نادي الهلال السعودي - شبكة الزعيم - الموقع الرسمي - لعيبة المنتخب يتابعون المنتدى + فرصة سعد + العيون الخضراء ..!

بسم الله الرحمن الرحيم

الحمد لله والصلاة والسلام على رسول الله وعلى من إتبعه ووالاهـ ،،

أول شي هارد لك على النتيجه ومبروك على المستوى اللي [ نوعا ما ] مطمئن .

ماكنت ناوي أبدا أكتب هالموضوع ولا كان في بالي إني أكتب أي موضوع اليوم

كنت أبغى أدخل المنتدى أشوف الجديد من المواضيع وأشوف ردود الفعل من خلال الردود

لكن شدتني كثييير من الردود اللي تخلي الواحد ينرفز بصراحه ..!

فيه ناس كثير إذا ( مافاز ) الهلال أو المنتخب جو للمنتدى وقعدوا يهزئون في الفريق بشكل غريب ..!

حتى إذا كان الفريق مأدي بشكل جيد وواصل للمرمى وحتى إذا كان مسيطر على أغلب المباراهـ

ومايفوز ... تلقى الكثيييير من الأعضاء يحطون أنواع الفشل فيه ..؟؟

ياناس خلونا نكون واقعيين شوي ،، المنتخب اليوم أغلب أغلبه شبآآآآآآب ..

وماعدى إثنين أو ثلاثه قد لعبوا بالنهائيات الآسيويه بس .. يعني مهب مطلوب من اللعيبه

إنهم يفوزون اليوم بالأربعه أو الخمسه عشان يرضونكم ..؟؟

يانآس والله المستوى اليوم مرضي إلى حد بعيد .. صحيح إنا كان عندنا أفضل من اللي قدمناهـ

لكن برضو .. مستوانا اليوم كان حلو حلو ..!

ولاتنسون إنا كنا قريبين مرهـ مرهـ من الفوز ،، لكن الله ماكتبها لنا

فــ الحمد لله على كل حال وقدر الله وماشاء فعل .

تخيلوا أحد اللعيبه المهمين قبل المباراهـ الجايه دخل المنتدى وشاف بعض المواضيع والردود ،، وش بتكون ردة فعله ..؟؟

لاتقولون صعبه تصير ..! لآآآآآآ صدقوني تصير ..

وقبل هذا لازم نكون واقعيين بيننا وبين أنفسنا على الأقل .. إذا المنتخب أدى بشكل حلو

لازم نقول الحقيقه حتى إذا مافاز ،،

لاحظت من الكثير إنهم يتهجمون على سعد بعد ما أضاع الفرصه الأخيرهـ ..!!

غريب أمركم ..؟؟

ليه طيب ..؟؟ عشانه نصراوي مثلا ..!!

ياناس شيلو عنكم الوان الانديه وخلو المنتخب قدام عيونكم ،، المنتخب وبس ..!

ياسر وسعد ومالك وغيرهم يحملون شعار لا إله إلا الله محمد رسول الله .

ياسر وسعد ومالك وغيرهم يحملون إسمي وإسمك في شرق آسيا ..!

حنا المنتخب والمنتخب حنا ..

لاتنسون إن سعد لعب تقريبا أقل من عشر دقائق وكاد يسجل في مناسبتين ..!

المرهـ الأولى بالتسديدهـ من خارج المنطقه ،، وهذي تحسب لسعد .

والمرهـ الثانيه لاتنسون إن سعد هو اللي بدى الهجمه وتأنى في المرهـ الأولى ثم المرهـ الثانيه

ثم عطاها عبدهـ عطيف ثم أوجد لنفسه مكان أمام المرمى بس الله ماكتبها له .

يعني مشاركة سعد في المباراهـ إيجابيه للمنتخب تماااااما ..

الحين عندنا ياسر ومالك .. [ نار ياحبيبي نار ]

وسعد على الخط ليشكل ثلاثي ولا في الأحلام أو يعوض أحدهم .

_________________

أنا مابغيت أعطي سعد هالمساحه كلها لكن صدقوني بعض الردود إستفزتني وطلعت كل اللي عندي ..

أتمنى أتمنى أتمنى من كل قلبي أن نقف جمييييييعا خلف المنتخب بلون واحد .. ونترك الانديه على جنب .

لنجعل أعيننا خضراء ..!

وأجمل وقوف مع المنتخب في نظري هو رفع الأيدي والدعاء له بالتوفيق .

تحياتي للجميع .