|
صرت اتضايق اذا لقيت يوزر بوريمان اوف لاين .. ! :mad: |
^^ ^ بجد والله المذكرات رائعه وكتابه خالد ولا اروع عرفنا ع جوانب جديده ماكنا نعرفها بلييييز ابو ريمان لاتطول علينا تحياتي،،، |
أول العنقود شكراً لك على حسن الظن :) أبو دحوم شكراً لك :) |
بسراحة يا أبو ريمان,, بالبدايه,, ماكانت عاجبتني الفكره,, أو بمعنى أصح,, ماكنت أبغى أقرأ المذكرات,, لأني أحس اني أتطفل على حياة إنسان,,حتى لو كان راضي انه ينشرها,, فكان هناك صراع مابين مبادئي الشخصيه,, وبين أسلوب المذكرات المشوق,,:wallbash: وكان النصر للثاني بالطبع,, خصوصاً أنها كُتبت بأسلوبك,, تابعتها,,رغم صعوبة الاتصال وقت السفر,, وكنت أدخل المجلس أدور المذكرات وأطلع,,:yes: المذكرات,,حلوه رغم مرارتها,,:yes: شكراً أبو ريمان,, شكراً تركي,, شكراً خالد,, والله يديم المحبه,,:clapping: |
أبا عبدالله ،،، " وش أحسن من شايب هاديه الله :D " @@@@@@@@@ الهنوف ،، أشكر متابعتك و تحليلك .. الدكتورة سارا ،،، شكراً للحضور و العودة بعد الغياب . نور الشمس ،،، أتمنى ألا يكون التوقع لمجرد ( الحث ) عاشقة الزعيم ،،، شكراً للحضور و المتابعة . التميمية ،،، أهلاً بك بعد غياب عن المنتدى بشكل عام و عن مواضيعي بشكل خاص . نعم في المذكرات أمور من التطفل الاطلاع عليها ، ثقي تمام الثقة بأنني سأتجاوزها بإذن الله . شاكراً إشادتك . |
المذكرة الثانية : سنة أولى لتركي بعد التخرج ( الجزء العاشر ) طلبت خالد هلا خالد خالد : هلا تركي تركي : وينك ؟ خالد : بالبيت ، ليه ؟ تركي : بامرك ! خالد : أنت اللي بتمر ؟! تركي : إيه ليه فيها شيء ؟! يعني عشانك صرت تمرني كم يوم صارت غريبة أمرك ؟! خالد : إيه صح ، بس كم يوم . المهم الله يحييك متى بتمر ؟! تركي : يمكن بعد المغرب . خالد : بانتظارك ، باطلع بعد العصر للحلاق و بارجع . تركي : لا لا ما يحتاج ! خالد مستغرب : وشو اللي ما يحتاج ؟! تركي : ما له داعي تحلق ، متعود على شينك . خالد : أقول وخر بس . طلعت لخالد بعد المغرب و جلسنا مع بعض . تركي : خالد في خاطري كلمتين ودي تسمعني كويس . خالد : من متى و حنا نحتاج مقدمات لحكينا ؟! تركي : يمكن الحكي هذا بالذات يحتاج مقدمات . خالد : الله يستر ، تفضل . تركي : خالد أبيك تسافر لأهلك كم يوم ، تغير جو و ترجع . أنت عارف إن الظروف يمكن ما تساعدني أسافر بالصيف هذا ، فإذا تعزني سافر غير جو و ارجع . خالد بكل برود : فكرت و كنت ناوي أقول لك ، بارتب حجوزاتي و أعلمك . من أمس أفكر كيف أكلمه و جاي عنده في البيت و آخرتها ؟؟ خالد : وين ودك نروح اليوم ؟! تركي : أهلي عندهم ضيوف بيتعشون اليوم ، اختر أي مطعم على حسابي . خالد : خسارة ، يا ليت فيه مطاعم غالية . تركي : عادي ، كم تبيني أدفع باحاسب و الباقي بخشيش . خالد : لا ما أبيك تدفع بكيفك أبي غصب عنك ، يعني من أختار من ( المينيو ) أدري كم بتدفع . تركي : الظاهر إني ناسي فلوسي بالبيت ، خلها عليك اليوم . خالد : تصدق توني باقولك مشتهي فلافل . ضحكنا من قلب و بالفترة الأخيرة صارت الضحكة لها طعم ، يمكن عشانها شحت . بالأول و حنا بعز وناستنا يقلب جونا و نتضايق و كنت أقول ليه كذا ؟! و اليوم لما نضحك نسوي كل شيء عشان ما نخرب جو بسطتنا . و بصراحة أحس ضحكة اليوم ( أطعم ) . جلسنا بالبيت نقلب قنوات و قهوة و شاي و طلعنا نتعشى و تفارقنا ، بالطريق و أنا راجع اكتشفت إني نسيت سالفة سفر خالد !! هو من جده بيسافر ؟! و أنا ليه أتلقف و أقول له سافر . مشت أيامنا بشكل روتيني . بعد ثلاثة أسابيع سألت خالد : ما سافرت ، ليه ؟! خالد : باسافر . تركي : خالد تلعب علي ؟! أهلك باقي لهم آخر أسبوع و ما أشوفك حاجز و لا شيء ؟! خالد : أهلك و لا أهلي هم ؟! تركي : وش دخل هذا ؟! خالد : أهلي حجزهم على الخطوط السويسرية و أنا حجزي على السعودية . دريت إن خالد بأسلوبه اللي يرفع الضغط يبي يسكتني . تركي : ألف مرة قلت لك قل اسكت و لا تسوي حركاتك السخيفة ، بعدين أهلك على الخطوط السعودية لا تكذب . خالد : تركي أنت ما دريت ؟! بيصير فيه اندماج بين الشركتين و بيصير .... تركي : انثبر . خالد : بيأذن الفجر و قهوة أختك ما جت وينها ؟! تركي : هونا ما في قهوة ، وش شايفنا ؟! خالد : لا أنا أقول لو تخلون غرفة الحارس طلبات سيارة أصرف لكم . رفعت السماعة و طلبت أختي على التحويلة ، ترى خالد يقول لو تقلبون بيتكم كفي شوب أصرف . خالد بصوت عالي : أقول قهوة ريم حلوة ، لو تسوقونها نجحت . ريم : قل له يسلمو ، من ذوقه . أشوف الموضوع انقلب ضدي !! وصلت القهوة و علق خالد : أخيراً . سولفنا شوي و طلع خالد . رجعت للمجلس باخذ شماغي لقيت كوب خالد شبه مليان . كان الكلام هذا في بيتنا آخر الليل ، طلع خالد قبل الفجر شوي . رجعت لقيت أختي معاها كوبها و تشرب و تتابع فيلم . ودي أسولف معها بس البنت مندمجة خاشة جو ، أخذت الريموت و غيرت القناة عصبت من جد عرفت إنها ما تمزح !! أخاف أتابع معها يضيق صدري و ما أرتاح حتى يعيدون الفيلم ! أخاف أنوم و باقي على الصلاة شوي ما أصحى للصلاة . كلمت خالد لأني فاضي بس . خالد : أوف ، يعني الواحد ما يقدر يرتاح منك شوي . تركي : لا والله ما تقدر ترتاح أموت فيك !! أقول أنت و وجهك مشغلنا عن القهوة و إزعاج و آخرتها ما تشربها !! خالد : إسأل ريم ليه ما شربتها ! تركي : خير إن شاء الله !! مع السلامة أنت . ريم ليه خالد ما شرب القهوة ؟! ريم بكل بلادة تناظرني و ترجع تتابع !! ريم على نياتها و قلبها طيب و على وجهها و خوافة و لو تغبي شيء انفضحت ! جلست شوي و أذن الفجر و طلعت للمسجد و بالطريق أرسلت لخالد : ليه ما شربت القهوة ؟! جاني الرد برسالة : لأن اللي مصلحتها ما تعرف تصلح !! غريبة ! خالد دايم يقول ما في قهوة بالعالم مثل قهوة ريم ! رجعت بعد الصلاة مريت ريم في غرفتها جلسنا نحكي شوي ، و عرفت إن خالتي بتجي من الشرقية بتجلس كم يوم عندنا و إن أمي أقنعتها تجلس معنا بالبيت ما تستأجر مثل العادة . سألت ريم : طيب و عيالها ؟! ريم : ما راح يجون ! و أنا طالع من الغرفة قلت : ريم القهوة ما أعجبت خالد . ريم : ما صلحتها أنا ! الشغالة صلحتها . ؟؟؟؟؟؟؟؟؟؟؟؟؟؟؟؟؟؟؟؟ لما صحيت طلبت خالد و أزعجته عشان يصحى ، و قلت له : خالد خالتي بتجي و بتجلس عندنا و ما أبي أجلس بالبيت و بناتها معها . خالد و كله نوم : بيتنا فاضي تعال عندنا . تركي : لا ما قصدت كذا يا غبي ، أقصد فرصة نسافر . أقلها عشان خالد ، جلسته معي و روحتي عنه لمكة في خاطري . خالد : طيب ممكن سؤال ؟! تركي : تفضل يا مؤدب . خالد : مصحيني عشان كذا ؟! تركي : طيب آسف ، لما تصحى كلمني . اتصلت على البيت و كلمت الشغالة و قلت لها روحي لخالد صحيه و قولي له أبوك يبيك ضروري كلمه . دقايق إلا و خالد يتصل !! خالد : تركي يا خف دمي !! تركي : من زمان و انا أقولها ؟! دم خالد خفيف ! اقترحت على خالد يسافر و ألحقه بعد ما يرجعون أهله لكن رده كان قوي ! أختصره لكم في كلمتين " رجلي على رجلك " ، مو بس كذا بعدها كلمني عمي قال يا تجون مع بعض يا تجلسون عندكم مع بعض . سافرنا و كانت الوجهة الأولى لأهل خالد تلبية لطلب عمي و حتى يشاركهم خالد الكم يوم الأخيرة في سفرتهم . وصلنا و استقبلنا السواق في المطار و بعد حوالي ساعة كنا في بيت عمي ، أكلنا وجبة في البيت و بعدها استأذنت من عمي ، عصب عمي لما عرف إني حاجز بالفندق و تضايق كثير و هاوشني من قلب . و هاوش خالد بس قلت لعمي خالد ما له ذنب ، خيرته بين السفر و الحجز أو عدم السفر . سلمت على خالتي أم خالد و ما قصرت سمعتني كلمتين و سلمت على نورة . بلغني عمي إنه عازمنا بمناسبة وصولنا في مطعم غداء عائلي ، طلعنا بالليل أنا و ما طولنا و رجعنا . على الموعد كنت في بهو الفندق أنتظر وصل أبو خالد و عياله و ركبت معهم و توجهنا للمطعم ، كان المطعم على واجهة بحرية و قلت لخالد خاوني نمشي شوي على البحر رفض خالد قال : امش لحالك . مشيت و استغليت تواجدي لحالي و كلمت امي و أختي أتطمن عليهم ، و أنا راجع شفت بنت ما شاء الله مدحها نقص ! بس لحظة كن البنت جالسة على طاولتنا ؟! معقولة ؟! معقولة تكون البنت هي نورة ؟! صح صار لي زمان ما شفتها بس معقولة هي نورة ؟! |
هل يصدق توقعي وتكون هناك علاقة نسب بين تركي وخالد؟!!! ننتظرك يا أبو ريمان |
8 8 يالي فوقي لاتحرق المذكرات:D >>>تحسبها مسلسل :d طيب ليه ريم ماسوت القهوة لخالد :confused: .....؟؟ تركي ماشكيت بشي خلال هالفتره كلهاا >>>:D هالجزء بين بعد ازدياد ارتباط العلاقه بينهم ماصارو يقدرون يبعدون عن بعد خصوصا تركي لما طلب من خالد يسافر وبداخله يقول لاتسافر وتخليني :cry: ابوريمان خلاص والله مافيني صبررر بسرعه نزلهم كلهم مع بعض :wallbash: وهالجزء بعد حمستنـا:nono: ان شاء الله تحليلي وتوقعاتي للجاي يطلع صــح:) ماشاء ابدعتو بصياغه المذكرة مع اني اعتبرها صعب انك تتذكر الحوارات والتفاصيل الدقيقه بس ماشاء الله عليكم والشكر لاخونا ابوريمان :) ننتظــر بس ياليت تستعجل |
ابوريمان متابعين معاك بصمت ;) كمل القصه بسرعه ماعاد فينا صبر اتوقع انه راح تكون فيه علاقة نسب بين تركي وخالد زي ماقال العضو A.K.N 505 ابو ريمان ننتظر الجزء الباقي على احر من الجمر :sad: |
ابو ريمان كل مذكرة مشوقة اكثر من الاخرى <-- مسوي جاب جديد تكفى يابو ريمان لاتطول علينا لاتعــــبـــت |
إقتباس:
إقتباس:
إقتباس:
يا أخي كان بإمكانك أن ترسلها عبر البريد الالكتروني مثلاً أو عندما تفضلت و "رقمت" أخاك أن تقرأها علي دفعةً واحدة عبر الجوال و بهذا تكسب شركة الاتصالات قرشين ابيضين ينفعانها في اليوم الأسود. ====== ما قصتكم و السهر ؟ هل لهذا علاقة بالجن والشياطين مثلما تقول لي والدتي دائما متعني الله و أخواتي ببقائها. |
^ ^ ^ اللهم آمين ، و يمتعنا معك ببقائها . والله ثم والله ثم والله أنها ليست موجودة لدي و إلا لما بخلت بها عليك . ما تراه و أسعدني أنك معجب به هو من نتائج السهر ، و ما كتبته غير البارحة و بعض الجمل أكتبها من تكامل واقع معرفتي بتركي و خالد مع حروف مذكرات خالد مع بقاء حاجتي أحياناً لإجراء اتصال لمناقشة نقطة وردت في المذكرات و طلب التفاصيل كاملة قبل إعادة صياغتها من جديد . الآن أنا غاضب منك ! فكل ما اتصلت على تركي مستفسراً أو مستوضحاً أو نحوه بدأ التجاوب قائلاً كاذباً - واعذرني يا تركي - : " صحيتني من النوم ، أنا أسمع كلام القاضي مو مثلك " ثم لا تخف على الاتصالات بعد صفقة المرابحة التي وقعوها لتمويل صفقة شراء جزء من شركة الاتصالات الماليزية إن لم تخني الذاكرة في محاولة لتغطية نقص الأرباح و دفع بعض الحرج الذي تسببت فيه ( موبايلي ) لهم . دمت طيباً سعيداً بجواري . |
ننتظر التكملة باحر من الجمر |
ابو ريمان وتركي وخالد شكرا,:,:,: بس حبيت اسال كم عدد اخوان خالد ما سمعنا ان له اخوان |
إقتباس:
ماعاد فيني صبر ابغ اعرف ايش صار بليييييييييييز لاتطول علينا |
| الوقت المعتمد في المنتدى بتوقيت جرينتش +3.
الوقت الان » 06:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd