#1  
قديم 27/12/2001, 12:59 AM
زعيــم متواصــل
تاريخ التسجيل: 15/12/2001
المكان: al-riyadh
مشاركات: 149
ليه الغرور !!!!!!

ترى يا اعزائي عنوان الموضوع ما هو اسم اغنية انما هو حقيقة اراها بدات تستفحل في جمهور الزعيم .

ما هو عاجبكم شي اللاعب في الاندية الاخرى محمول على الاكتاف وعندنا ما في الا السب واللعن .
مرة هذا عجوز ومرة هذا لاعب حواري ومرة منحوس ومرة متهور ومرة .....

احمد بهجا في الهلال ماهو بزين ولا هو في مستوى الهلال في الاتحاد هداف وكانوا يغنون باسمه .
سيرجيو في الهلال تراه ثقيل وما يصلح وفي الاهلي كان هداف وفي الاتحاد مافي ولااروع من كذا
جونيور كان من الممتازين في النصر ويمكن قل مستواه مع الاتحاد لكن ما يحسسونه بالشي هذا الا دايما ممتاز ويا سلام عليك وبرافو علشان تضل النفسية وشهية اللعب موجودة باستمرار
موسى صايب من كثر تشجيعهم له اعطوه الكابتنية والنتيجة ايضا ابداع متواصل ..
داين فاييه وين ماراح ابدع وتشجيع باستمرار لين يوصل عندنا ونبدء ناظره من فوق لتحت وندورله على عيوب علشان الحش طبعا .
من بداية الموسم وينك يالكاتو تنقذنا من هالردئ اللي اسمه ادميلسون بعدين ياسلام عليك يا ادميلسون هداف ممتاز احسن من هالمتغطرس الكاتو . مع ان اثنينهم ما ينقصهم شي ماشاءالله عليهم يدوخون مدافعين اي فريق يلعبوا قدامه.

رجعنا الحين نعيب في لوبيسكو لانه ما يحتك مع اللعيبة اللي في الملعب . مع ان الرجال في قمة المستوى ومحل ثقة المدرب واللاعبين زملاءه.
والدور الحين على توليو اللي بداءنا نحشه قبل لا يلعب .

يالطيبين في شي مهم انتوا يمكن ناسينا ان اللاعب الاجنبي اللي يوقع العقد ما جا من كيفه وفي عقده مدة معينة اخذ فلوس عليها ولازم يجلس الين ينتهي عقده وعشان يعطي كل ما عنده لازم نعتبره واحد منا بل ازود شوي لانه ضيف راح ينقل الصورة اللي شافها وين ما راح. انا ما اقول ان النقد غلط لكن السب والمطالبة بالطرد ......
اما اذا جا للتجربة فهذا شي ثاني ....
على العموم هذا الكلام ما يشمل الكل فالحمدلله اغلب جمهورنا من الطبقة الواعية علميا ورياضيا .
بصراحة قهر الاجانب عند غيرنا عسل وعندنا بصل ..........ليه ؟
ما يكفينا مصيبتنا اللي احنا فيها الهلال يلعب وجمهوره 110-115 واحد !!!!

اسف اذا احد انجرح شعوره من كلامي لكن ودي لما اجلس في مجلس افتخر بلعيبة الزعيم حالي حال اي مشجع ثاني واكثر بعد . ما يجي واحد منهم ويقولي والله الجرايد نازلين حش في لاعبكم الفلاني ولا لاعبكم الثاني .....

هلالي بس بالعقل....... سلام
  #2  
قديم 27/12/2001, 01:50 AM
مشرف سابق في منتدى الجمهور الهلالي
تاريخ التسجيل: 26/12/2000
المكان: السعوديه,الظهران
مشاركات: 3,807
هلا بالحاسم ,,,

كلامك صح ياغالي ولابد من التأني ولابد من دعم اللاعبين الاجانب وعدم ضغطهم ,,
إقتباس
من بداية الموسم وينك يالكاتو تنقذنا من هالردئ اللي اسمه ادميلسون بعدين ياسلام عليك يا ادميلسون هداف ممتاز احسن من هالمتغطرس الكاتو . مع ان اثنينهم ما ينقصهم شي ماشاءالله عليهم يدوخون مدافعين اي فريق يلعبوا قدامه.

هههههههه الله يعطيك الف عافيه , ولو ان جمهور الهلال ماعنده ثنتين اللي يبدع يشيلونه واللي ما يقدم مستوى بيصير ليله ليلين ,,,
  #3  
قديم 27/12/2001, 02:57 AM
زعيــم متواصــل
تاريخ التسجيل: 15/12/2001
المكان: al-riyadh
مشاركات: 149
شكرا اخوي العوام على جبر الخواطر ..........

لكن والله قهر غيرنا يفتخر باجانبهم حتى لو انهم نص كم ..
واحنا طايحين فيهم تقول مفاطيح ... مع انهم احسن من كثير في اندية ثانية ..
وراح اذكركم بكرة شلون تدب عليهم العقود بعد او حتى قبل لا يطلعون من عندنا وبعدين نجي نقول وينك ارجع... جيبولنا اياه يا اداراتنا الحبيبة تراه فلته من الفلتات .

وسلامتكم
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:15 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube