من الذي يعمل انت ام الادراه -من الذي يخطط انت ام الاداره
 

بسم الله 00السلام عليكم
ادخل في صلب الموضوع ---
كل مادخلت المنتدى احصل احنا ماوقعنا مع اللاعب فلان وعلان وزيد وعبيد وغيره ياخي انت سبب في افشال الصفقات يجي واحد حصريا اللاعب الفلاني يوقع مع الهلال ووووالخ00
جاك ابو البلاوي يمسح طبلونه اقرب مثال عبدالرحمن القحطاني اعاره لمدة موسم بمبلغ خيالي يقولي واحد وش ذا الخرابيط اقوله تذكر الرجه في المنتدى القحطاني هلالي 100% حتى شوفوا لابس الفانيله الهلاليه --- الطريدي كذلك الاتحاد فاتح له شيك مفتوح \
ويجي واحد شوفوا النصر تحرك وتعاقد واحنا جالسين وووووالخ
ارجوا من الجماهير الصبر وعدم الظغط على الاداره لانهم اعلم مني ومنك بمصلحة الهلال ويريدون الصفقات سريه حتى تتم رسميا بعد ذلك
افرحوا اكتبوا سوااا اللي تبغون 0
وشكرا

اتمنى ان الله يوفق الإدارة مع ان المأشرات تشير للأحباط بس الله يعين

شكرا على المرور وان شا الله كل شي بوقته حلو

الواجب اننا ما ننشر اي موضوع على الصفقات

شكرا لك

وين العمل اللي تقول عليه غير تجديد عقود بعض اللاعبين
وين تخطيط الإدارة كم جلسنا نفاوض مدربين وفي النهاية راحوا الإمارات
واللاعبين الأجانب يمكن نص اللاعبين اللي في العالم فاوضناهم وكل مرة الصفقة مبالغ فيها اللاعب ما يناسب فلان دخل في مزايدة
اللاعبين المحليين القحطاني لو الهلال جاد في المفاوضات كان صارت الثمانية مليون قيمة انتقال كامل والحجة الهلال ما يحتاجه لأن الشلهوب موجود هذا الشلهوب مصاب من اللي بيلعب بداله
الخيبري والطريدي وكامل وهوساوي والعمري وشبيب والغامدي وفي النهاية ولا واحد ..
والكارثة طلبات وحب خشوم وطرارة للبلطان ينسحب من صفقة الطريدي ويطلع علينا نائب رئيس القادسية ويقول منتظرين العرض الرسمي من الهلال تخيل كل اليوم الطويل ذا ولا فيه عرض رسمي وتقول تخطيط وعمل
غير الكوارث اللاعبين اللي عندنا وما يفدون النادي وحارمين اللاعبين الشباب من فرصتهم وبدون ذكر أسماء وباقي متمسكين فيهم
معسكر الفريق من سويسرا لتونس وما نستغرب إذا ألغوه وإلا بياخذون لاعبين للمعسكر وبعدين ما يلعب منهم أحد مثل معسكر السنة اللي راحت
إن ضغطنا على اإدارة من حقنا أنت بتشارك في ست بطولات السنة الجاية وإلى الآن ما سويت شيء كم باقي على الخليجية ؟ كم باقي على الآسيوية ؟ كيف بتعوض جمهورك عن السنة الماضية ؟
إلى متى واحنا نصبر وننتظر كل الفرق تعاقدت وجابت وسوت النصر قاعد يشتغل لاعبين محليين وأجانب البلوي كل ما قالوا جماهير ناديه نبي فلان جاب لهم فلان مهما كان الثمن اللي احنا قاعدين نشوفه مبالغ فيه لأنا نبي حاجتين
لاعب مجاني والشيء الثاني ما حد يدخل معنا في الصفقة
الإدارة للأسف قاعدة تلعب بأعصاب الجمهور والحال من سيء لأسوأ
وما نقول الا الله يصبرنا على الأيام الجاية
كلنا نحب نادينا وإدارتنا وأعضاء الشرف وكل العاملين في النادي و....
بس الوقت يسرقنا والإدارة ما سوت شيء السنة الجاية تحتاج عمل مضاعف عكس السنوات الماضية انت خارج من موسم بلوشي وبطولة آسيوية تؤهلك للعالمية وزيادة بطولة محلية .... يعني إذا استمر الوضع مثل اللي نشوفه انس بطولات

ياخي واحنا عندنا صفقات علشان نتكتم عليها :confused:

من حق جمهور الهلال ان يبدي رأيه حول موضوع ما
وفي الاخير الادارة الهلالية هي من سيتحمل نتائج قراراتها على جميع الاصعدة
وبالتوفيق للهلال