|
أهدتني هدية.. فكتبت فيها قصيدة!! السلام عليكم.. خمس سنوات مغترب وبعيد عن أهلي والحمد لله عدت السنة الخامسة وكتب الله لي التخرج فيها وعاد يوم تخرجت انهالت علي الهدايا من كل حدب وصب بس ما جاني شي من أعضاء المنتدى :sniper: الزبدة كان من ضمن الهدايا قلم فخم أهدتني اياه أختي الكبيرة الله يحفظها ويوفقها واللي لن أنسى أفضالها الكبيرة علي وكتبت لي على الهدية البيت التالي: يا خوي يا نور عيني جيتك اهديك ... وكل الهدايا اللي افـ حقك قليلة قمت رديت عليها بالقصيدة التالية واللي نالت رضاها وأتمنى انها تنال رضاكم: جيتي قبل يوصلك صوتٍ يناديك ... صوت الضرير اللي عمى من رحيله جيتي وفي جيتك أغلى التباريك ... مبروك للي اشتاق شوفة خليله جيتي والابواب فتحت والشبابيك ... واقفالها لغيرك غدت مستحيلة جبتي الهدية وباركتها أياديك ... وصارت لي في الغربة أراضي القبيلة فيها القلم صوته مثل صيحة الديك ... والله لاكتب من كثيره وقليله دامك تعزيني وانا حيل اغليك ... اختي.. ولا لي عن غلاكي وسيلة في ذا المكان تفضلي الله يحييك ... في عرشك اللي في عيوني أشيله وان طار بك تاج الشعر وصار يحكيك ... اشرف حكاية في العلوم النبيلة وانتي دروب الخير دايم توديك ... للمجد يا مجد ٍ أعن وأجي له يا قبلة العفة اللي صانت اراضيك ... يا صخرةٍ ما حركتها الجليلة كل الشمايل الحميدة تغطيك ... ومقفلة بابك افـ وجه الرذيلة الله يحرسك بجنوده اللي تحميك ... لا يقربك تمر الردى ولا نخيله ويبعدك عن كيد اللي ترجي ترديك ... ذيك اللي صارت بين خلقه ذليلة ويفرش دروبك اللي تحضن خطاويك ... بالورد ويرسل لك نسايم عليلة يا نور عيني جيتي باغلى التباريك ... رد البصر للي عمى من رحيله وتقبلوا تحياتي أخوكم فيصل |
السلام عليكم ورحمة الله وبركاته مبروك التخرج وعقبال الوظيفة أن شاء الله وصح لسانك قصيدة رائعة والله يحفظ لك أختك وكل من يعز عليك |
اخي فيصل جميله جداً مشاعر الاخوه والحب الاخوي .. أسال الله ان يديم بينكم المحبه وان لا يفرق بينكم .. إقتباس:
اتمنى لك كل التوفيق والتقدم .. خالص التحيه والإحترام لك .. دمت بخير وسعاده .. |
صح لسانك وصح لسان اختك وتعجبني الأخت اللي توقف مع اخوانها والعكس صحيح فهذي سلوم العرب على قولة السدحان |
صح لسانك اخوي فيصل على هالابيات الجميله .. واحيي فيك هالشعور .. وربي يحفظكم ويبعد عنكم عيون الشياطين ... الاحلى من القصيده والابيات هذا الاخاء والامحبه اللى بينكم ماشالله تبارك الله وقبل ماانسى مبروك التخرج والعوده الى ارض الوطن .. وعقبال اعتلاء المناصب الكبرى تقبل مرور اخوك الصغير ابو طلال |
صح لسااانك ياغالي ومبروووك التخرج والله يديم المحبه بينكم |
صح لسانك ومبروك التخرج وماشاء الله عليكم والله يديم المحبه |
ماشاء الله قصيده رائعه صح لسانك إقتباس:
والف الف مبروووووووووووك ع التخرج مشكووور ع الابيات الرائعة والشعور الاروع لا حرمناك اختك : عاشقة الزعيم 15 |
إقتباس:
وصح الله بدنك.. والله يسلمك.. ومشكور على مرورك الجميل.. إقتباس:
أشكر لك تفاعلك ومشاعرك النبيلة.. اخترتي أحد أقرب الابيات لقلبي.. صح الله بدنك.. الله يوفقك.. ويسلمك.. شرفني مرورك.. تقبلي كل التحايا والاحترام.. ودمتي بكل خير إقتباس:
صح الله بدنك اخوي عز العرب السبيعي.. والشكر لك على مرورك وردك الجميل.. |
إقتباس:
مرورك عطر الموضوع.. بمشاعر نبيلة.. أسعدتني كثير.. الله يحفظك ويحفظ لك من يعز عليك.. والله يبارك فيك ويسلمك.. وإن شاء الله نكون في مناصب قريبة من بعض s60s واشكرك على مرورك.. إقتباس:
نور الموضوع بمرورك.. صح الله بدنك.. والله يبارك فيك.. ويسلمك.. إقتباس:
صح بدنك.. والله يبارك فيك.. ويسلمك.. وتقبل تحياتي.. |
إقتباس:
مرورك الأروع.. وصح بدنك.. والله يبارك فيك.. ومشكورة على مرورك.. وتقبلي تحياتي.. |
صح لسانكــ.. مبرووك التخرج .. ادام الله المحبة بينكم.. ::::::::::::::::::::::::::::::::::::::::::::::::::::::::::::: ...the bast... كتبــت هنــا وذهبــت.. |
اخوياااااااا:cry: :cry: :cry: مشاعر راقيه بمعنى الكلمه .... يا نور عيني جيتي باغلى التباريك ... رد البصر للي عمى من رحيله ما حقول غير الله يخليكم لبعض ولايفرق بينكم... والف مبروك على التخرج .... |
مبروك التخرج وصح لسانك |
إقتباس:
اخوي the bast.. صح الله بدنك.. والله يبارك فيك.. والشكر لك على مشاعرك النبيلة.. إقتباس:
شكرا لك على مرورك العطر ومشاعرك النبيلة.. والله يبارك فيك.. إقتباس:
الله يبارك فيك.. وصح بدنك.. وشكرا على مرورك العطر.. |
| الوقت المعتمد في المنتدى بتوقيت جرينتش +3.
الوقت الان » 07:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd