بسم الله الرحمن الرحيم ....

تحيه لاعضاء منتدى الزعيم الكرام .. اخي الكريم .. اختي الكريمه

هالموضوع بيكون خارج المنزل .. وخصوصا في الشارع .. مشاهد تراها وماتعجبك سواء انت بالسياره او نازل تتمشي .. في سوق او في حديقه .. في اي مكان .. المهم خارج بيتك وعملك ... وش اكثر شي تشاهده وتحس ان عينك تكره شوفته وتتمنى انه يزول او ينمحي او يندثر .. ويزعجك كثير ... بعد اذن معاليكم طال عووومركوم ( مصري خوي امير ) راح ابداء انا في ذكر هالمشاهد اللى اتمنى تزووول .. ***********
الاشياء اللى اتمنى زوالها كثيره .. طبعا الاشياء السيئه واللى تسيئ لنا ولحضاراتنا وديننا .. لكن اللى بذكره الحين نقاط بسيطه والاعضاء الباقين يكملون سرد هذه السلبيات .. لنخرج من هذا الموضوع بااكثر السلبيات بشاعه في الشارع
1- التسول .. خصوصا اذا كان المتسول شاب ... ودي اصطره .. ودايم ابلغ عن هالنوعيه من المتسولين
2- التفحيط ... خصوصا داخل الحواري
3- وانت بالدائري ماشي في امان الله وماسك اقصى اليسار ويجي واحد يخبصك ويكبس النور ويلحم لموترك ..
خصوصا اذا كان يمينك فيه سيارات ؟؟ وين اروح يعني اطير ؟!!
4- زحمة الرياض ( خريص تحديدا ... وزود على هالزحمه يجي واحد ماسك اقصى اليمين والاشاره حمراءوومعطل ميه سياره وراه كلها تبي اليمين .. وهو واقف ومتنح .. او يستهبل ..!! هذا ودي يطبق في حقه القصاص
5- اذا شفت واحد ( يتفل .. ) اعزكم الله بالشارع
اترك المايك لباقي الاعضاء واتمنى تفاعلهم للاستفاده من السلبيات... يمكن تكون عندي او عند غيري ويتلافاها مستقبلا

تحياتي للجميع

هلا وغلآ بنور المجلس ابو طلآل.....

إقتباس 1- التسول .. خصوصا اذا كان المتسول شاب ... ودي اصطره .. ودايم ابلغ عن هالنوعيه من المتسولين

مره انآ واقف عند الاشـآرٍه ..وقاعد اقلب بالجوآل..
شوي الا اشٍـوٍف اتٍـحـآدي صغيـر..قصدي.. متســول صغيـرٍ..
وافٍــتح الشبــآك هلآ.. انآ مافهمت وش يقول رافع السبآبـه ويلحن كـلآمه ..
قلت طيب طيب.. واعطيه مدري الضاهر ريال او ميه ريال <-- مايعرف يتذكر
بٍـعد ماعطيـتـه الا يقٍــوٍلي انا مسكين مايكفي ريال
..
قلت سـلآمـآت .تدري هآت الريآل<-- ابي اشوف وش بيسوي
ولاعاد شفت الا مقفـآه ...


والله مكافحه التسول ماعندها سالفه.ونايمه عن
اللي يصـيرٍ....

merci pecaoub moisior ABO TALAL

ومنك احلى موكا

زحمة الرياض اشوفها بطريق الملك فهد اكثر من خريص وهذي وجهة نظري لما ادخل الرياض افضل خريص ويمشي بحركة اسهل

طريق الملك فهد زحمة في بعض الأحيان عشان اغلب المجمعات التجارية مع شارع العليا
لكن انصحك تروح مع التخصصي

اللي يخش قبل السيارات اغلبهم تلقاهم راعي اكسنت وطقتها واطقع مايشوف لأنه من امن العقوبة اساء الأدب

البشاعه اللي اشوفها من
الاطفال اللي بالوقت هذا بالاسواق ( اللي نافش شعره )
<<< يسمي اللي نافش شعره ( اسبوع الشجره )

حياك الله يبوطلال وموضوعك جميل
أنا بالنسبة لي :
1- ما أحب أسمع واحد يتكلم بالجوال بصوت عالي
ذاك اليوم كنت في البنك وكان فيه زحمه وفيه واحد كبير بالعمر يعني قريب الخمسين والضاهر إنه توه مشتري الجوال قام يكلم بالجوال بصوت عالي ومشغل السبيكر وقاعد يكلم بنته المشكلة إن بنته كبيرة ويقولها كلام فاضي وين أمك وين راحت والناس يسمعونه ويضحكون

2- إذا الإشارة صارت خضرا والناس وراك يضربون بوري علشان تمشي

3- إذا فيه اثنين واقفين بالسيارات في نص الشارع ويسولفون

ثانكيو عالموضوع المفيد
تحياتي

إقتباس 5- اذا شفت واحد ( يتفل .. ) اعزكم الله بالشارع

و خصوصاْ إذا فتح باب سيارته

إقتباس 3- وانت بالدائري ماشي في امان الله وماسك اقصى اليسار ويجي واحد يخبصك ويكبس النور ويلحم لموترك 5- اذا شفت واحد ( يتفل .. ) اعزكم الله بالشارع

يزعجني البنات اللي بالسوق قليلات ادب تلبس العباية كأنها فستان وبعدين ليش تطالعون

يزعجني اللي يتميلح وهو ما شاف وجهه

والله اكثر شي يزعجني ,, خارج البيت هو
زحمه الرياض ,, والله المشاوير تاخذ وقت طويييل

لكن الحمدلله على كل حال

ياساتر ع الموضوع يستفز

thanx

مشكور يا بو طلال دائما مواضيعك مميزه

والله ياخوي فيه كثير بذكرلك الي في بالي

1- الشباب الي يرفعون مسجل السياره

2- كثرة الشباب الي يدخنون والله حرااام ضياع صحه ومال

3- الناس الي ما يعرفون للدوار يجيك ماشي مليون <<تقريبا ويطمر عليك

وهو ما هو عارف ان الاولويه للي داخل الدوار


ويعطيك العافيه على المواضيع المميزه

يعطيك العافيه يا بو طلو(بدا يمون)على الموضوع الحلو الله ينفع به

ما ازيد على الاعضاء الى هالملاحظات:

1-اللي يرمي القمامه بعده بالشارع.


2-الزحمه اللي تصير قدامك واذا تبقشت الامور واثاريها وحده مع السواق وترليون واحد وراه.


3-التقليد الاعمى من لبس السلاسل والاسوار من بعض الشباب (هذا ما يمنع انك ما تلبس جينز).


وش رايكم بالتلوين

.تسلم عالموضوع

بس ماعندي شي ----------->>مسوي انه مايتسربت ف الشوارع

ههههههههههههه

عندي حل للي يفتح الباب ويتفل

اول ما تشوف واحد فتح باب السيارة وتجهز علق البببببببببببببببببببببببببببوري