نادي الهلال السعودي - شبكة الزعيم - الموقع الرسمي - جمهور سعودي يتهجم على عائلة بحرينية أثناء الإحتفال بالفوز

- منتدى كاس آسيا 2007 (http://vb.alhilal.com/f149/)

جمهور سعودي يتهجم على عائلة بحرينية أثناء الإحتفال بالفوز

عندي موضوع حاز بخاطري من عقب احتفالات جمهورنا الكبير بالفوز على المنتخب الأوزبكي ..

أثناء ذهابي من الدمام إلى الخبر لفت انتباهي 3 سيارات سعودية بداخلها مجموعات من الشباب المحتفلين بالفوز السعودي يحجرون إحدى السيارات البحرينية وبداخلها عائلة بحرينية ..

بحكم أني واحد من الجمهور السعودي كان يجب علي أن أقف وأتحدث مع الشباب وأنبههم ..

وعندما ذهب وقلت :" ياشباب .. احتفلوا مع بعض ولكن لاتدخلون العوائل والأجانب في الموضوع "
قال احدهم :" ماعليك منهم بحرينيين فزنا عليهم من كم يوم !!! "
رديت :" طيب خلاص ! فزنا عليهم ليه نتحرش فيهم !! خلهم .. محد يرضى إن أحد يتهجم على أهله " !!
قال :" خلاص حصل خير "

وتركوهم ومشوا ..

ولكن بعد ايش !!!

يعني مو معقولة نشوه سمعتنا عشان نحتفل بالفوز ..

الغرض من موضوعي إننا نبتعد عن الإحتفال بالطرق السلبية ..

أرجو منكم ياشباب إنكم تنبهون الجميع في مثل هذه المواضيع ..

مالها أي داعي نحتفل بفوزنا على حساب غيرنا سواء من شباب أو عوائل ..

وهذي لن يرضاها أي سعودي يغار بصدق على وطنه ..

وبالطبع لن أسمي من قابلتهم بالـ( جمهور السعودي ) لأنهم جمهور الـ(شغب) لاغير ..

وأعتذر لجميع الإخوة في مملكة البحرين عما حدث وأؤكد بأن الجمهور السعودي راقي بعكس ماحدث من ( شوائب ) الجمهور السعودي :)

تحيتي .,,.

ليش تجمع طيب وتقول في الموضوع جمهور سعودي !!

هذولا بعض الحثاله فقط ..

معك حق ،، فالدين المعامله وديننا الاسلام يحتم علينا التعامل الانساني الراقي

رغم مانتعرض له احياناً في بلدهم ( البحرين ) من تكسير لسياراتنا ومضايقات من ( هنودهم ) اقصد شرطتهم ومع ذلك لن نعاملهم بالمثل ،،،

هذا لايعني اني أؤيد هذا التعامل السخيف من بعض الشباب ،،

تحياتي

مراهقه ,,, بدري عالنضوج ..

يعطيك العافيه وماقصرت ..... صرااحه شغلك عين العقل ... وموضوعك بعد عين العقل

مشكور وماقصرت

والله عندك همج هنا..مايعرفون كيف يحتفلون..الابتفحيط والا بايذاء الناس..

إقتباس:

الرسالة الأصلية كتبت بواسطة مجودي الهلالي (مشاركة 5695720)

ليش تجمع طيب وتقول في الموضوع جمهور سعودي !!

هذولا بعض الحثاله فقط ..

جمهور سعودي ( للخصوصية ) .. ماجمعت هنا انا !! لو جمعت كان قلت : الجمهور السعودي .. على العموم مو بدرس املاء حنا :D
وصدقت .. بعض الحثالة ..

إقتباس:

الرسالة الأصلية كتبت بواسطة Saleh Al-Maqbool (مشاركة 5695731)

أنا شخصياً فضلت عدم الذهاب للبحرين بعد الفوز السعودي عليهم خصوصاً أيام الأربعاء والخميس والجمعة ..

ولكن مهما كان .. لم نتعلم رد الأذية بالأذية في ديننا الحنيف :)

إقتباس:

الرسالة الأصلية كتبت بواسطة مجنون الزعيم(9) (مشاركة 5695734)

مراهقه ,,, بدري عالنضوج ..

صدقت ..

إقتباس:

الرسالة الأصلية كتبت بواسطة *بدر* (مشاركة 5695742)

يعطيك العافيه وماقصرت ..... صرااحه شغلك عين العقل ... وموضوعك بعد عين العقل

مشكور وماقصرت

الله يعافيك أخوي وهذا الواجب ..

إقتباس:

الرسالة الأصلية كتبت بواسطة حياتي زرقاء (مشاركة 5695744)

والله عندك همج هنا..مايعرفون كيف يحتفلون..الابتفحيط والا بايذاء الناس..

مو الجميع .. في بعض العقليات المتخلفة .. وفي كثير متعلقين ..

تحيتي .,,.

فضحونــــــــآ..

ان شاءالله يصيرلهم في البحرين موقف مثل كذا يتصفقون اللين يعرفون الدنيا حق

هذولاء الحثاله

ياخي من جد وقت التشجيع تشوف تصرفااااااات مالها اي داعي

ياخي افرح وسوا اللي براسك لكن لا تأذي خلق الله وتقولي فرحان بالفوز

همج ..ونعتذر للعائلة البحرينية عن اللي حصل لها ..من همج ..

الله يهديهم بس .....@@!!

صحيح انهم في البحرين اذا فزنا عليهم ولا فازوا علينا يكسرون سياراتنا ويطقون شبابنا بس مايعني اننا نعملهم بالمثل , ياخي اذا صار خصمك من مجتمع واطي لاتنزل مثله !