أنجـوس برافـو ولكن ! .. ياسر إلى أين ؟ .. سعد هاردلك .. والإضاءة طبيعي وتحصل .. وشقيق
السلام عليكم ورحمـة الله وبركاته
أولا ً هاردلك التعادل .. وبصراحـة المنتخبين كانوا يستحقـون الفوز ..
عطفا ً على المستوى المتقارب في معظم أوقات المباراة .. والجايات أحلى إن شاء الله ..
# أنجوس ..
من غير العقل اليوم وبالذات اليوم ومن خلال ما شاهدناه إنتقاد انجوس .. قدم منتخب متماسك الدفاع إلى حد ما .. محاور دفاعية طبعا ً مافيها جديد .. ولكن بصراحة تحسن اداهم ووضح التفاهم الكبير بين كريري وعزيز .. قدم لاعب اعتبره بصراحة مستقبل للكرة السعودية وهو الموسى لاعب الوسط .. لاعب مميز .. وعطاء كبير .. وننتظر منه الكثير .. عبدالرحمن القحطاني قدم مستوى مميز في الشوط الأول .. وانخفض مخزونه اللياقي بشكل كبير في الشوك الثاني .. وكان لابد من تغييره .. وهذا اللي حصل بالضبط .. وهي نقطـة تحسب للمدرب .. بالنسبة للهجوم بتكلم عن مالك .. وياسر باتركه للمحور الثاني .. مالك أثبت وبما لايدع مجال للشك إنه أفضل مهاجم في المملكة حاليا ً .. بمستوى ثابت ومميز .. ودعونا نبتعد عن التعصب .. ونصفق كثيرا ً لمالك القلوب .. آخـر كلمة بالنسبة لأنجوس .. وهي بصراحة ما بوجها مباشرة لأنجوس .. لأني ما أعرف هل هو من تسبب في هذا القرار أو غيره .. لكن ماذا لو كان في المنتخب اليوم لاعب مثل محمد نور ؟! اترك الإجابة لكم ..
# ياسر ..
بالنسبة للاعبنا ذا .. بصراحة أنا ما أدري وش علته .. لكن اقسم بالله من بعد هدف البلياردو .. ولا مباراة قدم فيها نصف مستواه .. اليوم كان واضح عليه البطء الشديد والتمريرات الخاطئة والتسرع .. وعدم التمركز الصحيح .. إضافة إلى ذلك كان فاقد الحماس المعهود عنه .. ما أقول الا الله يبعد عنك العيون الحارة ويرجعك لنا يا ياسر .. وإذا رجعت .. والله ما راح اقول مالك أفضل مهاجم في المملكة ..
# سعـد ..
أرجـوكم رجاء خاص .. فلنبتعد عن التعصب .. ونضع سعد في أعيننا .. فهو أبننا وابن وطننا .. خـوفي عليه من النقد الجارح في المنتديات .. وغدا ً في الصحف .. وإن حصل .. عز الله إنتهى سعد .. لاعب صغير في السن وضيع فرصة .. حرام نكبر عليه الموضوع .. ويقولون كل دقه بتعليمه .. لو حصل ووجد سعد عكس الإنتقاد الجارح .. فبكل تأكيد راح تترفع معنوياته .. وراح يرجع لنا أفضل من أول .. ما أقول إلا هاردلك ياسعـد ..
# الإضاءة ..
أشوف الأعضاء هنا مكبرين الموضوع .. والموضوع صراحة مايستاهل .. وبعدين مهوب كل خطأ ينصب النقد والتجريح على ابن همام .. يعني وش ذنبه هو .. لايكـون هو اللي موصل الأسلاك .. ولا ماسدد الفاتورة شيء طبيعي جدا ً ويحدث في جميع أنحاء العالم .. وآآآآآآخرها قبل أقل من 15 ساعة في فنزويلا .. أثناء مباراة البرازيل والاوروجواي ..
# ثامر عزيز الذاكر ( شقيق خالد ) ..
بالنسبة لي فهو زميل عمل .. وبصراحـة هو دايم يعطني أخبار المنتخب عن طريق أخوه .. لكن والله العظيم ماشدني في كلامه لي أمس .. هو سبب استبعاد المنتشري .. وهو الخبر اللي أكد لي الكلام اللي تناقلته الصحف .. وهو إن المنتشري تسبب في مشاكل حول شارة الكابتنية في المنتخب !! آخر شيء كنت أتوقعه من لاعب خلوق مثل المنتشري .. والخبر هـذا والله العظيم أكيد وخذوها مني ..
.......
آسف على الإطالة .. وبالتوفيق للأخضر في القادم إن شاء الله ..
أرجـوكم رجاء خاص .. فلنبتعد عن التعصب .. ونضع سعد في أعيننا .. فهو أبننا وابن وطننا .. خـوفي عليه من النقد الجارح في المنتديات .. وغدا ً في الصحف .. وإن حصل .. عز الله إنتهى سعد .. لاعب صغير في السن وضيع فرصة .. حرام نكبر عليه الموضوع .. ويقولون كل دقه بتعليمه .. لو حصل ووجد سعد عكس الإنتقاد الجارح .. فبكل تأكيد راح تترفع معنوياته .. وراح يرجع لنا أفضل من أول .. ما أقول إلا هاردلك ياسعـد ..
احلى مافي الموضوع ,,
الصراحة التعصب الاعمى راح يضيعنا ,,
وتبي الصدق ,, لو ياسر ضيع الفرصة كان ما جاه من التجريح والكلام اللي جاء سعد ,,
الكل هنا يهاجم سعد لانه نصراوي فقط ,, وهذي صراحة قمة التخلف ,,
بالنسبة للمنتشري فهي غير مستغربة منه ,, مع احترامي لوجهة نظرك ,,
الحين احنا خلف " المنتخب السعوووودي " ولسنا خلف الهلال او النصر
سعد الكل شاده وهو يبكي بعد المباره
ليش يبكي.. يبكي لان عنده وطنيه
اتمنى ان نترك الوان الانديه ونركز على المنتخب اللي هو الاهم
إقتباس
بالنسبة لي فهو زميل عمل .. وبصراحـة هو دايم يعطني أخبار المنتخب عن طريق أخوه ..
لكن والله العظيم ماشدني في كلامه لي أمس .. هو سبب استبعاد المنتشري .. وهو الخبر اللي أكد لي الكلام اللي تناقلته الصحف .. وهو إن المنتشري تسبب في مشاكل حول شارة الكابتنية في المنتخب !!
المنتشري !!!
اذا كان مثل ما قلت فياليت يكون مصيره مثل مصير نووووووور الاستبعاد النهائي من المنتخب
صح لسانك يا انسان والخوف هلحين من الصحافة غداً كيف رح تكون ردة فعلها على سعد الحارثي وصدقوني لو هجمت الصحافة على سعد لتكون بمثابة القاضية لسعد .. سعد لاعب كبير ولكن صحافتنا ماشا الله ولا يزعلون علي اخواني الصحافيين (( ان حطوا راسهم بواحد قولوا الله يرحمه معنويا ً )) والله يعين .........
مشكووور على الموضوع الرائع
انا اشوف ان المنتخب قدم اليوم اداء جيد بالنسبه لسنهم كا شباب ويعطيهم العافيه وسعد ومالك وياسر لاعيبه كبار
ولانلوم سعد الحارثي ماننكر انه لاعب كبير ومااااااااااااااالك ماللللللللللللللللللك القلوووووووووووووب
واليوم والله كم تمنيت الشلهوووووووووووب اونووووووووووووووووووور ولاتلومون ياسر لانه ماوجد اليوم صانع العاب لان القحطاني عبد الرحمن لم يكن بمستواه
وماحرق دمي اليوم الا البارد كامل الموسى اه اه اه اه
واحمد الموسى هوه نجم المباره بلامنازع
وشكرا
أسجل أعجابي بالموضوع وبالرقي في الطرح عكس مانشاهده في بعض المواضيع ........!!!!!
اتفق معك يالغالي في بعض ماكتبت واختلف في البعض الأخر ..........!!!!!!!
واختلاف الرأي لايفسد للود قضيه .......!!!!!!
بالنسبه لموضوع ياسر
فياسر كان مراقب مراقبه لصيقه والمدافعين الكوريين حذرين منه خصوصا بعد مبارتنا مع الكورييين بالدمام وهذا لايعني ام ياسر ادى ماعليه ياسر كان غائب اليوم ونتمنى له التوفيق في المباريات القادمه .....!!!!!!!
أما عن سعد
فوالله ليس تعصبا ان مستواه ضعيف جداا وغير مؤهل للعب للمنخب السعودي هناك فوارق كبيره بينه وبين ياسر ومالك لنكن واقعيين ......!!!!!!
وهجمته اليوم لا نلقي اللوم عليه بالكامل لكن كان بالامكان التعامل معها بشكل ارقى ..........!!!!!!!! وياما ضيع سعد مو أول مره ....!!!!!!
وبخصوص المنتشري ........!!!!!!!! فالباب يفوت جمل ......!!!!!! والا يبي يصير الكابتن ماشاء الله عليه
نفتقد بصراحه لصانع اللعب والله يقومك بالسلامه يالشلهوب ........!!!!!!!
في الختام :
الله يرحم أيام سااامي وبس ..............!!!!!! قفله .;)
وانا اتفق معك عن ياسر .. يعني كابتن يعني هو الهيرو.. مفروض يعطون الكابتنية اي لاعب .. اهم شي اللاعب يقدم المستو ىالمأمموول واللي عليه
بس المنتشري من حقه يطالب بالكابتنية باعتقادي .. لاعب اقدم من ياسر .. يحق له ياخذ الكابتنية .. وسعد لعب بروحه ..
ولو تلاحظ الكورة اللي ضيعها .. كيف تحرك من خلف المدافيعن .. وحط نفسه بمكان حلو . .. ولكن ياسر صدقني ماراح يتحرك مثل تحرك سعد .. ولكن سعد لم يحسن التصرف في تثبيت الكورة ووضعها في مكان يناسب الرجل اليسرى وحتى عبد الرحمن القحطاني مدري وش فيه .. فلتة الولد ماشاء الله بس اليوم مدري وش جاله .. بس المباراة نايمة ..جداا ونشوف فرق المباريات بين الارجنتين والمكسيك والسعودية وكوريا
على العموم بالتوفيق لسعد وياسر ومالك وعبد الرحمن..وكل لعيبة المنتخب ..
ومالك الا مالك ..
ونور ياخي بطل بس بالمنتخب مدري وش يجيه .. لو عطييناه الكابتنية تتوقع بصير فنان وبطل .. وياليت كان يلعب حسن معاذ ونور ومنتشري . .. وعبده عطيف من بداية المباراة ... كان اتوقع منتخبنا نار .
بالتوفيق للجميع ..
وان شاء الله الكاس .. وانا عارف انها صعبة .. بس متأكد اننا بنوصل نصف النهائي