ملاعب للإيجار السنوي
 

بسم الله الرحمن الرحيم .

السلام عليكم يازعماء ..

ياشباب أنا عندي فريق كورة قدم والفريق هذا قاعدين نأسس له شغلات كثير

علشان يكون فريق قوي ومعروف على مستوى أحياء الرياض .. عناصر الفريق

قربوا يكتملون .. وفيه جائزة قيمة كل 6 شهور لأفضل لاعب بالفريق - بس المشكلة

ينقص الفريق ملعب مزروع - الي أطلبه منكم يازعماء - إذا فيه أحد يعرف لنا

ملاعب كورة قدم تؤجرإيجار سنوي يعطيني خبر من خلال هالموضوع .. أو عبر الإيميل

- أتمنى إن الي عنده خبر عن هالملاعب يخبرني وأنا ممنون وشاكر له ..

أخوكم الزعيم ..

[email protected]

تأجير سنوي ما اظن فيه

بس شف الصحاف يمكن يأجرك

فيه ملعب عند مخرج ستة عند مرور الشمال على طريق ابو بكر
وفيه ملعب على طريق الثمامة بعد جامعة الامام
وفيه ملاعب في وادي لبن
وفيه ملاعب بن دايل اللي بالسويدي على طريق الملك فهد
عاد يأجرون والا لا سنوي ما ادري عنهم

كثر الكلام في الاونة الاخيرة عن هذا المنطلق ..

لكن ليس لي علم ..أفيدك به ..

ما اتوقع يأجرون سنوي إذا على مباراه ساعتين 600 ريال كم بيطلع الإيجار السنوي
:d
يعني بالشهر أقل شئ بيطلع له الملعب الواحد إذا كان مباراه باليوم بس 18 الف بالشهر
يعني بالسنه 216 ألف :d
يعني راح يأجرك الملعب أقل شئ بالسنه 216 ألف ريال :d
لو تشتري أرض وتبني لك ملعب أحسن لك :d

ياخوي استاجر استراحه كامله وفيها ملعب زين وخلاص لن ماراح تحصل ايجار ملعب سنوي

تحصل الاستراحه بملعب زين بالسنه حول 25000 الف وفيها مسبح وجلسه


وتقدر تاجر الاسترااحه في الايام الي ماتبيهاا بس لازم تتفق انت وراعيها ان فيه ايام بتاجرها عشان ما يسوي لك قلق

وعليكم السلام ورحمة الله وبركاته
أخوي استأجر استراحه أحسن لك وأرخص

مرحبا
شف لك استراحه مثل ماقالوا الاخوان
او شف لك موقع جديد في مواقع اللي فيها ملاعب وجهز لك ملعب ترابي
بس ارضيته تكون حلوه تكلفته بسيطه ومنها تكسب لاعبين جدد يفيدون فريقك

مشكلتنا في الملاعب المزروعة

الملاعب الترابية في كل مكان تلقاها اما المزروعة :sleep:

انا الحمد لله عندنا واحد من الشباب عنده استراحة ملك وملعب حلو مزروع

وفي الاسبوع نلعب مرتين تقريبا لانها في الصحافة وصعب نروحلها كل يوم

اما اذا كنت تبي ملعب مزروع فيه استراحات استاجر استراحة شهرية او سنوية

بس يبيلها فلوس

و ربي يوفقك ان شاء الله

يا جماعة يقول لكم عندة فريق وله مستقبل تقولون استراحة
خخخخخخخخخ
وين أهل منطقة مكة المكرمة عنكم
اخوي اذا كان دخلك عالي اشتر لك أرض في اي منطقة حتى لو كانت بعيدة اهم شي تثبت أن فريقك يستحق الجدارة
وبعد فترة كلم الاتحاد السعودي لكرة القدم علشان يثبتون فريقك رسمي
وراح يعطونك مقر للفريق
لكن لازم يثبت فريقك انه من أقوى الفرق في المنطقة لازم يثبت جدارته


انا مستغرب من شي واحد من ردود الاعضاء يقولون خذ استراحة يعني لو كان فيه مباراة ولا شي يلعبونها في استراحة ؟؟؟؟؟؟؟؟؟

خذ لك ارض حتى لو في منطقة غير سكانية وازرعها
صدقني بعد فترة راح يكون فريقك مشهور
اما تلعب في استراحة انا اقولك وفر فلوسك وفريقك وجهدك أفضل لك

^^^^^^^^^^^^^^^
كلامي الي فوقي صح ياطلال استغرب من الي يقولون استراحه !!!!!!!!!!!!!!!!!!!!!!!!!!!!...؟؟؟

ياااخوي فيه استرااحاات فيهاا ملاعب صح مو زي الي تااخذه مره وخلا

تحصلهااا مخصصه للعب الكوره ملعب قانوني وفيها كم غرفه هااذا الي اقصده