السلام عليكم ورحمة الله وبركاته


حبيت اشارككم بوناستكم
وإنشاء الله ماأثقل عليكم

((الكلام هذا الشتاء اللي فات))


طب علينا البرد فجأة
وأنتم تعرفون بردنا ما يمزح
في العظم سيييييده

الــــــــمهـــــــــــم
وانا اتقلب على فراشي استبردت
(استبردت: حسيت بالبرد: للمتحدثين باليوغسلافي)
(هو فيه لغه يوغسلافيه اصلا)

فقلت لنفسي ان بطانيه وحده ماتسد
(ماتسد كلمه سديراويه معناها: نت إنف)

فنصيت المستودع على طول
واول مافتحت اللمبه الا واسمع اللي يقوووول:
بسم الله العظيم الاعظم
والتفت الا وذاك الظاطور اللي كنه تمسااااح
(الظاطور :حيوان لطيف بس مشكلته نفسه بخشمه ودائم التأفأف)

قلته يا ابو الشباب ما تلاحظ انه انا المفروض اللي اقول الكلام مهوب انت
قال لي والله انك صادق بس انت ما شفت شكلك الحين؟؟؟
يوم طالعت بالمرايا
وحسيت الا ايقنت ان الظاطور معه حق
الشعر منفوووووووش
والفنيله دلعتها واصله للسر
وسروال بجامه زيتي حق الحرس
(وشلون وصتلنا هالبجامه ماادري مع اني ما اعرف احد في الحرس)


الا على طاري الشعراخر مره رحت بأحاول أحلق
قال لي البنقالي اذا تبي تحلق وفر الطلبات هذي
واطالعها الا وش كاتب الـكـ......:
1اعلان مناقصة تشجير في الجرايد
2فسح من البلديه
3اخلاء طرف من جهة العمل
4ورقة اصلاح من المرور
5تعريف من العمده
6اشراف هيئة الامر بالمعروف والنهي عن المنكر على العمليه

وبعدين اذا وفرت لي الطلبات تعال لي الصباح بدري
عشان اصرف باقي الزبائن

شفتو قد ايييش انا مظلووووووم

المهم قلت للظاطور وين القى البطانيات
(تخبرون صار هو امين المستودع)
قال لي شفها في الدولاب
قلت باي دولاب؟
قال (فيذا)
تصدقون قالها؟؟

ومالكم بالطويييييله
وافتح الدولاب الا ويطيح ذاك الشريط؟؟
شرييييييط فديو صغيييير
وبعرف شسمه عجزت
لانه من قدمه غبشت الكتابه
انا الصراحه عورني بطني
تعرفووون سديراوي وطقته اللقافه

وافكر وشلووون ابعرف وشفييييه
والتفت على الامين قصدي الظاطور
انا: وشو ذا؟؟
الظاطور: مدري؟؟؟

حتى انا عورني بطني شفلك احد عنده فيدو صغيير
وشف وشو فيه هالشريط

انا: لعنبو بليسك اخر واحد عنده فديو صغير مات

بسسسسس لقييييتها مالك الا كومار حق تصليح الاكترونيات اللي جمبنا
الظاطور: اقمز وش تحتري(انا مشبه على ذا الظاطور كني شايفه في المزرعه في سدير)
انا: كومار باي كيف هالك ؟؟
كومار:همدو لله كيف هالك انتا؟؟
انا: ماعندك فيديو صغير اشوف فيه شي وارجعه لك بسرعه؟؟
كومار: ويييييييين انتا هازا فيديو اخر مره انا شوف اول اجي سعوديه
انا: طيب يامهندس كومار ماالقى عندك واحد؟؟؟
كومار مبتسم(بعد الشخفه السريييعه): واحد دقييقه انا شوف
وطلع لي واحد مغبببببببر من تحت ستمية فديو وجربه وطلع يشتغل
انا: مزبوووط ياكومار انا شوف شريييط بعديين رجع
كومار: اوكي مدير
(صدق الشخف يعطي نتايج مرضيه)


وسيده لغرفتي
واشبك الاسلاك
واحط الشريط
واعيده
وانسدح على فراشي
الا ذا اللي يسحب الفراش مني
والتفت الا الظاطور منسدح بجمبي
انا: وييييييييييييين ياوسييييييييييييييع الوجه؟؟؟؟؟
الظاطور: ترى مب بلحالك اللي لقيت الشريط
احمد ربك اني ما اخذته منك
انا: طيب طيب لا تنفخ (الصراحه بأشوف وش فيه هالشريط بأي طريقه)

ويطق الشريييييط
وعاد تمسك معاند من اللي يروح يضغط اللي يشغل
انا:قم ظطوري شغل الشريط:p
الظاطور: وين شايفني البنقالي كومار تلعب علي ؟؟؟
انا: شلون دريت؟؟؟؟
الظاطور: مكلمني الظاطور اللي بمحله وقال لي كل شي
انا: اخس يالعلاقات اثرك منتب سهل ياقوي؟؟؟ طيب قم شغله
الظاطور: ابشر بأقووم (قايل لكم الشخف يعطي نتائج مرضيه)


اشتغل الشريط
وجت الالوان العموديه اللي مدري وش سنعها


يووووووم بدت الاغنيه اللي في الشريط


تصدقووون دمعت عيني


(طيب خلصنا وش طلع الشريط)


تبون تعرفووون وشهو الشريط
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
الشريط هو
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
الرجل الحديدي



على طووول تذكرت أيام الطفولة
وما أقول إلا مالت على أفلام كرتون هالجيل الجديد
ابطال الديجتال وما ادري ايييش


(عساي ما أكون ثقلت عليكم)

ودمتم بود

ههههههه
موضوع حلو
بس الرجل الحديد ماعرفته والله

اخوي شقراوي ماتعرف الرجل الحديدي

اجل ماعاصرت جيل الكرتون الحقيقي من الرجل الحديدي وقرانديزر وعدنان ولينا
ولا يهون سندباد

شكراً لمرورك وتعليقك حبيب قلبي

يا رجل, الجيل هذا إسمه جيل النيدو و لو طاح من سريره جاه شلل

اللهم لا شماتة

بس ما أعرف الرجل الحديدي بس قرانديزر و عدنان و لينا و سندنباد معروفين

أول العنقود

هذا وانت(ي) اول العنقود ماتعرف(ين) الرجل الحديدي

لكن يكفيني مرورك على متصفحي المتواضع


بإنتظار الشياب اللي يعرفون الرجل الحديدي

والله اختي هلاليه حره انا نسيت رقم بيجرك يبدأ بـ115 وإلا 194

على العموم انا لقيت كومار اقرب واسرع حل
وعلى فكره الفيديو اللي عنده بابه ينفتح على فوق
((خاص للقديمييييين))

وهو اصلاً ما يشغل الا الأفلام المصريه وأشرطة المصارعه الحره وافلام الكرتون
ومباريات المنتخب في اسيا 88 والافلام الثقافية (اللي تجي من قناة ديسكفري)

اسعدني مرورك وتعليقك

اسدحه فيذا خلنا نشوفه

والله انك مثلي اذا ماعرفت شي يوجعني بطني <----سديراوي;)

والله ودي اسدحه فيذا عشان مبزرة هالايام يعرفون افلام الكرتون الصدق

كلن له ميوله
العيال تلقاهم مسنترين عند الرجل الحديدي وقرانديزر والنمر المقنع وسانشيرو

والبنات تلقاهن عند سالي وليدي وهايدي

حتى الشياب ماتفوتهم حلقات عدنان ولينا

هذي الافلام الكرتون الصح مب افلام هاليوم
تصلح للبنات والعيال وتلقاها كلها سخافه وحومت تسبد حتى مافيها ضحك

لو حصل لي جبت لكم بعض الصور عنها بس عطوني فرصه وامتعكم فيها

هلالي المان الف شكر على مرورك الجميل

إقتباس بس ما أعرف الرجل الحديدي بس قرانديزر و عدنان و لينا و سندنباد معروفين

[/QUOTE]

الرجل الحديدي مااعرفه قرندايزر وعدنا ولينا اعرفهم
وسندباد اخبره بسكوت ابو خواتم

صراحة جيت على الجرح آآآآآآه على الرجل الحديدي

يالميس وياكمال ............نسيت باقي الأغنية

المهم في الإتحاد قوة

وسندباد

واهم شي ليدي

الي يعجبني بهالمسلسل الكساندرا الحصان

الظاهر اني طولت بس هاليومين مافيه كرتون حقيقي

مالت عليهم احسهم يلعبون بعقولهم والخيال زايد حبتين

إقتباس (بعد الشخفه السريييعه

واتز ذات مين<-----وش معنى كلمة شخفه

الرجل الحديدي مدري وشو انا اعرف سنشيرو ودميته جومارو

بالله اسدح صورته لعلنا نتذكره ولا يمكن له اسم غير

الله يالدنيا الرجل الحديدي ايام كمال ولميس وهمام ودهام وزاتولا و اولو ههههههههههههه

هذي اغنيته موجوده على هالرابط وفيه كم حلقه بتلقونها موجوده على الرابط جنبه:

http://www.youtube.com/watch?v=6LCf3sw_voM