|
<== متابع جديد لاتعليـــق |
إقتباس:
|
يا سلام على الجزء العاشر روووعة ما شاء الله .. أسلوب ممتع وجذاب .. لا عدمناك أخوي أبوريمان ..!! بس ياليت تخلي تركي يعلمنا هو وخشته ورا ريم ما سوت القهوة ؟!!!!! بانتظار الجزء القادم .. مع نورة ..!! |
جزء اكثر من رائع ،، واسلوب مشوق في سرد المذكرات ماشاء الله .. الله يعطيكم العافية : :: تركي :: خالد :: abu_riman :: ::::::::::::::::::::::::: استاذي اعتذر اذا كان في ردي السابق مايغضبك فلست انا من يحثك ،، يكفينا تواصلك معنا في ذكر الاجزاء ،، ولكن هو كان مجرد توقع وحدث والحمد لله بما الجزء السابق تقريبا تأخر ولك العذر في تأخره .. عموما فانا كتبته على عجل وربما اخطأت وها أنا اعتذر .. ......................... |
يرفع ,,, ** لتزيين الصحفه الأولى .. و للحصول على رواد جدد :) أبو ريمان أعتذر على التطفل مره أخرى :) أخوك .. |
ماشاء الله تبارك الله |
ما شاء الله تشكر اخوي الغالي ابو ريمان على الجزء والله يعطيك العافيه |
كلااام كبير ... قصة جميلة ومشوقة .. بس بصراحة اكتشفت شي من خلال موضوعك اخوي عبد الرحمن ...:p ان المتابعة بصمت حلوه بس في نفس الوقت تقهر :D انا اقرى الردود واستمتع بها بس احس اني بعيد عنها لاني ما شاركت :no: وحسيت بموقف مضحي الدوسري وهو يشوف قول الثنيان الفاول طبعاّ هو كان مستمتع بالهدف بس في نفس الوقت مقهور انه في مرماه :D :D >>> عليك امثلة :rolleyes: ابا ريمان حقيقة انا مستمتع للغاية .. بهذه المذكرات وما يتخللها ...:p واتمنى ان يكتب خالد مذكراته والرموز التعبيرية من عندي :D :D :D دمتم بخير ,,, |
أحبتي ،،، قد لا أتمكن دائماً من التعليق على كل مداخلة ، و أتمنى ألا يكون هذا سبباً في توقف مداخلاتكم . فإن كنتم تتابعون ما أكتبه فأنا أتابع مداخلاتكم و أستمتع بها فتفتح نوافذاً كانت مغلقة . لا يمكنني الإجابة على كل الأسئلة ، و لكن خالد و أخته و نورة هما وحيدا والديهما . عندما وضعت علامات الاستفهام كانت مكان جزء لم أحب نشره ، مرة أخرى ليس كل ما في المذكرات يمكن نشره و ليس كل ما فيها من الأفضل نشره . لكن ريم لم تجهز القهوة لخالد لأنها مشغولة بالمتابعة فقط . " يعني الشباب و الشابات اللي وصلوا لنهاية القصة من كثر التفكير لا يتحمسون ما في شيء معين بسببه ريم ما صلحت القهوة :D " @@@@@@@@@@@@@@@ المشاغب من الطبيعي أن يعجبك الجزء العاشر فهو قريب منك من روحك المرحة الجميلة أيها الصادق . @@@@@@@@@@@@@@@ نور الشمس لا داعي للاعتذار و لم أفهم ردك كما تقولين ، و لكن كنت أخشى أنه بسبب تأخري الدائم أصبحتم تستخدمون جميع الأساليب معي حتى لا أتأخر :D فبعد المطالبات أصبحتم تستخدمون أسلوب التشجيع ، تماماً كما نقول لطفل يأكل " أتوقع إن ( عبود / حمود / حسب أسماء عيالكم و أخوانكم :D ) يكمل صحنه بسرعة " في أسلوب حث له . و رغم أن البعض لا يحب الاعتراف بأن هذا الأسلوب يؤثر فيه ربما لأنه يخشى أن يكون مثل ( الطفل ) ، إلا أنني لا أخشى أن أعترف أنني أحب التشجيع و المدح و النقد المؤدب الموضوعي المتزن و لا أحب أن يتعرض أحد لمشاعري أو ( يجرحني ) أو يشكك في مصداقيتي كالطفل تماماً . ألم يقل ( المعلم ) القاضي في تعليق له على أحد المواضيع " الرجل طفل كبير " . لذا لا داعي للاعتذار و لك أن تعتبري أن عدم التأخر في نشر المقطع الأخير كان بسبب تشجيعك . @@@@@@@@@@@@@@@ الأخ غيمة عطش ،،، أفهم من ردك أن الموضوع ذهب للصفحة الثانية ، هذا يسعدني لأنه يدل على ( كم ) المواضيع و لكن يبقى ( الكيف ) و هذا تخصص الجاحظ . لك الشكر كله على هذه المتابعة و على هذا التواصل . @@@@@@@@@@@@@@@ ماجد ،،، خالد ما عنده مذكرات ، ما عنده إلا :D " من نمونة الغثا الله يبعد الشر عنا و عنك :D " الأخوة الذين ما زالوا يرون أن عدم نشر المذكرات قلل من روعتها . نعم أتفق معكم و أرى ذلك بوضوح حيث تفتقد المذكرات بعض الترابط في مناطق منها حيث كان الحذف ، و لكن ! ما لا يمكن نشره لن أنشره حتى و إن لم يتبقى من المذكرات سوى سطر واحد لن أنشره ، فهذا اتفاقنا منذ البداية . أرجو أن يفهم الأخوة أنها مذكرات إنسان حقيقي ربما البعض منكم قد جلس معه أو تحدث معه ، و ليست رواية حتى إذا أحزنكم جزء يمكنني تغيير الجزء التالي و جعله سعيداً ، مع العلم أن الرواية التي ( يمكن ) التعديل فيها تخرج أحداثها من الراوي كما هي و يعتبر التغيير عليها ( محرم أدبياً ) . مرة أخرى هذه مذكرات إنسان قد تكون حزناً و دمعاً من أول حرف فيها إلى آخر حرف ، و قد تكون لهواً و لعباً و ضحكاً من أول حرف فيها إلى آخر حرف لا يسعني و لا يحق لي المساس بها . |
شوف أنت ووجهك عشان تدري بس اني عاقل :razz: حارشوني >> توهقت هنيف :d وصرت عند كلامي وما جيت ولا خربت ولا قلت شي مع ان تركي رافع ضغطي هو وجهه طالع توم كروز :upset: ام خالد يوم شفتك ناوي تنزل مذكراته قلت جاب العيد بيعرفون المهبول صدق مهب العنا والله اني عاقل عند خالد :razz: من يدري خالد تركي العنا ;) الدنيا كلها مسرحيه كبيره ع قوله ام مفكر حقنا :d لكن تجيب طاريي واناتوي قايم من النوم وشبعان ومروق وامشيها صعبه شوي خاصه وان يدي موجودة مابعد انقطعت :razz: اشوف الامور رجعت مايحتاج انت وعمو القاضي هب عليهم ما كملوا شهر الا وكلش راجع مثل اول :razz: انا اذا تنرفزت ع احد اقول خله كم يوم يهدا بعدين ارجع اضبط الامور وانسى اخليه طول العمر زعلان :d الا ع الطاري الجاحظ وينه مااشوفه ولا الدعوه لعبه الكراسي:d مره القاضي مره الجاحظ ودي اخرب عليك وانزل موضوع جديد واخلي عنوانه تعالوا شوفوا وش صااااار بين خالد وتركي :razz: عندك اتصال بصديق باكتب خرابيط مثل بعض الناس :razz: وتكتبها لي مذكرات :clapping: المهم الحين اناجايع والمطعم البخاري حق الحامل اللي بتولد الله ياخذها هي ولدها ويريحنا منهم كلهم :razz: قفلوه وش الدبره ولد الظهران تبي نص جوال تقراه في الطياره الله من الهيط ماقريت موضوع الشباب عن الهيط رحله طويله ومدري ايش وهو مسافر من الدمام لدبي :razz: عاد يمكن ترانزيت وبيكمل ماادري :rolleyes: :p بعدين انت ووجهك انا ماخنت ذكرى اخونك ولا اخونها :d اللي في التوقيع هي ذكرى ماتشوفني قايلها التفتي قبل مااصورها عشاني اغار عليها :p وانتبه تقعد تتامل فيها اخبرك ماشفت خير لوتشوف بنت تطل مع شباك شقه في الدور التاسع رقمت حارس عمارتهم :d سحروه لاتزعلين نمزح :d تولدين بالسلامه وتجيبين 3 تواءم ولد وبنت ولد وبنت ولد وبنت طيب مره وحده يكفي :d بعدين سجليهم عندنا بيوزرات الرمزيه والرمز واللغه والادب والحداثه والاخير سميه ع العنا الثاني :d احس انهم رفعو ضغطك في ذاك الموضوع :d لين كبرو يصير بوريمان نزل مذكراتي خليهم يقرونها ويستفيدون من حياتي ويتخذون مني قدوه لهم في :d اما في غيره رحم الله امرء عرف قدر نفسه يشوفون الطنطاوي ولا اي واحد غيري اهم شي انت مايتخذونك قدوه في شي :d المشاغب غثنا بيغير اسمه اختارو لي اسم تصويت مدري وشو واخرتها راح المشاغب ورجع المشاغب :razz: بس انه الله يهديه لويترك التحجير لخلق الله صاير هيئه لا تسون شي ع الرصيف ;) عودا ع ذي بدء >>>> يبي لي اجازه شهر عقب هالجمله :d نعود للاخ الكريم الفاضل المعطاء المحترم الكبير عقلا وقلبا وعمرا :razz: صاحب القلم المتميز بفضل الله ثم بفضلي عشاني صديقه وتعلم مني الاستاذ يعرف نفسه واقول له الاتفاق ساري المفعول :rolleyes: خلاص خلص وقتكم ونشوفكم مع الجزو :d الشياب يقولون جزو ما يقولو جزءءءء انا قلت شياب من جاب طاري القاضي :rolleyes: الجزو القادم شكله قريب بعض الناس مايردون علي معناته يكتبون لانهم اذا يكتبون ما يردون لانهم اذا يردون ويسمعون صوتي الزين تنقطع افكارهم وتتلخبط وينحاس ابو مخهم ويهنق اللاب توب حقهم >>>> صعبه صعبه اترك رد بدون بصمه فضيحه :p لاتقولن امدح نفسي هذا والله كلام بعض الناس حتى اسالوه وبيقول لكم اني صادق :rolleyes: بس كلمه الزين ماادري مااحط بذمتي شي اخاف انه ما قالها :p نشوفكم على خير الله يوفق ام ام جابتكم ويرزقكم ويسعدكم ويهنيكم وياخذكم بعد عمر طويييييييييييييييل نشوفكم كلكم تطلبون تغيير يوزراتكم يالله حسن الخاتمه :d فيني حكي ما طلع ماشبعت منكم شكلي بانزل موضوع :rolleyes: |
إقتباس:
الحين كل هذا تغلي :mad: تهزءنا معاك وماقلنا شي :D :no: الحين من جاب طاريك كان تقصدني فانا اقصد العنا مو الغثا:rolleyes: :D وش الله ياخذها هي وولدهااا قول الله يعينهااا علشان تسمي بنتهاا الهنوووف وتطلع مواضيعها طويلة :D بس بدون وواووات لاتخاف :p وش هالصورة الي بتوقيعك >>>راحت ترسل للكلاسيكي يوجد توقيع مخالف:p علشان ماتخرب المذكرة بس بقول الحمد لله على سلامتك خيوو ولاتقاطع s13s :D وتعال شوف المشاغب تراه محجر لي بكل زاوية :no: ان جيت من هنا قال فراشه سودا وان جيت من هناك قال فاشله بالطبخ :no: وان جيت من هناك مره ثانيه قال لوك اختي جلدتس :mad: ومحطتس بالعقال :mad: ياربيه بس :no: :mad: خلاص :D مانعطى وجه:D بس العنا وش انت شارب قبل تكتب هالرد:D مع السلامه >>>بريئه:D ابوريمان تعبت وانا اقول كمل :mad: |
متـــــابع .. ولكن ماوضعت بصمه أو تساؤل .. !! وكما قلت ابو ريمان .. عدم تواجد ردودي لا يعني اني " ماني حولك " .. قرأت ماكتبته انامل خالد .. واعجبني اسلوبه .. حسيت انه صريح .. واللي بقلبه على لسانه .. قرأت المذكره الاخيره .. وفي كل مذكره يزيد اعجابي بخالد وتركي .. بغض النظر عن بعض التصرفات .. اكتشفت خلال الاخيره .. ان تركي " حساس " .. وان خالد " شديد الملاحضه .. << ماينفع معي .. ابو ريمان .. فل الشريط .. ونحن نستمع .. دمت بخير .. |
واااااااااااااااااااااااو>>بغيت اصقع السقف من الفرحه:d تعرفون عاد رحنا نصيف في مزرعتنا قلعتها عاد لا فيها تليفون يعني بالعربي مافيها نت وحركات كوشخه :wallbash: انا معك قلبا وقالبا في مذكراتك<<يازينك ساكته تكفين انت ومدحك:d مغير اهوجس في مذكراتك نزل شئ او مانزل وكم نزل<<بدت تشتغل اللقافه:clapping: عاد يوم دخلت المنتدى جيت كافخه امشي مليون بس ياأني تشققت من الفرحه بس اشوف ذا الصفحات ورا بعض مغير اقدم وارجع انا مدري كم نزلت بس شكلك نزلت كم وحده..s60s العاده تنزلها بالتقسيط يعني اقرأ وحده بعدين اجلس انتظر احرق رزي وبس على الفاضي:d واعذرني على الكلام الملكع والمرقع بس لي رجعه بعد قرايتها بكلام وش حليله مرتب ومصفصف ومفهوم<<اللي يشوفني يقول اتكلم هندي:d لاني امس ساعه اكتب ردي مادريت الا وهو طاير ساعه ادوره لقيته انمسح فانقرررررررررت:wallbash: بس قلت برد بعدين اقراها بعدين ارد<<وش وراي الكلام وببلاش:d s60s واكرر للمره المليون شووووووووووووووووووووكرن..s60s |
المذكرة الثانية : سنة أولى لتركي بعد التخرج ( الجزء الحادي عشر ) جلست على آخر كرسي في الطاولة من اليسار و على يميني خالد و بعده نورة و الجهة المقابلة أبو و أم خالد ، الجو متوتر أول مرة نجلس على طاولة وحدة بعد ما تغطت نورة عني . لاحظت إن جو العائلة مو طبيعي حتى لو حاول خالد يخليه طبيعي !! سكوت نورة ، شرود أم خالد ، رسمية أبو خالد ! خالد !! خالد أبداً مو دليل ، خالد في عز أحزانه يسوي أي شيء عشان ما أتضايق و لازم يسوي أكثر في جمعة هو اللي أصر عليها ! كاسات المويه على الطاولة و الطلب بيجي عامل المطعم ياخذه ! تركي : بعد إذنكم شوي . وقفت تاكسي و رجعت للفندق في الطريق كلمني خالد : هلا تركي ، وينك ؟! تركي : خالد دقيقة و أطلبك . خالد : والله ما أدري عنك ، المهم لا تنساني . تركي : أبشر . لما وصلت لغرفتي أرسلت رسالة نصية لخالد " تعبان شوي يمكن مع تغير الجو ، اعتذر لي من عمي و خالتي و الجايات أكثر ، لا تطلبني أنا بنوم و إذا صحيت باكلمك " لو سألتوني عن شعوري وقتها ما عرفت أوصفه ! حزن ندم حيرة تشتت أو إنه شعور مختلط من كل شعور شين . اتصالات من خالد و تجاهل مني و الاستقبال يكلمني و أرفض أتلقى الاتصال و أطلب منع تلقي المكالمات . مدري كم جلست بعدها أخذني النوم و لما صحيت طلبت خالد كانت كلمة وحدة اللي قلتها بعد السلام : آسف . خالد : ما أبي أحكي بس باقول لك حركتك سخيفة . خالد الله يهديه ما يحط نفسه بمكاني ، لو حس بالجمود اللي حسيت فيه وقتها أكيد بيعذرني و أنا ما أقدر أحكي ! كيف أقول له حسيت إني غير مرحب فيني من أمك و يمكن أختك ؟! ما علقت فضلت السكوت . مشى الوقت بشكل جامد مع خالد بس بجمود و كان المفروض بعد يومين نطلع لدولة ثانية لحالنا . خالد : إذا بنستمر كذا نرجع مع أهلي أصرف ! تركي : براحتك خالد ! خالد : تركي أنت تدري إنك ترفع الضغط بأسلوبك ؟! تركي : تركي ما قال شي تركي سكت !! خالد : باقول لأبوي يدبر لنا حجز معه إذا غيرت رأيك علمني . في يوم السفر كنت دافع حق الفندق و طالب منهم خروج . كلمت خالد و قلت له الوعد المطار ، خالد يقول إن عمي طلع للمطار و إنه بيطلع مع أمه و أخته للمطار . قفلت من خالد و ركبت المصعد و لما نزلت لقيت عمي بوجهي ! يا رب استر . عمي : تركي عسى ما شر ! تركي : سلامتك عمي ما في شيء ليه ؟! عمي : كيف ما فيه شيء ؟! تركي يا ولدي ترى و لو حنا كبار لكن نفهم و كل هالمراحل مرينا فيها ! تركي : عمي مدري وش أقول بس ... عمي : لا تقول شيء ، أنا جاي آخذك معي للمطار و أقول لك إن خالد من يومها متضايق و متنرفز علينا و يقول إن حنا السبب ، هو متضايق يقول جايب خالد يغير جو و أنتم تسوون كذا ! تركي : لا خالد و لا أنتم لكم ذنب ، أنا غاب عني إن الظروف تغيرت من بعد آخر مرة سافرت معكم فيها . عمي : تركي يا أبوي أبيك تفهم إن حتى نورة متضايقة و هي اللي أصرت أجيك . تركي : الله يخليكم أنتم مثل أهلي . طلعنا للمطار و بالطيارة كنت جالس أنا عند الممر ! مع إني حتى في الجية راكب عند الممر لأني ركبت مرتين عند الشباك يوم يموت أبوي الله يرحمه !! في الرحلة كان خالد على يساري و كان يحارش نورة ! معناته إن نورة فيها شيء و خالد يبي يوسع صدرها . استهبلنا شوي و جلسنا نضحك على اثنين راكبين قدامنا الله يتوب علينا و نورة كانت مبسوطة و تضحك من قلب حتى إن خالتي نبهتها . بصراحة انبسطنا في الرجعة أكثر من السفرة كلها ، صدق إن الوناسة و جوها في أهلها مو في المكان أو في الوقت !! بآخر الرحلة ركدنا و خالد كالعادة النوم معه ما يعوق و مسك خط ! رفعت رأسي أول كرسي جنب خالد نورة . نورة بعد نامت . نورة ! نورة اللي ما نسيتها من شفتها بالمطعم ! |
إقتباس:
الجزء للاسف كان قصيير مرررة بس في قمه الروووعه |
| الوقت المعتمد في المنتدى بتوقيت جرينتش +3.
الوقت الان » 06:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd