هلا أخوي ..
أول شي أشكر لك اهتمامك وحرصك على مصلحة ناديك
كلامك جيد
ولكن اختلف معك في بعض وجهات النظر
واختلاف وجهات النظر لا يفسد للود قضية
أخوي ..
بالنسبة للتعاقد مع اللاعبين ..
الهلال الحمد لله فريق متكامل ..
لا وفوق كذا .. عنده فاااائض كبييير !!!
تقولي كيف ..
أقول انظر إلى خانة الظهير الايمن ..
1- عبدالعزيز العبدالسلام
2- خالد العنقري
3- ياسر الياس
4- عبدالرحمن العصفور
5- عبدالعزيز المفرج (( صاعد من الشباب ))
6- مشعل الموري .. (( من الممكن أن يلعب في هذا المركز لو ادعت الحاجه ))
طيب !!!
6 لاعبين في مركز واحد .. !!!!!
هذا معقول ؟؟؟؟؟؟؟؟؟؟؟؟؟؟؟؟
3 لاعبين واعتقد انه كافي ..
طيب .. أنا عارف أنك بتقول المشكلة ولا واحد قادر انه يملأ الخانه ..
لكن معليش .. هذا اللي عندكـ .. وصدقني فيهم الخير ..
طيب الحين حنا نبي 3 من 6
ونفترض جدلا أنهم أول ثلاثه ( العبدالسلام والعنقري و الياس )
الادارة .. بتعطيهم خطابات شكر .. ويالله مع الباب !!
ولن تستفيد على الاقل في الملايين التي صرفت من أجلهم .. ولو بعضها على الاقل !!
مثلا ..
العبدالسلام .. بيع عقد أو إعاره لأحد الانديه .. بـ 500 ألف
ونفس المبلغ للثاني والثالث ....
مليون ونصف ريال سعودي !!!
مبلغ هين تعتقد ؟؟؟؟؟؟؟
مبلغ حلو وممكن نستغله بشكل جيد ..
لكن الادارة للأسف ما تستفيد من المبالغ
تخيل .. عبدالله الجمعان أعير الموسم الماضي للاهلي مجانا .. !!!!
تخيل لو مطلعين من ورا الجمعان على الاقل 500 ألف
تنفعنا ولا لا ؟!
وتخيل أي لاعب بدل ان ننسقه نعطيه أحد الانديه بمبلغ وقدره ..
مهوب نروح نتصدق عليهم !!
هالأنديه .. ما ترحمنا أبد إذا جوا يبيعون لنا لعيبتهم !!
والامثلة كثييييررة ..
هذي نقطه .. ولا أنا أتمنى ان الادارة (( تبيع عقود )) بعض اللاعبين اللي مهوب في مستوى الهلال أو الكبار اللي ما منهم فايده .. (( واعتقد انكم تعرفون أسماءهم زين ))
ثانيا .. المعسكر الخارجي ..
بالعكس اخوي أعتقد ان المعسكر منه فايده
ممكن أنه يزيد من روح الاخوة والالفه بين اللاعبين
والتعرف أكثر عليهم من قبل المدرب ..
وأيضا الأجواء تساعد .. مو مثل الرياض حاليا !!!
يعني انا أشوف ان حسنات المعسكر اكثر من سيئاته ..
والتقليد في اللي يفيد ما اعتقد انه يضر ..
وعلى فكرة .. هذا يختلف عن معسكر العين !!!!
هذا تحضير لموسم كامل جديد ..
مهوب لمباراة وحده !!!!
أسال الله العلي القدير
أن ينصر الهلال
فوق كل ارض وتحت كل سماء
وتقبل وجهة نظري ومروري ..
أخوك :: توتي - 2004