ولله ما أصدق؟؟؟؟ - نادي الهلال السعودي - شبكة الزعيم

الزعيم فقط · #1 08/07/2007, 03:01 AM

ايه ما اصدق اني داخل لشبكة الزعيم ؟؟؟؟
لي شهر تقريباً وانا مصدوم

وكل يوم اقول ان شاء لله بيتغير الوضع بس احس الحاله من سيئ الى أسوأ

صراحه حال المنتدى صار ينرفز كل احد يكتب خبر من عنده ..

ابتداء من التعاقدات الي كل احد يجيبله اسم ويعتمدون على مصادر غريبه مثل معلقين او غيره

والاادها ان في بعض الاخوان الله يهديهم يطيرون بالعجه يحطونه تواقيع

وتصاميم لهم

ولله لو يصبرون شوي لين مايعلن رسمي احسن لنا ولهم..

والمشكله مابقى لاعب الا وقالو انه بيجي للهلال

كل يوم نفس المواضيع ماتتغير ولله ملينا من السالفه هذي..

وندري ان الاداره تاخرت بالتعاقد بس ماندري وش الظروف ..

ونجي على الاعبين المحليين ونلاقي نفس المشكله ..

وبدينا عاد بشي جديد وهو التطاول على الاداره

نعم كلنا لنا تحفظات على الي يصير والتأخير في التعاقد والاعداد!!

بس هذا ما يعطينا الحق بالتطاول بأي شكل من الاشكال

اتمنى من الاعضاء الكتابه بمنطقيه وعقلانيه اكثر يعني انقد بس بدون تجريح وصراحه نبي نقد يبني مايهدم

والله يجيب لنا الاخبار الي توسع صدرنا وتهدي اعصابنا يارب

والله يوفق زعيمنا وينصره بجميع البطولات واولها آسيا يارب