خطط أوربت .. في خطوة اعتبرها ناجحه بكل المقاييس .. استطاعت شبكة اوربت بقناتها الرياضيه ESPN الانفراد بتغطية بعض مباريات الدوري السعودي الغير منقولة على التلفزيون السعودي .... وكثير من الناس فرح لذلك الخبر .. حيث ان ذلك يحقق ارباح للانديه .. ويعين كثير من الجماهير لرؤية فريقهم لمن لا يستطيع الذهاب الى الملعب .. ولكن ؟؟ هل ستستمر اوربت على هذه السياسه ؟؟ ام انها خطوة مبدئية من اجل احتكار الدوري السعودي .؟ ولماذا قامت اوربت بتلك الحملة الدعائيه لها ؟ باسعار رخيصه جدا وعرض مغري جدا .. مع ان فكرة نقل بعض مباريات الدوري السعودي كافيه للمشاهدين .. من وجهة نظري المتواضعه .. ارى ان اوربت تنظر لاحتكار الدوري السعودي خلال السنتين القادمتين وما تفعله الان انما هي خطوة مبدئيه للاحتكار .. وتخفيض الاسعار جاء بسبب اعانة الجمهور السعودي على الاشتراك في اوربت اما كشرط من الاتحاد السعودي للاحتكار .. واما كعرض تميزت به اوربت عن ال ART .. وربحت الصفقه .. وشخصيا انا من المؤيدين لفكرة الاحتكار .. للاسباب التاليه .. 1- دعم مادي للانديه .. 2- حضور جماهيري اكبر للمباريات . 3- تغطية المباريات تغطية رائعه . 4- روعه تغطية اوربت .. واخالف جدا فكرة احتكار الART للدوري .. لو احتكرته الART بتلقى كل الجماهير في الملعب ..:) والا وش رايكم ؟ |
الي يبي يحتكر الدوري يحتكره ماعدا مدام صفصف ارجوكم الا هالقناة http://asdqa.com/photo/hors/horsani.gif |
لكل مجتهد نصيب اخوي ... والART قنوات عربيه وكل منا فيه حب لاصله العربي .. ولكن تغطية الART ارياضيه واسلوب الاستفزاز اللي تتبعه اضعف حب الناس لها .. |
وين أسعار رخيصة أنا بلاني الله وأشتركت في أوربيت وعندي جهاز جديد وكلفني أكثر من 1400ريال مع الاشتراك والهدف من دعاية أوربيت هو أن يمشون الأجهزة المسترجعة القديمة لديهم يعني لا تحلم يعطونك جهاز جديد بس للأسف لما تريد تتشترك في قناة الرياضة بس يكلفك 800ريال سنوي والباقة كاملة 2100سنويا ووين الرخص معه يا عزيزي مع العلم أن جهازهم الجديد أبو أكثر من 400قناة مفتوحة ليس الا نصبة كبرى ومافيه أنترنت ولا دفع لكل مشاهدة ولا ترجمة برامج يعني بصراحة نصابين شعارهم ((القادم مذهل أكثر))في النصب:mad: :mad: |
الانترنت قويييييييييييييييييييييه اصلا ما اظن يسمحون فيها لان شركت الانفصالات بتخصر :p :p |
السؤال هو / الى متى نظل نحن ( مخفات)،،، :mad: :mad: :mad: :mad: |
الجواب اللين يخترعون شي أسمه حماية المستهلك |
السلام عليكم .. اليوم انا معكم ... توني مركب الجهاز ... للاسف جهاز اللي صنعوه ماتوا :) تصدقون ان النت عندي اسرع من تغيير القنوات فيه :( غريبه من اوربت .. ولو كان صدق ان الدعايات نصب فهذي نهايتهم .. بس نصبر ونشوف .. |
انا عني مشترك باوربت ولو يقولون بالف دولار برضو ابجدد (امشششششش يا الكاش) اما ARTوالله لو بريال مافيه امل وكله عشان صديق باشا |
والله ياليت الله يسمع منك . الأوربت تعمل لقاءات قبل وبعد المباراة حتى لو كانت بين فريقين عاديين وهذا نفتقدة في تلفزيوننا الحبيب. |
كخطوة اولى جيدة . يجب توفير المادة للأندية.و لاتجي المادة الا عن هذا الطريق و مو كل نادي عنده امثال البلوي |
لكن الخوف كل الخوف ان تسلك الاوربت مسلك ال ART باستغلال التشفير لمصالح شخصيه ماديه بحته ... دون النظر لمصلحة المشاهد ؟؟ وهذا اللي اكثر الشباب يعتقدون ان الاوربت بدأت تنهج وتسلك ذلك المسلك ؟؟!! |
بالنسبة لي وبكل صراحة : اذا احتكر الدوري السعودي فسأترك تشجيع نادي الهلال وتشجيع الكره عموما للاسباب التاليه: 1-) كيف لي ان اشجع فريق وانا لا اتابع مبارياته؟ 2-) كيف لي ان اشترك في اوربت الرياضيه وانا لا يوجد عندي دش ولا افكر فيه 3-) كيف لي ان احضر المباريات وانا اسكن في منطقة بعيده عن الرياض !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! |
الله يكون بعونك اخوي .. لكن تشجيع الهلال ما اظن تقدر تتركه وانا اتحداك .. اما مسألة انك ما تبي دش في البيت فهذا امر يخصك انت لوحدك مع اني ارى ان وجود الESPN مهم جدا .. |
اخوي الموهوب ... اؤيد كلامك 100% ...... ولو مايجي من الاوربت الا تغطيتهم الصح ....... سلالالام نواف |
الأوربيت ((رجس من عمل الشيطان)) ووالله ياأنا ياهم النصابين |
يازين نصبهم .. ابد راضين بنصبهم ياخي يكفي شغلهم الصح معلقين صح تحليل صح لقاءات صح وش نبي اكثر !!! |
بس دعايتهم نصب ليش ما يقولون أنهم يعطون أجهزة قديمة ووين أكثر من 400 قناة ووين الدفع لكل مشاهدة ووين الأنترنت ووين خدمة أختيار اللغة والتامين 200 ريال من وين طلع وقناة الرياضة سنة ب800ريال ومع ذلك ترضون بالنصب أنا للأسف مشترك معهم ولكن حب لأخيك ماتحب لنفسك |
هم قايلنه المميزات كلها راح تكون مع بداية السنه الجديده بالهجري يعني بعد ثلاثه اشهر راح تكون جميعها فعاله ... بعدين انت مااشتركت في الاوربت سلف ولا بايع سيارتك عشان تشترك فيها ... انت مشترك فيه كرفاهيه لك ،، مبلغ 800 ريــال في تصوري على الخدمات اللي تقدمها اوربت سعـر زهيدا جدا .. يكفي نقلها للدوري السعودي + الدوري الاسباني + بطولات اندية اوربا وكلها بتحـليل وتعليق خيــالي جدا .. وش ابي اكثر من كذا ؟؟ |
بالنسبة ل800 ريال فهي قيمة قناة الرياضة سنة فقط بالنسبة لدوري السعودي لساته جديد وا نعرف سلبياتهم بالنسبة لدوري الاسباني لم نشاهد مباراة لريال مدريد من بعد مباراة برشلونة ومن أسباب مشاركتي في الأوربيت نجوم الريال زيدان + فيغو والمباريات المنقولة كلها داجة بالنسبة لدوري أبطال أوروبا لا ينقلون المباريات الا نصفها يعني تشوف الذهاب ولاياب على أبوظبي الرياضية بصراحة أنا أنخدعت منهم ولا أريد غيري أن يتعرض لما تعرضت له الا هل بلغت اللهم فأشهد |
النمر الكاسر انت لاتفكر في الدش مع اننا في الالفية الثالثة تخلف مابعده تخحلف مع احترامي لك اين تعيش انت؟ |
الدش حرام هاذا شي مفروغ منه ودفع النقود للأشتراك حرام وهذا من الأسباب التي تمنع الكثيرين من الأشتراك وجزاهم الله الف خير على صبرهم |
مشكور اخوي .. الاوربت بنقل المباريات والمقابلات والصوره ميه ميه اما الباقي ... الله يخلف. |
و الله يا أخواني الاعزاء تضل أوربت أفضل من ألف مليون a r t صورة قزاز صوت كنك بالملعب تغطية للمباريات رائعة مليون بالمية تحليل منطقي و جميل |
من قال ان الدش حرام لا يوجددليل ابدا:confused: |
اخوي عنيد ... من ذا اللي خذ منك 200 تامين ؟؟:) ما احد خذ مني اي تأمين ؟!!! الدش حرام بدون اي شك .. لكن يظل جهاز يستخدم للحرام والحلال .. فاحسنوا استخدامه ... والادله كثيره .. الاغاني حرام .. النظر الى النساء حرام .. ترك الصلوات بسبب النظر لما يعرضه الدش .. الخ .. وانا مؤيد لهم .. في تغطيتهم .. هم الافضل .. |
اعوذ بالله .....اعوذبالله.....من art لوتعرفوا : مخططاتهم.....رشواتهم....فاكساتهم....مكالماتهم(ضدالهلال,وبالاخص الكابتن الشهير سامي بن عبدالله الجابر) يدبروا مؤامرات على سامي والهلال........الله الله ياكبرها انا اقولكم موبس القنوات الرياضيه كلش كلش كلش للله للله للله افضل القنوات: دبي الرياضيه(يعني) ابوظبي الرياضيه(ممتازه) السعوديه الاولى(زفت بزفت) _ _ _ _ الثانيه(زفتين بثلاث) اوربت اس بي ان(رائعه) الرياضيهart(معفن على زفت على تزفيت) الغنائيهart (جيد جدا) اقرا(ممتازه) عمرو خالد حلوومفيد وديني شوتايم(حليو) ---------------------- والسلام عليكم.....شفاف الهلاللين... ;) |
صراحة قناة ابو ظبي الرياضيه اكثر من رائعه .. خصوصا في نقل الدوري الايطالي .. |
الوقت المعتمد في المنتدى بتوقيت جرينتش +3.
الوقت الان » 07:47 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd