لازم نغير قناعاتنا في النجوم فالهلال بعد إعتزال نجمي المفضل صالح النعيمه قلنا وقتها إنتهى الهلال لأن النعيمه في وقته كان صاحب الرقم القياسي في حمل الكؤوس ورغم أنه مدافع إلا أن الهلال يتأثر كثير في غيابه ولكن مالذي حدث إستمرت المدرسة الهلاليه في تخريج النجوم جيل وراء جيل حتى وصلنا لجيل الشلهوب وعزيز والغامدي مروراً بجيل المبدع الثنيان ومن بعد أسطورة الحسم سامي الجابر ولذالك إذا إعتزل سامي فلاتخافون على الهلال وأقول هذا من خبرة 30 سنة في متابعة الهلال منذ أول مباراة عرفت الهلال منها وهي لقاءه بالنصر في دور الثمانيه وفوزه 2/0 بهدفي الحبشي (الكبري) وناجي عبدالمطلوب ومن بعد هالمباراة تعلقت بالهلال تعلق الطفل بأمه وبصراحه الهلال ماقصر معي 30 سنة وهو من بطولة إلى بطولة وأعتقد بل وأزعم أنه لايوجد نادي العالم أستمر لمدة 30 سنة متواصلة يحقق البطولات بشكل متواصل بدءاً من موسم 1397هـ وحتى الآن ولايمكن ان يغيب لعامين متواصلين بل ان الأعوام التي غاب فيها تعد بأصابع اليد الواحده وأختم لاتخافون على الهلال لأن كنز هذا النادي الحقيقي بعد توفيق الله هو رجالاته وجماهيره الكبيره ومن هذه الجماهير الكبيره يأتي نجومه الذهب وعلى رأسهم النعيمه وسامي والثنيان وبقية الكوكبه .

غريبه لك 30 سنه وانت تتابع الهلال وملاحظت غيابه الى دام 13 سنه
عمومآ الهلال مستمر والنجوم في تدفق والازال للبطولات بقيه مع النجوم الواعده
يعطيك العافيه

حبيبي BMW انا أتكلم عن 1397هـ ومابعدها وبعدين الهلال غاب عن البطولات 12 سنة وليست 13 سنة كما يردد الإعلام وهي الفترة من 1385هـ إلى 1396هـ وهي مسماه عندي العقد المظلم على وزن العصور المظلمه .فالهلال حقق في عام 1384هـ بطولتي كاس الملك وولي العهد وانقطع 12 سنة وعاد في عام 1397هـ وحقق أول بطولة دوري ممتاز ومن هذا التاريخ لم يغيب الهلال عن البطولة أكثر من موسم واحد ... تحياتي للجميع .

الهلال كيان وليس لاعب من يوم تغيرت قناعات الجماهير رحنا فيها صار الكلام عن النجوم اكثر من الفريق

والله انا خايف على الهلال من رحيل سامي
أ
وماتوقع يتأثـر الهلال

هذا انتم تبخسون بكيان الهلال
الهلال هويجيب الاعبين موالاعب يجيب النااادي

يعطيك العافيه . بس أتمناء بقاء الأسطوره سامي الجابر

هــــــــــــلالـــــــي مــــــــــــــوت

إقتباس الرسالة الأصلية كتبت بواسطة BMW غريبه لك 30 سنه وانت تتابع الهلال وملاحظت غيابه الى دام 13 سنه عمومآ الهلال مستمر والنجوم في تدفق والازال للبطولات بقيه مع النجوم الواعده يعطيك العافيه

يا نــاس الادامي هذا ما ارتحت له والعلم عند الله اتوقع انه ( مندس ) والي يشك في كلامي عليه مراجعة ردود ومواضيع هذا العضو ,,

ألــف شكر لكـ يا صاحب الموضوع ,,

الهلال باقي حتى بعد اعتزال سامي الجابر
لو الهلال يعتزل كل لعيبته يبقى هو الزعيم

الله يستر على الهلال من نقص النجوم

الضلع الهلالي شكلك تبيني أخربها معك الظاهر انك مع الخيل ياشقرا ومع وراهم وراهم معاهم معاهم ... علشاني أنتقدت سامي صرت مندس يالبزر ... ولمعلوميتك رئيس الشبكة وأغلب أعضاء الشبكة يعرفوني زين . معاك الآدمي عزالعرب والظاهر شكلك غاير من إسمي أيها الضلع الأعوج .

حنا يوم نطالب سامي بالاستمرار لأننـا مستحيل نتحمل فرقاه بس مو لأن الهلال مارح يسوي شي بدونه لا والله
الهلال اعتزل صالح والمصيبيح ويوسف وما تأثر فيهم ومارح يتأثر انشالله بأعتزال سامي
ترى فيه فرق بين الهلال والنصر والشاطر يفهم

يا حبيلك ياسامي

إقتباس الرسالة الأصلية كتبت بواسطة عزالعرب السبيعي الضلع الهلالي شكلك تبيني أخربها معك الظاهر انك مع الخيل ياشقرا ومع وراهم وراهم معاهم معاهم ... علشاني أنتقدت سامي صرت مندس يالبزر ... ولمعلوميتك رئيس الشبكة وأغلب أعضاء الشبكة يعرفوني زين . معاك الآدمي عزالعرب والظاهر شكلك غاير من إسمي أيها الضلع الأعوج .

ترى الرجال ما يقصدك لانه موجه كلامه ل BMW