][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][ - نادي الهلال السعودي - شبكة الزعيم

PUYOL Carles · #1 07/04/2008, 06:43 AM

بالنسبه الى وضع التشكيله ياسليمان ..

اينييستا الموسم الماضي لعب في مرات عديده في مركز ميسي على الطرف الأيمن .. ولعب هالموسم في الكلاسيكو .. يسوي شغل مو مايسوي .. لكن فرق كبير عن أداءه في باقي المراكز ..

خط الوسط تعبان ومافيه عنصر بناء الهجمه السلسه والسريعه .. يعني لو وضعنا اينييستا على الطرف الأيمن مااشوفه راح يسوي شئ .. وبيطلع سئ مثل ماطلع في الكلاسيكو .. لأن الوسط تعبان جدا ..

خط الوسط يبكي على فراق ديكو .. ووجود اينييستا فيه يخفف هالأحزان .. لكن لو نشيل اينييستا من الوسط راح يكون اسوأ ..

وضع ثلاثي الهجوم قابل يتغير في مرات عديده .. مره هذا يغير ومره هذا يبدل وهكذا .. ايتو ممكن يكون راس حربه افضل .. لكن هو حل مؤقت لحين عودة ميسي .. وبويان اشوف بدأ الارهاق ياخد منه .. ولهذا وضعه في مركز يكون فيه الشغل اقل عليه ممكن افضل .. خصوصا لخشونة الفريق المنافس ..

لكن شي جيد اننا ماستقبلنا أي هدف .. يعني في جانب ايجابي .. وشي جيد خلقنا فرص تسجيل والدليل ثلاث عارضات .. وصدة ابوندنزييري لكرة قابي ميليتو اللي من الركنيه ..

لكن احيانا .. كرة القدم كذا .. وهذا قضاء وقدر .. مومكتوب لك تفوز .. ولامكتوب الكره تدخل هدف .. مولازم تكون سئ الى هذه الدرجه بسبب تعادل ..

كان ودي يكونو جماهير الكامب نو اكثر واقعيه .. كانت فيه مباريات قبل تستاهل المناديل البيضاء .. مثل مباراة فياريال ..

لكن وش نقول .. الشي اذا زاد عن حده انقلب ضده .. صار لنا كم مافرحنا .. مانستاهل احنا كل هذا .. وممكن هالشي الا يحرك احاسيسهم ..

Hilali 3asal · #2 07/04/2008, 09:46 AM

غلاف السبورت ليوم الاثنين

الـمـنـاديـل

Hilali 3asal · #3 07/04/2008, 09:52 AM

تقييم اللاعبين من صحيفة السبورت

حصل الفريق على متوسط عام للأداء في المباراة ( 5.2 ) واختير الحارس فالديز كأفضل لاعب في المباراة برصيد سبع نقاط .

جميع اللاعبين حصلوا على ( 5 ) نقاط ماعدا هنري وماركيز هم الأقل برصيد ( 4 ) نقاط .

السبورت

Hilali 3asal · #4 07/04/2008, 10:07 AM

هاردلك على التعادل وضياع ثلاث نقاط كان الفريق يستحقها بناء على الفرص الضائعة اللي وقف القائم لها بالمرصاد .

الشي الايجابي في المباراة هو خط الدفاع اللي كان في مستوى جيد وتركيز عالي وخاصة في منطقة عمق الدفاع ، ولكن المشكلة كانت في خط الهجوم ... ايتو وهنري لم يقدموا المستوى المطلوب وبوجان لاعب مجتهد لكن من الصعب انك تعتمد عليه كرأس حربة صريح وهذا خطأ من اللاعبين والمدرب رايكارد والمفروض كان يطالب ثلاثي الهجوم بالتحرك وتبادل الادوار وخاصة ايتو وبوجان ... ايتو لاعب خطير ووجوده داخل منطقة الجزاء يربك المدافعين وبوجان لاعب نشيط وسريع والاستفادة منه على الاطراف تكون اكبر .

الفارق سبع نقاط وباقي سبع مباريات والوضع في الليغا يزداد صعوبة والمطلوب التركيز اكبر على دوري الابطال وقد تكون الفرصة الاخيرة لبرشلونه لتحقيق لقب هذا الموسم .

بالتوفيق للفريق في مباراة شالكه .

Hilali 3asal · #5 07/04/2008, 10:54 AM

أكثر من 300 مشجع انتظروا بعد المباراة خروج الرئيس لابورتا وطالبوه بالرحيل والاستقالة من رئاسة النادي من خلال الهتافات المتكررة ( ارحل يا لابورتا ) ( برشلونه نعم ... لابورتا لا ) .

المنظر يتكرر للمرة الاولى في برشلونه منذ آخر مرة انفجر فيها غضب الجماهير بالمدرجات وكان ذلك قبل خمس سنوات وتحديدا في صيف عام 2003 عندما رفعت الجماهير الكاتالونية المناديل في المدرجات وطالبت برحيل الرئيس خوان غاسبارت والذي جاء بعده الرئيس الحالي لابورتا وهو الآن يواجه نفس الأمر من الجماهير فهل سيواصل في رئاسة النادي ام يرحل كما فعل سلفه ؟؟

الموندو