسلوبه و طريقته في التعامل قدر يتواصل مع الناس اللي أكبر و يخلق صف جديد من الجهات التي تحتاجها الشركة في تعاملاتها عن طريقه . حتى تحفظ خالد كان مناسباً لوظيفته كمدير تنفيذي تقريباً . أبو خالد مبسوط من تركي ، و سعادته بنجاح ولده تركي أكثر من سعادته بنجاح الشركة . نجاحات تركي ما كانت كلها مصدر سعادة بالنسبة له ، لكنها كانت في أحيان كثيرة مصدر حزن و ألم على حال الكثير من الأمور . بعض اجتماعاته في الخارج و جلساته مع ناس داخل البلد هم قدوة و خارج البلد هم للعار وصمة !! التغير الكبير اللي صار لبعض اللي حوله بعد ما صارت كل أمور الشركة بيده و صارت الشيكات تنصرف تحت اسمه . الناس اللي مثلهم مثل الشيطان سهلوا له بالتصريح و التلميح سرقة عمه . أي منصف يكبر في تركي إصراره و نجاحه ، يكبر فيه اعتزازه بالثقة و محافظته على الثقة . @@@@@@@@@@@@@@@@@@@@@@@@@@@@@@@@@@@ عادة أجلس مع عمي قبل صلاة الظهر لمدة نصف ساعة للقرارات النهائية ، عمي مستحيل أغفل خبرته و طريقته في إدارة الأمور . بعد كم يوم من نقاشنا عن زواجي ، و بعد ما أنهيت كم ملف في يدي مع عمي أستأذنت و وقفت . عمي : تركي تراك ما أنت بصغير ، و سنك الحال مناسب للزواج . و أي واحد يتمناك زوج لبنته ، و يقولون اخطب لبنتك و لا تخطب لولدك ، و أنت و نورة عندي بنفس المنزلة . وصلت رسالة عمي و إن كنت ماني محتاج رسالة تزيد تفكيري بنورة . رجعت للمكتب أفكر بكلام عمي ، مرني خالد و قال : مشينا نتغدا . تركي : أنا ما نمت كويس و ما لي نفس ، بارجع أنوم لي ساعتين قبل العصر ! عندي شغل كثير . خالد : انتبه للشغل أبي أصير مليونير . مرة و ثنتين و ثلاث ! بعض الكلام يجرح . أدري إن خالد ما يقصد و لو أبي من سنين عمره ما قصر لكن أنا بعد بطبعي حساس و ما أقدر ! خالد !!!!! أكيد خالد مكلم عمي في موضوع نورة و زواجي ! دايم حركاته كذا . دقيت عليه و رد علي و هو مخلي الجهاز عند السماعات في السيارة ، و مشغل أغنية هلا باللي سبى قلبي ! خالد : هلا تروكي !! تركي : ترى أنا مو ريم ! أنا أخوها !! خالد : من حبي لها أحب أخوها !! بعدين و ما الحب إلا للحبيب الأول !! تركي : مروق وش عندك ؟! خالد : ليه ما أروق يا خالد ليه ؟! درجة الحرارة 40 و الشمس ما ودك إلا تتشمس تحتها و البرنسيسة مكلمها قبل شوي تقول جب معك أكل ! بس تدري الظاهر إني باسحب على أختك و أروح أتغدى عند أمي . تركي : لحظة خالد !! طلبت ريم من الثابت و قلت لها اسمعي . تركي : أيوه خالد وش كنت تقول ؟! خالد : أقول باسحب على أختك و أروح أتغدى عند أمي !! تركي : ما يقوى قلبك ! خالد : إلا والله دايم يتمرن حديد قوي مرررررررة قلبي . تركي : كل تراب ! يعني تبي تقول لي إنك بتطنش ريم !! سكت خالد شوي و لاحظت إنه يسوي شيء قبل ما صرخ و قال : تريك ريم معك على الخط والله أعرفك و أعرف حركاتك !! بنفس الوقت كانت ريم تقول : تراه شيك علي و قفل . ضحكنا كلنا . خالد : تريك تسمعني ريم ؟! تركي : إيه تسمعك . خالد : ريم حياتي أنت ما عليك من الأقوال ، عليك من الأفعال . بتصدقين اللي بينطق بعد شوي تحت شمس الرياض الدافئة أو بتصدقين اللي جالس على المكتب تحت المكيف ؟! أنت دايم تقولين الرجال أفعال مو أقوال . ريم : طيب نشوف . تركي : احمد ريك عدت على خير . جتني رسالة على الجوال من خالد " بتنجلد " . قفلت من خالد . ريم : ليه ما تجي تتغدا معنا ؟! تركي : ما قصر خالد بس والله فيني النوم . ريم ليه ما تجيبون شغالة ؟! ريم : والله خالد ما قصر بس انا ما أبي من الحين شغالة ، مع إني تعبت والله و بدأت أفكر أجيبها و أخليها في بيت عمي جنبنا و إذا طلع خالد للدوام الصباح تجي و تنظف و تجهز للغداء و تمشي قبل ما يرجع و العصر ترجع تنظف بعد الغداء ، بس ما بعد قررت ما أدري . قلت لريم الكلام اللي قاله لي عمي و ما علقت ريم بشيء . لكن فهمت إن ريم ما تبي تستعجل في التعليق . بعضكم بيقول تركي ما له حق يكلم ريم ! بعضكم بيقول عادي يمونون ! أما أنا ما أدري ليه كلمت ريم ؟! يمكن كنت أبي خالد يفهم إنه مهما كانت علاقتي معه التعرض لريم أعتبره من المحرمات !! مشت الأيام بشكل عادي أبرز ما فيها إن علاقة ريم و نورة صارت أقوى ، طلعنا في إجازة نهاية أسبوع للشرقية أنا و خالد و ريم اللي رفضت حتى مبدأ السفر من دون نورة . طلعنا يومين في سيارة وحدة و رجعنا ، ما يحتاج أقول إن مثل هالسفرة حركت نار التفكير بنورة كزوجة . بعدها بفترة بسيطة العصر في المكتب المباشر يدق ، الرقم رقم بيت عمي و المتكلم نورة . |
بـ نقراها ونرجع نعلق شكرا ابو ريمان مع التحيه |
ابو ريمان ترا صرت اتأخر كثير الصبح على المكتب وكله بسبب هالمذكرات عجل علينا قبل لاننفصل تكفى :d تصبح على خير وننتظرك بكره ان شاءالله |
| الوقت المعتمد في المنتدى بتوقيت جرينتش +3.
الوقت الان » 12:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd