بسم الله الرحمن الرحيم

السلام عليكم ورحمة الله وبركاته

وبعد:

][-][ مقدمة رومانسية ][-][

يا بنت قلبي وين مثله تــــلاقـيـــن .................قلبٍ عطاك الحب ما قـال هـاتـي
لا ما عرفتي الحب لا ما تحسـيــــن ................. باكر تحن أيامك المعتمـــــــاتـي
عسى ما تلاقي من له القلب تهدين ................. وان حصل أدعي عساه المماتـي


][-][ تعريف بأبطال القصة الأربعة ][-][

المشاغب: (أعزب) غني عن التعريف

سالم: (متزوج) ولد عمي من الامارات الشقيقة ..!

منصور: (أعزب) زميل الدراسة الثانوية وصديقي..!

ذياب: (متزوج) صديق منصور وزميله بالعمل..!


][-][ المشهد الأول ][-][

في مساء يوم 07/07/2007 اتصل منصور بالمشاغب :

منصور: ألوو .. سولتان حبيبي .. وينك؟

سولتان: حبك برص أنت وخشتك.. أنا بالكوفي شوب اللي جنب البيت..!

منصور: طيب.. بأمر عليك بعد شوي نتمشى كالعادة بشارع التحلية ..!!

سولتان: أمممممم طيب .. بس خلني أتصل على الماما أستاذن منها ..!!


اتصل المشاغب بأمه يعلمها أنه بيتأخر بالرجعة للبيت .. فسمحت له الوالدة بعد أن حذرته كالعادة من شرب الشاهي

أو القهوة مع الأخويا بدون التأكد من خلوها من البلاوي المتلتلة

وصل منصور لمحل الكوفي شوب .. وكان برفقته صديقه وزميله ذياب .. سلم عليهم المشاغب وركب معهم بالسيارة

وانطلقوا لأخذ سالم معهم ..!!

بعد أن أركبوا سالم معهم .. اتجهوا مباشرة للشارع الذكي .. وبعد الفرفرة والتكحيل تشاوروا في تغيير جهة

منطقة السياحة.. اختلفوا كثيراً .. واتفقوا أخيراً أن يسلموا الأمارة لـ ذياب بحكم أنه أكبرهم وأعقلهم



][-][ مجمع غرناطة والاشتباه المثير ][-][

( الحين بأخاطبكم بصيغة المتكلم ) :p

أخذنا عاقلنا وكبيرنا ذياب إلى مجمع غرناطة اللي أول مرة أشوفه بحياتي العلمية والعملية

كان الوقت متأخر وكانت المحلات قد قفلت والناس طالعين .. سألنا مستر ذياب عن الفايدة من تشريفنا لهالمكان؟

قال: شوفوا الجمال الطبيعي

قلت: أمحق جمال يا شايبنا .. كله سواد في سواد وش اللي نقدر نشوفه؟ حتى الوجه تلقاه كله أصباغ لو بغينا

الجمال كان فتحنا التلفزيون على القنوات اللبنانية وشفنا الجمال على أصوله .. خلنا نمشي الله يرحم والديك بس

قال سالم: هيه صج .. نبا نتمشى مب نتفرج بالرايحين والرادين ... جان تفرجت عليهم هناك بالامارات

بعد ما حجرنا لذياب قررنا الخروج

وفجأة

صاح ذياب: وقف وقف وقف

شوفوا هالولد ..!! أنا أشك أن اللي معه أهله

منصور: ليه تشك ؟

أنا: والله أنا مثلك أشك.. يخرب بيت أبوشكله قسم بالله أنه شبهة والثنتين اللي معه قمر.. ما تجي.. أكيد مو أخوهن

ذياب: لا مهوب كذا.. شف وشلون يضحك .. شف مشيته .. تحس حركاته أنه ما يقرب لهن أبد .. شوف البنت الثانية تكلم جوال وتأخرت عنهم بمسافة.. لو هو قريبهم ما كانه يكلم البنت ويتلفت عليها كذا ;)

سالم: شو علينا منهم؟ خلونا نسير مكان ثاني..!!

أنا: اقطع واخص يا ولد العم إذا السعوديين يتكلمون غيرهم يسكت

بدأت اللقافة تسري في عروقنا <<< سعوديين أكيد

استمرينا نراقب تحركاتهم وندور حولهم بالموقف... ثم وقفنا من بعيد ونراقبهم لأننا تأكدنا منهم من حركاتهم المكشوفة

والواضحة.. علبالهم أن كل أهل السوق طلعوا وأنه آخر الليل.. ما يدرون أن فيه أشناب ما تمشي عليهم هالحركات

المهم:

راقبنا الوضع عن كثب.. وشفنا هالمتخلف المنتف الشبهة يكلم البنتين ويحاول يقنعهن وهن يرفضن

حللنا وفسرنا حركات يده اللي تشير للسيارة .. بأنه يحاول يقردنهن عشان يركبن معه بالسيارة.. وهن يبغن سيارة

أجرة..!! وفعلاً صدق حدسنا بأن أوقف سيارة أجرة لهن.. ولكن الغريب أن سيارة الأجرة مشت وما أركبتهن
كنا نحلل ونحاول أن نستنتج الشيء الذي أعجب هالبنت وخويتها في هالمنتف المتخلف الشبهة المعوق

تصدقون؟ قسم بالله أني طالع أحلى منه

شيء غريب..!! طيب لو قلنا أن الله ما خلقه حلو... طيب يا ابن الذين.. أنت طالع تقابل خويتك.. ألبس لبس مثل الناس..

عدل شماغك مثل الناس .. امش مثل الناس.. قفل خشتك مثل الناس .. خلك رزين الله لا يوفقك

فكرنا انه غني وولد نعمة .. مع أن شكله ما يشجع.. بس حاولنا نقنع أنفسنا أنه غني ومشبكهن بفلوسه

لكن ما مدانا نبدأ نقنع أنفسنا إلا وذياب يصيح بنا: البنات ركبوا

ناظرنا السيارة... طلعن لاند كروزر موديل 95 وحالتها تعبانة بعد ..!! يعني حتى الفلوس طلع ما معه

آآآآآآآه يا القهرررر ... يا أني حاقد عليه بقوووووة


][-][ المطاردة المثيرة ][-][

يطلع الجيب من مواقف المجمع.. ونطلع وراه بعد أن تم التصويت بثلاثة أصوات بالملاحقة مقابل صوت وحيد لمنصور

اللي يقول: واحد وطالع مع خويته.. وش دخلنا بينهم؟

المهم طلعنا وراهم .. ونتبعهم من شارع إلى شارع .. ومن إشارة إلى إشارة ..!!

لاحظنا على الجيب أنه يمشي على مهل.. وما كان مسرع مثل ما توقعنا..!!

وزعنا الألقاب علينا حسب تحليلاتنا ونجاحها.. فأخذت أنا لقب "كونان" وأخذ منصور لقب : "توجو موري"

وذياب أطلقنا عليه لقب: "تاكاغي" أما سالم فاخترنا له لقب : اسماعيل مطر <<< عندهم اسماعيل أحسن من كل شي أقوى من سوبرمان وأذكى من كونان وأدهى من توم وأهدى من السكون وأحد من السين أنه أبوالحروف

كنت أفكر أتصل بالهيئة .. لكن الشباب رفضوا.. فأذعنت لهم

تشاورنا في نهاية أمرنا معهم... إلى وين نبي نوصل معهم؟ وش الهدف اللي نبي نوصل له؟

أنا قلت : حنا بس نبي نتطمن أن هالمتخلف ما ينصب على البنات.. أخاف يوصلهم البيت ثم يشيل منهم فلوس أكثر من الليموزين

منصور قال: ما راح نسوي شي؟ وما راح نستفيد شي.. خلونا نرجع وبلا وجع راس.. خلوا اللقافة ..!!

سالم قال: لازم نبلغ عليهم إذا شفناهم راحوا لشقة مفروشة.. أما إذا وصلهن بيوتهن خلاص نرجع..!!

أنا قلت: كلام سالم صح.. بس إذا وصلهن وضحك عليهن بالفلوس بنفقع وجهه.. لا تستبعدون يسويها هالجنط أبوحنيس

بينما نحن نتحدث ونتشاور بالأمر.. إذا بهذا الحقير يرجع من جديد إلى نفس الطريق الذي خرج منه

رجعت لنا الوسوسة من جديد ..هل عرف بنا؟ أو يريد يرجعهن السوق؟ هل اختلفوا في مبلغ التوصيلة وبيرجعهن؟

المهم أننا استمرينا بالملاحقة..!! ;)



][-][ الصيدلية والتقاء العيون بالعيون ][-][


وقف هذا المتخلف عند صيدلية بالطريق .. وقفنا نحن أيضاً بجانبهم << بعناها

نزل السائق ونزلت معه احدى البنتين للصيدلية...!! عرفنا من نزلتهم للصيدلية أنهم بيشترون شي عشان يخربونها

نزلنا كلنا ما عدا سالم للصيدلية.. عشان نشتري بندول

وبداخل الصيدلية ولأول مرة في حياتي أحط عيني بكل جرأة بعيون بنت

كانت البنت قمر 14 .. كانت حلوة بصراحة..!! لحد أني بغيت أتهور وأمسكها مع شوشتها وأمسح فيها بلاط الصيدلية

من القهر.. لأنها ما لقت غير هالشيفة عشان تتعرف عليه

ناظرت فيها بكل قوة وناظرتني شوي ثم التفتت خايفة <<< حسيت أني أخيراً حققت حلمي بأن أصير ذئب بشري

خرجنا من الصيدلية قبلهم حتى ما يشكون.. واختبأنا خلف الصيدلية.. حتى تحركوا ثم خرجنا من مخبئنا .. << لا تسألوني

عن الحماس اللي كنا نشعر به

لما طلعنا من الصيدلية أخبرنا منصور وذياب بأن اللي كان مع البنت شيفة ثاني غير الأول

أنا ما انتبهت لأن تفكيري بالصيدلية كان مع البنت :p

استمرينا بالمطاردة من شارع الى شارع ومن حارة إلى حارة حتى أننا قطعنا اشارة حتى ما نضيعهم

وفي إحدى الاشارات كنا وراهم بالضبط... فصاح بنا منصور: خلاص عرفوا أننا نلاحقهم

قلنا: كيف عرفت؟ قال: قبل شوي حط القير على الريوس حتى ولعت لمبة الريوس.. يعني اطلعوا منها

اقتنع ذياب مع منصور بأنهم عرفوا... إلا أنا ما كنت مقتنع ;)

قلت لهم عند الاشارة الثانية : الحين هم بياخذون فوق تحت (يعني بيرجعون مع الاشارة) وبيمرون من جنبنا.. إذا التفتوا

لنا مثل ما احنا نلتفت لهم.. فهم عرفونا.. وإن ما التفتوا فهم داخلين جو ثاني وما هم لمنا ;)

وفعلاً لما رجعوا ما التفتوا لنا أبداً بالعكس كانوا يسولفون عادي مع بعض

المفاجأة هنا: أنهم طلعوا اثنين

والمارد السربوت الداشر المنحط اللي ركبهم ما كان معهم وين اختفى؟ الله أعلم



][-][ المشهد الأخير وسدل الستار ][-][

دخلوا العليا -حي الورود- ودخلنا وراهم بين بيوت وفلل راقية .. بيوت من أجمل ما يكون

أنزلوهن في بيت يدل على أنهن بنات كاش

راقبناهم نبي نشوف كم بياخذ هالدشير فلوس منهن؟ بس أشوا طلعوا الدشير رجال ووصلوهن بلاش

راح الجيب بعد أن سجلت رقم اللوحة للاحتياط والذكرى ;)

ورجعنا حنا لبيوتنا بعد أن تعبنا من المطاردة لأكثر من 40 دقيقة



][-][ الخاتمة ][-][

طبعاً ما سوينا شي.. يمكن نكون قصّرنا... لكن وش اللي كان ممكن نسويه؟

المشكلة إلى الآن فيه أسئلة حايرة في راسي..!!

وشلون هالبنت تحب هالمتخلف الواطي؟

ما فيه أي شي يجذب

وبعدين وين اختفى هو وبقى في السوق وخلى اثنين من أخوياه يوصلونهن (مجاناً) :p



][-][ ما يستفاد من القصة ][-][

1) إذا كنتي بايعتها ونويتي تحبين مثل ما يجي بالأفلام... على الأقل حبي مثل الناس مو تحبين بهيمة مثل خوينا ذا

2) لو ما كان فيه جهاز اسمه جهاز الأأمر بالمعروف والنهي عن المنكر.. كان لقينا البوي فريند والقيرل فريند بالعلن .. الله يحفظ لنا هالأســــود وليخسأ الدشير المتخلفين الجحلط

3) الثقة لا بد يكون لها حدود .. ولا تترك البنات بالأسواق لحالهن بدون محرم .. لأن هناك ذئاب بشرية عيونهم جريئة << مثلي

بس أكتفي بهالنقاط .. ما ودي أتقمص المثالية وهي مني براء.. لذاك سأترك لكم الموضوع وما بين السطور لتقرؤوه

وتستنتجوا منه ما يستفاد ..!!

أشكر لكم حسن متابعتكم وأعتذر للإطالة إن وجدت ...!!

واعذروني على العنوان والله عجزت ألقى عنوان مناسب :p

تحياتي وقبلاتي... لمن دمر حياتي... لكم يا أجمل ذكرياتي

ملاحظة: الحجز ممنووووووووع ... والزعل مرفوووووووع ... والأجر على الله :p

حجز مع اني انا وياك متهاوشين





بااااااااااااااااااااك


.........................

إقتباس الرسالة الأصلية كتبت بواسطة الـمـشـاغـب بسم الله الرحمن الرحيم السلام عليكم ورحمة الله وبركاته

وعليكم السلام يالله حيه بعد ان هدأت الاعصاب

يالله حيه من طول الغيبات جاب الفضايح قصدي الغنايم

إقتباس ][-][ مقدمة رومانسية ][-][ يا بنت قلبي وين مثله تــــلاقـيـــن .................قلبٍ عطاك الحب ما قـال هـاتـي لا ما عرفتي الحب لا ما تحسـيــــن ................. باكر تحن أيامك المعتمـــــــاتـي عسى ما تلاقي من له القلب تهدين ................. وان حصل أدعي عساه المماتـي

اقول اسمعـــني عــــدل ياسلـيـطــيـن ,,,,,,,,,, خل الغزل عنك وخـل المهايطـاتــي

تراك من جنبها ..لا ومسويٍـن زيــن ,,,,,,,, والحب بــ يــوديـــك في الداهياتـــي

الحــب في وااادي وانته عَـنــه وين؟ ,,,,,,, اركـــد قبل عنـــك يفـوت الفــــواتـــي

إقتباس سالم: شو علينا منهم؟ خلونا نسير مكان ثاني..!!

ياخي شف العالم المتحضرين عندهم الوضع .. إيــــزي

إقتباس استمرينا نراقب تحركاتهم وندور حولهم بالموقف... ثم وقفنا من بعيد ونراقبهم لأننا تأكدنا منهم من حركاتهم المكشوفة

هههههههه العهالم يروحون يتسوقون وانت راايحين تراقبون خلق الله

إقتباس والواضحة.. علبالهم أن كل أهل السوق طلعوا وأنه آخر الليل.. ما يدرون أن فيه أشناب ما تمشي عليهم هالحركات

كفوووووو .... والله من الغــــل

إقتباس حللنا وفسرنا حركات يده اللي تشير للسيارة .. بأنه يحاول يقردنهن عشان يركبن معه بالسيارة.. وهن يبغن سيارة أجرة..!! وفعلاً صدق حدسنا بأن أوقف سيارة أجرة لهن.. ولكن الغريب أن سيارة الأجرة مشت وما أركبتهن كنا نحلل ونحاول أن نستنتج الشيء الذي أعجب هالبنت وخويتها في هالمنتف المتخلف الشبهة المعوق

ياعيني على الحدس ... يقولك الواحد من كثر اللقافه يتطور الحدس عنده

إقتباس تصدقون؟ قسم بالله أني طالع أحلى منه

ايييييييه شيء اكيد احد قال .. فيه شيء ذي بعد

إقتباس شيء غريب..!! طيب لو قلنا أن الله ما خلقه حلو... طيب يا ابن الذين.. أنت طالع تقابل خويتك.. ألبس لبس مثل الناس..

طيب يوم انها خويته وراها ماتبي تركب معه وشلون عرفت انها خويته طيب ؟؟

إقتباس أنا قلت : حنا بس نبي نتطمن أن هالمتخلف ما ينصب على البنات.. أخاف يوصلهم البيت ثم يشيل منهم فلوس أكثر من الليموزين

اجل كنت تلحقه خايف لايشيل فلوس من البنات اكثر من الليموزين .. ياخي وين وزراة الاقتصاد عنك <<< هو فيه وزارة بذا الاسم ؟؟

إقتباس ][-][ الصيدلية والتقاء العيون بالعيون ][-][

سلملي على هااا اااااااامور ;) ;) ;) ;) ;) ;) ;)

إقتباس نزل السائق ونزلت معه احدى البنتين للصيدلية...!! عرفنا من نزلتهم للصيدلية أنهم بيشترون شي عشان يخربونها

شيء مثل وشو؟؟؟؟ <<< ينعن ام الاحراااج

إقتباس نزلنا كلنا ما عدا سالم للصيدلية.. عشان نشتري بندول

ثلاثه ناااازلين وكلكم تبون بندول ههههههههه والله منت بصاحيين

إقتباس ناظرت فيها بكل قوة وناظرتني شوي ثم التفتت خايفة <<< حسيت أني أخيراً حققت حلمي بأن أصير ذئب بشري

يهوووووووووووووه يالذيب البشري انت

إقتباس خرجنا من الصيدلية قبلهم حتى ما يشكون.. واختبأنا خلف الصيدلية.. حتى تحركوا ثم خرجنا من مخبئنا .. << لا تسألوني عن الحماس اللي كنا نشعر به

ههههههههههههههههه بذمتك وين كنت متخبيين والله الفضووووووووووووول

إقتباس وشلون هالبنت تحب هالمتخلف الواطي؟

ياخي هي ركبت وهي متعرفه حسب كلامك في بداية الموضوع وش دراك انها تحبه <<بيفتح محضر



2

إقتباس ) لو ما كان فيه جهاز اسمه جهاز الأأمر بالمعروف والنهي عن المنكر.. كان لقينا البوي فريند والقيرل فريند بالعلن .. الله يحفظ لنا هالأســــود وليخسأ الدشير المتخلفين الجحلط

إقتباس 3) الثقة لا بد يكون لها حدود .. ولا تترك البنات بالأسواق لحالهن بدون محرم .. لأن هناك ذئاب بشرية عيونهم جريئة << مثلي

المشاغب وش رايك تشتغل سيكورتي بغرناطه

والله بيطق فيك عرق من اول ربع سااعه على كذا

اللي يعجبني فيك هو روح اللقافه اللي عندك



عوااااااااافي يالمشااااااغب



leo messi

ماني حاجز خل صيد السمك ينفعك (( وجه واحد زعلان ووده يتوطى بحوض بطنك))

سلطان طحت من عيني والله

ما شفت ابو مقبل اول ما قلت له جا على طول

^^

^^

مثل ما قال محمد

خل صيد السمك ينفعك امس جاء حش بكل عضو من اعضاء المجلس العاام

بس يوم جو العيال بيحشوون في سهل قلت بس حدكم قام ليو ميسي قال بحش فيه

قلت لالا ابوونا قال محمد يبوي طير حاشين حاشين قمت وطقيت الطااوله وايدني ابو مقبل

اجل اشين منك نعنبووك هذا اجل وش بيصير اذا هو اشين منك يعني بكيون يشبه جرح يون

يااخي هذا يسموونه الحب يعني انت تمشي ورى الجمال والاشياء هذي غيرك لا الجمال جمال الرووح <== عذر الشيوون

بعدين يااخي يا عليكم لقاافه مطري شتبي الحين حبايب طالعين وطلعه رومنصيه

تجوون انتم مسوين كونان والسبهه عم كونان وتلاحقوونهم خلووهم عايشين جو ولا ناوين تبلغون الهيئة بعد

لا يكوون بس رااعي الجيب هو متعب بس :p :p ترى خرووف كبير ومسوي حبيب وكتابات عشااق :p

الله يعطيك العاافيه على الموضوع المشكمن الملقووف

بعدين مهوب كل ماصاار لك شي جيت تنزله عندنا فااضين لك انا !!..

اهم شي خويكم اسماعيل مطر
ههههههههههههههههههههههههههههههه
الله يرجك بطني تقطع من الضحك

صراحه ولا حرامي اربعه حق البلاستيشن


استخرجت فائده جديده

الفضاوه التي يعيش فيها الشاب السعودي في الصيف


وشكرا لك ياسولتان

كل من رد أعلاه ما عندهم سالفة ما عدا ليو ميسي بالطبع ;)

أنا قايل لكم كل هالسالفة أبيكم تعلقون تفهمون شي.. بس مآآآآش

اللي أبي أوصل له : هو رأيكم في اللي جرى بين البنت والولد والعلاقة اللي مثل هذه..!!

مو بس أقعد أسولف معك أني ذئب بشري أو لا؟

نبي فايدة يا أغبياء يا متخلفين ... فاهمين؟ مالت على هالخشش

يعني جبت لكم قضية تتناقشون فيها عن العلاقات المحرمة يا خرفان... ما جبت لكم سالفة عادية

--------------

جرح يشكي: بالله وش أسوي لك يعني؟ كنت بالشرقية وما وصلت إلا الفجر الساعة 2 بالليل..!!

كنا على أساس نمشي المغرب.. بس تأخرنا وما مشينا إلا الساعة 10 من الكورنيش

كل شي ولا زعلك يا بعدهم ;)

المفروض مستر دلخ هو الي راكب بالجيب 95 ..<<< يعرف ليش ..

بس ماشاء الله عليك .. انصحكــ تصير من رجال الأمر بالمعروف والنهي عن المنكر..

40 دقيقة مطاردة .. وشلون تحملتوا .. ويوم تقطعون الاشارة كنتم قاصدين .. مااتوقع انكم ماقصدتوها..

بس اسماعيل مطر .. ماقصر..سالم .. اتوقع انه هو الي يقولكم ويخمن لكم .. وين بروحون..

عالعموم مطاردة مثيرة .. وعنوان حلوو..

يعطيك العافية..

بس والله تأكدت اليوم ان الشعب ملقف انتم وش دخلكم فيهم ودي اصفقك امزح معاك..لاتصدق

اقول شكلك غيرت رأيك في لكل شي نهايه تذكرت.؟؟

إقتباس كل من رد أعلاه ما عندهم سالفة

;)

والله اللى ماعندهـ سالفة هو انت , اجل كل تشوفه تجيبه لنا بالمنتدى
صج ملاقه =====< شعندهـ الاخ كويتي



بس يا سولتان ترى العلاقة محرمة و لا احد يرضاهـ لاعداهـ فكيف باهله
واذا على شكل الولد الجيفة و البنوتة القمر
فهذا يسمونه ( الحب الاعمى ) يعني لا تستغرب لبنانية تحب سوداني

وتشاااااااااااااااااااااااااااااااااااااااااااااااااااااااااااااااااااااااااااااو

هلا والله موشو:p

يقولك وانا اختك الحب اعمى
يعني يمكن تحب وحده شيفه بس ماتلتفت لشكلها لأن معجب بقلبها وروحها مهو بشكلها
جماال الروح مو كل واحد يملكه ..اما جمال الشكل فالغالبيه حلوين لكن قلوبهم اعوذ بالله <<جاتك فوزيه الدريع
بس وراكم ملاقيف كذا ماتخلون الواحد ياخذ راحته <<لايكثر
بس زين ماسويتوا نذاله وعلمتوا الهيئه استروا علشان ربي يستر عليكم

يا بنت قلبي وين مثله تــــلاقـيـــن .................قلبٍ عطاك الحب ما قـال هـاتـي
لا ما عرفتي الحب لا ما تحسـيــــن ................. باكر تحن أيامك المعتمـــــــاتـي
عسى ما تلاقي من له القلب تهدين ................. وان حصل أدعي عساه المماتـي

ياولد من زين قلبك علشان تعطيني اياه..خذ قلبك ورح ولاعاد اشوف خشتك
تحسبني بندم يوم فارقته ..لا حشا في ستيين داهيه انت وقلبك

لاتلوموني فيني نوم :p :p

الله يجزا رجال الهيئه كل خير ..ويقويهم وينصرهم ..ويكونون ذخر للوطن..
والشباب السعودي لازم يفكر قبل لايسوي اي شي ان اللي يعاكسها اخته بالاسلام ..فاستح على وجهك
وحافظ على محارمك لان اذا عاكست بنت الناس بكره يجي واحد يعاكس اختك ..
وكما تدين تداان ..
يسلموو المشاغب..

عواااافي ..

إقتباس أما سالم فاخترنا له لقب : اسماعيل مطر <<< عندهم اسماعيل أحسن من كل شي أقوى من سوبرمان وأذكى من كونان وأدهى من توم وأهدى من السكون وأحد من السين أنه أبوالحروف

الله يصلحك والله يا عليك تشبيه قسم بالله انه بالثمنيات


اما من ناحية الموضوع ما اقول الى الله يستر علينا

الدعوى مدحدره

مايستفاد من القصه/

1- صاحب الموضوع وشلته ملاقيف.
2- صاحب الموضوع ذئب بشري .. بالعاميه خروف

ومثل ماقال هامور

إقتباس كل ماصاار لك شي جيت تنزله عندنا فااضين لك انا !!..

وسسلام عليكم