نادي الهلال السعودي - شبكة الزعيم - الموقع الرسمي - ▓███ بوذا رب على حسب اليوم ▓███

السلام عليكم ورحمه الله وبركاته

اليوم فكرت أكتب لكم وش صار لي بتايلند العام الماضي والورطات اللي صارت لي :D
لحد ما كرهت شئ إسمه سفر :D
كنا ثلاث أشخاص وواحد من أخوياي هو اللي مسوي البرنامج ومن قبل ما نسافر بأسبوعين وهو كل يوم ساحب أوراق من النت والأماكن اللي بنرووح لها وكل ما قلنا له انا وخويي الثالث هاه يا بطل كيف المذاكره ، يقول ما عليكم ازهلوها مالكم الا تفلونها :D
طبعا السفر لتايلند ممنوع من فتره وفتحوه للسعوديين من فتره بسيطه ، وما فيه رحلات من الخطوط السعوديه لبانكوك دايركت المهم حجزنا على الخطوط الاماراتيه وكانت الرحله ترانزيت وبنجلس بأبوظبي 8 ساعات لحد ما تقلع الطياره لبانكوك.
** لاحظوا معي أول خابور بالسفره :D :
وحنا بالطياره سألنا الذيب اللي مسوي البرنامج هاه كيف ووين بنروح ووش بنسوي تدرون وش رد علينا بعد دراسه للبرنامج وبعد ما وعندنا إنا راح نفلها وراح تكون أطلق سفره مرت علينا :D
قال ( ترا كل واحد لحاله ) :eek:
قلت كيف كل واحد لحاله ، قال يعني كل واحد يسوي اللي يبي وما أحد له دخل بالثاني :eek:
قلت بنفسي : ايووووووووووووووووووه :eek:
قلت بنفسي هذي أولها قبل ما نوصل صار خابور (هلا هلا) :D
المهم :
وصلنا لبانكوك بعد 6 ساعات إقلاع وكنت خرماااااااان وبغيت أخربها بالطياره :D
أول ما نزلت للمطار ومن الخرمه شبيتها عند مدخل المطار :D
إلا العساكر التايلنديين متجمعين علي وبغوا يفرشوني فرش :D
:D <<<< يحسب نفسه بمطار الملك خالد :laugh:
بعد ما طلعنا من المطار رحنا لحي كله عرب بتايلند وسكنا فيه على إن تايلند ما تصلح إلا للتسوق بس وكان المخطط نجلس يوم واحد ومن بكره نطلع لبتايا :D
بتايا <<<< أسمع إنها أزحف مدينه بالعالم بس لحد الآن ما شفتها :D
بعد ما اخذها غرفه بالفندق قلت بنفسي يا ولد خلني أطلع أشوف الوضع كيف بالخارج مريت على الشارع العام وكان على طول الطريق ناس تبيع على اليمين وعلى اليسار
وشفت مطعم مكتوب عليه بالعربي :rolleyes:
قلت حلوووووووو بتايلند مطعم عربي :D
الا المنطقه كلها عرب في عرب :D
:rolleyes: <<<< قلت بنفسي وش استفدت أنا طالع ما أبغا أشوف عرب :D
وأطلق شيشه موجوده ( بحريني بعد ) :D ، بس اللي إستغربته إن اللي يشتغلون بالمطاعم
من مصر :D
المهم بعد ما خلصت عشاء رجعت على نفس الشارع اللي جيت منه بس كل شئ كان متغير لحد ما شكيت إنه مو نفس الشارع :rolleyes:
الشارع إنقلب من بيع ملابس وشنط وسكاكين وغيرها شغلات على كيف كيفك ، إلا طاولات يبيعون شراب :rolleyes:
قلت بنفسي لا مو هذا الشارع ، طبعا كانت الساعه على ما اظن 2 الفجر
وعلى اليمين على طول الطريق اللي أمشي فيه واقفين الجنس الثالث :D
أنا خفت وكل ما مريت من جنب واحد سحبني وأنا أبغا انحاش بس كيف ما أدري :D
قلت يا ولد كمل نفس الطريق لحد ما تشوف لك حل ، والحمد لله صار نفس الطريق بس بعد ما تقفل الأسواق ينقلب النشاط لبيع الشراب :D
في اليوم الثاني طلعنا من الفندق وبنروح لبتايا :D
طبعا بتايا تبعد عن بانكوك 1:30 إلى ساعتين بالكثير ، على حسب السواق :D
أول ما وصلنا لبتايا إلا أشوف الشاطئ وخذنا لفه على بتايا بالسياره نشوف الوضع كيف ، المشكله اللي صارت الحبيب اللي مسوي البرنامج دلخ وما ضبط حجز لنا بأيه فندق ، وكانت الفنادق كلها فل :D
المهم بالطقاق حصلنا فندق بس المشكله بالفندق كل واحد لحاله بالغرفه :D
وكانت معنا عزبه فيها قهوه ودله وبريق شاهي وكيس رز :D
:D <<< تفكيره ان النظام مثل اندونيسيا وتورط بالعزبه اللي معه :D
العزبه لغه = يعرفونها أهل الكشتات :D
العزبه إصطلاحا = كل شئ تحطه فيه ويشيل كل شئ تبيه لايه رحله :D
ولحد الان ما ندري وش النظام في بتايا ، طلعنا نشوف الاوضاع ولقينا شارع اسمه walking stret هذا شارع كله مراقص :eek: وكان جنب الفندق ، الشارع هذا ما تدخله لا سياره ولا دباب من الساعه 7 الى الساعه 3 الفجر.
طبعا حنا ما ندري وش السالفه :D
ومن قوه الزحف في بتايا يبيعون الكوكايين بالشارع :eek:
قالوا أخوياي بنستاجر دبابات وانا ما احب شئ إسمه دباب :D ( طبعا الدبابات عندهم مثل اللي حقت التوصيل بالبقالات :D ) واحد من اخوياي استاجر الدباب هذا أما البطل الثاني ( وش أحكي لكم عنه البطل هذا )قال أنا بستاجر دباب هوندا الكبير :D
قلت له تعرف تسوقه ، قال أفا عليك لعباتي الدباب :D
قلت خلاص بركب معك وراء دامه كبير
:D <<<< يخاف من شئ اسمه دباب :D
المهم جابوا الدباب الكبير وركبت ورا والاخ من اول ما ساق والدباب يتفتف علينا :rolleyes:
قلت وش فيك قال لا ما فيه شئ بس علشان المكان ضيق :D
بغينا نخش بباص كبير والاخ يقول لعباتي الدباب بس ستر الله :D
المهم وحنا نتمشى ما مرت الا ربع ساعه ورحنا لـ walking stret بنشخص فيه :D
وحنا نمشي كنت راكب وراء والناس اللي حولنا ينادون علينا :D
انا ما ادري وش السالفه احسبهم يشجعونا :D
:D <<<< يحسب نفسه بالرياض
ما دريت الا الشرطه توقفنا وقالوا حجز لنا وللدباب ولثيابنا وكل شئ معنا :D
المهم تفاهمنا مع الشرطي ودعمناه علشان يمشينا :D
بعد ما مشانا الشرطي انا حرمت اركب الدباب وقلت ما راح اركبه روحوا انتوا انا بتمشى على رجولي :D
الساعه 3 الفجر الا اشوف خويي البطل اللي مستاجر دباب الهوندا مكسر الدباب وما خلا شئ فيه ما كسره :eek:
المرايه انكسرت وحاطها بكيسه والرفرف متكسر :D
الاخ صدم العالم وصدم سيارات :D
***لاحظوا الخابور الثاني :D
باليوم الثاني جونا اللي مستاجرين الدبابات منهم للفندق وانا ما كنت موجود واللي معي الأبطال ما يعرفون انجليزي ، خويي اتصل علي وقالي عبدالله تعال يرحم امك شف وش السالفه ، قلت وش فيك ، قال اللي مستاجرين منهم الدباب جوا عندي بالغرفه ومعصبين :D
قلت بجي الحين ، وبعد ما وصلت جلست اتفاهم مع التايلندي وافهمه على اللي صار وقال لازم تدفعون تعويض 500 دولار على الدباب :eek:
انا صاير مترجم بين التايلندي وخويي :D
وخويي رافض يعطيه المبلغ وقال ما راح اعطيه الا 50 دولار بس واذا ما يبي راح انادي الشرطه :D
التايلندي من سمع بوليس قال خله ينادي الشرطه وحنا نتفاهم معكم وراح ارسل له ناس يقتلونه وهو بغرفته :eek:
انا تنحت وخويي ما فهم شئ ، قلت لخويي اسكت وادفع له اللي يبي :eek:
بعدها بيومين :
استاجرنا دبابات جيت سكي ( دباب البحر ) ولما اخذنها جلسوا اخوياي يمزحون مع بعض وقلت لهم لا تمزحون بالامور هذي وراحوا ما ادري عنهم
المهم الاثنين راحيين بدبابين وراجعين بواحد وراكبين مع بعض :eek:
***لاحظوا الخابور الثالث :D
وهم يمزحون مع بعضهم البطل اللي مكسر دباب الهوندا صدم الثاني وانكسر رفرف الجيت سكي :D
التايلندي هددنا من جديد وقال لازم تدفعون 150 دولار تعويض :D
وخليت اللي صادم يروح يجيبها وكان شرط التايلندي إنه يحجزني عنده :D
وكنت محجوز عنده ساعه ونص :D
اللي لفت نظري بكل مكان فيه تمثال لبوذا :rolleyes: ، حتى بالشوارع العامه :rolleyes:
http://www.4zz.net/up/uploads/f0e9691613.jpg
اللي اكتشفته بعدين إن بوذا بالشارع يحمي الناس من الحوادث ، وكل يوم لازم يحطون عنده مويه والا ببسي والا اكل ، أهم شئ يحطون له شئ :D
( الفقير هناك أحسه عايش يومه يسرق من تمثال بوذا ) :D
بعدها حجزنا على بوكيت ، ولازم نطلع لبوكيت عن طريق بانكوك ورجعنا لبانكوك واخذنا طياره لبوكيت وكان مده الرحله ساعه ونص.
بصراحه ما ارتحت بالرحله الا في بوكيت لاني كنت ما اعرفهم من كثر مشاكلهم مع الناس
كنت ساحب عليهم لاني كاره السفر معم وما اقابلهم الا وقت الرحلات :D
طبعا أنا قلت لكم الخوابير المميزه ولو بكتب وش صار لي 21 يوم كان ألفت كتب :D
بس أنا مختصرها ألحين يقالي :D
وكانت الرحلات بحريه من الساعه 8 - 5 العصر وزيارات لجزر على كيف كيفك رووووووووعه
باخر رحله لنا
كان فيه زياره لمعبد بوذي :D
وكانت مشرفتين وحده بوذيه والثانيه مسلمه
لما دخلنا المعبد لفت نظري 7 اشكال لبوذا ( اللي واقف واللي منسدح واللي جالس على جنب ...... )
http://www.4zz.net/up/uploads/5a2fcdd9b5.jpg
انا سالت المشرفه البوذيه ليه الاشكال تختلف :D
قالت انت بايه يوم مولود :rolleyes:
قلت ما ادري :rolleyes:
قالت كل بوذي يعرف اليوم اللي انولد فيه :rolleyes:
قلت لها : ليه ؟؟؟
قالت اول واحد هذا رب اللي مولود يوم السبت ، والثاني رب اللي مولود يوم الاحد ................ لحد ما وصلنا لرب يوم الجمعه :D
انا ضحكت بنفسي بس خفت اني افجرها وانفرش :D
سالت المسلمه عن السخافات هذي قالت لا تلومهم قل الحمد لله على نعمه الاسلام

قلت إيه والله الحمد لله على نعمه الإسلام