سلام عليكم ورحمة الله و بركاته <<<<<عاقل اليوم وش القصه


كيف حالكم يا الربع و يالربعات <<<<ياعيني على جمع المؤنث السالم

كيف الاجازه معكم و كيف مهرجان التسوق اللي صاير في الرياض

يقولون شعار المهرجان

للعوائل فقط

مو مشكله

اصلا الموضوع ما له دخل في المهرجان و لا في الشباب و مشكلتهم مع مصطلح للعوائل فقط


طبعا حديثي او بالاصح خبري اليوم يتعلق بالرياض و شوارعها و زحمتها المعروفه على مستوى العالم


يقولك في خبريه نشرت من موقع التابع للمرور الرياض

http://www.rt.gov.sa/news16.php

الخبر يقول

"إعلان عن إغلاق بعض الطرق في مدينة الرياض"

اول شارع او طريق قرروا يسكونه هو

إقتباس طريق الملك فهد خلال فترة من يوم 20/06/1428 هـ إلى يوم 15/07/1428 هـ بين طريق مكة المكرمة ( جنوباً ) و طريق العروبة ( شمـالاً )

يعني انسوا طريق الملك فهد موجود خلال المده اللي كاتبينها

بس ابعطيكم الاختيارات المفضله بعدين لان مو هذا الطريق اللي بيسكرونه و بس

فيه غيره و الكثير من الشوارع ;)

________________________________________________________________


الشارع الثاني اللي بيسكرونه

طريق صلاح الدين الأيوبي

إقتباس من يوم 06/06/1428 هـ إلى يوم 19/06/1428 هـ بين شارع الـظهـران ( جنوباً ) و شارع الامام عبدالله بن ثنيان ال سعود ( شمـالاً )

عند ملعب الملز

كويس انه ما فيه مباريات هيناك و الا كان مشكلة الوصول الى المعلب مصيبه

________________________________________________________________

الشارع الثالث اللي بيقفلونه

الجسر الحديد بطريق الخرج

إقتباس من يوم 05/06/1428 هـ إلى يوم 16/08/1428 هـ إجراء أعمال صيانة للجسر الحديد بطريق الخرج عند تقاطعه مع طريق الأمير محمد بن عبد الرحمن

الله يعين مستخدمين طريق الخرج و اولهم ابوي

______________________________________________________________

وين وصلنا

ايه الشارع الرابع

طريق الإمام أحمد بن حنبل (الاتجاهين)

إقتباس من يوم 12/06/1428 هـ إلى يوم 12/07/1428 هـ طريق الإمام أحمد بن حنبل (بالاتجاهين) في الجزء الممتد من شارع الإمام الشافعي شرقا وحتى شارع عنيزة غرباً

عاد عيال الروضه يعرفون حارتهم زين

يا اني ما احب اروح لروضه عشان ما اضيع هيناك

_____________________________________________________

الشارع الخامث (((( عض لسانك و قول خمسه )))

طريق الملك عبد الله بن عبد العزيز

إقتباس من يوم 12/07/1428 هـ إلى يوم 20/07/1428 هـ تقاطع طريق الملك عبد الله بن عبد العزيزمع طريق الملك خالد وطريق عقبة بن نافع

للي ما يدل

عند عزيزية الحمراء هيناك ;)

تقاطع مزحوووم بيطلع

________________________________________________________

الشارع السادس يا ناس و الباقي اكثر

شارع الملك فيصل (الاتجاهين)

إقتباس من يوم 21/07/1428 هـ إلى يوم 01/08/1428 هـ شارع الملك فيصل (الاتجاهين) في الجزء الممتد من شارع الإمام تركي بن عبد الله بن محمد جنوباً وحتى شارع الإمام تركي بن عبد الله شمالاً

شارع الملك فيصل مين اللي يعرفه؟؟؟


تراه امتداد شارع العليا جنوووباً

______________________________________________________________________________


الشارع السابع يا هوووووه

شارع الأمير تركي بن عبد الله الأول

إقتباس من يوم 21/06/1428 هـ إلى يوم 29/06/1428 هـ شارع الأمير تركي بن عبد الله الأول من تقاطع الملك خالد إلى طريق مكة المكرمة

ما صدقوا على الله فتحوا الشارع الا و سوا صيانه

____________________________________________________________________________

الشارع الثامن

طريق العروبة

إقتباس من يوم 01/07/1428 هـ إلى يوم 09/07/1428 هـ طريق العروبة من طريق الملك عبد العزيز الى شارع المهندس مساعد العنقري

حسب معرفتي للمنطقة التسكير

الطريق ما عليه زحمة

_______________________________________________________________________________

الشارع التاسع

شارع السويدي العام

إقتباس من يوم 10/07/1428 هـ إلى يوم 25/07/1428 هـ شارع السويدي العام من تقاطع شارع سلطانة إلى شارع الشيخ البشير الابراهيمي

والله ما بعد انهبل اروح هيناك بس معرووف المنطقه مزحومه

<<<<متربي في شمال الرياض

___________________________________________________________________________

الشارع العاشر

شارع التخصصي

إقتباس من يوم 06/06/1428 هـ إلى يوم 20/06/1428 هـ شارع التخصصي من طريق مكة المكرمة (جنوباً) إلى طريق العروبة (شمالاً)

راحوا فيها اللي يدورون في التخصصي

__________________________________________________________________________


عشر شوارع

باقي شارع واحد و يكملون فريق كوره


يعني مافيه الا قوة زحمة في الرياض

_________________________________________________________________________

نصايح مختارة:



1- وش لك في الطلعه و الزحمة و رفعة الضغط

اقعد في بيتك و اشرب مريندا <<<<<<على قولة واحد من الشباب هينا

2- الطرق اللي تقدر تسلك فيها ما ادري عنها

يعني كويس انهم ما سكروا التحليه و العليا

عشان العالم تنهبل من جد


طرق المفضله

غير الدائري لا تدور

مع انه يكون زحمه بعض الايام بس يمشي بسرعه








هذا كل اللي عندي لكم اليوم من اخبار شوارع الرياض و زحمته ;)

تعرفون

وظيفتي و الواجبات اللي عليها

الترقية الجديده


(((خبير سيارات و زحمة الرياض )))




عاد يا ويل اللي يدخل و يقول يعطيك العافيه و شكرا ما قصرت

ترا عندي واحد هينا حق حرش



































شو تدورون تحت







سلامـ