14/07/2007, 05:17 AM
|
| موقوف | | تاريخ التسجيل: 14/06/2007 المكان: في عالم الخيال اللا محدود
مشاركات: 149
| |
|
أعضاء المجلس العام الى نهائي كوبا أمريكا
السلام عليكم ورحمه الله وبركاته كيفكو شخباركو؟
مع الحر والاجازة والطفش
انا فكرت وفكررت فقلت خلني احط موضوع يحرك الاعضاء الين ما يستوون :p
فنتج هذا الموضوع اللي اذا شفت حماسكم معاه بنواصل فيه للجزء الرابع اما اذا مافيه تفاعل  فانا بصيح وبلم عفشي واودعكم
فكره :
عازفة الناي
اعداد :
عازفة الناي-Dr.Sara
اخراج :
عازفه الناي
في يوم من ايام الاجازة المشمسه الحاره كان المجلس العام كالعاده..
مليء بالطفش والملل وكل الاعضاء يتململون
فبعادة البنات انهم ما يـحبون الطفش والملل
فبينما هم يفكرون شيسوون كانوا الاولاد يسولفون عن دوري كوبا وامريكا فنطت عازفة الناي وقالت
خلنا نسافر فنزويلا نروح نتابع بطولة كوبا امريكا
ردت هلاليه @ميلانيه \ اي والله حمااااااااس
فالتفتت الهنوووف على الشباب وصارخت\
ياشباب نبي نروح لـفنزويلا نتابع البطولة
ناظر المشاغب وقال\
هههههههههههههاااااااي
اسمعوا يبوننا نروح لـفنزويلا نتابع البطولة
قال ماجد مقبل اي والله فكره
نط نمــ15ــر وقال
ونسافر بطيارة البالون
عاد هامور البورصه سمع الحوار وراح جرررررري
يصحي سهل سهل سهل اقصد مشرفنا سهل قوم
قال سهل شفييييييك
ابناااااااام
امس الولد ماخلاني انا م زين
راح نط وراح المجلس الاستشاري وقال لهم
رد القاضي وقال
ومن وين لهم الفلوس ان شاءالله الي بيسافرون فيها
عاد واحنا والشباب التمينا وبدينا نوزع المهام والاشياء
ونسينا اننا ماقلنا للناس الكبار
الموهم شووي الا جاينا هامور ويقول ويق ويق وييييييييييييق
هههههههههههههااااااااااااااي
ترتبون لايش انتم؟! يقول لكم القاضي من وين بتلمون فلوس السفر
ردت هلاليه من الرياض\
ويق ويقين اتفقنا اي واحد بيروح يدفع 500
عاد هامور رجع يناقز وراح قال لهم
القاضي ماقدر يسكت عن الحال راح صحى سهل بالقوة وقال له
وسهل راح لمجلس اشراف المجلس العام وقال شفتوا الاعضاء يخططون من ورانا وكان واصل فاكس بس ماحد انتبه له..
وجونا سهل-القاضي-تيماوي -والاستشاريين كلهم
واول من تكلم سهل ومحمر عيونه
صح الي سمعناه
واحنا قمزنا وقلنا وبصوت واحد
وش سمعتوا<<ا بوك يالبراءه
ولا هامور واقف وراهم ويضحك
بتسافرون من ورانا؟
قالت الهنوووف
ايه
لا
اقصد
ايه
لالالالا
قالت عازفة الناي لا
وش الي نسافر من وراكم
قال سيمو ايه اصلا احنا مانقدر
نسافر من وراكم
صارخ هامور قال الا والله انا سمعتكم وانتو تخططون
قال تيماوي اص ياهامور
تيماوي: طيب انتم شكنتوا تسوون تو؟
كلي هلالي هاه لا مانسوي شي
ويسحب القاضي الورقه من يد ابوريمان
يقرا ويقول
اها برافوا
صح
والله مخططين لها صح وتقولون مانخطط من وراكم
وكل الاعضاء روسهم بالارض
ويبدؤن بمحاضره ليه مااخذتو راينا بالاول!!
وعازفة تدق د.ساره
انا ماقلت لك قولي للموج الله يصلحك؟!!
ود.ساره باعلى صوت
ايوووووووووه صح
احنا ماسوينا من وراكم
احنا استئذنا من الموج
سهل / وهو اذن لكم؟
قالت مدري قال بعطي الرد مشرفينكم
عاد البارق كان يشرب شاي بمجلس الاشراف
وشاف الفاكس
شوي الا جاي ويقول
سهل تيماوي تعالو ابيكم بكلمة راس
راحوا سهل وتيماوي
والاعضاء يطبون على هامور البورصه
اه يالخاين
اضربووووووه
والقاضي يقول بس
انا هنا احترمو وجودي
ويعم الصمت المكان وشوي الايخرجون من المجلس الاشرافي
وسهل باين عليه الزعل
عاد خافو الاعضاء لاتكون الاداره ماوافقت
والبارق وراه يأشر افرحوا
واحنا نضحك ضحك مكتوم
وشوي سهل يقول وافقت الاداره على السفره
بشررررررررررط
كل وحده من البنات تجيب موافقة ولي امرها
والاداراه مو مسؤوله عن الفلوس والسكن قلنا بصوت واحد اوووووووووكييي
ويسكتهم سهل بقوله وبعدين
لازم البنات يلبسون محتشم والعيال مايتعرضون للبنات باي شكل من الاشكال الا في حال مساعدتهم << ياحظ البنات من
ويعم الفرح المكان والهنوووف ورعبوبه يرقصون من الفرحه
بس ليه يا ترى سهل كان زعلان؟؟ 
هذا ماسنشاهده في الجزء القادم
لاتصدقون بس اسلوب تشويق
اي ليه سهل كان زعلان؟؟
لانه مايقدر يسيب ام عياله مسكينه توها والده
وتعبانه ومايقدر يروح معنا
عاد البارق وتيماوي فرحوا لان مادام سهل بيجلس هم مسموح لهم يسافرون..
الموهم بدأت التجهيزات للرحله
وكان مابقى الاكم يوم وينتهي الدوري لازم يسافرون بأقرب فرصه فالاشياء الي ممكن يلاقونها هناك تركوها وقالو نشتريها من هناك ومسكت ادارة توزيع المهام عازفة الناي والهنوووف و ماجد مقبل والكلاسيكي وزعوها كالآتي
عاد البالون قال انا مابسوي شي انا بوديكم بطيارتي وهذا اكبر مهمه <<ابوك يالمذله
فتوزعت المهام
Iq1399 و جرح يشكي يجمعون اكبر قدر من المعلومات عن البلد الي بنروح لها
Dr.Saraوهلاليه حره يجمعون مو افقات اولياء امور البنات الي بيروحون ويكتبون اسمائهم
والي يبي يروح من الاولاد يسجل اسمه عند القاضي
رعبوبه الزعيم و 20ياسر الجابر9 يجمعون الفلوس
ماجد مقبل و المشاغب يحجزون لنا السكن بحيث يكون قريب من استـاد زوليـا لاننا ماراح نلحق ولا مباراه غير النهائيه<أجل ليش رايحين :p
هلاليه من الرياض و مغرور حدي يشوفون شو الاشياء الي ممكن نحتاجها من هنا وماراح نلاقيها هناك ويجيبونها
مطيع الهميمي و الفيروسه يشوفون جوازت الاعضاء ومن الي منتهي جوازه ومايروح
الكناري الازرق وبنت الزعيم يوزعون ارقام مقاعد الطايره على الاعضاء والعضوات
سيمو ولميس الهلاليه ياخذون الكاميرات واغراض التصوير..<<حشى رايحين سياحه
Some oneوابو ريمان يكتبون مذكره عن الرحله من بدأنا التخطيط الين مانرجع
الباقيين يرتبون المجلس قبل لايطلعون عشان مايقولون الي سافروا خربو مجلسنا
وصلت قائمه باسماء الي بيروحون
الاولاد
تيماوي- البارق-القاضي-الكلاسيكي-ابوريمان-ماجد مقبل-iq1399-البالون-مغرور حدي-جرح يشكي-كلي هلالي-المشاغب-هامور البورصه- سيمو- f*y*d – حكر المنحكر
–M e t o 0 o –ابوراس-الكناري الازرق- kaka-22 - alhawey – ابو طلال – 20ياسر الجابر9 – مطيع الهميمي _
leo messi_the best
اما نمــ15 ــر فأعتذر عشان عنده ترم صيفي
وصمت الرماد اهله مارضيو له قالو له اجلس عندنا تفيدنا
ويلوموني انـ هلاليـي قال انا مااشجع غير السعوديه وماني برايح اشجعها اروح اشجع غيرها
وسهل عارفين عذره
والي كنا نتمناه فعلا يروح معنا الموج بس للأسف عنده شغل وقال اعذروني <<حسافه
قائمه البنات
عازفة الناي , الهنوووف , رعبوبه الزعيم , لميس الهلاليه, فرانشيسكا , هلاليه @ ميلانيه , نجمة الإبداع , الفيروسة الزرقاء , سندريلا الهلال , رائدة الزعيم , أسيرة الزعيم , بنت فهد , فرصه ضايعه , هلاليه من الرياض, اليزابيث هيرلي , د.هلالية , شذى(ع), هلاليه سدير , دلوعة الزعيم , هلاليه سنعه , هلاليه حرة , ~بنت الزعيم~ , Dr.Sara
زعيمه قديمه امها قالت لها مستحيل اخليك تروحين وماحد من اخوانك معك..
عاشقة الزعيم15 تخاف من الطياره
صحيوا كل الي بيروحون قبل صلاة الفجر وتأكدوا انهم لمو اغراضهم كلها صلوا الفجر وراحو بيركبون بالسيارات
البنات كان مستأجر لهم البارق بااااااص كبيييييييييييير عشان يوصلهم المطار
وركبو البنات كلهم
اما العيال فكل واحد يجي بسيارته
كلهم جو على الموعد ووقف تيماوي على باب الطياره
والي ينقال اسمه يطلع بدا بالبنات لانهم ياااااااااي مايتحملون حر الشمس مع ان كل وحده معها شماسيه
سندريلا الهلال
هنا وتطلع
د.ساره
ايوووه وتطلع
رائدة الزعيم
نعم وتطلع ومعها كتاب نزار قباني
البنات كانو كلهم جايين وبدا بالعيال ويطلعون جا عند اسم هامور البورصه هاموووورهامووووور ماحد يرد
وعازفه والهنوووف يموتوووون ضحك شالسالفه؟ ماندري
وهذا هامور ماهو فيه ويكمل الاسماء ماجد مقبل
المشاغب كلي هلالي ابوريمان ؛ويطلع بالدفتر وقلم الحبر معاه :p ؛
ابوطلال
ابوطلال .. ابوطلال
ماهوب فيه وطلعو كل الشباب ماعدا هامور وابو طلال ويوم جا البالون يطّلع سلم الطايره نسمع الي يقول
انتظروووووووووووني
انتظرووووووووووووووني
ونناظر 
ولا هاموروه بالسيكل حقه وفاتح فمه
انتظروووووووووني
ويطلع ويقول من ..اه << فحمان
من .. من الي سواها؟
اكيد انتوا يالبنات!!
من ؟اكيييييييييييييييييييييد انتي ياعزوفه اذكرك من اول حاقده علي!!
عازفه : انا؟ انا؟
والله العظيم انها الهنوووف<<مفضوحه
تيماوي يسكتنا شفيكم؟!!
قال هامور هماني صحيت وعلى اساس اني جاي بالموعد بس لقيت كفرات سيارتي الاربع مبنشره
الهنوووف بحمقيه: يستاهل اجل يحرش علينا وبعدين يمشي معانا؟؟
البنات كلهم بصوت واحد اي والله!!
عاد هامور انحرج وقال اسف
فقال تيماوي يلا بس وين مقعدك؟؟
قال هاه
ويشوف جنب عزوفه فاضي
قال هنا جنب عزوفه
عازفه :وشوووووووو
من قاااااااااااااااااااااااااااال؟؟
هامور : انا اقول؟
عازفة: هذا الي ناقص يجلس بجنبي ولد؟؟
والله لااصيح..
هامور: احلى شي يوم اشوفك تصيحين
عازفة: اصلا الي جنبي Dr.Sara صح يا بنت الزعيم؟
بنت الزعيم بخوف: ايه<<عشان بنت الزعيم هي موزعه المقاعد مع الكناري وقالت بخوف ايه لانه محطوط ان جنب عزوفه حكر المنحكر بس عزوفه تخاف تجلس جنب ولد فطلبت من حكر يبدل مع د.ساره
هامور: طيب وينها؟
عازفة: بالحمام شرايك يعني!! ماحد يروح الحمام؟!!
تيماوي يناظر بهامور بعصبيه: كم رقم مقعدك ولا انزل من الطياره
وهامور يشوف المشاغب يأشر له قال ايه صوووووووح
هنااااااااك مكاني عند خويي المشاغبوه ويروح ويجلس
عاد كابتن الطائره البالون ابن نفيخه..
والمساعد حقه سوم ون ابن برسون..
ويتصدر مقاعد الاعضاء البارق وتيماوي والقاضي وابوريمان
بدت الطائره بالطيران وسوم ون يقول يلااا قولوا دعاء السفر
وهو يقول وحنا نردد وراه
تمسكوا اقعدوا لاتتحركون تفهمون؟ اربطوا الاحزمه زين
عاد رعبوبه الزعيم اول مره تطلع طياره وتقول لـ شذى(ع) بصرررررعه اربطي لي الحزام الخربان حقهم وتقول لها شدى مو خربان بس معلق مدري شفيه و بالكرسيين الي جنب شذى فيه 20ياسر الجابر9 و الكناري الازرق وشذى تقول الحقونا حزام الكرسي حق رعبوبه معلق مو راضي ينصك عاد الكناري الازرق قال والله هذا الي ناقصني اقوم اصك لبنت الحزام و20ياسر الجابر9 حنّ على رورو وقام يشوف حزامها ومو راضي يتعدل فقال لـ رعبوبه روحي مكاني وانا بجلس مكانك ابتمسك ومايحتاج حزام
قالت رورو والله ماروح جنب هذا شسمه الكناري غير نسوي مشاكل قال طيب شذى قومي انتي مكاني فقامت شذى مكان 20ياسر الجابر9 وجلست رورو مكان شذى وجلس 20ياسر الجابر9 مكان رعبوبه عاد شذى صارت بعيدة عن رعبوبه .. ورعبوبه خااااااايفه وتقول في نفسها ياربيييييييييييييه شسوي وقدامها هلاليه@ميلانيه وتقول لها انا خايفه وهلاليه@ميلانيه تقول لها شفيك رعبوبه يلااا عاد عاااادي مافي شي يخوف وبدت الطياره خلاص تدخل بين السحب ورعبوبه تقفل عيونها
سوم ون:نحن على ارتفاع 2000 قدم ستهبط الطائره بعد نصف ساعه
سوم ون: بقي على الهبوط ربع ساعه
اربطوا احزمتكم الي فالحمام يرجع لكرسيه والي فالبوفيه يعود لمقعده..
وهبطت الطائره بأمان
ونزلوا من الطائره وفرانشيسكا تبي تشيل شنطتها ويدها تعورها
وتحاول وماهي قادره فقالت لابوراس شيل لي الشنطه بلييييييز
ابوراس :هذا الي ناقص بلا دلع بنات انتي شيليها
فرانشيسكا: M e t o 0 o شيل لي الشنطه والله يدي تعورني
M e t o 0 o : بس اشيل لك الشنطه!! تامرين امر انتي :p
عاد د.ساره غارت ليه يشلون لفرانشيسكا شنطتها وهي لا
د.ساره: كلاسيكو شيل لي شنطتي..شوف مي تو شايل لفرانشيسكا
كلاسيكو: من عيوني :p
عاد ركبوا باص وراحو
الى سكنهم الي حجزوه ماجد والمشاغب
عاد ماجد والمشاغب شغلهم 
حاجزين فلتين صغار جنب بعض وحده للبنات ووحده للاولاد
عاد ركبوا باص وراحوا للفيلا
.....
وااااااااااااااااااااااااااااااااااااااااااااااااااااااااااااو
جناااااان .. روعه
فيها مسبح وحديقه ومراجيح <<حشى معهم بزران
الموهم دخلوا وكان الدور الاول صالتين ومطبخ وغرفة طعام
والدور العلوي 4 غرف نوم وصاله وطبعا حمامات الله يكرمكم
كلها الثنتين نفس النظام
نزلوا اغرضهم .. ونزلوا
وكانو اغلبهم جوعانين دخلوا البنات المطبخ وقالوا بنسوي كبسه لنا وللاولاد
دخلت لميس وسندريلا وفيو ورائدة وهلاليه حره المطبخ على بالهم بيسوون كبسه
وبدؤوا يتذكرون وصفة الكبس كييييييف؟؟
وكل وحده تقول شي..
من الي مشت رأيها وسوت الوصفه الي براسها؟
ومن الي اعترضت وتركت لهم المطبخ وخرجت؟؟ وكيف طلع طعم الكبسه؟؟
وشو عملوا الشباب يوم عرفوا بحكايه الكبسه وشو صار عليها؟؟
ووش هو الشي الي فقدوه ونزلو يدورونه بالسوبر ماركت باليوم الثاني؟
ووش صار عليهم بالسوبر؟؟
كل هذا واكثر في الجزء الثاني مع Dr.Sara
<<شرايكم بس بالتشويق :p
وزي مااتفقنا ماراح ينزل الجزء الثاني الا اذا كان فيه تفاعل
من اقوال الرسول صلى الله عليه وسلم في السفر
عن أبي سعد و أبي هريرة قالا قال رسول الله صلى الله عليه وسلم "إذا خرج ثلاثة في سفر فليؤمروا أحدهم" حديث حسن رواه أبو داود بإسناد حسن.
ودي وأحترامي
عزوفه
* على فكره: الفواصل فيها غلط بسيط هي كوبا أمريكا انا كاتبه كوبا وامريكا .. بس خلاص مافيي اعدلها 
;)
اخر تعديل كان بواسطة » عازفة الناي في يوم » 14/07/2007 عند الساعة » 08:41 AM |
الوضع الشجري
