الصبر مفتاح الفرج .... موضوع مهم للغاية - نادي الهلال السعودي - شبكة الزعيم

الســـ الهلالي ـــهم · #1 09/07/2007, 12:16 PM

السلام عليكم ورحمة الله وبركاته

(( الصبر مفتاح الفرج ))

إخواني الزعماء عندي كم نقطة وبتكلم فيها بكل صراحة

## الإدارة ##
كثرت الأحاديث والأقاويل في الأيام الأخيرة عن إدارة محمد بن فيصل وإنها غير مهتمة بالفريق وأنها غير مبالية بأي تعاقدات
مع أي لاعب من داخل ومن خارج المملكة أحب أوضح لكم شغله
بسيطة وهي إن الإدارة جالسة تشتغل بصمت وما ذكر من مواضيع
وكتب في الصحف عن الإدارة كلها للشوشرة على عمل الإدارة وبداية حرب جديدة كالعادة على الهلال مع بداية الموسم
اتركوا الإدارة تعمل أخواني الزعماء فهي عارفة وفاهمة وإن شاء الله مالكم إلا اللي يرضيكم

## اللاعبين ##
كثرة المطالبات بإحضار لاعبين جدد من خارج النادي جيبوا اللاعب
الفلاني وهذا اللاعب ممتاز وأنا شايفة وما يحتاج تجربة وآخر المطالبات وهو بكل صراحة نكتة الموسم وهو شخص يطالب
الإدارة بمهاجم المنتخب الفيتنامي صدق ( شر البلية ما يضحك )
إخواني الزعماء يوجد لاعبين في النادي وإن شاء الله راح تسمعون
أخبار في الأيام القادمة تبشر بالخير اتركوا المطالبة بلاعبين واتركوا المدرب يختار اللي يشوف انه ممتاز ويستحق تمثيل الزعيم
اللاعبين يبون الجمهور يقف معاهم حتى يظهروا بصورة حسنة
صدقوني يا زعماء يجب علينا مؤازرة الفريق وبث الحماس لهم

## المدرب ##

قبل حضور المدرب سمعنا وشفنا أعضاء تذم في المدرب وتقول
وجهة ما يبشر بالخير ومن هذا الكلام رسالتي لكم اتركوا المدرب
يعمل بدون شوشرة صدقوني متى ما توفر للمدرب الجو المناسب
صدقوني راح يطلع لنا بتوليفة ممتازة ويجب منا الوقوف مع المدرب وتحفيزه على العمل وبعدها نقيم شغل المدرب .

## الجمهور ##

أي نادي يتمنى أن عنده جمهور مثل جمهور الهلال وهذا الصحيح
بدون تطبيل مني وبدون مجاملات وهذا هو سر البطولات الهلالية
هو الجمهور الهلالي ولكن اللي ملاحظة بعد النهائي من الجمهور
الهلالي انه خلاص فقد الأمل في البطولات وان الفريق غير قادر على جلب البطولات وهذا غير صحيح فالهلال يمرض ولكن لا يموت
رسالتي لكم إخواني الزعماء هي الوقوف مع النادي فأنتم سر بطولاته وانتم الرقم الصعب بشهادة الجميع
إخواني الزعماء يجب علينا الالتفاف مع النادي والوقوف معاهم
على الحلوة والمرة فنحن وقود اللاعبين ووقود الإدارة ووقود المدرب إخواني الزعماء دعونا ننسى الماضي ونفكر في المستقبل
أنا آسف على الإطالة ولكن لابد من توضيح بعض الأمور لجماهير الزعيم وأوجه دعوة لجميع الأعضاء الوقوف ضد أي موضوع
يكون ضد الإدارة واللاعبين والمدرب حتى تعمل الادارة بصمت
وبدون شوشرة

## قفله ##

الخير أبقى وإن طال الزمان به

Mr.DL5 · #2 09/07/2007, 12:50 PM

اخوي الســـ الهلالي ــهـــم حياك الله يــ الغالي ..

جمهورنا لو يشوفون مهاجم منتخب بنجلادش يبدع في مباراة وحدة قاموا يطالبون بــ التعاقد معه ..

على العموم اتمنى بــ ان نسمع خبر تعاقد الادارة مع احد اللاعبين المميزين في اقرب وقت باذن الله ..

mad boy · #3 09/07/2007, 12:55 PM

الوعــد قدام ونبي نشوف هل فيه تحركات للأداره ولا كانت مجرد صيفيه برى المملكه

الســـ الهلالي ـــهم · #4 09/07/2007, 01:01 PM

إقتباس

الرسالة الأصلية كتبت بواسطة MR.DL5


	اخوي الســـ الهلالي ــهـــم حياك الله يــ الغالي .. جمهورنا لو يشوفون مهاجم منتخب بنجلادش يبدع في مباراة وحدة قاموا يطالبون بــ التعاقد معه .. على العموم اتمنى بــ ان نسمع خبر تعاقد الادارة مع احد اللاعبين المميزين في اقرب وقت باذن الله ..

مشكور على المرور

الســـ الهلالي ـــهم · #5 09/07/2007, 01:03 PM

إقتباس

الرسالة الأصلية كتبت بواسطة mad boy


	الوعــد قدام ونبي نشوف هل فيه تحركات للأداره ولا كانت مجرد صيفيه برى المملكه

على حسب المعلومات اللي وصلتني ان الامور راح تبشر بالخير

مع مرور الأيام وانا مقدر شعورك

تفائل بالخير تجدة يالغالي

ماجدالهلالي · #6 09/07/2007, 01:04 PM

السهم الهلالي الله يعطيك العافيه ومثل ماقال الاخ الي من قبل لو شافو لاعب سجل هدف قالوا ممتاز وهو ما يعرف يثبت كوره ولا نسيتوا لاعب الاهلي البرازيلي الي دخل مباراة الشباب وسجل 4 اهداف في 20 دقيقه وقالوا هذا مابعده احد واخر شي ما سجل ولا هدف

للامانه كل هذا منحرص الجمهور ولكي كل الشكر

الســـ الهلالي ـــهم · #7 09/07/2007, 02:35 PM

مشكور على المرور اخوي ماجد

الموهوووم · #8 09/07/2007, 03:53 PM

إقتباس

الرسالة الأصلية كتبت بواسطة الســـ الهلالي ـــهم


	السلام عليكم ورحمة الله وبركاته (( الصبر مفتاح الفرج )) الخير أبقى وإن طال الزمان به

عندي احساس ان اادارة بتفجر خبر حلو بقلوب الجماهير

الســـ الهلالي ـــهم · #9 09/07/2007, 04:12 PM

إقتباس

الرسالة الأصلية كتبت بواسطة الموهوووم


	عندي احساس ان اادارة بتفجر خبر حلو بقلوب الجماهير

هذا اللي بيصير ان شاء الله

مشكور على المرور

تحسي بيا · #10 09/07/2007, 04:20 PM

صراحة بعد مباراة النهائية ,, والعيال يلعبون على الواقف ,,, ماظنيت بيجي لك جمهور والفريق ما فيه روح ,,,
اما من ناحية اللي حكموا على المدرب قبل ما يمثل الهلال في اي مباراة فهولاء لا يفقهون في الكرة شيئاً ,,, وصراحة كلامك يثلج الصدر ,,,,
لكن عصبية جمهورنا الحبيب لا يحتمل تخبطات اخرى ,,, والله المستعان

ALZa3eEm 3AmaHoM · #11 09/07/2007, 04:32 PM

مشكور

هلالي جامعه البترول · #12 09/07/2007, 06:07 PM

الســ الهلالي ــهم مشكور على هالكلام الحلو .

وياليت الأعضاء كلهم يطلعون عليه ويتركون الأداره تعمل بصمت .

واحنا مالنا الا ننتظر ونشوف .

لاعدمناك على هالموضوع .

ااسامه · #13 09/07/2007, 06:34 PM

الله يعطيك العافية يا غالي على هذا الكلام الرائع

للأسف المتتبع للمنتدى في هذه الفترة

يلاحظ أنه تحول إلى منتدى ضد الإدارة

هلالي@انتراوي · #14 09/07/2007, 06:37 PM

إقتباس

الرسالة الأصلية كتبت بواسطة هلالي جامعه البترول


	الســ الهلالي ــهم مشكور على هالكلام الحلو . وياليت الأعضاء كلهم يطلعون عليه ويتركون الأداره تعمل بصمت . \.

إبراهيم الهزاع · #15 09/07/2007, 06:41 PM

إن الله مع الصابرين