..اخذة دور آلبطووله في آحلامي ..!! - نادي الهلال السعودي - شبكة الزعيم

Van Persie · #1 07/07/2007, 07:57 AM

سلآمآً من الله عليكم ورحمة الله وبركاته
عبدالله الحربي يحيكم :p
888
يااشين التأثر
مااعليناا هلا والله حيااكم
ابقص لكم قصتي <<يعني سكرو الاتصال عشان مايصرف
مره من المرات والقمر بالسمااء والنجووم حووله واشوف التلفزيون

واحط على ذاك المسلسل التاريخي واتحمس من التحمس ادور سيف

ويجيك الوالد ويصبخ دميجتي يقولي يالله اذلف يكفي مامليت
تكفي يباء بشووف بس شووي قال:الخلابس

ويحط على هالاخبار انا بفهم وش يبون بالاخبار

الظاهر ان الوالد يشوف الاسهم

<<اللفقه بس
واقعد اهووجس
ولا ادري الا انا طاااب بصحراء
ادور نااس ادور شي مالقيت شي
صاار الليل وبدا الخوف يدخل قلب صاحبكم

ومن شدة الجوع والخوف والعطش
مادريت الا احد يصحيني
وانا بصحى اهووجس <<كل وقت يهووجس
قلت ماحد يصحيني بالنعومه ذي خابر الولد يرفسني

الا وذاك الصووت النااعم
يوم التفت الا ذيك الملثمه قداامي
قالت : هي قف ايه الفتى الوسيم<<الوسيم جايبه من عندي:p
قلت : هلا سمي وش تبين امري بس
قالت : انت عربي ؟مابه كلامك هكذا
قلت : الا سعوودي بعد افا عليك بس

قالت:!!!<<يعني مستغربه <<اللفقه بس
قالت : ومالذي اتى بكى هناا ؟
بيني وبينكم هاللحظه قالي كبريآئي لاتقول ضايع شف وهي بنت ماضاعت
قلت : ابد ادور لي كم اسد للعشاء

الظاهر تقول بنفسه ذا مهيطي خلني اخذه شكله ضاايع
قالت: مآسمك ياافتى ؟
قلت : فاان بيرسي

قالت: تشرفناا ياولد بيرسي:p
قلت:وانتي وش اسمك

قالت :ويحك يافتى
قلت:وش دعوا انتي تعرفين اسمي وانا لا

قالت : اتبعني يافتى < احس ودهاا تقول ولايكثر

قالت: مابهاا ملابسك غريبه ؟؟
قلت : ذولي حقاات صيد الاسود:p
وابدا امشي وهي معهاا خيل وانا على رجولي

وتوديني لذيك الخيمه صراحه نااس حبوبين وطيوبين <<أي هين بس
اول مادخلت الا اخووها البثر نشب بي
من انت وش تبي وش جابك مع اختي وش تسووي وش هالملابس
قلت اجرب الضربه حقت ابوي الي دايم يسويهاا فيني
الا وتنفع وينقلع عني
ويجي اخوه الكبير
ماذا فعلت باخي ؟؟
انا : ماسويت شي
هو: ويحك تكذب علي ؟
انا : اقول عااد ترا قسم بالله لاشووتك شوته ولا شووت الجمعان

هو: لالا ماعليك هم هكذا البزران <<خاف

عااد هو راح لابوه ياابتي .؟
ابوه : نعم
هو: ترا معه سلاح فتاك واسمه العجمان <<يقصدالجمعان:p
انا:صاادق ابعدوو عني بس

ابوه: ماسمك انت؟
انا : فان بيرسي
انا خفت اقول وش اسمك ينطون فيني مثل البنت تشجعت وقلت له
انا : ماسمكم ؟<<عشان يفهمون

ابوه:الا تعرفني انا من قطعت البحاار والانهار والصحراء اسمي سيف<ابوهم مهيطي

انا : وانت يالدلخ وش اسمك

اخوهم الكبير: اسمي سهيل <<ترا ماقصد سهل يروح احد يلعمه وانا جديد ويوقفني

ويجي سهيل ويقول تعال معي لاوريك المكاان قلت يالله مشيناا
قبل مايوريني المكاان وهو قاعد ساعه يحاول يركبني بالحصان
قلت : يالله شلني تراني نتفه

الا واشوف البنت تضحك لاني ماعرف اركب
قلت لي ساعه اعلمك شلوون تركب الخيل على طريقتي وخر ماتعرف بس!
واجي واركبه ولا عنتر على هالركووب

وخايف شلوون بووقفه
الله يعزك يالسياره يااحبي للفرامل

والحمدلله بدا الحصان يمشي عاادي وسهيل يمشي معي وكذا
الا وتوقفنا شله وقال سهيل هي بناا نهرب يافان قلت ليش قال انهم لصوص
قلت افا عليك تهرب وانا معك وقف وقف على جنب بس انا اوريك
ويوقفنا ذاك الواحد الي يخووف قال ماذا تفعلون هنا ؟ قلت وانت وش دخلك
قال: انك لاتعرفني جيدآً انني ابو شخط قلت والنعم بس وخر خل نمشي
قال: اعطوني مابحوزتكم قلت لاعااد هناا اوريك انا فكني ياسهيل عليه فكني
الا ويطلع سيفه ويجي قدامي
واذكر ان معي الجوال واطلعه قلت ترا الي بيقررب بيمووت منه
قال سهيل هذا العجمان قلت اللفقه بس اعلمك بعدين
الجزء الثااني قريبآُ واسف اني طوولت عليكم وراح احطه اذا تفاعلتوو
وابي ترحيب فيني تراني جديد بقراطيسي
فان بيرسي
كان
هنا
وذلف
8
ياويله من الهنووف :p ترا امزح
ادري ان نص الموضوع قالت وقال

تشششاو<<حتى نمر 15 ماسلم منه <<نعنبوك تووك جديد ومطيح المياانه:p