السلام في المنتديات << هل هو موجود ..؟ >> أم << غير موجود >> موضوع مهم جدا لكل عضو
(( :.. بسم الله الرحمن الرحيم ..: ))
السلام عليكم ورحمة الله وبركاته ,,
موضوعي هذا ممكن يكون ساخن إذا تفاعلتو معه ..
وممكن يكون بايخ إذا كلن قراه وطلع ..
موضوعي يتكلم عن /
<< السلام في المنتديات >>
وأنا مقسمه إلى قسمين
القسم الأول/
خلنا صريحين في كل اللي نقراه ونجاوب عليه ..
الأغلبيه منكم إذا كان يبي يحط موضوع حط (( تسميه )) وياله بعد ..
والسلام ناسيـــــــــــــــــــــــــــه ..
أعوذ بالله ..
طيب والله ما يبيله شيء كلها 19 حرف بس ..
يعني وش بيضرك إذا كتبتها ..
أولا تكسب أجر ..
ثانيا أنك طبقت وأحييت سنه بالمنتديات (( وخاصه الزعيم ))
فأرجو من الجميع كلما كان يبي يحط موضوع لا ينسى (( البسمله )) , (( والتسليم ))
القسم الثاني /
الأغلبيه منكم إذا كان واحد حاط في موضوعه (( تسليم )) ما يرد السلام ..
ليش طيب ؟؟
ياخي السلام سنه ورده واجب ..
أنا ما أقول أنك تحط في الرد (( وعليكم السلام ورحمة الله وبركاته ))
هذا إذا حطيته جزاك الله خير يمكن تذكر بعض الأعضاء ..
لكن أنا أقول أنك ترد السلام في قلبك أو جهراً ..
فتكفون يا أعضاء القناص الكرام لا تردون نصيحتي لكم ..
تراها والله من القلب للقلب ..
أسئله للمناقشه /
1/ ما هو السبب برأيك/ي الخاص عدم السلام في بداية كل موضوع ..؟
2/ هل السلام في المنتديات (( وخاصه الزعيم)) كثير أم قليل ..؟
3/ هل رد السلام في المنتديات (( وخاصه الزعيم )) كثير أم قليل ..؟
أرجو ممن دخل عدم الرد إلا بالإجابة على الأسئله ..
ودمتم بخــير ؛؛؛
أخوكــم/ أبــو كرشــه _ 20