|
>>>>>>>>>>>ودي أقول شي ماينسكت عنه<<<<<<<<<<< السلام عليكم ورحمة الله وبركاته بما اني معتزل الكتابه بس لحظة شي ماينسكت عنه واتوقع ان الي يتكلم فيه حثالة لانهم ناكرين الجميل الذي قدمه (( سام 6)) اللاعب الكبير الخلوق سامي الجابر الذي دائما ما امتعنا وااذاقنا طعم البطولات مع زملائة هل يعقل ان يتم ان نتهجم على هذا اللاعب بها الشكل وان نجلس مكتوفين الايدي سامي صنع له تاريخ لا يصنعه سواه للاعب ذكي داخل الملعب وخارجه اتحدى من جلس مع سامي ان يفتحه فمه لانه في قمة تواضعه ويعرفه من قرب اعرف كثيرين كانو يكرهون سامي بسبب تكسيره لوجوههم وفرقهم ومن جلسة معه تغير كلامهم عن سامي فهو للاعب فنان داخل الملعب وخارجه ويعرف كيف يلجم افواه الحاقدين ارجعو لسابق وكيف كان يحرث الملعب طول وعرض من ينسى البطولة العربيه عندما مزق شباك العربي الكويتي وكان الهلال وقته ناقص للاعب من الدقيقه الثانيه من الشوط الاول والمطرود أحمد بهجا ارجعو لمبارة الحلم مبارة الشباب وما ذا فعل في اخر الدقايق انا عن نفسي هذين المبارتين تجعلة في عيني للاعب خارق للعاده للاعب من طينة الكبار والمبارة كثير الي حسمها الحاسم سامي فكبرو عقولكم وتنحو عن المز والغمز في وسام الهلال سامي الجابر نعم انه وسام جعلو منه للاعب منتهي الصلاحية وللاعب صنعه الاعلام حتى قيل انه ما يعرف يثبت الكورة فاقول لهم حتى لو كان يمشي بعكازين فوجوده في الملعب يجعلكم تضعون ايديكم على قلوبكم وهو بعكازاته واذا كان لا يهمكم سامي فسالو مصطفى ادريس عن 100 الف واسالو مساعد الطرير عن لكمة المرشد وسالو وليد عبد ربة واسالو كثير من اللاعبين لماذا يتعمدون اصابته لانه اكل الجو على مجنسيهم واخذا يصول ويجول في ساحة الابداع فلله درررررررررررررك ياســــــــــــــــــــــــــامــــــــي الــــــــــــجــــــــــابـــــــــر0 عرضيات * استغرب عدم حسم اي صفقه محلية وهل الهلال يعجز عن البلوي فاذا عجز فكيف اتو بياسر؟ * استغرب عدم حسم صفقة للاعب الاجنبي الثالث اذا تبون تجيبون للاعب من طينة الفان فاانتم مخيرين بين اعطاء الفرصة للاعبين الشباب امثال الصويلح والسعود والعنبر والكلثم او انكم تجيبون بدر المطوع تراه رخيص ويلعب وواقل شي نعرفه واذا ما تبونه جيبو ظهير ايمن يحفظ ماء وجه دفاعنا الي صاير شوربه 0 *الا متى لايعلن تنسيق او بيع او اعارة بعض اللاعبين هل هو خوف من الاعلام او الجمهور وش خسران الهلال لو اعارة نص للاعبين الاولمبي خلهم يبرزون وشف وش بتسوي بلفرق الاخرى صدقني تنسى تشتري للاعبين محليين0 * استغرب تنسيق للاعب مثل احمد عباس00000 والبرقان وشلته جالسة يعنبو الواسطه الي اتعبتنا مدري متى بنرتاح0 * سمعت ان فيه للاعب وسط في اولمبي الهلال فنان اسمه راكان البريهي اذا مهو معجب المدربين سوو له اعارة وشوفو مستواه احسن من دفنه في الاولمبي ويقولون المفرج الصغير ما اخذ افضل للاعب كم مره في دورة كلية اليمامه وهو ظهير ايمن منتو ملعبينه سووو له اعارة اتوقع انه افضل من الياس والعنقري والغامدي الي سمعنا عنه حق الفيصلي الي يشبه التائب ترى مو كل واحد يشبه التائب يطلع فنان0 * ترى ميسي عمره 19 سنه ومسوي البدع في فرق مو فرقنا يعني لو نعطي الفريدي والدوسري فرصة اتوقع انك راح تشوف ثنيان وشلهوب جدد بس مشكلتنا ما نعطي اللاعب فرصة الا عمره 30 وبعده نقول ما يعرف يلعب وننسقه كن اللعب محصور على الكبار بس مو الشباب0 ياخي شف نادي الشباب والاهلي كل يوم طالع عندهم للاعب فلته وينفعهم الله يخلف علينا0 الا اجيب واحد يرفع ضغطك مثل العنقري وطيب الذكر الياس الي كن الملعب مسبح كل شوي طاب على بطنه0 *اعتبر اي للاعب يروح لي فريق الاولمبي فيعتبر نفسه في مقبرة لن يطلع منها الا بتنسيقه0 * الله يذكرك يا الدوخي بلخير لا تقولون هو الي باعنا لو زادوة الا اربعه مليون وش بيضرهم نواف سته وعمر خمسه والخافي اعظم يعني وقفة على الدوخي اربعه مليون الله يعينا على الخساير والسبب الظهير الايمن0 |
ياخوي والله ما ذبحنا إلا هالواسطات ,, ولا معقوله لاعب مثل ( فهد المفرج ) له اكثر من 10 سنوات وهو ضامن خانته والافضل منه ينسقون !! وبالنسبة لإعطاء اللعبين الصاعدين فرصه فهاذا الشي مطموس من قاموس الإدارة الهلالية للاسف ,, ألـــــف شكر لك |
يا اخي المفرج لاعب كبير وانا ما اسمح لاحد يتكلم في نجمنا الكبير مشكوووور اخوي |
ليه متسمح ومن قالك نجمك الكبير اخوي فهد نحترمه كشخص كلاعب نختلف عليه مقتنع فيه براحتك بس من حق غيرك ينتقد. |
والله صدقتو الوسطات مدهورة الهلال والله بعض الأعبين ما يستاهلون ولادرجة3 بس أنشاء الله يتعدل الوضع بأقرب وقت |
إقتباس:
|
إقتباس:
|
إقتباس:
|
موضوعك في محله وخاصة العرضيات كل القريبين من النادي يؤكدون إن هناك مواهب بتدفن والسبب الوااااااسطة والاستعداد للموسم الجاي صفر في صفر لا لاعبين محليين ولا تعاقد مع لاعب أجنبي شوفوا النصر كيف بدأ يشتغل من نهاية الموسم الماضي واحنا نايمين في العسل |
شكرا على مرور الجميع وترى هذي وجة نظر اشوفها صايرة بنادي الهلال فقط 0 |
إقتباس:
|
إقتباس:
وبالنسبه للواسطه انا معك فيها اما حكايه النصر مستعد من الحين ياغالي النصر تعاقد مع الواكد والزهراني والعتيبي ومع احترامي لهم الا انه صلاحيتهم منتهيه يعني كديش ضموهم لكديشهم واما الهلال لاعبينه ما شاءالله عليهم كلهم نجوووم واي نااادي يتمنى ضمهم لصفوفه وياليت ما تقارنا بالنصر لان الهلال صرح شامخ بجمهوره ولاعبينه واداره |
مشكورين على ردودكم ووجهة نظركم 0 |
| الوقت المعتمد في المنتدى بتوقيت جرينتش +3.
الوقت الان » 06:40 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd