|
الله يبشرك بالخير :thumbup: ابو ريمان ننتظر الجزء القادم:) وخالد نتظر الفظيحه الجايه :d معني قايل ماراح ارد بس والله عجزت وابو عبد الله رجعتك تهمنا ياليت ماتردنا:) |
إقتباس:
ياهلا والله فيه خويلد احلى مافيه يطلع فضايح العنا:thumbup:<<حاقده عليه ليش توقيعه مخالف:d ابوريمان اجلده ترا علم قبلك ان تركي وافق s13ss13ss13s |
المذكرة الثالثة : منعطف في حياة تركي ( الجزء الثالث ) مرت أيام ثقال و ليال أثقل ، أمي في العناية المركزة و حالتنا الله يعلم بها ، ريم مسكينة من يشوف حالتها ما يقول توها مخلصة شهر العسل ، و خالد عسى عمره طويل أغلب وقته عند أمي . أغلب الأوقات تمر و حنا ثلاثتنا متقابلين ، تخيلوا نظرات يتبادلها ثلاثة أشخاص في مستشفى ، أم اثنين منهم و للثالث مثل الأم في غيبوبة ! ناداني الدكتور بيوم و قال : أمك حالتها خطرة و تحتاج عملية ، و في نفس الوقت العملية نسبة نجاحها خمسين في المية بس . ضاقت بي الدنيا و اسودت في وجهي و يا رب صبرني . أخواني الكبار معي و بلغتهم بالموضوع وقت طلعتهم من المستشفى عشان ما تحس ريم و طلبت من أخوي الكبير يبلغ ريم لأني ما أقدر ! ما قصر أخوي طق صدره و تزهل ، رجع لي أخوي قال : تركي ما قدرت !! ما أقدر أقول لريم مثل الكلام هذا ! ريم بنتها مثل ما أنا ولدها و لازم تشاركني في القرار ! الله يعين . ما في إلا خالد !! جلست مع ريم و خالد شوي في الغرفة و كنا كل ساعة نروح نطل على أمي في العناية و نرجع ! أستأذنت مثل كل يوم بامشي للبيت ، و لما طلعت أرسلت رسالة لخالد تعال أبيك و لا تحس ريم . جاني خالد و طلبت منه يجلس مع ريم الليلة و يبلغها بالخبر و يأخذ رأيها !! خالد قدر وضعي قال أبشر ، إذا جيت بكره تلقى كل شيء تمام . رجعت للبيت و الصباح طلعت للمكتب شوي ، سألني عمي عن أمي و قلت والله يا عم على وضعها ، قال ما يحتاج أقول يا تركي قاطعته قلت لا تكمل يا عم . طلعت للمستشفى و مثل العادة كلمتهم في الطريق إذا يبون شيء ، و لما وصلت للمستشفى لقيت خالد عند الباب !! خير يا خالد ؟! خالد : تركي ما أدري وش أقول لك !! لكن ترى ما قدرت أقول لريم شيء ! ريم أصلاً تتقوى عندك و من تتركها تبكي !! و بصراحة لو قلنا لها الكلام هذا ممكن يصير لها شيء ، أنا أشوف ما نقول لها . باطلع للبيت شوي باغير و أرجع خلك مع ريم حتى أرجع . دخلت على أمي و لقيتها على حالتها بين الحياة و الموت ، رحت لغرفتها و لقيت ريم على سجادتها تبكي و تدعي ، جلست حولها . مسكينة ريم ! ما تهنت بزواجها . ريم قامت و جلست جنبي ، مسكت يدي و قالت : تركي أدري فيك عندك كلام ، تكلم لا تغبي عني شيء . أنا !! لا ريم أنا ما عندي كلام !! ريم : تركي أنا أكثر وحدة تعرفك ! تركي أنا خايفة عليك أنت ، قلبي يأكلني عليك أخاف يصير لك شيء ، أنت تدري إنك كل اللي باقي لي بالدنيا بعد الله . وقتها أنا انهرت ، بكيت و قلت كل شيء . بكينا لحد ما تعب منا البكاء !! سكتنا لحد ما تعب منا السكوت !! رجعت ريم لسجادتها و استخارت ، و اختارت قرار العملية . دخل خالد و أكيد لاحظ عيون ريم ! أي واحد شاف وجه خالد وقتها ما يملك إلا يقول الله يخلي خالد لها . الله يعوضك خير يا ريم . طلعت و خلصت الأوراق و وقعت الموافقة على العملية ، و قالوا لنا الصباح بنسوي العملية . نمنا ليلتنا أو بالأصح سهرناها في غرفة أمي بين صمت و سكون و دموع ، و الصباح دخلت أمي غرفة العمليات و استمرت العملية تقريباً ثلاث ساعات . جالسين قريب من باب غرفة العمليات ، كنا جالسين متسندين على الجدار ، انفتح الباب و رفعت رأسي لكن ما رفعت جسمي ! فيني عجز و ضعف و هوان الدنيا ، جلست بمكاني ما تحرك فيني غير عيوني اللي تبعت خالد و ريم لما قاموا و سألوا الدكتور بشر يا دكتور . |
* إن انتهى الموضوع عند هذا الحد .. سأعود برد (( تفصيلي )) لـ 38 صفحة مضت .. * إلى ذالكم الحين أترككم بحفظ الله ورعايته. أخوك ,, * ملاحظه / هذا الرد كتب قبل الاطلاع على الجزء الجديد. |
إقتباس:
أبا ريمان ,,, قبل قراءة هذا الجزء أردت أن أقول لك لمَ الإضافة قصيرة ( نريد المزيد ),,,,!!!!! لكن ... الآن لا أملك أن أقول شيئا :( القاضـي ننتظر ردّك بكل فارغ صـبر :) |
إقتباس:
لقد جرحني ! |
ابو ريمان شوبك تنزلنا اجزاء صغيره..؟؟ كل شوي تبي تنزل دموعنا؟ خلها مره واحده ترا تعبنا من البكي والبكي تعب منا:cry: يااااااربي ودي اعرف يارب نجحت العمليه:cry: <<كتبت الرد وهي معصبه ترا تبي تعرف نجحت ولا لا!! شرايك تقول لي وماابسربها زي مايسرب العنا اخبار:d ننتظر الجزء الجاي... عجل يا ابوريمان حراااام ترانا متلهفين نعرف شو صار:stoned: |
:( جزء حزين .. كيف لا . وهو عن الأم أغلى حبيب؟!!! :( الله يحفظ لنا أمهاتنا .. ويرزقنا برهن يا رب العالمين ..!! أبو ريمان .. لا تتلاعب بأعصابنا .. نجحت العملية ولا لا؟ قل إيه أو لا إذا كنت بتتأخر بتنزيل الجزء الجديد..!! لاهنت أخوي عبدالرحمن .. وأخوي تركي على إكمال المذكرة .. الله يعطيكم ألف عافية :) أبا عبدالله .... ما عندي إلا أنت .. @_@ رد علينا إذا كان لنا خاطر عندك :( |
انا ما قريت الجزء الاخير:dلان من ردود الشباب انهم يستنوا العمليه تنجح والا لا |
في البداية شكرا لكـ اياها النبيل لاكمال المذكرات الجزء هاللحظات صعبة بالحيل ولاتنسى اسال الله ان يمن علينا وعلى والدينا وعلى الجميع بالصحه والعافيه ابـوووريماااااااااان كمل بسرعه ترى مافيني حيل وصبر:cry: قول وش صاررررر ان شاء الله انها نجحـت العملية الهنوووف كانت هنا ورحلت |
:: :: تركي الله يجزاك الجنة على الموافقة .. والشكر موصول الى خالد لتحملكم النقد .. :: :: abu_riman تعجز الكلمات عن شكرك .. وفقك الله مفكرنا .. :: :: ما اصعب هذا الجزءوما اقساه ،، اتمنى ان يكون مانتمنى هو الحاصل بالجزء القادم .. :: :: القاضي بارك الله فيك عد الى التعليق على المذكرات فقد تعودنا على مداخلاتك وفواصلك .. :: :: لم اكن اريد العودة ولكن في المذكرات مايجبرنا على العودة .. :: :: :: :: http://www.moeforum.net/vb1/uploaded..._1188343644gif :: :: :: :: |
كل ماكان في هذا الجزء حزين ! ومن اصعب اللحظات ان تُخيّر بين امرين خطيرين لوالدتك ! ننتظر البقيه ابو ريمان . . شكرا لك . . |
المذكرة الثالثة : منعطف في حياة تركي ( الجزء الرابع ) سوينا كل اللي نقدر عليه و الباقي على الله ! كان هذا هو كلام الدكتور ، رجعت نزلت رأسي و في أذني بكاء ريم يعزف أحزن الألحان . عمي و نورة و أخواني كانوا ينتظرون في الغرفة وصلهم الخبر و جو ، نورة خذت ريم و أخواني و عمي واقفين فوق رأسي . عمي : تركي و أنا أبوك قم ، ما خبرتك إلا قوي ما تضعف ، و أمك إن شاء الله تكون بخير . وقفت و رفضت أرجع للغرفة قلت بانتظر أمي ، دقايق و طلعت أمي و رجعوها للعناية . مشت الساعات أطول من السنين ، راح عمي راحوا أخواني ما بقى إلا أنا و خالد و ريم و نورة ، جالسين بالغرفة و كل شوي نروح نطل على أمي و نرجع . آخر ساعة قبل الفجر قلت اللي يحب أمي يصلي ركعتين و يدعي لها رحت لاستراحة الرجال صليت و رجعت ما لقيت خالد ، رحت لأمي لقيت خالد يبكي عند سريرها . أمي لها حوالي الشهر تصحى ساعات و تفقد الوعي ، وقفت على رأس أمي و هي غايبة عن الوعي . يا رب فرج لها من عندك ، و اكتب لها ما فيه الخير . إن كانت الحياة خير لها فاشفها و عافها ، و إن كان الموت راحة لها فريحها من اللي هي فيه !! خالد تعلق في يدي و دموعه تملأ عيونه و كأنه يقول لا تقول كذا ، سحبت نفسي و رجعت للغرفة تطمنت على ريم و طلعت للمسجد أنتظر صلاة الفجر ، صليت الفجر و رجعت لأمي لقيت الأطباء مجتمعين عندها ، لما قربت قال لي الطبيب شد حيلك و طلبت منه يبعد الطاقم الطبي . كانت أمي تلفظ الأنفاس الأخيرة ، ارتخت يدها بيدي و ارتحت لما شفت وجهها ، نزلت مني دمعة ، الحمدلله ، إنا لله و إنا إليه راجعون ، لا حول و لا قوة إلا بالله . رفعت رأسي الكل يناظرني و خالد عند المدخل ، غطيت أمي و طلعت و لما وقفت جنب خالد ، قلت له إذا تحبها ادع لها ، تراها كانت تحبك و تعتبرك مثل ولدها . طلعت لغرفة أمي ، دخلت و قلت لنورة خالد يبيك في العناية ، و جلست جنب ريم و قلت لها الكل يتمنى الخير لأمه ، و ربي أعلم بالخير لها ، و حنا نرحمها و ربي أرحم بها ، خلاص صرت ما أسمع غير كلمة لا تكررت على مسمعي بحسبتي ألف مرة و بصوت كأن يسمعه كل خلق الله . خليت ريم تهدأ ، و قربت منها الميه غسلت وجهها و شربت و قلت لها أمي ما هي محتاجة منك شيء كثر ما هي محتاجة منك الدعاء ، و إذا بتمسكين نفسك قومي شوفيها قبل ما نوديها . قامت ريم معي و رحنا للعناية و عند الباب قلت لها أبيك توعديني تكونين قوية مثل ما عودتيني ، لقينا خالد و نورة عند أمي يبكون ، سلمت ريم على أمي و لما شفتها متماسكة قربت الكرسي و جلستها جنبها تطلع كل اللي بخاطرها . مع الصباح أخذ خالد جوالي و أرسل خبر وفاة أمي !! أكره رقمي !! أرسل خبر وفاة أمي !! ودي أغير رقمي !! مرت أيام العزاء ، إذا في شيء مشغلني خلالها هو ريم ، نورة نامت عندنا أيام العزاء الأولى و خالد ما زال ينوم عندنا بالبيت ، خالتي كانت عندنا أول ثلاثة أيام . ريم كانت عبارة عن مخلوق يمشي و هو ميت ، نورة صدق إن الشدايد تعرفك بالناس ، خالد ! خالد لو يبي عمري و ربي ما يغلى عليه . عزاء و خلص العزاء ! و ناس يعزون و راحوا الناس اللي يعزون !! و ما بقى إلا صورة أمي في كل ركن من أركان البيت . تعزينا ريحتها و سجادتها و جلال صلاتها ، تعزينا مجالسها و غرفتها ، تعزينا و تبكينا و ريم تزيدنا لما بسوالفها تذكرنا فيها . ريم : تركي ودي أروح آخذ عمرة . تركي : خليها ريم بعد كم يوم تركد الأمور و نشوف وش حنا عليه . خالد : أنا آخذك يا ريم ، متى ودك تروحين . قررت ريم تروح مع خالد و طلبت من خالد يعرض عليها إن نورة تروح معهم ، خفت تحتاجها خاصة و هي ما بعد صارت تمون كثير على خالد . رجعت للدوام ، و كيف يكون لي نفس على الدوام ؟! |
:cry: :cry: لاحول الله الله يرحمكـ ويغفر لكـ :cry: مات ابو تركي والحين ام تركي الله يصبركم :cry: ويعوضكم يارب الحمد لله على كل حال لو الدمووع ترجـع الغالين مابخلنـا:cry: مو بحاجة للدمووع بحاجة للدعااااء لاتبخلووون ماعندي تعليق والله هالخبر حزين ويقطع القلب الا الدعاء وعظم الله اجركم اخوي تركـي اسال الله ان يجمعكـ بمن فقدت في جنان الفردوس إقتباس:
خالد كلمة وحدة اقدر اقولهاا انت نادر ربي يحفظك الهنوووف كانت هنا ورحلت |
الله يرحمها ويسكنها فسيح جناته |
| الوقت المعتمد في المنتدى بتوقيت جرينتش +3.
الوقت الان » 03:50 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd