حجز لعيون المبدعين
---------------------------

باك:

الله الله على استضافة المحيط الهادي : مطيع الهميمي

إقتباس ضيفنا الخامس ممتع , محب للفلسفة

أووووففففففف

فلسفة؟

أعووووذ بالله من غضب الله

إقتباس <<<<ما يعرف يسبح بتاتا البتة فقط

بالشرقية وما تعرف تسبح؟

لا تفشلنا الله يرحم والديك.. ترى أهل الرياض يقولون أن المولود عندنا أول ما يطلع من بطن أمه يغطسونه بحوض

البانيو أسبوع كامل لين يتعلم السباحة

إقتباس كنت مسجل بيوزر وين رايح

أثر عندي ذوق باختيار اليوزرات أزين منكم يالرومانسيين

وين رايح؟ <<< بالله هذا يوزر ولا سؤال انت وخشتك؟

كيف لما كانوا ينادونك: يا وين رايح.. وش كنت تقول لهم؟ تقول: هلا .. ولا تقول: رايح مشوار وراجع؟

إقتباس وتعرض الموقع للاغلاق.. وعاد من جديد واعدت التسجيل... ولكن تغيرت الاسماء وتقفل مرة ثانية... .. استمريت في الموقع ما يقارب الستة اشهر ثم انتقل الموقع لسيرفر آخر ... اعدت التسجيل فيه واستمريت بالمشاركة

ما شاء الله عليك.. ناشب لهم ناشب

مدري ليه اخترت اسمي يمكن يعكس الوضوح الي احبه

وضوح؟

يمكن تقصد أنك تحب الوضوح يكون أمامك .. وما تقصد الوضوح بشخصيتك

لأني أرى والله أعلم أنك شخصية شبه غامضة بالمنتدى .. هكذا أراك ولا أعلم إن كان هناك من الأعضاء من يواففني الرأي.!!

عموماً : كنت واضحاً أم غامضاً .. تبقى شخصية هادئة ومحبوبة لدى الأغلبية.. الله يديم هالحب

إقتباس وقد تعرضت للاجحاف في البداية كأي يوزر ( مذكر ) جديد في اي منتدى اقولها بكل صراحة ..

ــخخخخخخخخخخخخخخخخخخخخخخخخخخخخخخخخخخخخخخخخخخــ

وربي بطل

من جد مدري ليه نشوف مواضيع البنات مدهرة على عكس الشباب

بعض الناس يرد على البنت حتى لو كانت جديدة وغير معروفة ويحرص يرد عليها على غير عادته مع المواضيع الأخرى... مدري ليه

أكيد موب عشان يكون أول من يلفت انتباه البنت بالمنتدى أبد أبد ;)

<<<< معليش تماسيح كلنا من طينة واحدة وعارفين تفكير بعضنا زين

لو أنك يا مطيع مسجل مطيعة الهميمي كان ارتحت :p

بعض الأحيان أتمنى أني مسجل بيوزر المشاغبة .. على الأقل كان جاتني تواقيع بالهبل .. وأي مشكلة بالكمبيوتر ألقى

عشرين ألف واحد يساعدني ولو أكتب موضوع بسطرين بس بألقى خمس صفحات من الردود في اليوم الثاني :p

يا حظ البنات عايشات حياتهن برفاهية

إقتباس < علاقاتي رسمية بالنــــــــــــــــــــــت ! >

[SIZE="4"][COLOR="navy"]

عندي إحساس أنك زارف هالجملة من استضافتي السابقة :p

ولا يمكن تكون متزامنة؟

تصدق؟ أزين لك ما تتعرف على أحد من النت.. هذاني متعرف على ماجد مقبل والهاوي ونمر 15 وهلالي الظهران .. وليتني ما قابلتهم أبد
جيتهم هذاك اليوم بكوفي شوب.. وقبل ما يمشون طلبوا لي موكا بارد.. وقالوا لي ترى حاسبنا على الموكا.. ثم مشوا..
بعدها جاني الموكا ومعاه ورقة الحساب حقي وحقهم دفعت الحساب وأنا أبكي من القهر

( ترى أمزح معك .. ما حصل شي من اللي صار فوق غير أني قابلتهم.. بس أحب تشويه السمعة )

بصراحة: هالأربعة اللي ذكرتهم أنا .. حطهم على الجرح يبرأ .. وإذا تبي تقابلهم .. فالمقابلة الواحدة بـ 50 ريال

وادفع 100 ريال على مقابلتين واحصل على الثالثة مجاناً

إقتباس كما لا يفوتني ان اقدم الشكر لك من قرا يوما لمطيع الهميمي ولكل من رد ولو بحرف واحد فكلماتكم ستبقى ذكرى ووسام اعتز وافتخر به مدى الحياة

مواضيعك مميزة.. تجبر كل من يقدر الإبداع على أن يرد

لا عدمنا مواضيعك الخفيفة الراقية الرومانسية

إقتباس كما أتقدم بالاعتذار لكل من اخطأت في حقة عن غير قصد يوما ما >>>>>>>. يمسح دموعه

خلاص القروب المكسيكي (الماصخ) سامحك أول ما شافك تمسح دموعك

بس لا تتعودها أنت وفلسفتك ( الماصخة ) <<<< واحدة بواحدة


-----------------------

مشكووورة أوي يالماسة على جهودك الواضحة والمبذولة... ونتمنى أن نرى بقية أعضاء المجلس الاستشاري يقومون

بربع ما تقومين به من أفكار ومواضيع..!!

أكيد فيهم الخير والبركة.. لكن لي أكثر من 6 شهور هنا ما شفت شي مثل ما شفت منك.. الله يعينهم على مشاغل الدنيا..

ويرجعون لنا بقوووووة ..!!

تحياتي للجميع..!!

هلا هلا بمطيع الهميمي

إقتباس خشيت وحطيت عنوان www.ayna.com اعرفه من احد زملائي في الفصل بس تفجأت انه ما فتح الموقع طبعا ما سويت الاعدادات <<<<<هذا المستخدم غشيم

يحليله ذا الموقع الرهيب ....... أيام عشناها معه بس اخرتها سحبنا عليه ورحنا لجوجل
تو فتحته ولا فتح معي.......هل يعمل الى الآن ام لا؟

إقتباس في الختام لا أملك الا أن أشكر مجددا القائمين على هذه الشبكة بشكل عام والمجلس بشكل خاص وجميع الاعضاء كما لا يفوتني ان اقدم الشكر لك من قرا يوما لمطيع الهميمي ولكل من رد ولو بحرف واحد فكلماتكم ستبقى ذكرى ووسام اعتز وافتخر به مدى الحياة كما أتقدم بالاعتذار لكل من اخطأت في حقة عن غير قصد يوما ما >>>>>>>. يمسح دموعه ولكم مني ارق سلام

تسلم يامطيع و لا تبكي
ومشكووووووووووووووور على كتابتك الراقية التي أجبرني على الرد عليك
يا هلالي

هلا والله بمطيع الهميمي الله حيه

حياة تنتر نتيه جميله يا مطيع اثرك حق شاات ودردشة وحركاات

وانا كنت متوقع ان مافيه احد يدخل الشاات الا انا من الاعضاء <== طبعاً اول الحين اكرها كره الله لا يوريكم اد كرهي لكلي هلالي والمشاغب

على العموم الله يعطيكم العاافيه على المجله وتشكرااتي لكم واحسنتم الاختياار

كلي هلالي بسرعه رد عشان يكون قروب ادفعني وادفعك اول من يرد على المجلهه

محجوز بالواسطة
============
عدنا

إقتباس إعداد / سهل تصميم / عاشق بو يعقوب فكرة / الماسه الزرقاء

مشكورين ويعطيكم ألف عافية

إقتباس وكما تعلمون فهي عبارة عن سلسلة ستستمر معنا بإذن الله لفترة ما في مجلسنا العام إعتماداً على تفاعلكم الكريم

كل هالتفاعل وش تبون بعد >>> ترى أمزح

إقتباس قاطين في الاشتراك مثل الي يقطون في اليوزرات <<<<<ما يلمح أبد

ههههههههههههههههه
قويييييييية

إقتباس وقد تعرضت للاجحاف في البداية كأي يوزر ( مذكر ) جديد في اي منتدى اقولها بكل صراحة

أرفع القبعة احتراماً لك على هذه الجملة >>> مع إني مو لابس قبعة

إقتباس المشاركة الوحيدة التي كتبتها ليس من دفتري وانما فتحت موضوع جديد وكتبتها

الصراحة ما فهمت

إقتباس فتحت الموقع وكان جدا بسيط عبارة عن روابط وكان من ضمن الروابط رابط عرب شات بس يا كان غثة ذاك الشات لانه تجيك صفحة لودينج بالاول احيانا تقعد نصف ساعة عشان يفتح واحيانا ما يفتح وتقفل معاي

شنو إللي وداك لهالشات دام ما يفتح على طول
قلة مواقع الشات يعني >>> روح طقه أحسن

إقتباس لان سرعتي في الكتابة كانت بطيئة والعالم يوصلون الرياض وانا توي ادق سلف في الخبر

أنا ذاك اليوم كنت أكلم واحد بالمسنجر وقام سألني سؤال عاد أنا قاعد سنة أكتب الرد وهو كل شوي يقول هاااا وينك

إقتباس في الختام لا أملك الا أن أشكر مجددا القائمين على هذه الشبكة بشكل عام والمجلس بشكل خاص وجميع الاعضاء

والشكر لك أخي مطيع على اخبارنا بتاريخك الإنترنتي الجميل وعلى أسلوبك الرائع في صياغته

حبيت ارحب بالمبدع مطيع وإطلالته الجميله .. وبإذن الله لي عوووده ..’’

..

.

كتبت رد طويل وانحذف >>>جلست تصارخ واختي تقول خير
..


..


هلا بالاستاذ مطيع الهميمي .......>> ماسكه معاي الاستاذ مطيع الهميمي مدري ليه

الله مير يعافي موقع اين كانت بدايه كل انطلاقه لمسبح النت

وبخصوص الهواش على الاوقات تذكرت انا واختي انواع الهواش واحيانا مايفكنا الا الوالدة
بس الله يعافي الدي اس ال فك ازمات

مطيع الهميمي
شخصية هادية طيبة
متميزة بلاشك
ولكن غامضه كما ذكر المشاغب

مانكر ان للمتالق مطيع فضل بعد الله على تالق الهنوووف >>واثقه
يمكن هالشي يجهله الاخ مطيع ولكن اانا ماجهله
فكانت ردودة وتعليقاته بمثابه تشجيع لي وكان حضورة بمواضيعي او تعليقه على بعض الردود لي يسعدني


مطيع كان من الاوائل الي اطلقتو علي لقب فراشه المنتدى كوني استحقه او لا مايهمني
ولكن الي يهمني الاعضاء الكبار الي اطلقوة علي وكان مطيع احدهم
الي اطلقوة علي هم السبب الي يخليني افتخر واعتز بهاللقب

بما ان لهذا الاخ فضل الله بعد الله في تالقي >>>مازالت واثقه
فكنت استحي اقول مطيع الهميمي لازم اقول الاستاذ >>مسوية مؤدبه


ايه غلطت علي ومارضى الا بتذكرة سفر وحضور لمباره المنتخب
ماجا منك الا الخير

دمتـ قلم متالـق
ودام تواجدك بمجلسنـا


بانتظار العضو القادم بس ليه ماقلتو مين

ود يليق بكم جميعـا

إقتباس ضيفنا لخامس عدد من هذه السلسلة هو المميز المبدع «¤¶`مطيع الهميمي `¶¤»

مرحبا بك يا مطيع الهميمي

إقتباس وبعده بدأت الرحلة اليومية ادق سلف من أين ولا اوقف الى اذا جاء اخوي يصارخ دوري انتهت ساعتك

نفس المعاناة

إقتباس بعدها بديت رحلة البحث عن الشات وكيف ادخل شات

نفسي اعرف ليش اكثر الناس اول مايدخلون النت يبدون بالشات

إقتباس مدري ليه اخترت اسمي يمكن يعكس الوضوح الي احبه

بصراحه مافهمت معنى الوضوح اللي تحبه بالعكس انا احس انك غامض ورسمي وجاد لابعد حد بالرغم اني لااعرفك الا اني حسيت بهذا الشي

إقتباس تعرف على موقع غير شكل

ماشاء الله كل شي عندك غير شكل

إقتباس إعداد / سهل تصميم / عاشق بو يعقوب فكرة / الماسه الزرقاء

الله يعطيكم العافية على هذه الجهود المبذولة

محجووووووووووز <<< يبي ينشب

ياهلا والله وغلا .. نورت المجلس مطيع ..

حياة حلوة .. أتمنى لك من كل قلبي السعادة و التوفيق ...

لاعدمتك ..

أختك : ليز

ياهلا والله بـ مطيــع الهميمي يالله ان تحييه


لقاء راااائع مع سبااح النت مطيع


شكرا للغالي _ مطيع الهميمي

إقتباس إعداد / سهل تصميم / عاشق بو يعقوب فكرة / الماسه الزرقاء

الله يعطيكم الف عااافيه على المجهووود الراااائع وبإنتظار الضيف الجديد

ما شاء الله حياة نتيه مميزه

بس عندي سعال وشلون تكتبون الخواطر ماشاء الله عليكم(والله يا انا اكره الخواطر)


جعلك تلقا ما تمنى

إقتباس إعداد / سهل تصميم / عاشق بو يعقوب فكرة / الماسه الزرقاء

لا عدمناكم على المجهود

,,,
,,
,









المتوشح بـ النقاء / مطيع الهميمي







هي لحظة رائعه قدوم ذلكـَ الجهاز في داركـَ فـ لقد انولد نبع من الابداع ,,
فـ مسألة التميز والوصول اليها ربما تكون امرا سهلا .. ولكن مواصلة السير
على رتمِ التألق فوق موجةِ الابداع ليس بـ الامر الهينِ ولكنكـَ بـ هذه الوتيره
وكأن حرفكـَ لا يعرف الا السير بـ اتجاه التألق دوما ...

إقتباس واعتبر ذلك الموقع البداية الفعلية لي في كتابة الخاطرة

كانت اجمل بدايه .. وبـ الفعل الانترنت اجده عامل مهم في تطوير الذات
واكتساب الموهبه بـ طريقه رائعه بعيدا عن التعقيد ,,
لكـَ مني خالص الامنيات بـ دوام التوفيق ..






ولـ الاحبه استشاريي ومشرفي المجلس العام على هذه النافذة الرائعه وهذا الجهد المبذول ,,
وبكل تاكيد سـ ننتظر بـ شوق الضيف القادم ,,










****







كونوا بخير
...SoMe OnE...