اللي يقول ما نقدر نسوي منتخبين ؟ طيب تعال وأحكم وناقشني !! - نادي الهلال السعودي - شبكة الزعيم

الملك"توتي" · #1 08/07/2007, 10:17 PM

بسم الله الرحمن الرحيم

في أحد المواضيع قيل أن خبير عربي قال بأن السعودية تستطيع عمل منتخبين

وصار في كلام من بعض الأعضاء على ان ( كيف الحال ؟؟) يعني كأنهم مو مصدقين

وان هذا الكلام غير صحيح

انا في البداية أحب اقول للي مو مقتنعين بهالشي ان هذا مو اول خبير يقول هالكلام

قالها نجم المنتخب القطري سابقا ( خالد جاسم )

وقالها نجم منتخب الإمارات سابقا ( زهير بخيت )

وقالها محلل رياضي في قناة دبي الرياضية ولا هو سعودي

طبعا هذا شي

الشي الثاني هو اني حبيت اطرح لكم منتخبين ، وأنتم احكموا .. هلنقدر نسوّي منتخبين أو لا

المنتخب الأول :
محمد الدعيع
كامل الموسى - - - حمد المنتشري - - - ماجد العمري - - - حسن معاذ
خالد عزيز - - - سعود كريري
محمد الشلهوب - - - عبده عطيف
ياسر - - - ناصر الشمراني

المنتخب الثاني :-
تيسير نتيف
حسين عبدالغني - - - رضا تكر - - - اسامه هوساوي - - - ابراهيم هزازي
عمر الغامدي - - - تيسير الجاسم
عبدالرحمن القحطاني - - - محمد نور
مالك معاذ - - - سعد الحارثي

طبعا ما ننسى بعض النجوم سواء في الفريق الأول أو الأولمبي ، مثل :

صالح بشير .. طلال الخيبري ... أحمد الصّويلح ... جفين البيشي ... عبدالله شهيل ... عبدالله الأسطا ... أحمد عطيف ... أسامة المولد ... صالح الصقري ... عيسى المحيّـاني ... الهزاني ... الغنام ... محمد أمين ... أحمد الدوخي ... وليد عبدربه ... نايف القاضي ...السهلاوي وكثيرين كثيرين

يعني نقدر نسوّي ثلاث منتخبات بعد :p

وهذا يدل على إيش ؟؟

هذا يدل يا ناس إن مشكلتنا ماهي بالنجوم والله عندنا نجوم !!
بس مشكلتنا إداريــة وخصوصا الخطط المهروسة اللي ضيعتنـا ؟؟

اجل واحد يجيب باكيتا يدرب المنتخب ؟؟

ولا يجيبه قبل كاس العالم بـ 6 أشهر

والا الدوري اللي مدري من اللي حاطه

والا إعداد المنتخب اللي كلها قبل البطولة تعال سو معسكر وبس !

كأن مافي مباريات ودية حددها الفيفا

بالله ذي مشكلة نجوم ؟؟

صدقوني

إن النجوم كثار وفي ناس ما نعرفهم

بس يبي لهم من يستغلّهم
--

وياليت الي ما يوافقني في الرّأي مهي مشكلة . يناقشني

واللي قال اننا ما نقدر نسوي منتخبين .. يناقشني

كل شي بالمناقشة حلو ، صح والا لا ؟ ;)

وتشكرّآتي

الملك"توتي" · #2 08/07/2007, 11:27 PM

وعلى فكرة هذولا النجوم طلعوا وإدارتنا فاشلة

يعني لوفي اهتمام بالنشئ واكاديميات والحركات هذي وش بيطلع عندنا ؟؟

عاشقة الذيب · #3 09/07/2007, 12:35 AM

صحيح وانت صادق

وانا اشوف ان مافي فرق بي المنتخبين اللي انت مشكلهم

لان مستويات اللاعبين متقاربه جدا

ولو اختلفوا شوي في الخبره والاعماروقليل في المستوى

لكن كلاهم يشكل منتخب مرعب اذا كان في تخطيط وشغل ممتاز وادارة محترفه

Mr.DL5 · #4 09/07/2007, 12:41 AM

معروفة مشكلتنا ..!!

البلاء كله في الخطط المدروسة ..

و الي يقرهك زود ان الخطط المدروسة راح تستمر معنا 4 سنين قدام ..

يعني الفضائح والمهازل قادمة لا محالة ..!!

الملك"توتي" · #5 09/07/2007, 02:58 AM

مشكورين عالمرور

بس كنت اتمنى من اللي كانوا يتريقون ويقولون اننا ما نقدر

يجون يناقشوني

يمكن اطلع غلطان ؟؟

konkord · #6 09/07/2007, 03:29 AM

انت تضحك ع نفسك

تيسير النتيف تيسير الجاسم عبده عطيف هزازي الشمراني الموسى

هذولي تعتمد عليهم والا تتوقع يقلبون لك نتيجه والا يحسمون مباراة

اساسا حتى الدوري السعودي يخب عليهم فمابالك بالمنتخب

هذا غير اللي كاتبهم بالازرق الصقري والقاضي وعبدربه

المنتخب السعودي موجود بالسعوديه محمد نور وعبدالغني والدوخي والدعيع والشلهوب

وبعدين صدقني لنصير اضحوكة كأس اسيا واذكرك

انت فاكر بعد ماكان المنتخب السعودي موجود في كل نهائي لكاس اسيا

خمس مرات متتاليه وبعد كأس اسيا الاخيرة وقناعات المدربين وسكوت المسؤلين

طلعنا من الدور الاول فاكر ليه؟؟

لأن اللي كان يمثل المنتخب لعيبة من هالعينه انا بصراحة مش فاكرهم

بس اذكر كان الحلوي والسويد وعبدالرحمن البيشي وطقتهم

يعني بالعربي انسى كأس اسيا وتمتع بكوبا امريكا

FreakouT · #7 09/07/2007, 03:41 AM

صدقت اخوي ...

بس برضه فيه لاعبين ذكرتهم ورايحين مع منتخبنا الحين مايستاهلون نادي درجه ثالثه ..!

حتى لو استبعدناهم نقدر نسوي 10 منتخبات بعد مب منتخبين عندك ماشاء الله لاعبين ممتازين كثيييييير واللي مب مقتنع يروح اقرب حاره يشوف اللعب كيف

المشكله كلها اداريه !

وان شاء الله يسوون شي في كاس اسيا يارب ..!

يعطيك العافيه عالموضوع

الملك"توتي" · #8 09/07/2007, 01:27 PM

إقتباس

الرسالة الأصلية كتبت بواسطة konkord


	انت تضحك ع نفسك تيسير النتيف تيسير الجاسم عبده عطيف هزازي الشمراني الموسى هذولي تعتمد عليهم والا تتوقع يقلبون لك نتيجه والا يحسمون مباراة اساسا حتى الدوري السعودي يخب عليهم فمابالك بالمنتخب هذا غير اللي كاتبهم بالازرق الصقري والقاضي وعبدربه المنتخب السعودي موجود بالسعوديه محمد نور وعبدالغني والدوخي والدعيع والشلهوب وبعدين صدقني لنصير اضحوكة كأس اسيا واذكرك انت فاكر بعد ماكان المنتخب السعودي موجود في كل نهائي لكاس اسيا خمس مرات متتاليه وبعد كأس اسيا الاخيرة وقناعات المدربين وسكوت المسؤلين طلعنا من الدور الاول فاكر ليه؟؟ لأن اللي كان يمثل المنتخب لعيبة من هالعينه انا بصراحة مش فاكرهم بس اذكر كان الحلوي والسويد وعبدالرحمن البيشي وطقتهم يعني بالعربي انسى كأس اسيا وتمتع بكوبا امريكا

تيسير نتيف : من افضل حرّاس الموسم ذا ، مدري على أي أساس قللت من قيمته

عبده عطيف : اذا ما كنت مقتنع بهاللاعب .. مصيبة

هزازي : شكلك ما تتابع الأهلي ؟؟

الشمراني الموسى : والله ياخوك مدري وش مشكلتك ؟؟ اجل الشمراني وكامل الموسى ما يعتمد عليهم ؟؟

طيب والوحدة هالموسم الثالث ليش ؟؟

حبيبي : اذا ما كنت تتابع غير الهلال فهذي مشكلتك

بالنسبة للي كاتبهم بالأزرق ، اذا ما كنت مقتنع بالصقري وعبدربه .. خلاص بجاملك وأكون معك !! طيب والباقين ؟؟

شهيل .. واحمد عطيف و..و... الخ

وعلى فكرة ترى عبدربه في المنتخب الآن ..ولا اعتقد انك أفهم من المدرب

اما اننا بنصير اضحوكة كأس آسيا وهل تذكر اننا كنا نتأهل لنهائي كاس آسيا دائما ومدري ايش ..

ردي عليك هو ( انت وين عايش ؟؟ )

حبيبي الكرة في العالم كله تطورت ،، مو بس في آسيا

انت قلي بطولة قارية يكون فيها الطرف الأول ثابت ؟؟

مافي صح ؟؟ طيب آسيا الآن في طريقها لأنها توصل للمراحل ذي ..

ولا تضحك على نفسك وتقول نبي نتأهل لكل نهائي في كأس آسيا ؟؟

واذكرك اني ما قلت بنأخذ كأس آسيا ،، ويمكن نطلع من الدور الأول

لكن هذي ماهي مشكلة نجوم يا حبيبي ،، هذي مشكلة الإدارة الفاشلة لمنتخبنا !!

اما انسى كأس آسيا ,, فهي كثر لي منها

اجل تبيني ما اتابع منتخبي ؟؟

اذا انت ما تتابع منتخبك اللي يمثل وطنك فهذي سخافة .. بصراحة

واذا معجبينك كوبا امريكا وبتفضلهم على وطنك .. فأنصحك تاخذ لك جنسية دولة منتخبها قوي :p

أنتظر ردّك

-------------------------------------------

FreakouT

اشكر لك مرورك .. وصدّقني في نجوم في المنتخب لوو تتابعهم صح ..

كان قلت انهم يستحقون المنتخب

بس مشكلتنا اننا ما نتابع الا الهلال بس وبعدين نجي نقلل من اللاعبين اللي مو هلاليين

وكذلك مع باقي الأندية

تشكراتي على مرورك .. وشرفني ردك