عندي فكرة .. بس اسمعونيْ - نادي الهلال السعودي - شبكة الزعيم

الملك"توتي" · #1 03/07/2007, 06:02 PM

بسم الله الرحمن الرحيم

السلام شباب

ومساكم الله بالنور والسرور وعطر الزهور .. الجميل المغرور <<

وشرايكم .. شاعر من زمن آخر

المهم أنتم عارفين أن البطولة بعد اللي بعد بكرة تبدا << :p

يعني يوم السبت والمنتخب راح يلعب يوم الأربعاء ، يعني ما باقي إلأ 6 أيام

يعني ماعاد فيها نور ولا حسن معاذ

طيب لما نعرف هالمعلومات اللي مافيها جديد ماغير فضاوة مني وش نسوي ؟

انا بقولكم وش نسوي

اول شي نتفاءل

ثاني شي تكون مواضيعنا تشجيعية للمنتخب السعودي وتذكير لهم بأمجادنا

ثالث شي اللي متشاءم وماهو عاجبه المنتخب يحتفظ برأيه لنفسه . :p لأنكم عارفين إن الحين ما عاد يحتمل تشاءم اللاعبين يقرون منتدياات ..

وإذا واحد مرة مرررة يعني خلاص فيه شي يطرقع بقلبه ولسانه انتفخ مررة مرررة واصابعه ورّرمت مررة مررة يبي يحش :p خلاص مهي مشكلة يجي يرسلي رسالة عالخاص ويطلع كل اللي في قلبه عادي ..

بس لا يبلشنا برأيه هنا بالمنتدى

.. وكل ذا لصالح المنتخب

هذا شي

الشي الثاني هو الفكرة الي يتصورها الكثيرين وهي إن والله إمجادنا وما أمجادنا وخلاص ما عدنا مثل أوّل وصرنا من أقزام آسيا وكذا

هذي الفكرة ابي اوضحها للكثيرين اللي تصوروها بعد كآس آسيا 2004

وعشانا طلعنا من الدور الأول .. بس بذكرهم إن هذي أول بطولة ما نتأهل فيها للنهائي يعني من عام 84 إلى 2000 وحنا بالنهائي .. حتى البطولة صارت سامجة

وعشان طلعنا من بطولة واحدة خلاص ؟؟ صرنا ولا شي ؟؟ ومنتخبنا ما قام ينافس ؟؟

طيب ايطاليا طلعت من كأس العالم 2002 من دور الـ 16 قدام كوريا

وبعدها طلعت من الدور الأول في يورو 2004 ؟؟

وبعدين خذت كأس العالم 2006 :p

فرنسا طلعت من كاس العالم 2002 من الدور الأول وبتعدين تأهلت الدور الـ 4 في يورو 2004 :p

ولا ازيدكم من الشعر بيت .. تأهلت لنهائي كاس العالم 2006

وحنا عشان منتخبنا طلع من الدور الاول مرة وحده بكاس آسيا خلاص نكره الدنيا !!

وبصراحة انا بقولكم سر

انا فرحت يوم استراليا خشت بآسيا .. وفرحت عشان المنتخبات الآسيوية تطورت

مو عشان ما ناخذ الكاس واني اكره المنتخب وابي اشمت مثل بعض الناس

.. لا والله

بس لعدة اسباب

1 / لأن إذا الرياضة السعودية ما راح تتطور إلا اذا تطورت الكرة بآسيا .. يعني اذا وصلت منتخبات آسيوية للعالمية .. راح نوصل للعالمية .. ولاحد يضحك ويقول احلم على قدك .. لأني بقوله تذكر يوم كنا نحلم بكأس الخليج ايام ما كنا نخسر من العراق بألـ 7 وغيرها والحين وين صرنا

2 / عشان البطوٍلة تطلع حلوة .. وعشاني ماني من جمهوٍر الفوز .

.. لا الحمدلله إني افهم كورة وأحب المنافسة واعرف ان الكورة فوز وخسارة .. زي أمم أوروبا .. يخشون 12 فريق بالترشيحات على اللقب

3 / عشان ما يقعدون يضحكون علينا العالم .. كل ما اخذنا كأس آسيا قالوا : وشو كأس آسيا ؟؟ كله اليابان والصين
لا الحين اقدر ارد عليهم واقول .. استرايا معنا اليابان تطورت كوريا تطورت الصين وإيران كلها تطوّرت ..

وبصراحة كان في قلبي كلام كثير بقوله ..بس اخوي ناداني وضاعت الأفكار وانقطع السلك اللي براسي :p

واتمنى محد يرد علي ويقول :: ياخي خلك واقعي ومنتخبنا ما يقدر ومنتخبنا مدري وشو ومن هذا القبيل .. ويسوي واقعي وعلى غير سنع .. واذا واحد بيقول كذا .. برضو يرسلي عالخاص ابرك

شاكر لكم حسن استقبالكم واستضافتكم وان شاء الله نشوفكم على خير ...

تحياتي