اخر ابداعات ابن همام .. " تدمير " وليس تطوير لآسيا ! - نادي الهلال السعودي - شبكة الزعيم

القطو الازرق · #1 25/07/2007, 06:25 AM

السلام عليكم ..

بالتوفيق للاخضر اليوم ان شاء الله وباذن الله ندخل بعد المباراة نبارك لبعض ..

عموما ً الموضوع اليوم ماله دخل بمنتخبنا الوطني ..

أكيد الأغلب أو حتى الكل سمع بشأن تأهل اصحاب المراكز الـ 3 الاولى في البطولة تلقائيا ً للبطولة القادمة .. مع بطل كأس التحدي .. << وهذي يا طويلين العمر بطولة اسيوية ضعيفه تشارك فيها منتخبات مجهولة < على كلام المذيع بتال القوس بقناة العربية ..

!!

يا ابن همام اوكي اول ثلاث مراكز " مع اني اشوفها ثقيلة بحق المنتخبات الثانية " الا انه من الممكن اننا نبلعها خصوصا ً انه بالعادة اصحاب المراكز الثلاث الاولى تكون من المنتخبات القوية في اسيا ..

بس بطولة كاس التحدي اللي لأول مرة نسمع فيها .. لا ويا ليت المنتخبات المشاركة فيها تكون منتخبات قوية ولا على الاقل تقدر تنافس بل على العكس هي اضعف من ماليزيا و فيتنام اللي بالعافية قدرنا نبلع مشاركتهم بهالبطولة !

لا وزيادة على هذولي كلهم .. الدول المستضيفة للبطولة تكون متأهله ..

يعني نقول .. 3 مراكز اولى + بطل كاس التحدي + المستضيف = 5 منتخبات ..

يبقالنا 11 منتخب يتنافسون على الكراسي المتبقية ..

قولولنا وين التصفيات بهالموضوع

!

عذر الاتحاد الاسيوي بتأهل بطل التحدي هو اعطاء الفرصة لمنتخبات لم تشارك من قبل بأنها تشارك ببطولة قوية .. لعلّ وعسى تطلع بكم نقطة مثل ما حصل مع اندونيسيا و تايلند هالسنة ..

المشكلة يا عزيزي ابن همام انه اذا كانت هالفرق مو قادرة تفلح بالتصفيات ظنك بتقدر تفلح بالبطولة الاساسية ؟

بالفعل تطوير وعلى خطط مدروسة بعد !!

رايي من راي بشار عبدالله اليوم .. اظن انه في لعب من تحت الطاولة بهالقرار الغريب .. !

على فكرة ما اعرف كم فريق يتأهل من هالبطولة الغريبة .. هوّ البطل لحاله .. ولا البطل والوصيف معه !

اترك لكم حرية الراي والنقاش .. والسلام خير ختام ..