السلام عليكم ورحمة الله
اللا عب الاجنبي في ملاعبنا السعوديه اصبح شي لابد منه
كل فريق فيه لاعب على الاقل ..... ومااحد مننا ينكر حاجة الفرق لهذا اللاعب ....
لكن حال الفرق مع اللاعب الاجنبي حال لا يرثى له ....الفرق تدفع على لاعبين اسم لاعب فقط لو اجزم انا ان احتياط الدرجه الثانيه افضل منهم
وليتها على كيذا بعد بس الحين الفرق ماتبحث اكثر شي الا على لاعب اجني مهاجم او وسط متقدم وهذا انا اجزم انه راح يكون السبب الرئيسي لدمار الكره السعوديه انا اسألكم الحين من من المهاجمين السعوديين يعتبر بارز ........للاسف يمكن واح او اثنين بس والباقي مع الاسف خسسسسس
وش راح يكون حال المنتخب بعد كم سنه ......ماراح يكون في مهاجم ولا لاعب وسط راح يعاني من شححح المهاجمين ولاعبين الوسط وهذا ليس لأن السعوديه مابها مو اهب لا طبعا هذا بسبب تعامل الفرق والانديه مع هذه الموهبه الحين اذا انصاب لاعب كبير وصار لازم يقعد بدون لعب مده وقدرها .....على طول تلقون الرئيس والنادي يتعاقدون مع لاعب اجنبي ويتركون اللاعب السعودي بالاحتياط ولاحتى يعبرونه ويقولون نعاني من شح المواهب هالشح هذا من سببه ....انتم انا لست ضد اللاعب الاجنبي طبعا لكن انا ضد حالنا معهم
اقرب مثال لتعامل الانديه مع اللاعب السعودي الشاب هو تعامل نادي الهلال مع الشلهوب لولا الله ثم يوردانيسكو كان ماطلع الشلهوب حتى يوم كانوا يدورون على لاعب اجنبي بنفس خانة الشلهوب والشلهوب كان توه طالع على الملاعب يعني موجود ومعروف راحوا تعاقدوا مع ليناردوا بس الحمدلله المدرب رفض تعاقدهم معه واعطى الفرصه كامله للشلهوب والحين شوفوا الشلهوب ابرز لاعب سعودي شاب موجود ..............
انا مثل ماقلت لست ضد اللاعب الاجنبي بس انا كاقتراح بسيط وارجوا الرد علي بهالاقتراح هو انه يقلل عدد اللاعبين الاجانب المسموح بالتعاقد مهعم الى لاعب واحد فقط لاغير وهذا راح يكون افضل للأنديه وللكره السعوديه بالمستقبل حتى لو يطبق هذا الاقتراح بس لموسم واحد فقط وانا اجزم لو طبقوا النظام هذا موسم واحد بس راح تشوفون مدرب المنتخب يحتار من يختار لاعبين راح تظهر للساحه الكرويه مواهب شابه كثيره ....
المواهب موجوده الحين بكل نادي وبكل فريق حاره بعد بس وين الفرصه وينها
وسلامتكم وارجوا ان تردوا على بالموافقه على رأيي او رفضها وان تظيفوا ارائكم بخصوص الموضوع ............................................وسلام