|
مفاوضة اللاعب مـاتوزاليم بسم الله الرحمن الرحيم السلام عيكم.... اول شي ترى هالموضوع مجرد فكرة تعـاقد .. لا هو خبر او مفاوضات ولا شي ،، ماابغى تجيني دعوات زي اللي تجي على مـصادر الغفله ،، اول شي باقولكم فكرتي عن اللاعب ( ماتوزاليم ) ،، اذكر ان اللاعب قـدم مستوى خرافي مع بريشيا بـموسم 2004 .. وكانت كل الانديه الايطاليه الكبيره تـبغاه مثل ( اليوفي ) و ( الانتر ) و ( روما ) ،، وكان الكل يتنبأ له بـمستقبل حلو .. لكن فجاه ( ماتوزاليم ) سوا حركه غبيه وغربيه ،، انتقل لـ النادي الثاني بـ اوكرانيا ( شـاختار دونيتسك ) .. وبعد ماانتقل لـ الدوري الاوكراني المغمور بالنسبه للدوريات الاوروبيه المعروفه .. قلت شعبيته والضجه الاعلاميه اللي كانت عليه ،، واللاعب انا شخصـياً اذكره بـ فتره بريشيا بس .. ويوم راح لـ شاختار دونيتسك ماعاد سمعت عنه ،، ادري بعض الناس بيقولون ان وش نبي بـ لاعب كان كويس والحين مستواه زفت زي ( جيوفاني ) يوم جا للـهلال ،، باقول لـهالناس اصبروا شوي وراكم مستعجلين ؟ اول شي .. : بـهالموسم لعبوا شاختار ضد اشبيليه الاسباني بالـ Uefa Cup اللي اخذها اشبيليه ،، و ( ماتوزاليم ) بـ ذيك المباراه سجل هدف خـرافي الكثير قال انه احلى هدف بـهالموسم كله ،، وباجيب لكم فيديو لـ هالهدف بعدين بهالموضوع ،، وثاني شي .. : جيوفاني يوم جانا كان باخر الثـلاثينيات .. بس ماتوزاليم توه عـمره ( 27 ) سنه ،، وعلى فكره ترى اللاعب مـركزه الاصلي ( صانع العاب ) ويلعب ( مـهاجم ثاني ) .. يعني ينفع لنا ان شاء الله بالآسـيويه ،، هذا فـيديو لـ هدفه قدام اشبيليه .. : http://www.youtube.com/watch?v=5uyXQrRJ73Q وعلى فكره يوم سـويت برنت عن اللاعب لقيت خبر ان ( سـرقسطه ) الاسباني يفاوضونه .. بس دورت بكل المواقع العالميه على اخبار عن تطورات هالمفاوضات مالقيت شي عنها .. يعني سرقسطه مو مهتمين فيه لـذيك الدرجه ،، والخبر الحلو اني لقيت خبر عنه بعد انه مـتطاق مع ناديه ووده ينتقل بـ اللي هي به ،، وهذي معلومات سـريعه عنه .. : http://it.uefa.com/multimediafiles/p...diumsquare.jpg الاسم الكـامل .. : فرانسلينو ماتوزاليم دا سـيلفا تاريخ المـيلاد .. : 10/ 6 / 1980 مكان المـيلاد .. : ناتال بـالبرازيل الطول .. : 1.75 الوزن .. : 59 الانديه اللي لـعب لها .. : 1997-1999 .. : بـاهيا 1999-2001 .. : نـابولي 2001-2002 .. : باتشـينزا 2002-2004 .. : بريشـيا 2004- للحين .. : شاختار دونيتسك ياليت اي احد من المـصادر المعروفه يقول لـ ادارة النادي عن هاللاعب .. وصدقوني لو جا بيكون مـكسب كبير للـكره السعوديه ،، تحياتــ الموج الكاسر ـــــي الرجاء الرد بكل ادب وعقلانيه لكي تتم الاستفادة من الموضوع |
تبي احلف لك...والله مايجي,,, ياخي ادارة الهلال غريبه... ونتمى اي لاعب يخدم الهلال |
؟؟؟؟ نتكلم ونتعب والنتيجه مهوب جايبينه |
إقتباس:
^^^^^^ كيف يكلم ادارة النادي:D .. ومكسب للكورة السعودية:D .. اذا بدع بيكون مكسب للهلال:D .. شاكر لك جهودك اخوي وهدفه اللي بالرابط مجنوووون .. تقبل مروري ..:yes: |
اشكركم كثير الشكر على المرور تحياتـــ(الموج الكاسر)ــــــي |
نبي لاعبي دفاع فقط لمساندة تفاريس والمرشدي والمفرج |
والله يآآ اخوووي المــوج الكــــآآسر يااااماااا طالبنآآآآ بلآآعبين من مستواا هــذآى اللآآعب الفنــآآآن وأفضل منــه لكن وش تقووول بس الإدااره مو معطيه الجمهووور وجه أنا كتبت عن معلووماات وجبت فيديو للآعب أقوول اتمنى يجي للهلآآل وبعد كلآآمي بشهرين لعب بطووله مع منتخب وأبدع وألحين هووو مع ليوون الفرنسي ونجم معهم لكنـ وش نقووووووول بس حنــآآآ نتبع ونتقطع وما أحد يمناااا للآسفـ وألفــ شكرر لك أخوووي عالموضووووع الرااااااائع والله فنـآآآآآآآن والله مكسب للهلآآل إذا ماكاان فيه أصااباات ولآآ شيء |
والله يآآ اخوووي المــوج الكــــآآسر يااااماااا طالبنآآآآ بلآآعبين من مستواا هــذآى اللآآعب الفنــآآآن وأفضل منــه لكن وش تقووول بس الإدااره مو معطيه الجمهووور وجه أنا كتبت عن معلووماات وجبت فيديو للآعب أقوول اتمنى يجي للهلآآل وبعد كلآآمي بشهرين لعب بطووله مع منتخب وأبدع وألحين هووو مع ليوون الفرنسي ونجم معهم لكنـ وش نقووووووول بس حنــآآآ نتبع ونتقطع وما أحد يمناااا للآسفـ وألفــ شكرر لك أخوووي عالموضووووع الرااااااائع والله فنـآآآآآآآن لك والله مكسب للهلآآل إذا ماكاان فيه أصااباات ولآآ شيء |
لاعب اكثر من رائع وهذا فيديو اعجبني كثيرا للاعب هذا ميسي رقم 2 http://www.youtube.com/watch?v=Q0CH30XCMGw&NR=1 |
والله فنان بس من يسمعنا ويوصلها للاداره |
هذا ميسي نمبر 2 , بس ربعنا اذا كان على الطريدي ولا امداها وشلون باوكرانيا , يا عالم نروح ندور بعيد وعندنا يالخليج خامات جيدة مثل الحوسني والا اسماعيل مطر والا بدر المطوع (( اقلها شي مضمون و معروفين )) |
مشكور وشخصياً أتذكره مع بريشيا وكان يقدم مستويات كبيرة مع باجيو:thumbup: و أبياه:thumbup: لكني ياعزيزي النجم ماتوزالم ليس راس حربه صريح ، يعني لو نجيبه بيكون في الوسط ..!! يعني ما نحتاجه فعلاً ، ولو نبحث عن غيره بيكون أفضل للزعيم >>>> يعني مصدق ان الاداره تفاوضه:D |
والله الاعب ما اعرفه بس واضح عليه انه لاعب ممتاز والهدف اللي سجله روووووووووووووووووووووعه |
إقتباس:
|
8 8 8 8 8 8 حتى لو كان وسط ياليت يجي ... أما بالنسبه لك أخوي الموج الكاسر ... مع أنك أعطيتنا فكرة عن اللاعب ... بس مع أحترامي كانك ماتعرف الهلال !!! حدنا لاعب أفريقي أو برازيلي مغمور أو شايب ... جمهور الهلال طموحة لاعب مثل ألي ذكرته يخدم الهلال ... بس للأسف هذا طموح أدارة الهلال ... ومشكور على الموضوع ... |
| الوقت المعتمد في المنتدى بتوقيت جرينتش +3.
الوقت الان » 02:42 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd